/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/07/template-2020-07-16T185832.309.jpg)
Tamil News Today Updates: 12ம் வகுப்பு பொதுத் தேர்வு முடிவுகள் கடந்த 16-ம் தேதி வெளியான நிலையில் மறுகூட்டல் மறு மதிப்பீடு மற்றும் விடைத்தாள்களை பெறுவது குறித்த அறிவிப்பு வெளியாகியுள்ளது. மறுகூட்டலுக்கு விண்ணப்பிக்கும் பாடங்கள், விடைத்தாள் நகல் வேண்டும் பாடங்களின் விவரம் ஆகியவற்றை மாணவர்கள் பூர்த்தி செய்து தர வேண்டும். அந்த விவரங்களைக் கொண்டு ஆசிரியர்கள் விண்ணப்பிக்க வேண்டும் என அரசு தேர்வுகள் துறை உத்தரவிட்டுள்ளது.
கர்நாடகாவில் இன்று முதல் பொது முடக்கம் நீக்கப்பட்டுள்ளது. பேருந்துகள் செயல்படும் எனவும் அறிவிக்கப்பட்டுள்ளது. கொரோனாவை கட்டுப்படுத்த பொது முடக்கத்தால் மட்டுமே பயனில்லை எனவும், முக கவசம் அணிவது, தனி மனித இடைவெளி விடுவதால் மட்டுமே தடுக்க முடியும் என பொது மக்களுக்கு, கர்நாடக முதல்வர் எடியூரப்பா உரையாற்றியுள்ளார். குடியாத்தம் நகராட்சியில் வரும் 24-ம் தேதி முதல் 31-ம் தேதி வரை முழு முடக்கம் அறிவிக்கப்பட்டுள்ளது. புதுக்கோட்டை மாவட்டத்திலும் 8 நாட்களுக்கு முழு முடக்கம்.
தமிழகத்தில் மேலும் 4,965 பேருக்கு கொரோனா தொற்று உறுதியாகியுள்ளது. இதனால் மொத்த பாதிப்பு 1.80 லட்சத்தைக் கடந்துள்ளது. கொரோனாவிலிருந்து ஒரே நாளில் 4894 பேர் குணமடைந்து வீடு திரும்பினர். தமிழகத்தில் கொரோனாவிலிருந்து குணமடைந்து வீடு திரும்பியவர்களின் விகிதம் 70 சதவீதமாக உயர்ந்துள்ளது. தமிழகத்தில் 11 மாவட்டங்களில் மிதமான மழைக்கு வாய்ப்புள்ளதாக சென்னை வானிலை மையம் தெரிவித்துள்ளது.
“அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”
Live Blog
Tamil nadu news today updates : சென்னை மற்றும் தமிழகத்தின் பல்வேறு பகுதிகளில் நடைபெறும் அனைத்து முக்கிய செய்திகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.
சிறைவிதிகளை மீறிய புகாரில் வேலூர் சிறையில் நளினிக்கு வழங்கப்பட்டு வந்த சலுகைகள் ஒரு மாதத்திற்கு ரத்து செய்யப்படுவதாக அறிவித்துள்ளது. பார்வையாளர்கள் நளினிக்கு பொருட்களை வழங்குதல் உள்ளிட்ட சலுகைகள் ரத்து செய்யப்படுவதாக அறிவிக்கப்பட்டுள்ளது. நளினி தற்கொலைக்கு முயன்ற நிலையில் இந்த நடவடிக்கை என தெரியவந்துள்ளது.
அயோத்தியில் ஆகஸ்ட் 5-ம் தேதி ராமர் கோயில் கட்டுவதற்கு நடைபெறும் பூமி பூஜையில் பிரதமர் மோடி கலந்துகொள்வார் என்று ராமர் கோயில் கட்டுவதற்காக அமைக்கப்பட்ட ராம ஜென்மபூமி தீர்த் க்ஷேத்ர அறக்கட்டளை தெரிவித்துள்ளது.
