/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/07/New-Project-2020-07-15T212701.331.jpg)
TN Latest News Live
Tamil News Today Live : பல்கலை மற்றும் கல்லுாரி மாணவர்களுக்கு இறுதியாண்டு தவிர மற்ற அனைத்து 'அரியர்' பாட தேர்வுகளிலும் 'ஆல் பாஸ்' அறிவிக்கப்பட்டுள்ளது. தேர்வுக்கு விண்ணப்பித்து கட்டணம் செலுத்திய அனைவருக்கும் 'ஜாக்பாட்' பரிசு கிடைத்துள்ளது. கொரோனா ஊரடங்கு காரணமாக பல்கலை மற்றும் கல்லுாரிகளில் செமஸ்டர் தேர்வுகளை ரத்து செய்து முந்தைய தேர்வுகளின் அடிப்படையில் மதிப்பெண் வழங்க மத்திய மனிதவள அமைச்சகம் உத்தரவிட்டது.இதைப் பின்பற்றி தமிழகத்திலும் பல்கலை மற்றும் கல்லுாரிகளில் நடக்கவிருந்த செமஸ்டர் தேர்வுகள் ரத்து செய்யப்பட்டன.
தி இந்தியன் எக்ஸ்பிரஸ் வீடியோ
சென்னை கலைவாணர் அரங்கத்தில் தற்காலிக சட்டசபை அமைப்பதற்கான முன்னேற் பாடுகளை பொதுப்பணித்துறை துவக்கியுள்ளது. தமிழக சட்டசபை கூட்டம் அடுத்த மாதம் நடக்க உள்ளது. கொரோனா காரணமாக சமூக இடைவெளியுடன் சட்டசபை கூட்ட அரங்கில் கூட்டத்தை கூட்ட இயலாது. இதனால் கலைவாணர் அரங்கில் சட்டசபைக் கூட்டம் நடத்தப்பட உள்ளது.இதற்கான முறையான ஒப்புதல் கிடைத்துள்ளதால் தலைமை செயலர் சண்முகம், பொதுப்பணித் துறை செயலர் மணிவாசன் உள்ளிட்ட அதிகாரிகள் கலைவாணர் அரங்கத்தை ஆய்வு செய்து தேவையான ஏற்பாடுகளை செய்ய உத்தரவிட்டனர்.
இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil
Live Blog
Tamil nadu news today updates : சென்னை மற்றும் தமிழகத்தின் பல்வேறு பகுதிகளில் நடைபெறும் அனைத்து முக்கிய செய்திகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.
மீண்டும் பிக் பாஸ் நிகழ்ச்சியை கமல் தொகுத்து வழங்குகிறார். இதுகுறித்த அதிகாரப்பூர்வ வீடியோ இன்று வெளியிடப்பட்டுள்ளது.
#BiggBossTamil Season 4 | விரைவில்.. #BBTamilSeason4 #KamalHassan #பிக்பாஸ் #VijayTelevision pic.twitter.com/zEnGw1W5LP
— Vijay Television (@vijaytelevision) August 27, 2020
அரியலூர் -74
செங்கல்பட்டு -298
சென்னை - 1,286
கோவை - 439
கடலூர் -261
தர்மபுரி - 1
திண்டுக்கல் -102
ஈரோடு - 121
க.குறிச்சி -73
காஞ்சிபுரம் -256
குமரி - 104
கரூர் -33
கிருஷ்ணகிரி -32
மதுரை - 73
நாகை - 90
நாமக்கல் -84
நீலகிரி-25
பெரம்பலூர்-19
புதுக்கோட்டை-136
ராமநாதபுரம்-75
ராணிப்பேட்டை-162
சேலம்-413
சிவகங்கை-64
தென்காசி-55
தஞ்சை-122
தேனி-130
திருப்பத்தூர்-42
திருவள்ளூர்-323
தி.மலை-99
திருவாரூர்-95
தூத்துக்குடி-95
நெல்லை-118
திருப்பூர்-96
திருச்சி-113
வேலூர்-161
விழுப்புரம்-144
விருதுநகர்-152
நிதிப் பற்றாக்குறையை சமாளிக்க மாநில அரசுகள் ரிசர்வ் வங்கி மூலம் கடன் பெறலாம் என்று நிதியமைச்சர் நிர்மலா சீதாராமன் பேட்டியளித்துள்ளார். மாநில அரசுகளுக்கு வழங்க வேண்டிய ஜிஎஸ்டி இழப்பீடு ரூ.1.50 லட்சம் கோடியாக கணக்கீடு நடப்பு நிதியாண்டின் இறுதியில் ரூ.3 லட்சம் கோடி நஷ்ட ஈடு வழங்க வேண்டியிருக்கும் என தெரிவித்தார்.
