Tamil Nadu Latest News: ‘மொழியை திணிக்கும் எண்ணம் மத்திய அரசுக்கு இல்லை’ – மத்திய அமைச்சர் பிரகாஷ் ஜவடேகர்

Tamil Nadu Latest News: பாஜக கூட்டணியில் இருந்த அதிமுக-வினர் யாருக்கும் அமைச்சரவையில் இடம் ஒதுக்கப்படவில்லை. 

Tamil Nadu Latest News live: மக்களவைத் தேர்தலில் வெற்றி பெற்ற பாஜக நேற்று தனது இலாக்காக்களில் இடம் பெறும் அமைச்சர்கள் பட்டியலை வெளியிட்டது.

ஆனால் பாஜக கூட்டணியில் இருந்த அதிமுக-வினர் யாருக்கும் அமைச்சரவையில் இடம் ஒதுக்கப்படவில்லை.

Tamilnadu Latest News:

பாஜக கூட்டணியிலிருந்த அதிமுக தேனி தொகுதியில் மட்டும் வெற்றி பெற்றது. அங்கு வெற்றி பெற்ற ஓபிஎஸ்-ஸின் மகன் ஓ.பி.ரவீந்திரநாத்துக்கு மத்திய அமைச்சர் பொறுப்பு வழங்கப்படும் என கூறப்பட்டது. ஆனால் 30-ம் தேதி பதவியேற்றுக் கொண்ட அமைச்சர்கள் பட்டியலில் அவரின் பெயர் இடம் பெறாதது, அதிமுக தொண்டர்களுக்கு அதிர்ச்சியை ஏற்படுத்தியது.

Live Blog

Tamilnadu Latest News Live Updates தமிழகத்தின் இன்றைய முக்கிய செய்திகள்!

20:55 (IST)01 Jun 2019
மொழியை திணிக்கும் எண்ணமில்லை - பிரகாஷ் ஜவடேகர்

யார் மீதும் எந்த மொழியையும் திணிக்கும் எண்ணம் மத்திய அரசுக்கு இல்லை. அனைத்து இந்திய மொழிகளையும் ஊக்குவிக்கவே விரும்புகிறோம். மக்கள் கருத்துகளை கேட்ட பின்பே கல்விக்குழுவின் வரைவு அமல்படுத்தப்படும் - மத்திய அமைச்சர் பிரகாஷ் ஜவடேகர்.

20:53 (IST)01 Jun 2019
ஓ.பி.எஸ் உறுதி

சென்னை விமான நிலையத்தில தமிழக துணை முதலமைச்சர் ஒ.பன்னீர்செல்வம் நிருபர்களிடம் கூறியதாவது,

ஜெயலலிதா பலமுறை சட்டமன்றத்தில் உறுதியாக சொல்லி இருக்கிறார். அதிமுக அரசை பொறுத்தவரையில் இருமொழி கொள்கை தான். அண்ணா, எம்.ஜி.ஆர்., ஜெயலலிதா வழியில் உள்ள கொள்கை தான் அதிமுக அரசின் உறுதியான கொள்கை முடிவாகும். இவ்வாறு அவர் கூறினார்.

17:25 (IST)01 Jun 2019
தேனி எம்.பி. ஓ.பி.ரவீந்திரநாத் வேண்டுகோள்
17:16 (IST)01 Jun 2019
உடைகளில் கட்டுப்பாடு - தமிழக அரசு

அரசு ஊழியர்கள், பணியாளர்கள் வேட்டி போன்ற தமிழ் கலாசாரம் மற்றும் இந்திய பாரம்பரிய உடைகளை அணிந்து அலுவலகம் வரலாம்; டி-சர்ட் போன்ற சாதாரண உடைகள் அணிவதை தவிர்க்க வேண்டும். பெண் ஊழியர்கள் புடவை, சல்வார் கமீஸ், துப்பட்டாவுடன் சுடிதார் அணிந்து வரலாம் - அரசாணை

16:21 (IST)01 Jun 2019
உலக டிரெண்டிங்கில் 'இந்தி எதிர்ப்பு' ஹேஷ்டேக்

தமிழகத்தில் இந்தி திணிப்பை மேற்கொள்ளக்கூடாது என #StopHindiImposition என்ற ஹாஷ்டேக் இந்திய அளவில் முதல் இடத்திலும் உலகளவில் 3வது இடத்திலும் ட்விட்டரில் டிரெண்டிங்கில் உள்ளது.