பிளஸ்-2 மாணவர்கள் மறுமதிப்பீடு, மறுகூட்டலுக்கு ஜூலை 24 முதல் 30 வரை விண்ணப்பிக்கலாம்
என்று அரசு தேர்வுகள் இயக்ககம் அறிவித்துள்ளது. பிளஸ் 2 மாணவர்கள் தாங்கள் பயின்ற பள்ளி வாயிலாக ஆன்லைனில் விண்ணப்பங்களை பதிவேற்ற வேண்டும். தனித்தேர்வர்கள் தேர்வு மையங்கள் மூலம் ஆன்லைனில் விண்ணப்பிக்கலாம் என்று அரசு தேர்வுகள் இயக்ககம் தெரிவித்துள்ளது.
தமிழகத்தில் கொரோனா தொற்றில் இருந்து இன்று 4,910 குணமடைந்து மருத்துவமனையில் இருந்து வீடு திரும்பினர். இதன் மூலம், மாநிலத்தில், இதுவரை கொரோனா தொற்றில் இருந்து குணமடைந்து வீடு திரும்பியவர்களின் மொத்த எண்ணிக்கை 1,31,583 ஆக உயர்ந்துள்ளது என்று சுகாதாரத்துறை தெரிவித்துள்ளது.
தமிழகத்தில் இதுவரை இல்லாத அளவில் இன்று ஒரே நாளில் 5,849 பேருக்கு கொரோனா வைரஸ் தொற்று உறுதி செய்யப்பட்டுள்ளது. இதன் மூலம், மாநிலத்தில் இதுவரை கொரோனா வைரஸால் பாதிக்கப்பட்டவர்களின் மொத்த எண்ணிக்கை 1,86,492 ஆக உயர்ந்துள்ளது என்று தமிழக சுகாதாரத்துறை தெரிவித்துள்ளது.
முன்னாள் பிரதமர் ராஜீவ் காந்தி கொலை வழக்கில் ஆயுள் தண்டனைக் கைதியான பேரறிவாளன் கடந்த 28 ஆண்டுகளாக சென்னை புழல் மத்திய சிறையில் ஆயுள் தண்டனை அனுபவித்து வருகிறார். புழல் சிறையில் 50 கைதிகளுக்கு கொரோனா தொற்று உறுதி செய்யப்பட்டுள்ள நிலையில், தனது மகன் பேரறிவாளனுக்கு 90 நாட்கள் பரோல் வழங்க கோரி அவரது தாயார் அற்புதம்மாள் சென்னை உயர்நீதிமன்றத்தில் மனு ஒன்றை தாக்கல் செய்திருந்தார். இந்த மனு நீதிபதிகள் கிருபாகரன் மற்றும் வேலுமணி அடங்கிய அமர்வு முன்பு விசாரணைக்கு வந்தது. அப்போது ராஜீவ் காந்தி கொலை வழக்கில் கைதாகி சிறை தண்டனை அனுபவித்து வரும் 7 பேர் விடுதலை தொடர்பான தமிழக அரசின் தீர்மானம் கடந்த இரண்டு ஆண்டுகளாக ஆளுநரிடம் நிலுவையில் இருப்பதற்கு நீதிபதி கிருபாகரன் அதிருப்தி தெரிவித்தார். மேலும், ஏழு பேரின் விடுதலை தொடர்பாகவும், பேரறிவாளனுக்கு பரோல் வழங்குவது தொடர்பாகவும் பதிலளிக்க தமிழக அரசுக்கு ஒரு வாரம் கால அவகாசம் வழங்கி நீதிபதிகள், வழக்கை ஜூலை 29 ஆம் தேதிக்கு தள்ளி வைத்தனர்.