கொரோனா வைரஸ் பரவல் மையாமாக மாறியதை அடுத்து கோயம்பேடு சந்தை 3 மாதங்களுக்கு மேளாக மூடப்பட்டுள்ளது. அதனால், கோயம்பேடு சந்தையை மீண்டும் திறப்பது குறித்து வியாபாரிகள் சங்கங்களின் நிர்வாகிகள் மற்றும் அதிகார்களுடன் துணை முதல்வர் ஓ.பன்னீர்ச் செல்வம் ஆலோசனை நடத்தி வருகிறார். திருமழிசை பகுதியில் ஒதுக்கப்பட்ட இடம் சந்தையில் அடிப்படை வசதிகள் போதுமானதாக இல்லை என்று வணிகர்கள் புகார் தெரிவித்தனர்.
பாடகர் எஸ்.பி.பாலசுப்ரமணியம் உடல்நிலை சீராக உள்ளது என்று அவரது மகன் எஸ்.பி.பி.சரண் தெரிவித்துள்ளார். எஸ்.பி.பி-யின் மகன் சரண், இன்று அப்பாவை சந்திக்கவில்லை. ஆனால், அவர் ஆரோக்கியமாக இருப்பதாக மருத்துவர்கள் தெரிவித்துள்ளனர் என்று ஊடகங்களிடம் தெரிவித்துள்ளார்.மேலும், “அப்பாவின் உடல்நிலையில் முன்னேற்றம் ஏற்பட்டுள்ளது. மருத்துவர்கள் தொடந்து சிகிச்சை அளித்து கண்காணித்த் உவருகின்றனர்” என்று சரண் தெரிவித்துள்ளார்.
நாகையில் அரசு திட்டங்களை தொடங்கி வைத்த முதல்வர் பழனிசாமி, “காவிரி டெல்டா மாவட்டங்களில் 28 லட்சம் மெட்ரிக் டன் நெல் உற்பத்தி செய்துள்ளோம். தமிழ் நாட்டில் கொரோனா வைரஸ் கட்டுப்பாட்டுக்குள் உள்ளது. விரைவில் மயிலாடுதுறை மாவட்டம் செயல்படும். கொரோனா பரிசோதனை செய்துகொண்ட பிறகே நிகழ்ச்சிகளில் பங்கேற்கிறேன்” என்று கூறினார்.
நாகப்பட்டினத்தில் அரசுத் திட்டங்களை தொடங்கிவைத்த முதல்வர் பழனிசாமி, “நாளொன்றுக்கு 70 ஆயிரம் பேருக்கு பரிசோதனைகள் நடத்தப்படுகின்றன. கொரோனா பரவலை கட்டுப்படுத்த அனைத்து முயற்சிகளும் எடுக்கப்பட்டுள்ளது. வீடு வீடாகச் சென்று காய்ச்சல் முகாம்கள் நடத்தப்படுகின்றன. வருவாய், காவல், உள்ளாட்சி துறைகள் இணைந்து கிருமி நாசினி தெளிக்கும் பணிகளை செய்கிறது. கொரோனா காலத்திலும் அதிக மூதலீட்டை ஈர்த்த மாநிலமாக தமிழகம் திகழ்கிறது. அரசின் நடவடிக்கையால், தமிழகத்தின் வேலைவாய்ப்பு நன்றாக இருக்கிறது. தமிழகத்தில் வேலை வாய்ப்பு இல்லை என்ற நிலை கிடையாது.” என்று தெரிவித்துள்ளார்.
பரோல் கேட்டு பேரறிவாளனின் தாயார் கொடுத்த மனு மீது முடிவெடுக்காமல், மனுவை சிறைத்துறைக்கு அனுப்பியது ஏன்? என்று சென்னை உயர் நீதிமன்றம் கேள்வி எழுப்பியுள்ளது. மேலும், இதற்கு தமிழக அரசு விளக்கமளிக்க வேண்டும் என சென்னை உயர்நீதிமன்றம் உத்தரவிட்டுள்ளது.
சென்னை மாவட்ட ஆட்சியர் சீதாலட்சுமி ஓணம் பண்டிக்கையொட்டி ஆகஸ்ட் 31ம் தேதி சென்னைக்கு உள்ளூர் விடுமுறை அறிவித்துள்ளார். அந்த நாளுக்கு பதிலாக செப் 12ம் தேதி அரசு அலுவலகங்களுக்கு வேலை நாள் என்று தெரிவித்துள்ளார்.
சமீபத்தில் பாஜகவில் இணைந்த முன்னாள் ஐபிஎஸ் அதிகாரி அண்ணாமலை, வரும் தேர்தலில் தமிழக இளைஞர்கள் அதிகமாக பாஜகவிற்கு வாக்களிப்பார்கள். தமிழர்களுக்கு மத்திய அரசு முக்கியத்துவம் தருகிறது என்று தெரிவித்துள்ளார்.
