தமிழக காங்கிரஸ் புதிய தலைவர் ஜோதிமணி? தீவிர பரிசீலனையில் மேலிடம்

தமிழ்நாடு காங்கிரஸ் கமிட்டியின் தலைமையை மாற்றுவது குறித்து அகில இந்திய காங்கிரஸ் கமிட்டி ஆலோசித்து வருகிறது. இரண்டு வாரங்களுக்கு முன்பு புதுச்சேரி, குஜராத், டெல்லி-ஹரியானா மற்றும் மும்பையில் இதேபோன்ற மறுசீரமைப்புகளுக்குப் பிறகு இது வருகிறது.

தமிழ்நாடு காங்கிரஸ் கமிட்டியின் தலைவர் கே.எஸ்.அழகிரி ஞாயிற்றுக்கிழமை மாலை புதுடெல்லி சென்றடைந்த நிலையில், அந்த பதவிக்கான தீவிர முயற்சியில் ஈடுபட்டு வரும் அக்கட்சியின் மக்களவை எம்.பி கார்த்தி சிதம்பரம், ராகுல் காந்தியை சந்திக்க திங்கள்கிழமை தலைநகருக்கு வரவுள்ளார்.

தமிழ்நாடு காங்கிரஸ் கமிட்டியின் தலைமை மாற்றம் பரிசீலனையில் உள்ளது, என்று பெயர் தெரியாத காங்கிரஸ் மூத்த தலைவர் ஒருவர் டெல்லியில் தெரிவித்தார்.

கட்சி தலைமையிடம் தனது விருப்பத்தை தெரிவித்துள்ளதாக கார்த்தி கூறினார். எனக்கு வேலை வேண்டும் என்பதை நான் தெளிவுபடுத்தியுள்ளேன். என்னிடம் உறுதியான திட்டங்கள் உள்ளன. தமிழகத்தில் கட்சியை வலுப்படுத்த அனைத்து முயற்சிகளையும் மேற்கொள்ள எனக்கு நேரமும் சக்தியும் உள்ளது, என்று அவர் டைம்ஸ் ஆஃப் இந்தியா நாளிதழுக்கு அளித்த பேட்டியில் கூறினார்.

இதனிடையே தமிழ்நாடு காங்கிரஸ் கமிட்டியின் தலைவராக ஐந்தாவது ஆண்டாக பதவி வகித்து வரும் அழகிரிக்கு நெருக்கமான வட்டாரங்கள், தலைமை மாற்றம் குறித்த பேச்சை "வதந்திகள்" என்று நிராகரித்துள்ளனர். இந்தப் பேச்சு கொஞ்ச நாளாகவே நடந்து கொண்டிருக்கிறது. மற்ற மாநிலங்களுக்கு மாற்றத்தை ஏற்படுத்திய தலைமை ஏன் தமிழகத்திற்கு மாற்றத்தை அறிவிக்கவில்லை" என்கிறார் அழகிரிக்கு நெருக்கமான வட்டாரங்கள் கூறின.

அழகிரி அக்டோபர் 2018 இல் தமிழ்நாடு காங்கிரஸ் கமிட்டியின் தலைவராக பொறுப்பேற்றார்.

மக்களவை எம்பி எஸ் ஜோதிமணி, அகில இந்திய காங்கிரஸ் கமிட்டியின் செயலாளர் சி டி மெய்யப்பன், மக்களவை எம்பி ஏ செல்லக்குமார், டிஎன்சிசி செயல் தலைவர் மயூரா ஜெயக்குமார், கர்நாடக முன்னாள் ஐஏஎஸ் அதிகாரி சசிகாந்த் செந்தில் ஆகியோர் இப்பதவிக்கான போட்டியில் உள்ளனர்.

தமிழ்நாடு காங்கிரஸ் கமிட்டியின் தலைமையை மாற்றும் அகில இந்திய காங்கிரஸ் கமிட்டியின் நடவடிக்கையை உறுதி செய்த சசிகாந்த் செந்தில், ’நான் போட்டியில் இருக்கிறேனா இல்லையா என்பது எனக்குத் தெரியாது. டெல்லியில் உள்ள கட்சித் தலைமைக்கு அழைப்பு விடுக்க வேண்டும். எனக்குத் தெரிந்தவரை ஜோதிமணி ஒரு பதவிக்கு வலுவான போட்டியாளர், என்றார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“