News Highlights: கொரோனா பரிசோதனை புதிய வசதிகள்- மோடி இன்று தொடங்கி வைக்கிறார்

பீகார் மாநிலத்தில் தர்பங்கா, முசாபர்நகர், கோபால்கஞ்ச் மற்றும் சீதாமார்கி மாவட்டங்களில் மழை வெள்ளத்தால் அதிகமான சேதங்கள் ஏற்பட்டுள்ளன. 15 லட்சம் பேர் வெள்ளத்தால் பாதிக்கப்பட்டுள்ளதாகவும், நிவாரணப் பணிகள் முழுவீச்சில் நடைபெறுவதாகவும் அரசு தரப்பில் தெரிவிக்கப்பட்டுள்ளது. மோசமான வெள்ளத்தால் குறைந்தது 10 உயிரிழந்தனர் என்று தெரிவிக்கப்பட்டது.    

அசாம் மாநிலத்தில் 26 லட்சம் பேர் வெள்ளத்தால் பாதிக்கப்பட்டுள்ளனர். இன்று 3 பேர் உயிரிழந்ததை அடுத்து பலியானவர்கள் எண்ணிக்கை 100 ஆக அதிகரித்திருக்கிறது

சிக்கிம் மாநிலத்தில், கொரோனா நோய்த் தொற்று பரவாமல் தடுப்பதற்காக முழு ஊரடங்கு ஆகஸ்ட் 1-ம் தேதி வரை நீட்டிக்கப்பட்டுள்ளது. அந்த மாநிலத்தில் ஏற்கனவே கடந்த 21ம் தேதி முதல் நாளை வரை ஊரடங்கு அறிவிக்கப்பட்டிருந்தது என்பதும் குறிப்பிடத்தக்கது. நோய்த் தொற்றுக்கு முதல் உயிரிழப்பு இன்று ஏற்பட்டுள்ளதை அடுத்து முழு ஊரடங்கு நீட்டிக்கப்பட்டது.  

சிக்கிம் மாநிலத்தில் இதுவரை 499 பேர் நோய்த் தொற்றினால் பாதிக்கப்பட்டிருக்கிறார்கள்..

சாத்தான்குளத்தில் போலீஸ் லாக்கெப்பில் கொல்லப்பட்ட ஜெயராஜ், பென்னிக்ஸ் குடும்பத்தில் ஒருவருக்கு  நாளை தமிழக முதல்வர் எடப்பாடி பழனிசாமி அரசு பணி ஆணையை நாளை வழங்குகிறார்

ஜெயராஜ், பென்னிக்ஸ் குடும்ப உறுப்பினர் ஒருவருக்கு அரசு பணி வழங்கப்படும் என முதல்வர் அறிவித்திருந்தார் என்பது குறிப்பிடத்தக்கது.     

கன்னியாகுமரி மாவட்டம் கிள்ளியூர் தொகுதி எம்.எல்.ஏ. ராஜேஷ் குமாருக்கு கொரோனா தொற்று உறுதி செய்யப்பட்டது.  

இலங்கைக்கு 400 மில்லியன் டாலர் தொகையை வழங்க இந்தியா ஒப்புதல் அளித்துள்ளது. ரிசர்வ் வங்கியிலிருந்து 400 மில்லியன் டாலர் ரொக்கத்தை இலங்கை மத்திய வங்கிக்கு பரிமாற்றம் செய்ய இருதரப்பிற்கும் இடையே ஒப்பந்தம் கையெழுத்தாகி உள்ளது.

வனத்துறையினரால் விசாரணைக்கு அழைத்து செல்லப்பட்ட உயிரிழந்த விவசாயி அணைக்கரை முத்துவுக்கு நீதி கிடைக்க வேண்டும் என்று திமுக தலைவர் மு.க ஸ்டாலின் தெரிவித்தார்.     

இதுகுறித்து அவர் வெளியிட்ட செய்திக்குறிப்பில்,"  சாத்தான்குளம் ரத்தச்சுவடுகள் காயும்முன் தென்காசியில் மற்றொரு மரணம்!  56வயது அணைக்கரை முத்துவை வனத்துறையினர் சட்டைகூட அணியவிடாமல் இரவில் அழைத்துச் சென்றிருக்கிறார்கள்; கஸ்டடியிலேயே இறந்திருக்கிறார். சட்டத்தின் ஆட்சிதானா இது? #JusticeForAnaikaraiMuthu-விற்கு திமுக துணை நிற்கும்! " என்று தெரிவித்தார். 

