Tamil Nadu news today updates : 10 சதவிகித இட ஒதுக்கீடு விவகாரம்... 16 கட்சிகள் எதிர்ப்பு, 5 கட்சிகள் ஆதரவு!

"பொருளாதார ரீதியான இட ஒதுக்கீடு சமூக நீதிக்கு குந்தகம் விளைவிப்பதாக இருக்கும் என மநீம உறுதியாக நம்புகிறது. 10% இட ஒதுக்கிட்டை தமிழக அரசு நடைமுறைப்படுத்தக்கூடாது" என மக்கள் நீதி மய்யம் கட்சியின் தலைவர் கமல்ஹாசன் கடும் எதிர்ப்புத் தெரிவித்துள்ளார்.

"69% இடஒதுக்கீட்டிற்கு பாதிப்பு ஏற்படாமல் 10% இடஒதுக்கீடு வழங்குவதை தமிழக காங்கிரஸ் ஆதரிக்கிறது" என சென்னையில் நடக்கும் அனைத்துக்கட்சி கூட்டத்தில் தமிழக காங். கமிட்டி தலைவர் கே.எஸ்.அழகிரி கருத்து தெரிவித்துள்ளார்.

தமிழகத்தில் அமலில் உள்ள 69% இடஒதுக்கீட்டுக்கு பாதிப்பில்லாமல், பொருளாதாரத்தில் நலிவுற்ற பொதுப்பிரிவினருக்கு 10% இடஒதுக்கீட்டினை செயல்படுத்தலாம் என 10 சதவிகித இட ஒதுக்கீடு குறித்து அனைத்துக் கட்சிக் கூட்டத்தில் மார்க்சிஸ்ட் கருத்து தெரிவித்துள்ளது.

இந்திய அரசியல் அமைப்புச் சட்டத்திற்கு எதிராக 10% இட ஒதுக்கீடு கொண்டுவரப்படுகிறது. மருத்துவ படிப்பில் 25 சதவீதம் தருகிறோம் என்பதை நம்பி, 10 சதவீத இடஒதுக்கீட்டை ஏற்கக் கூடாது என ஸ்டாலின் தெரிவித்துள்ளார்.

'கல்வி மற்றும் வேலைவாய்ப்பில் 69% இட ஒதுக்கீடு என்பதை தமிழக அரசு தொடர்ந்து கட்டிக் காத்து வருகிறது' என அனைத்துக் கட்சிக் ஆலோசனைக் கூட்டத்தில் துணை முதல்வர் ஓ.பன்னீர் செல்வம் தெரிவித்துள்ளார். 

"காமராஜர், அண்ணா, கருணாநிதி, ஜெயலலிதா என யாருமே இட ஒதுக்கீட்டில் சமரசம் செய்ததில்லை, பொருளாதாரத்தில் நலிந்த முற்பட்ட வகுப்பினருக்கு 10% இடஒதுக்கீடு அரசியல் சாசனத்திற்கு எதிரானது" என்று அனைத்துக்கட்சி கூட்டத்தில் மு.க.ஸ்டாலின் தெரிவித்துள்ளார்.

அனைத்துக் கட்சிக் கூட்டத்தில் கலந்து கொண்டிருக்கும் தலைவர்களின் விவரம் பின் வருமாறு: 

திமுக - மு.க.ஸ்டாலின், பொன்முடி

மக்கள் நீதி மய்யம் - கமல்ஹாசன்

பாஜக - தமிழிசை சௌந்திரராஜன்

காங்கிரஸ் - போபண்ணா

விசிக - திருமாவளவன், ரவிக்குமார்

மதிமுக - மல்லை சத்யா

கிருஷ்ணகிரி கெலவரப்பள்ளி அணையிலிருந்து புன்செய் பாசனத்திற்காக வரும் 12ம் தேதி முதல் டிசம்பர் 12 வரை தண்ணீர் திறந்துவிட முதலமைச்சர் பழனிசாமி உத்தரவிட்டுள்ளார்.

