scorecardresearch

சென்னையில் இடிக்கப்படும் முக்கிய மேம்பாலம்: 3 ஆண்டுகளுக்கு போக்குவரத்து பாதிப்பு

போக்குவரத்து இடையூறு இல்லாத வகையில் மெட்ரோ பணி தொடங்குவதற்கு முன்னதாக இந்த பாலம் இடிக்கப்படும் என்று கூறப்பட்டுள்ளது.

சென்னையில் இடிக்கப்படும் முக்கிய மேம்பாலம்: 3 ஆண்டுகளுக்கு போக்குவரத்து பாதிப்பு

சென்னையில் மெட்ரோ ரயில் பணிக்காக அடையாறு மற்றும் ராயப்பேட்டையில் உள்ள இரண்டு மேம்பாலங்கள் இடிக்கப்பட உள்ளதாக அறிவிக்கப்பட்டுள்ளது.

சென்னை மெட்ரோ ரயில் திட்டத்தின் முற்கட்ட பணிகள் முடிந்து மெட்ரோ ரயில்கள் இயக்கப்பட்டு வரும் நிலையில், தற்போது 2-ம் கட்ட பணிகள் தொடங்கப்பட்டுள்ளது. இதில் பாதாள மெட்ரோ ரயில் பாதை அமைக்க உள்ளதால், அடையாறு சந்திப்பில் உள்ள மேம்பாலமும், ராதாகிருஷ்ணன் சாலை – ராயப்பேட்டை சந்திப்பில் உள்ள மேம்பாலமும் இடிக்கப்படும் என்று தெரிவிக்கப்பட்டுள்ளது.

அடையாறு மற்றும் ராயப்பேட்டை ஹை ரோட்டில் மெட்ரோ ரயில் லிமிடெட்டின் (சிஎம்ஆர்எல்) 118.9 கிமீ 2 ஆம் கட்ட திட்டத்தின் கீழ் ₹61,843 கோடி செலவில் பாதாள மெட்ரோ ரயில் நிலையம் அமைக்கும் பணி 4 ஆண்டுகள் நடைபெற உள்ளது. இதன் காரணமாக அடையாறு மேம்பாலம் இடிக்கப்படும் என்றும், போக்குவரத்து இடையூறு இல்லாத வகையில் மெட்ரோ பணி தொடங்குவதற்கு முன்னதாக இந்த பாலம் இடிக்கப்படும் என்று கூறப்பட்டுள்ளது.

மேலும் இடிக்கப்பட்ட பாலத்திற்கு மாற்றாக புதிய இருவழி மேம்பாலம் கட்டப்படும் என்றும், மேம்பாலம் இடிக்கப்பட்ட பின்னர் இப்பகுதியில் 4 வழிச்சாலை மேம்பாலம் அமைக்கப்படும் என்றும் அதிகாரிகள் தெரிவித்துள்ளனர். தற்போது, அடையாறு சந்திப்பில் தண்டு அமைக்கும் பணி தொடங்கியுள்ளது. ஸ்டேஷன் பாக்ஸ் பாதி முடிந்ததும், நாங்கள் இரண்டு வழி சாலை மேம்பாலத்தை (மேம்பாலத்தின் தற்போதைய கையை ஒட்டிய ஃபோர்டிஸ் மலர் மருத்துவமனைக்கு அருகில்) கட்டத் தொடங்குவோம், ”என்று ஒரு அதிகாரி தெரிவித்துள்ளார்.

மேலும் இந்த பணிகள் “அடுத்த ஆண்டு இறுதிக்குள் தொடங்கும் என்றும், இருவழிப் பாதையை உருவாக்க ஒரு வருடம் ஆகும். அது முடிந்ததும், மேம்பாலத்தில் இருக்கும் சில தூண்களை இடிப்போம். இதனால், போக்குவரத்து பாதிக்கப்படாது. அடையாறு பகுதியில் பாதாள மெட்ரோ ஸ்டேஷன் அமைக்கும் பணி முடிந்ததும், இந்த மேம்பாலத்தை மீண்டும் கட்டுவோம். அதன்பின் மேம்பாலத்தில் நான்கு வழிப்பாதை போக்குவரத்தை மேற்கொள்ள முடியும் என்றும் தெரிவித்துள்ளார்.

அதேபோல் ராயப்பேட்டை ஹை ரோட்டில் – டாக்டர். ராதாகிருஷ்ணன் சாலை சந்திப்பில், பாதி மேம்பாலம் இடிக்கப்பட உள்ளதாகவும், இதன் காரணமாக மூன்று ஆண்டுகளுக்கு வாகன போக்குவரத்து தடை செய்யப்படும் என, அதிகாரிகள் கூறியுள்ளனர். மெட்ரோ ஸ்டேஷன் கட்டப்பட்ட பிறகு (தமிழ்நாடு மின்சார வாரிய அலுவலகத்தில் இருந்து ராயப்பேட்டை வரை) இந்த பகுதி மீண்டும் மாற்றியமைக்கப்படும் என்றும் தெரிவித்துள்ளனர்.

இந்த இரண்டு மேம்பாலங்களின் ஒரு பகுதியை இடிக்காமல் இந்த இரண்டு இடங்களிலும் பாதாள ரயில் நிலையம் அமைக்க முடியாது என்று சிஎம்ஆர்எல் (CMRL) அதிகாரிகள் தெரிவித்தனர். இந்த பகுதியில் நடத்தப்பட்ட ஆய்வுக்கு பிறகு, கிரேட்டர் சென்னை மாநகராட்சி மற்றும் மாநில அரசு அதிகாரிகளுடன் கலந்துரையாடிய பிறகு இறுதி முடிவு எடுக்கப்பட்டதாக கூறப்பட்டுள்ளது.

அடையாறு மற்றும் டாக்டர் ராதாகிருஷ்ணன் சாலை மெட்ரோ ரயில் ஸ்டேஷன்களின் 2 கட்ட திட்டத்தின் கீழ் 45.8-கிமீ மாதவரம்-சிறுசேரி வழித்தடத்தின் கீழ் வருகின்றன.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil/

Stay updated with the latest news headlines and all the latest Tamilnadu news download Indian Express Tamil App.

Web Title: Tamil nadu chennai metro work adyar and royapettah flyover razeing

Best of Express