மொஹரம் பண்டிகை ஊர்வலத்திற்கு அனுமதி வழங்க கோரிய மனுவை விசாரித்த உச்சநீதிமன்றம், மொஹரம் ஊர்வலத்திற்கு அனுமதி வழங்க முடியாது என்று திட்டவட்டமாக தெரிவித்துள்ளது. மொஹரம் ஊர்வலத்தை அனுமதித்தால் குழப்பம் உருவாகும். கொரோனா பரவலுக்கு குறிப்பிட்ட மதத்தை குற்றம் சாட்டும் நிலை ஏற்படும் எனவும் கருத்து உச்ச நீதிமன்றம் கருத்து தெரிவித்துள்ளது.
மத்திய அரசு, மாநிலங்களுக்குள்ளும் மாநிலங்களுக்கு இடையேயும் மக்கள் மற்றும் சரக்கு போக்குவரத்துக்கு தடை விதிக்க கூடாது என்று மாநிலங்களுக்கு கடிதம் எழுதியிருந்தது. இந்த நிலையில், முதல்வர் பழனிசாமி, இ-பாஸ் முறை இருந்தால்தான் யார் எங்கு செல்கிறார்கள் என்பதை கண்டறிய முடியும் என்று தெரிவித்துள்ளார்.
பட்டியலினத்தவருக்கான இடஒதுக்கீட்டில் அருந்ததியினருக்கு உள்ஒதுக்கீடு வழங்க மாநில அரசுக்கு அதிகாரம் உள்ளது என்று உச்சநீதிமன்றம் தீர்ப்பு வழங்கியுள்ளது. 2009ல் அருந்ததியினருக்கு திமுக அரசு 3% உள் ஒதுக்கீடு வழங்கியதற்கு எதிரான வழக்கு இது என்பது குறிப்பிடத்தக்கது.
/tamil-ie/media/media_files/uploads/2020/08/48741template-2020-08-27T112443.617.jpg "publive-image")
திருவிடைமருதூர் வண்ணக்குடி பகுதியை சேர்ந்த கல்யாணசுந்தரம் ஊராட்சி மன்ற வார்டு உறுப்பினர், உறவுக்காரப் பெண்ணை அதே பகுதியைச் சேர்ந்த நவீன் என்பவர் திருமணம் செய்வதற்காக பெண் கேட்டுள்ளார்.பெண் தர மறுத்ததால் ஆத்திரமடைந்த நவீன் என்பவர், கல்யாணசுந்தரத்தை கத்தியால் குத்தினார். படுகாயத்துடன் கும்பகோணம் அரசு மருத்துவமனையில் சேர்க்கப்பட்ட கல்யாணசுந்தரம் உயிரிழந்தார். தப்பி ஓடிய மகேந்திரன் மற்றும் நவீன் ஆகிய இருவரை போலீசார் தேடி வருகின்றனர்
இந்தியாவில் இதுவரை இல்லாத வகையில் ஒரே நாளில் 75,760 பேருக்கு கொரோனா தொற்று கண்டறியப்பட்டுள்ளது. கொரோனாவுக்கு இதுவரை 1,023 பேர் உயிரிழந்துள்ளனர். கொரோனா உயிரிழப்ப்பு விகிதம் 1.83%; குணமடைந்தோர் விகிதம் 76.24% ஆக உள்ளதாக மத்திய சுகாதாரத்துறை அமைச்சகம் தெரிவித்துள்ளது.
தமிழகத்தில், இன்று (ஆக., 27), பெட்ரோல் லிட்டருக்கு 84.82 ரூபாய், டீசல் லிட்டருக்கு 78.86 ரூபாய் என விலை நிர்ணயம் செய்யப்பட்டுள்ளது.இந்நிலையில், இன்று பெட்ரோல் லிட்டருக்கு 9 காசுகள் அதிகரித்து, 84.82 ரூபாய்க்கு விற்பனையாகிறது. டீசல் விலையில் மாற்றம் செய்யப்படவில்லை.
மாரடைப்பு காரணமாக திருச்சியில் உள்ள தனியார் மருத்துவமனையில் அனுமதிக்கப்பட்டிருந்த உச்சநீதிமன்ற முன்னாள் நீதிபதி ஏ.ஆர்.லட்சுமணன், காலமானார்.
சுப்ரீம் கோர்ட் முன்னாள் நீதிபதி ஏ.ஆர்.லட்சுமணன் (ஆக.,26ம் தேதி இரவு 11 மணி அளவில் மாரடைப்பு காரணமாக திருச்சி தனியார் மருத்துவமனையில் சிகிச்சைக்காக சேர்க்கப்பட்டிருந்தார். அங்கு அவர் சிகிச்சை பலனின்றி மரணமடைந்தார். அவரது இறுதி சடங்குகள் இன்று பகல் 11 மணி அளவில் தேவகோட்டையில் அவரது இல்லத்தில் நடைபெறுகிறது.
'இந்தியா, ஜப்பான் அரசுகளிடையே மதுரை எய்ம்ஸ் மருத்துவமனைக்காக ரூ.1264 கோடி கடன் ஒப்பந்தம் டிச.,ல் கையெழுத்தாகும். அடுத்த 45 மாதங்களில் பணிகள் முடியும்' என மத்திய அரசு தெரிவித்துள்ளது
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights