இன்றைய செய்திகள் : மார்ச் 9ம் தேதி திமுக எம்எல்ஏக்கள் கூட்டம்

தமிழக ஆளுநர், சென்னைப் பல்கலை. துணைவேந்தரை தேர்வு செய்யும் குழுவிற்குத் தலைவராக, ஜவஹர்லால் நேரு பல்கலை. துணைவேந்தரை நியமித்திருப்பது மோசமான முன்னுதாரணம் - ஸ்டாலின் அறிக்கை

கோதாவரி, காவேரி இணைப்பு தொடர்பான முதல்வர் பழனிசாமியின் கடிதத்தை தெலங்கானா முதல்வர் சந்திரசேகர் ராவை சந்தித்து தமிழக அமைச்சர்கள் எஸ்.பி.வேலுமணி, ஜெயக்குமார் உள்ளிட்டோர் வழங்கினர்.

மு.க.ஸ்டாலின் தலைமையில் அண்ணா அறிவாலயத்தில் மார்ச் 9ஆம் தேதி காலை 11 மணிக்கு திமுக எம்எல்ஏக்கள் கூட்டம் நடைபெறுகிறது

திமுக எம்எல்ஏக்கள் அனைவரும் தவறாமல் கூட்டத்தில் பங்கேற்க வேண்டும் - கொறடா சக்கரபாணி

மக்களவையில் 7 காங்கிரஸ் எம்பிக்களை இடைநீக்கம் செய்தது ஜனநாயக விரோதமானது என்று கே.எஸ்.அழகிரி கண்டனம் தெரிவித்துள்ளார். மேலும், வேளாண் மண்டலத்தால் விவசாய கூலித்தொழிலாளிகளுக்கு ஏதேனும் பலன் கிடைத்துள்ளதா...? என்று கேள்வி எழுப்பியுள்ளார்.

தமிழக சுகாதாரத்துறை: தமிழகத்தில் 54 பேரின் ரத்த மாதிரிகளை பரிசோதனை செய்ததில் கொரோனா தொற்று இல்லை என்பது உறுதி செய்யப்பட்டுள்ளது. 1,243 பயணிகள் தங்களின் வீடுகளிலேயே மருத்துவ கண்காணிப்பில் உள்ளனர் என்று தெரிவித்துள்ளது.

ஈரானில் சிக்கி தவிக்கும் மீனவர்களை மீட்க வேண்டும் என மாநிலங்களவையில் அதிமுக எம்.பி. விஜிலா சத்யானந்த் கோரிக்கை விடுத்துள்ளார்.

அத்துமீறி இந்தியாவுக்குள் தாக்குதல் நடத்த முயற்சித்த பாகிஸ்தான் ராணுவ நிலைகள் மீது இந்தியா பதில் தாக்குதல் நடத்தியுள்ளது.

குப்வாரா எல்லைப் பகுதியில் இருந்து தாக்குதல் நடத்தி பாகிஸ்தானின் முயற்சியை இந்திய ராணுவம் முறியடித்தது.

சென்னை தேனாம்பேட்டையில் காமராஜர் அரங்கம் அருகே நடைபெற்ற வெடிகுண்டு வீச்சு சம்பவம் தொடர்பாக கமருதீன், ராஜசேகர், பிரசாந்த், ஜான்சன் ஆகிய 4 பேர் மதுரை குற்றவியல் நீதிமன்றத்தில் சரணடைந்துள்ளனர்.

மின் கணக்கீட்டாளர்கள் பதவிக்கான ஆன்லைன் தேர்வை தமிழில் நடத்த மின்துறை அமைச்சர் மறுஅறிவிப்பு வெளியிட வேண்டும் என்று திமுக தலைவர் மு.க.ஸ்டாலின் வலியுறுத்தியுள்ளார்.

மக்கள் நீதி மய்யம் கட்சியின் தலைவர் கமல்ஹாசனை பல்வேறு இஸ்லாமிய அமைப்பைச் சேர்ந்தவர்கள் இன்று சந்தித்து ஆலோசனை நடத்தினர்.

மகளிர் டி20 உலகக்கோப்பை கிரிக்கெட் அரையிறுதிப் போட்டியில் தென்னாப்பிரிக்க மகளிர் அணியை 5 ரன்கள் வித்தியாசத்தில் வீழ்த்தியது ஆஸ்திரேலிய அணி.