புதிய சுற்றுச்சூழல் வரைவு அறிக்கையை மத்திய திரும்பப்பெற வேண்டும்  என்று திமுக தலைவர் மு.க ஸ்டாலின் தெரிவித்தார். 

மு.க ஸ்டாலின் வெளியிட்ட செய்திக் குறிப்பில்," ஆபத்து விளைவிக்கும் திட்டங்களைக் கூட சுற்றுச்சூழல் முன் அனுமதியே பெறாமல் செயல்படுத்த வகை செய்யும் ஓர் அறிவிக்கையை பேரிடர் காலத்திலும் அவசரமாக வெளியிட்டிருப்பது கண்டனத்திற்குரியது! கார்ப்பரேட்டுளுக்கு கார்பெட் விரிக்கும் இந்த புதிய சுற்றுச்சூழல் தாக்க வரைவு அறிவிக்கை (EIA 2020) மத்திய அரசு திரும்பப் பெற வேண்டும்" என்று தெரிவிக்கப்பட்டது  

கார்கில் போரின் போது, வீரத்துடன் போராடி, உயிர்த்தியாகம் செய்த வீரர்களுக்கு மரியாதை செலுத்தும் விதமாக, குடியரசுத்தலைவர் திரு. ராம்நாத் கோவிந்த், தில்லியில் உள்ள ராணுவ மருத்துவமனைக்கு, ரூ.20 லட்சம் நன்கொடை அளிப்பதற்கான காசோலையை இன்று வழங்கினார்.

கார்கில் போரில் இந்தியா வெற்றியடைந்ததன் 21-வது ஆண்டு தினம் இன்று வெற்றி தினம் இன்று கொண்டாடப்படுகிறது

கொரோனா தொற்றால் இறந்தவர்களுக்கு கண்ணியமான முறையில் பிரியாவிடை அளிப்பதை உறுதி செய்யவேண்டும் என குடியரசு துணைத் தலைவர் வெங்கையா நாயுடு வலியுறுத்தினார். உயிரிழப்பவர்கள் உரிய மரியாதையுடன் நல்லடக்கம் செய்யப்படவேண்டும் என்று தெரிவித்தார்.

நாடு முழுவதும், கடந்த 24 மணி நேரத்தில் 48,661 பேருக்கு கோவிட்-19 தொற்று பாதிப்பு உறுதி செய்யப்பட்டுள்ளது. இதன் மூலம் இத்தொற்றால் பாதிக்கப்பட்டோர் எண்ணிக்கை 13,85,522 ஆக அதிகரித்துள்ளது. இதுவரை 8,85,576 பேர் குணமடைந்துள்ளதாக மத்திய சுகாதாரத்துறை தெரிவித்துள்ளது. தற்போது 4,67,882 பேர் சிகிச்சை பெற்று வருகின்றனர். கடந்த 24 மணி நேரத்தில் 705 பேர் உயிரிழந்துள்ள நிலையில், இத்தொற்றால் உயிரிழந்தோரின் மொத்த எண்ணிக்கை 32,063 ஆக உயர்ந்துள்ளது.

தமிழகத்தில் இன்று கொரோனா வைரஸ் பாதிப்பில் இருந்து இன்று 5,471 பேர் குணமடைந்துள்ளனர். இதனால், மாநிலத்தில் இதுவரை கொரோனாவில் இருந்து குணமடைந்து வீடு திரும்பியவர்களின் மொத்த என்ணிக்கை, 1,56,526 ஆக உயர்ந்துள்ளது என்று சுகாதாரத்துறை தெரிவித்துள்ளது.

தமிழகத்தில் இன்று புதிதாக 6,986 பேருக்கு கொரோனா வைரஸ் தொற்று உறுதி செய்யப்பட்டுள்ளது. இதன் மூலம், மாநிலத்தில் இதுவரை கொரோனா தொற்றால் பாதிக்கப்பட்டோரின் மொத்த எண்ணிக்கை 2,13,723 ஆக அதிகரித்துள்ளது என்று தமிழக சுகாதாரத்துறை அறிவித்துள்ளது.

கொரோனா தொற்றில் இருந்து குணமடைந்த சுகாதாரத்துறை செயலர் ராதாகிருஷ்ணன் குடும்பத்தினர் மருத்துவமனையில் இருந்து வீடு திரும்பினர்.

இசையமைப்பாளர் ஏ.ஆர்.ரஹ்மான்: “இழந்த பணத்தை மீட்டு விடலாம்; இழந்த புகழை மீட்டு விடலாம்; ஆனால் இழந்த நேரம் திரும்ப வராது. அமைதியாக கடந்து செல்வதே சிறந்தது; நாம் செய்ய வேண்டிய காரியங்கள் நிறைய உள்ளன” என்று தெரிவித்துள்ளார்.

Lost Money comes back, fame comes back, but the wasted prime time of our lives will never come back. Peace! Lets move on. We have greater things to do😊 https://t.co/7oWnS4ATvB

— A.R.Rahman (@arrahman) July 26, 2020

அண்ணா பல்கலைக்கழக பேராசிரியர்கள் மற்றும் ஊழியர்கள் சமூக ஊடகங்களில் தேவையில்லாத விஷயங்களை பதிவிட்டால் கிரிமினல் நடவடிக்கை எடுக்கப்படும் என்று அண்ணா பல்கலைக்கழக பதிவாளர் கருணாமூர்த்தி எச்சரிக்கை தெரிவித்துள்ளார்.

விருதுநகர் மாவட்டதில் இன்று புதிதாக 491 பேருக்கு கொரோனா வைரஸ் தொற்று உறுதி செய்யப்பட்டுள்ளது. இதனால், விருதுநகர் மாவட்டத்தில் இதுவரை கொரோனாவால் பாதிக்கப்பட்டோரின் மொத்த எண்ணிக்கை 6,490 ஆக அதிகரித்துள்ளது. இதனால், கொரோனா பரவலைத் தடுக்க, பொதுமக்கள் வெளியே வந்தால் நாளை முதல் முக கவசம் கட்டாயம் அணிந்து வர வேண்டும். மீறினால் ரூ.100 அபராதம் விதிக்கப்படும் என்று அறிவிக்கப்பட்டுள்ளது.

“சென்னையில் 63% கொரோனா மரணங்களை மறைத்துள்ள அதிமுக அரசு, மற்ற மாவட்டங்களில் எத்தனை மரணங்களை மறைத்து மோசடி செய்திருக்கிறதோ? என்று திமுக தலைவர் மு.க.ஸ்டாலின் கேள்வி எழுப்பியுள்ளார்.

புதுச்சேரியில் மரத்தடியில் நடந்த பேரவை கூட்டத்தின் போது பணியில் இருந்த காவலருக்கு கொரோனா வைரஸ் தொற்று கண்டறியப்பட்டது; காவலருக்கு தொற்று உறுதியானதால் சட்டப்பேரவை வளாகம் புதன்கிழமை வரை மூடப்படும் என்று தகவல் வெளியாகி உள்ளது.

தென்காசியில் வனத்துறையினரால் விவசாயி உயிரிழந்த சம்பவத்துக்கு உரிய நீதி கிடைக்க வேண்டும் என்று திமுக தலைவர் மு.க.ஸ்டாலின் வலியுறுத்தியுள்ளார்.

கோவையில் சிறுவர் ஆபாச வீடியோக்களை சமூக வலைதளத்தில் பகிர்ந்ததாக சுனில்குமார் (41) என்பவர் போலீசாரால் கைது செய்யப்பட்டுள்ளார்.

நடிகை வனிதா புகாரில் கைதான சூர்யா தேவிக்கும், கைது செய்த பெண் ஆய்வாளருக்கும் கொரோனா உறுதி செய்யப்பட்டுள்ளது. கொரோனா தொற்று உறுதி செய்யப்பட்ட சூர்யாதேவி தலைமறைவாகி விட்டதாக காவல்துறை தரப்பில் தகவல் தெரிவிக்கப்பட்டுள்ளது.

காஞ்சிபுரம் மாவட்டத்தில் இன்று 347 பேருக்கு கொரோனா வைரஸ் தொற்று உறுதி செய்யப்பட்டதைத் தொடர்ந்து, அம்மாவட்டத்தில் இதுவரை கொரோனாவால் பாதிக்கப்பட்டோரின் மொத்த எண்ணிக்கை 7,143 ஆக அதிகரித்துள்ளது.

செங்கல்பட்டு மாவட்டத்தில் ஒரே நாளில் 508 பேருக்கு கொரோனா தொற்று உறுதிசெய்யப்பட்டதைத் தொடர்ந்து, அம்மாவட்டத்தில் இதுவரை கொரோனாவால் பாதிக்கப்பட்டோரின் மொத்த எண்ணிக்கை 12,272 ஆக அதிகரித்துள்ளது.

மாநில தேர்தல் ஆணைய செயலாளராக பாலசுப்பிரமணியம் ஐ.ஏ.எஸ்.நியமனம் செய்யப்பட்டுள்ளதாக தலைமை செயலாளர் சண்முகம் தெரிவித்துள்ளார். மாநில தேர்தல் ஆணைய செயலாளராக இருந்த சுப்பிரமணியன் பணியிட மாற்றம் செய்யப்பட்டு கூட்டுறவு சங்கங்களின் பதிவாளராக சுப்பிரமணியன் நியமிக்கப்பட்டுள்ளார்.

செங்கல்பட்டு மாவட்டத்தில் இன்று மேலும் 437 பேருக்கு பாதிப்பு கண்டறியப்பட்டதையடுத்து, மொத்த பாதிப்பு எண்ணிக்கை 12,201ஆக உயர்ந்துள்ளது. இதுவரை 222 பேர் உயிரிழந்துள்ளனர். 8,787 பேர் கு குணமடைந்துள்ளதாக மாவட்ட நிர்வாகம் தெரிவித்துள்ளது.

சென்னையிலேயே 63% மரணங்கள் கணக்கிடப்படாத நிலையில் மற்ற மாவட்டங்களில் எத்தனை மரணங்களை, அரசு மறைத்திருக்கிறதோ? கொரோனா உயிரிழப்பு கணக்கீட்டில் உள்ள தவறுகளைத் திருத்துவதற்காக ஏற்கனவே கமிட்டிகள் அமைப்பதாகச் சொன்ன நிலையில் மீண்டும் ஒரு புது கமிட்டியை அமைக்க வேண்டியதன் அவசியம் என்ன?  என்று திமுக தலைவர் ஸ்டாலின் கேள்வி எழுப்பியுள்ளார்.

ரேஷன் கடைகளில் இலவச முகக்கவசம் விநியோகத்தை நாளை முதல்வர் பழனிசாமி தொடங்கி வைக்க உள்ளார். இதனையடுத்து, தமிழகத்தில் உள்ள அனைத்து ரேஷன் கடைகளில் நாளை முதல் இலவசமாக முகக்கவசம் விநியோகம் செய்யப்பட உள்ளதாக அறிவிக்கப்பட்டுள்ளது.

இதுவரை சென்னையில் கொரோனா நோய் உறுதிசெய்யப்பட்டவர்களின் மண்டலவாரி நிலைப் பட்டியல்.#Covid19Chennai #GCC #Chennai#ChennaiCorporation pic.twitter.com/qfKysOP9Y5

— Greater Chennai Corporation (@chennaicorp) July 26, 2020

கொரோனாவுக்கு எதிரான போர் இன்னும் முடியாத காரணத்தினால், மக்கள் முகக்கவசம் அணிந்து தங்களை தற்காத்துக்கொள்ள வேண்டும் என்று பிரதமர் மோடி அறிவுரை வழங்கியுள்ளார்.

சமூக வலைதளங்களில் நாட்டின் நலனுக்கு எதிரான கருத்துகளை பரப்ப வேண்டாம் என்று மான் கீ பாத் நிகழ்ச்சியில் பிரதமர் மோடி, மக்களுக்கு வேண்டுகோள் விடுத்துள்ளார்.

பாகிஸ்தானோடு நட்புறவையே இந்தியா விரும்பியது. ஆனால், பாகிஸ்தான் இயற்கையான குணத்தின் காரணமாக இந்தியாவை முதுகில் குத்தியது என்று பிரதமர் மோடி தெரிவித்துள்ளார்.

