scorecardresearch

10 புதிய அரசு கலை, அறிவியல் கல்லூரிகள்: அமைச்சர் பொன்முடி அறிவிப்பு!

Higher education Minister Ponmudi announces 10 new Arts and Science colleges to be started Tamil News: திருச்சுழி, திருக்கோவிலூர், ஏரியூர், ஒட்டன்சத்திரம், தாராபுரம், ஆலங்குடி, கூத்தாநல்லூர், சேர்காடு, தாளவாடி, மானூர் ஆகிய 10 இடங்களில் அரசுக் கலை மற்றும் அறிவியல் கல்லூரிகள் தொடங்கப்படும் என்று அமைச்சர் பொன்முடி அறிவித்துள்ளார்.

Tamil Nadu news in tamil: TN Government announces 10 new Arts and Science colleges

Higher education Minister Ponmudi Tamil News: தமிழ்நாடு சட்டசபை பட்ஜெட் கூட்டத் தொடரில் ஒவ்வொரு துறை வாரியாக மானியக் கோரிக்கை மீதான விவாதம் நடைபெற்று வருகிறது. இதில் நேற்று (ஆக.26) உயர் கல்வி மற்றும் பள்ளிக் கல்வித்துறை மானியக் கோரிக்கை மீதான விவாதம் நடைபெற்றது. அப்போது பேசிய உயர்கல்வித்துறை அமைச்சர் பொன்முடி, தமிழகத்தில் புதிதாக 10 அரசு கலை, அறிவியல் கல்லூரிகள் அமைக்கப்படும் என்று குறிப்பிட்டார்.

இதுதொடர்பாக தமிழக சட்டசபையில் அமைச்சர் பொன்முடி பேசியதாவது:-

“விருதுநகர் மாவட்டத்தில் உள்ள திருச்சுழி, கள்ளக்குறிச்சியில் திருக்கோவிலூர், ஈரோட்டில் தளவாடி, திண்டுக்கல்லில் ஒட்டன்சத்திரம், திருநெல்வேலியில் உள்ள தனுபுரம், தர்மபுரியில் எரியூர், புதுக்கோட்டையில் அழகூர் மற்றும் வேலூரில் சேர்காடு ஆகிய 10 இடங்களில் புதிய அரசு கலை, அறிவியல் கல்லூரிகள் அமைக்கப்படும்.

மாணவர்களின் சேர்க்கையை அதிகரிப்பது மற்றும் அனைத்துப் பகுதிகளிலும் சமமாக உயர்கல்வியை வழங்குவதே நோக்கம். ஏற்கனவே உள்ள கல்லூரிகளில் மாணவர் உட்கொள்ளலை 25% அதிகரிக்க அரசாங்கம் ஏற்கனவே முடிவு செய்துள்ளது.

17 கல்லூரிகளில் தற்போதுள்ள டிஜிட்டல் நூலகங்களை ரூ. 85 லட்சம் செலவில் மேம்படுத்தப்படும். சென்னையில் வியாசர்பாடி, தர்மபுரி, பரமக்குடி, அரியலூர், முசிறி, விழுப்புரம், சிவகங்கை, கும்பகோணம், திண்டுக்கல் மற்றும் திருநெல்வேலிஆகிய இடங்களில் உள்ள நூலகங்களை புதிய டிஜிட்டல் நூலகங்கள் அமைக்கப்படும்.

அரசு கல்லூரிகள் தற்காலிக கட்டிடங்களிலிருந்து செயல்படுவதால், முதல் கட்டமாக ஏற்கனவே தொடங்கப்பட்ட 13 கல்லூரிகளில் நான்கு புதிய கட்டிடங்களை அரசாங்கம் கட்டும். சங்கரன்கோவில், ஜம்புகுளம், வானூர் மற்றும் ஆலங்குடியில் உள்ள கல்லூரிகளுக்கான கட்டிடங்கள். 45.32 கோடி செலவில் கட்டப்படும்.

செங்கல்பட்டு, சேலம், கோவை, நாமக்கல், திருச்சி, திண்டுக்கல், கும்பகோணம், நந்தனம், திருப்பூர் அரசு கலைக் கல்லூரிகளில் ஆராய்ச்சிப் பாடப் பிரிவு தொடங்கப்பட உள்ளது. மேலும், வெவ்வேறு பாடப் பிரிவுகளிலிருந்து 100 பாடப் புத்தகங்களை தமிழில் மொழிபெயர்க்க ரூ. 2 கோடி ஒதுக்கப்பட உள்ளது.

தமிழ் வழியில் பயின்ற மாணவர்களுக்கு அரசு வேலைகளில் 20% இடஒதுக்கீடு செய்யப்படும். சிவில் இன்ஜினியரிங் மற்றும் மெக்கானிக்கல் இன்ஜினியரிங் டிப்ளமோ படிப்புகள் அடுத்த ஆண்டு முதல் தமிழில் தொடங்கப்படும்.

மற்ற படிப்புகளுக்கும் படிப்படியாக தமிழில் தொடங்கப்படும். சாலை மற்றும் போக்குவரத்து தொழில்நுட்ப நிறுவனம் ஈரோடு அரசு பொறியியல் கல்லூரியாக மாற்றப்படும். போக்குவரத்து கழக ஊழியர்களின் குழந்தைகள் இந்த கல்லூரியில் 35% இட ஒதுக்கீடு பெறுவார்கள்.

இவ்வாறு தமிழக சட்டசபையில் அமைச்சர் பொன்முடி கூறியுள்ளார்.

தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil

Stay updated with the latest news headlines and all the latest Tamilnadu news download Indian Express Tamil App.

Web Title: Tamil nadu news in tamil tn government announces 10 new arts and science colleges