பொருளாதாரத்தில் பின்தங்கிய முன்னேறிய வகுப்பினருக்கு 10 சதவீத இட ஒதுக்கீடு வழங்குவது குறித்து விவாதிக்க துணைமுதல்வர் பன்னீர்செல்வம் தலைமையில் இன்று மாலை அனைத்து கட்சிக்கூட்டம் துவங்கியது. இந்த கூட்டத்தில் பங்கேற்க, மக்கள் நீதிமய்யம் கட்சி தலைவர் கமல்ஹாசன் வருகை தந்துள்ளார்.

அனைத்து கட்சி கூட்டத்திற்கு திராவிடர் கழகத்திற்கு அழைப்பு விடுக்கப்பட்டுள்ள நிலையில், அதன் தலைவர் வீரமணி வருகை தந்துள்ளார். தினகரன் தலைமையிலான அமமுக கட்சிக்கு அழைப்பு விடுக்கப்படவில்லை 

பொருளாதாரத்தில் பின்தங்கிய முன்னேறிய வகுப்பினருக்கு 10 சதவீத இட ஒதுக்கீடு வழங்குவது குறித்து விவாதிக்க துணைமுதல்வர் பன்னீர்செல்வம் தலைமையில் இன்று மாலை அனைத்து கட்சிக்கூட்டம் துவங்கியது.திமுக, மக்கள் நீதிமய்யம், பாமக, காங்கிரஸ், கம்யூனிஸ்ட், தமிழ் மாநில காங்கிரஸ் உள்ளிட்ட 21 கட்சிகளுக்கு அழைப்பு விடுக்கப்பட்டுள்ளது. திராவிட கழகத்திற்கு அழைப்பு விடுக்கப்பட்டுள்ளது குறிப்பிடத்தக்கது. இந்த கூட்டத்தில் முதல்வர் பழனிசாமி பங்கேற்காததால், துணை முதல்வர் தலைமையில் கூட்டம் நடைபெற உள்ளது குறிப்பிடத்தக்கது.

பொருளாதாரத்தில் பின்தங்கிய முன்னேறிய வகுப்பினருக்கு 10 சதவீத இட ஒதுக்கீடு வழங்குவது குறித்து விவாதிக்க தமிழக முதல்வர் பழனிச்சாமி தலைமையில் இன்று மாலை அனைத்து கட்சிக்கூட்டம் நடக்கிறது. இந்த கூட்டத்தில் பங்கேற்க 21 கட்சிகளுக்கு அழைப்பு விடுக்கப்பட்டுள்ளது.  மக்கள் நீதி மய்யம் கட்சிக்கு அழைப்பு விடுக்கப்பட்டுள்ளதால், அதன் தலைவர் கமல்ஹாசன், இக்கூட்டத்தில் கலந்துகொள்ள உள்ளார்.

நடிகர் சங்க தேர்தலில் பதிவான வாக்குகளை எண்ண அனுமதிக்க வேண்டும் என்று நடிகர் சங்க முன்னாள் பொதுச்செயலாளர் விஷால், சென்னை உயர்நீதிமன்றத்தில் மனுதாக்கல் செய்திருந்தார். இந்த மனுவை விசாரித்த நீதிபதிகள், வாக்குகளை எண்ண மறுப்பு தெரிவித்து, விஷாலின் கோரிக்கையை நிராகரித்து உத்தரவிட்டனர்.

கடந்த மாதம் 23ம் தேதி, நடிகர் சங்க தேர்தல் நடைபெற்றது குறிப்பிடத்தக்கது.

பொருளாதாரத்தில் பின்தங்கிய முன்னேறிய வகுப்பினருக்கு 10 சதவீத இட ஒதுக்கீடு வழங்குவது குறித்து விவாதிக்க தமிழக முதல்வர் பழனிச்சாமி தலைமையில் இன்று மாலை அனைத்து கட்சிக்கூட்டம் நடக்கிறது. இதில் முக ஸடாலின் உள்ளிட்ட தலைவர்கள் கலந்து கொள்ள உள்ள நிலையில், மக்கள் நீதி மய்யம் கட்சி தலைவர் கமல்ஹாசனும் கலந்துகொள்ள உள்ளதாக தகவல்கள் வெளியாகியுள்ளன. கமல் கட்சிக்கும் அழைப்பு விடுக்கப்பட்டுள்ளதாக அமைச்சர் ஜெயக்குமார் தெரிவித்திருந்தது குறிப்பிடத்தக்கது.

காஞ்சிபுரம் அத்திவரதர் விழாவில் பஙகேற்க பிரதமர் நரேந்திர மோடி,  வரும் 23ம் தேதி காஞ்சிபுரம் வர உள்ளார். பிரதமர் வருகையினால், அன்றைய தினத்தில், பொதுமக்களின் தரிசனத்தில் மாற்றம் இருக்கும் என்று எதிர்பார்க்கப்படுகிறது அத்திவரதரை, தரிசிக்க தினந்தோறும் 1 லட்சத்திற்கும் மேற்பட்ட மக்கள் வருகை தருவது குறிப்பிடத்தக்கது.

முன்னாள் முதல்வர் ஜெயலலிதா வசித்து வந்த வேதா இல்லத்தை, நினைவு இல்லமாக மாற்ற வேண்டியதன் அவசியம் என்ன என்று தமிழக அரசுக்கு, சென்னை உயர்நீதிமன்றம் கேள்வி எழுப்பியுள்ளது.

மாநிலங்களவை தேர்தல், வரும் 18ம் தேதி நடைபெற உள்ளது. இதற்காக அதிமுக, திமுக சார்பில் வேட்பாளர்கள் அறிவிக்கப்பட்டுள்ளனர். அதிமுக சார்பில் அறிவிக்கப்பட்ட முகமது ஜான் மற்றும் சந்திரசேகரன், சட்டசபை செயலாளரும், தேர்தல் அதிகாரியுமான சீனிவாசனிடம் இன்று வேட்புமனு தாக்கல் செய்தனர்.  அப்போது முதல்வர் பழனிசாமி, துணை முதல்வர் பன்னீர்செல்வம் உடனிருந்தனர்.

அதிமுக கூட்டணியின் சார்பில் மாநிலங்களவை உறுப்பினராக அறிவிக்கப்பட்டுள்ள பாமக இளைஞரணி தலைவர் அன்புமணி ராமதாசும், வேட்புமனு தாக்கல் செய்தார்.

தூத்துக்குடி லோக்சபா தொகுதியில் திமுக வேட்பாளர் கனிமொழி பெற்ற வெற்றியை எதிர்த்து பாரதிய ஜனதா கட்சி சார்பில் களம் கண்ட மாநில பா.ஜ. தலைவர் தமிழிசை செளந்தரராஜன், சென்னை உயர்நீதிமன்றத்தில் வழக்கு தொடர உள்ளதாக தகவல்கள் வெளியாகியுள்ளன.

27 மாதங்களாக தீர்மானங்களை கிடப்பில் போட்டிருந்ததாக மத்திய அரசு மீது திமுக எம்.பி டி.ஆர்.பாலு குற்றச்சாட்டு தெரிவித்தார். திமுகவின் கேள்விக்கு அமைச்சர் பதிலளிக்காததால் மக்களவையில் இருந்து திமுக வெளிநடப்பு செய்தது.

தமிழகத்திற்கு காங்கிரஸ் கட்சி துரோகம் இழைத்து விட்டதாக, துணை முதல்வர் பன்னீர்செல்வம் கூறியுள்ளார்.  நீட் தேர்வை கொண்டு வருவதற்காக வாதாடியவர் தான் நளினி சிதம்பரம் என்றும் அவர் மேலும் தெரிவித்துள்ளார்.