இறுதிப்போட்டியில் இந்திய அணியை எதிர்த்து விளையா உள்ளது ஆஸ்திரேலிய அணி

நடிகர் ஆனந்தராஜின் சகோதரர்களில் ஒருவரான கனகசபை (55), வீடு அண்ணா சாலையொட்டி திருமுடிநகரில் உள்ளது. வட்டிக்கு பணம் தருவது மற்றும் ஏலச்சீட்டு நடத்தி வந்த கனகசபை திருமணம் செய்து கொள்ளாமல் தனியாக வசித்து வந்தார். இந்த நிலையில், கனகசை விஷம் குடித்து தற்கொலை செய்துகொண்டுள்ளார்.

கொரோனா வைரஸ் பாதிப்பு குறித்து மக்கள் பயப்பட வேண்டாம் என்று மத்திய சுகாதாரத்துறை அமைச்சர் ஹர்ஷவர்தன் கூறிய நிலையில், காங்கிரஸ் எம்.பி. ராகுல் காந்தி தனது ட்விட்டர் பக்கத்தில், “கொரோனா வைரஸ் நெருக்கடியைக் கட்டுக்குள் வைத்திருப்பதாக சுகாதாரத் துறை அமைச்சர் ஹர்ஷவர்தன் கூறுகிறார். அவர் கூறுவது, டைட்டானிக் கப்பல் மூழ்காது; யாரும் பயப்பட வேண்டாம் என்று கேப்டன் தனது பயணிகளுக்குச் சொல்வது போல இருக்கிறது. கரோனா வைரஸ் நெருக்கடியை சமாளிக்க மத்திய அரசு ஒரு நிலையான, உறுதியான திட்டத்தை வழங்க வேண்டிய நேரம் இது” என்று குறிப்பிட்டுள்ளார்.

விருதுநகர் மாவட்டம் சிவகாசியில் பத்திரிகையாளரை தாக்கியதற்கு கண்டனம் தெரிவித்து, திமுகவினர் கண்டன ஆர்ப்பாட்டத்தில் ஈடுபட்டனர்.

கொரோனா வைரஸ் பாதிப்பின் எதிரொலியாக பயோமெட்ரிக் வருகை பதிவுக்கு டெல்லி மாநில அரசு தற்காலிக தடை விதித்துள்ளது.

உளவுத்துறை அதிகாரி அங்கித் சர்மா கொலை வழக்கில் தேடப்பட்ட ஆம் ஆத்மி கவுன்சிலர் தாஹிர் உசேன் நீதிமன்றத்தில் சரணடைந்த நிலையில் டெல்லி போலீஸார் கைது செய்தனர்.

மக்களவை விதிகளுக்கு முரணாக செயல்பட்டதாக கூறி காங்கிரஸ் என்பிக்கள் 7 பேர்களை மக்களவை சபாநாயகர் ஓம் பிர்லா ப்நடவடிக்கை பட்ஜெட் கூட்டத்தொடரில் இருந்து சஸ்பெண்ட் செய்து உத்தரவிட்டுள்ளார்

நிர்பயா பாலியல் வன்கொடுமை கொலை வழக்கு குற்றவாளிகளுக்கு விதிக்கப்பட்ட தூக்கு தண்டனை ஏற்கெனவே 3 முறை நிறுத்திவைக்கப்பட்ட நிலையில் டெல்லி பாட்டியாலா உயர் நீதிமன்றம் குற்றவாளிகள் 4 பேருக்கும் வருகிற 20-ம் தேதி தூக்கு தண்டனை நிறைவேற்ற உத்தரவிட்டுள்ளது.

மக்களவையில் பேசிய திமுக எம்.பி கனிமொழி, புனேவில் இருப்பது போன்று நாட்டின் பல இடங்களிலும் வைராலஜி பரிசோதனை மையம் ஏற்படுத்தப்பட வேண்டும் வலியுறுத்தினார்.

நடிகர் ரஜினிகாந்த் மாவட்ட செயலாளர்களுடன் ஆலோசனை நடத்திய பிறகு செய்தியாளர்களிடம் பேசுகையில், “கட்சி தொடங்குவது பற்றி ஒரு ஆண்டுக்குப் பிறகு மாவட்ட செயலாளர்களை சந்தித்தேன். மாவட்ட செயலாளர்களிடம் நிறைய கேள்வி இருந்தது. அதற்கு எல்லாம் நான் பதில் கொடுத்தேன். நிறைய விஷயங்களை பரிமாறிக்கொண்டோம். அவர்களுக்கு எல்லாம் திருப்தி. ஆனால், ஒரு விஷயத்தில் எனக்கு அவ்வளவு திருப்தி கிடையாது. எனக்கு ஏமாற்றாம்தான். அது என்னவென்று இப்போது சொல்லமாட்டேன். நேரம் வரும்போது சொல்கிறேன்.” என்று கூறினார்.

தமிழகத்தில் உள்ள மருத்துவ கல்லூரிகளில் 85 சதவீத வாய்ப்புகள் தமிழக மாணவர்களுக்குத்தான் வழங்கப்படும் என்று முதல்வர் பழனிசாமி தெரிவித்துள்ளார்.

தனக்கு ஒரு விஷயத்தில் ஏமாற்றம் உள்ளது. அதனை பின்னர் சொல்வதாக நடிகர் ரஜினிகாந்த் தெரிவித்துள்ளார். 

ரஜினி மக்கள் மன்ற மாவட்ட செயலாளர்களுடன் ஆலோசனை நடத்திய நடிகர் ரஜினிகாந்த், போயஸ் கார்டனில் பத்திரிகையாளர்களை சந்தித்தார். அப்போது அவர் கூறியதாவது,  கட்சி தொடங்குவது குறித்து மாவட்ட செயலாளர்களிடம் ஆலோசனை நடத்தினேன். தனக்கு ஒரு விஷயத்தில் ஏமாற்றம் உள்ளது. அதை பின்னர் சொல்வதாக அவர் தெரிவித்தார்.

அதிமுக அரசு, மக்களின் நலனை உணர்ந்து எதிர்கால திட்டங்களை வகுப்பதில் சிறந்து விளங்குவதாக துணை முதல்வர் பன்னீர்செல்வம் தெரிவித்துள்ளார். நாமக்கல் மாவட்டத்தில் புதிய மருத்துவ கல்லூரி அடிக்கல் நாட்டு விழாவில், பன்னீர்செல்வம் இவ்வாறு பேசினார்.

மார்ச் 26ம் தேதி மாநிலங்களவை உறுப்பினர் தேர்தல் நடைபெற உள்ளது. இந்நிலையில்,அதிமுகவிடம் மாநிலங்களவை உறுப்பினர் பதவி தான் கேட்டதாக வந்த வதந்திக்கு பா.ஜ. முன்னாள் மத்திய அமைச்சர் பொன்.ராதாகிருஷ்ணன் மறுப்பு தெரிவித்துள்ளார்.

குடியுரிமை திருத்த சட்டத்திற்கு  எதிராக அனுமதியின்றி போராடுபவர்களை அப்புறப்படுத்த தமிழக காவல்துறை டி.ஜி.பி.க்கு உயர் நீதிமன்றம் உத்தரவு பிறப்பித்துள்ளது. 

திருப்பூரில் குடியுரிமை திருத்த சட்டத்திற்கு எதிராக சட்டவிரோதமாக நடைபெறும் போராட்டங்களை தடுக்க கோரி வழக்கறிஞர் கோபிநாத் உயர்நீதிமன்றத்தில் வழக்கு தொடர்ந்தார். இந்த மனுவை நீதிபதி சுந்தரேஷ் மற்றும் கிருஷ்ணன் ராமசாமி அமர்வு விசாரித்தது. அப்போது, குடியுரிமை திருத்த சட்டத்திற்கு ஆதரவாகவும் எதிராகவும் நடைபெறும் சட்ட விரோத போராட்டங்கள் தொடர்பாக 20 வழக்குகள் பதிவு செய்யப்பட்டுள்ளன என்று காவல்துறை சார்பில் தெரிவிக்கப்பட்டது.  அனுமதியின்றி போராட்டம் நடத்தும் அனைவரையும் அப்புறப்படுத்துமாறு டிஜிபிக்கு நீதிபதிகள் உத்தரவிட்டனர்

நாமக்கல் மாவட்டத்தில் அமைய உள்ள புதிய மருத்துவ கல்லூரிக்கு முதல்வர் பழனிசாமி, துணை முதல்வர் பன்னீர்செல்வம் அடிக்கல் நாட்டினர். இந்த நிகழ்ச்சியில், அமைச்சர்கள், எம்எல்ஏக்கள், அதிகாரிகள் உள்ளிட்டோர் கலந்துகொண்டனர்.

பெண்கள் டி20 உலககோப்பை கிரிக்கெட் தொடரின் இறுதிப்போட்டிக்கு இந்திய அணி முதன்முறையாக தகுதி பெற்றுள்ளது. 

பெண்கள் டி20 உலககோப்பை கிரிக்கெட் தொடர், ஆஸ்திரேலியாவில் நடைபெற்று வருகிறது. முதல் அரையிறுதி போட்டியில், இந்தியா - இங்கிலாந்து அணிகள் இன்று ( 5ம் தேதி) மோதின. மழை குறுக்கிட்டதால், பால் எதுவும் வீசப்படாத நிலையில், போட்டி கைவிடப்படுவதாக அறிவிக்கப்பட்டது. புள்ளிகள் கணக்கில் இந்திய அணி, இறுதிப்போட்டிக்கு தகுதி பெற்றது. 

மற்றொரு அரையிறுதிப்போட்டியில், தென் ஆப்பிரிக்க - ஆஸ்திரேலிய அணிகள் மோத உள்ளன. இதில் ஜெயிக்கும் அணி, இறுதிப்போட்டியில், இந்தியாவை எதிர்கொள்ளும்.

மேற்கு வங்க மாநிலம் முர்ஷிதாபாத்தை சேர்ந்த சுனில் கர்மாகர் என்பவருக்கு  நாய் புகைப்படத்துடன் கூடிய வாக்காளர் அடையாள அட்டை வழங்கப்பட்டது அதிர்ச்சியை ஏற்படுத்தியுள்ளது.

இது தொடர்பாக சுனில் கர்மாகர் கூறியதாவது: என்னை அழைத்த அதிகாரிகள், திருத்தம் செய்த வாக்காளர் அடையாள அட்டையை கொடுத்தனர். அதில், எனது புகைப்படத்திற்கு பதில் நாய் புகைப்படம் இருந்தது. அட்டையில், அதிகாரியும் கையெழுத்திட்டுள்ளார். ஆனால், அவரும் அதனை பார்க்கவில்லை. அதிகாரிகள் எனது கவுரவத்துடன் விளையாடுகின்றனர். இது குறித்து வட்டார வளர்ச்சி அலுவலகத்திற்கு சென்று புகார் கொடுக்க உள்ளேன். இவ்வாறு அவர் கூறினார்.

தமிழகத்தில் கல்வித்துறைக்கு அதிக நிதி ஒதுக்கீடு செய்யப்படுவதாக முதல்வர் பழனிசாமி தெரிவித்துள்ளார். 

நாமக்கல் மாவட்டம் சேந்தமங்கலம் பகுதியில் , உயர்கல்வித்துறை சார்பில் ரூ.7.98 கோடி மதிப்பில் அமைக்கப்பட்டுள்ள புதிய அரசு கலை மற்றும் அறிவியல் கல்லூரியை, முதல்வர் பழனிசாமி திறந்துவைத்தார். பின்னர் அவர் பேசியதாவது, தமிழகத்தில் கல்வித்துறைக்கு அதிக நிதி ஒதுக்கீடு செய்யப்படுகிறது.   தமிழக‌ அரசின் இந்த நடவடிக்கையால் உயர் கல்வி பயிலும் மாணவர்களின் எண்ணிக்கை அதிகரித்துள்ளதாக அவர் கூறினார்.

சென்னையில் பெட்ரோல் நேற்றைய விலையில் இருந்து 16 காசுகள் குறைந்து ஒரு லிட்டர் ரூ.74.07 ஆகவும், டீசல், நேற்றைய விலையில் இருந்து 10 காசுகள் குறைந்து ஒரு லிட்டர் ரூ.67.47 ஆகவும் உள்ளது. இந்த விலை இன்று காலை முதல் அமலுக்கு வந்தது.

ரஜினி மக்கள் மன்றத்தின் மாவட்டச் செயலாளர்கள் மீது தொடர்ந்து புகார்கள் வந்தன. மாவட்டச் செயலாளர்களுக்கும் நிர்வாகிகளுக்கும் ஒற்றுமையில்லாத சூழல் நிலவுவதால், அவர்களை ஒற்றுமையாக செயல்படுமாறு அறிவுறுத்த ரஜினிகாந்த் விரும்பியதாக கூறப்படுகிறது.

இதற்காக மாவட்டச் செயலாளர்கள் 38 பேரும் சென்னைக்கு புறப்பட்டு வருமாறு தொலைபேசியில் அழைக்கப்பட்டுள்ளனர். சென்னை கோடம்பாக்கத்தில் உள்ள ராகவேந்திரா திருமண மண்டபத்தில் அவர்கள் ஒருங்கிணைக்கப்பட்டு, காணொலிக்காட்சி மூலம் ரஜினிகாந்த் பேச ஏற்பாடு செய்யப்பட்டுள்ளது. மாநில அளவில் புதிய நிர்வாகிகள், பூத் கமிட்டிகள் நியமனம் குறித்து ஆலோசிக்கப்படலாம் என்றும், கிராமங்களில் ரஜினி மக்கள் மன்றம் இயங்கும் விதம் குறித்து பேசப்படும் என்றும் தெரிகிறது.