21 ஆண்டுகளுக்கு முன் இதேநாளில் இந்தியா பாகிஸ்தானுக்கு எதிரான கார்கில் போரில் வெற்றி பெற்றது. அந்த போரில் இந்தியா வெற்றி பெறுவதற்கு காரணமான ஹீரோக்களை நாம் இன்றையநாளில் நினைவுகூர்வோம் என்று பிரதமர் மோடி தெரிவித்துள்ளார்.

பிரதமர் மோடி, மாதத்தின் கடைசி ஞாயிற்றுக்கிழமையில், மக்களிடையே மான் கீ பாத் நிகழ்ச்சியின் மூலம் உரையாற்றி வருகிறார். இன்று கார்கில் வெற்றி தினம் என்பதால் அதுகுறித்து பிரதமரின் உரை இருக்கும் என்று எதிர்பார்க்கப்படுகிறது.

I am sure you would be aware of inspiring anecdotes of how collective efforts have brought about positive changes.

You would surely know of initiatives that have transformed many lives.

Please share them for this month’s #MannKiBaat, which will take place on the 26th!

— Narendra Modi (@narendramodi) July 11, 2020

இன்று முழு ஊரடங்கு என்பதால் தமிழகம் முழுவதும் நேற்று மட்டும் 177 கோடி ரூபாய்க்கு மதுவிற்பனை ஆகியுள்ளது.

மண்டல வாரியான மது விற்பனை:

மதுரை : ரூ. 40.75 கோடி

திருச்சி: ரூ. 40.39 கோடி

சேலம்: ரூ. 39.40 கோடி

கோவை - ரூ. 35.90 கோடி

சென்னை - ரூ. 20.82 கோடி

இந்தியாவில் கொரோனாவால் பாதிக்கப்பட்டோரின் எண்ணிக்கை 13,36,861லிருந்து 13,85,522ஆக உயர்ந்துள்ளது.  குணமடைந்தோர் எண்ணிக்கை 8,49,432லிருந்து 8,85,577ஆக அதிகரித்துள்ளது.உயிரிழந்தோர் எண்ணிக்கை 31,358லிருந்து 32,063ஆக உயர்ந்துள்ளதாக மத்திய சுகாதாரத்துறை அமைச்சகம் தெரிவித்துள்ளது.

கார்கில் போர் வெற்றி தினத்தையொட்டி இன்று 21-ம் ஆண்டு கார்கில் நினைவு தினம் அனுசரிக்கப்படுகிறது. டெல்லியில் உள்ள தேசிய போர் நினைவு சின்னத்தில் மத்திய பாதுகாப்புத்துறை அமைச்சர் ராஜ்நாத் சிங் மரியாதை செலுத்தினார். .

மதுரையில் மேலும் 195 பேருக்கு கொரோனா பாதிப்பு கண்டறியப்பட்டுள்ள நிலையில், மொத்த பாதிப்பு 9,790 ஆக அதிகரித்துள்ளது. இதுவரை 202 பேர் கொரோனாவால் மரணமடைந்துள்ளனர்.

சென்னையில் இன்று (ஜூலை 26), பெட்ரோல் லிட்டருக்கு 83.63 ரூபாய், டீசல் லிட்டருக்கு 78.86 ரூபாய் என விலை நிர்ணயம் செய்யப்பட்டுள்ளது.. இந்நிலையில், பெட்ரோல் விலை 28வது நாளாக இன்றும் மாற்றம் செய்யப்படாமல், 83.63 ரூபாய்க்கு விற்பனையாகிறது. டீசல் நேற்றைய விலையிலிருந்து 13 பைசா விலை அதிகரித்து, 78.86 ரூபாய்க்கு விற்பனையாகிறது. 

சென்னையை தொடர்ந்து தமிழகத்தின் மற்ற மாவட்டங்களிலும் கொரனா வைரஸ் பாதிப்பு அதிகரித்து வருவது குறித்தும் அதனை கட்டுப்படுத்த எடுக்கப்பட்டுள்ள நடவடிக்கைகள் தொடர்பாக வரும் 29ம் தேதியன்று முதல்வர்பழனிச்சாமி மாவட்ட ஆட்சியர்களுடன் ஆலோசனை மேற்கொள்ள உள்ளார்.