15:47 (IST)01 Jun 2019
தாய்மொழி தான் அவசியம் - நல்லகண்ணு

மும்மொழிக் கொள்கை என்ற பெயரில் இந்தி திணிப்பை ஏற்க முடியாது; இது வன்மையாக கண்டிக்கக் கூடியது. தாய்மொழி தான் அவசியம், அதை சீர்குலைக்கும் நடவடிக்கையை கைவிட வேண்டும் என நல்லகண்ணு தெரிவித்துள்ளார்.

13:00 (IST)01 Jun 2019
பால் விலை உயர்வு

பால் விலையை உயர்த்துவது குறித்து பரிசீலனை நடைபெற்று வருவதாக பால் வளத்துறை அமைச்சர் ராஜேந்திர பாலாஜி தெரிவித்துள்ளார். 

12:37 (IST)01 Jun 2019
இந்தி திணிப்பு - வைரமுத்து

இந்தி பேசாத மக்கள் விரும்பும் வரை இந்தியை திணிக்கக் கூடாது என்று நேரு கூறியதை மத்திய அரசு கடை பிடிக்க வேண்டும் - கவிஞர் வைரமுத்து..

12:04 (IST)01 Jun 2019
காங்கிரஸ் மீட்டிங்

நாடாளுமன்ற மைய அறையில் நடைபெற்ற காங்கிரஸ் எம்.பிக்கள் கூட்டத்தில், காங்கிரஸ் நாடாளுமன்ற குழு தலைவராக சோனியா காந்தி ஒருமனதாக தேர்வு செய்யப்பட்டார். 

12:01 (IST)01 Jun 2019
சோனியா காந்தி தேர்வு

காங்கிரஸ் நாடாளுமன்ற குழு தலைவராக சோனியா காந்தி தேர்வு செய்யப்பட்டுள்ளார். 

11:31 (IST)01 Jun 2019
நான் இந்திப் படத்தில் நடித்தவன்

நான் இந்தி படத்தில் நடித்தவன்; எதையும் திணிக்க கூடாது என்பது என்னுடைய கருத்து, விருப்பமுள்ளவர்கள் எதை வேண்டுமானாலும் கற்றுக் கொள்ளலாம் - கமல் 

10:48 (IST)01 Jun 2019
பழனி முருகன் கோயிலில் ரயில் சேவைகள் நிறுத்தம்

பழனி முருகன் கோவில் பக்தர்கள் செல்லும் வின்ச் என அழைக்கப்படும் முதலாவது மின் இழுவை ரயில் மட்டும் பராமரிப்பு பணியின் காரணமாக வரும் திங்கள்கிழமை , அதாவது 3 ம் தேதி முதல் சுமார் 45 நாட்களுக்கு சேவை நிறுத்தம் என கோவில் நிர்வாகம் அறிவிப்பு

10:28 (IST)01 Jun 2019
Tamilnadu news: அதிமுக பற்றி கமல்

அமைச்சரவை விரிவாக்கத்தின் போது தமிழகத்திற்கு வாய்ப்பு கிடைக்கும் என்று அமைச்சர் பாண்டியராஜன் கூறுவது, தேர்தல் வாக்குறுதி போல் உள்ளது - கமல்

Tamilnadu Latest News Live Updates: தமிழகத்தில் இன்றைய அரசியல் செய்திகள், பொது விஷயங்கள், பிரபலங்களின் பேட்டிகள் ஆகியவற்றை இங்கே உடனுக்குடன் தெரிந்துக் கொள்ளுங்கள்.

 

Web Title:

Tamil nadu latest news live

The moderation of comments is automated and not cleared manually by tamil.indianexpress.com.
×Close
×Close