தமிழகத்தில் உள்ள அனைத்து குடும்ப அட்டை தாரார்களுக்கும் இலவசமாக முக கவசம் வழங்க அரசு செய்துள்ளது. அதன்படி, 6 கோடியே 74 லட்சத்து 15 ஆயிரத்து 899 பேர்களுக்கு தலா இரண்டு முக கவசங்கள் வழங்கப்பட உள்ளது. அவை, மறு பயன்பாடு செய்யக் கூடிய துணி முக கவசங்களாக இருக்கும் என்று அறிவிக்கப்பட்டுள்ளது. முதல்கட்டமாக 4 கோடி முக கவசங்கள் தயாராக உள்ள நிலையில், விரைவில் மீதமுள்ள முக கவசங்கள் தயாரிக்கப்பட்டு வருகிறது. இலவச முக கவசங்களை மக்களுக்கு வழங்கும் திட்டத்தை முதலமைச்சர் எடப்பாடி பழனிச்சாமி விரைவில் துவக்கி வைக்க உள்ளார்.
மின் கட்டண சலுகை வழங்க கோரி ஆர்ப்பாட்டம் செய்த திமுகவினர் 150 மீது போலீசார் வழக்குபதிவு செய்துள்ளனர். சென்னை உட்பட தமிழகம் முழுவதும் ஊரடங்கினால் வாழ்வாதாரம் இழந்து தவிக்கும் பொதுமக்களுக்கு மின் கட்டண சலுகை வழங்க கோரி திமுகவினர் அவரவர் வீடுமுன்பு கருப்பு கொடி ஏந்தி ஆர்பாட்டத்தில் ஈடுபட்டனர். இந்நிலையில் சென்னையில் ஊரடங்கை மீறி சட்ட விரோதமாக திமுகவினர் கூடி ஆர்பாட்டத்தில் ஈடுபட்டதாக ராயப்பேட்டை, அபிராமபுரம்,கோடம்பாக்கம் உட்பட 6 காவல் நிலையங்களில் 150 திமுகவினர் மீது 3 பிரிவுகளின் கீழ் போலீசார் வழக்கு பதிவு செய்துள்ளனர். சட்டவிரோதமாக கூட்டம் கூடுதல், தொற்று நோய் பரவல் தடைச் சட்டம் உள்ளிட்ட பிரிவுகளின் கீழ் வழக்குபதிவு செய்யப்பட்டுள்ளது.
சாத்தான்குளம் தந்தை,மகன் கொலை வழக்கு - 3 காவலர்களை நீதிமன்றத்தில் ஆஜர்படுத்தியது சிபிஐ
3 பேரையும் 3 நாள் விசாரணைக்கு எடுத்த சிபிஐ 1 நாள் முன்னதாகவே நீதிமன்றத்தில் ஆஜர்படுத்தியது
விசாரணை நடத்தி வரும் சிபிஐ அதிகாரிகளில் 2 பேருக்கு கொரோனா தொற்று ஏற்பட்டது.
சாத்தான்குளம் வழக்கில் 3 காவலர்களுக்கு ஆக.5 வரை நீதிமன்ற காவல்
10-ஆம் வகுப்பு மாணவர்களுக்கான மதிப்பெண் பட்டியல் அடுத்த மாதம் முதல் வாரத்தில் வெளியிட நடவடிக்கை-11-ஆம் வகுப்பு தேர்வு முடிவுகள் இம்மாத இறுதிக்குள் வெளியிடப்படும் என்று அமைச்சர் செங்கோட்டையன் தெரிவித்தார்.
கொரோனா நோய் தடுப்பு பணி ஒருபுறம் பொருளாதார சிக்கல் இல்லாமை, மக்களுக்கு தேவையான பொருள்கள் கிடைப்பது, மாணவர்கள் கல்வி, விவசாயிகளுக்கு தேவையான உதவிகள் செய்வது போன்றவற்றை தமிழக முதல்வர் சமமாக செய்து வருகிறார் என வருவாய்த்துறை அமைச்சர் உதயகுமார் தெரிவித்துள்ளார்.
சென்னையில் இருந்து கேளம்பாக்கம் செல்ல, கேளம்பாக்கத்தில் இருந்து சென்னை வர நடிகர் ரஜினிகாந்த் இ-பாஸ் வாங்கினாரா என்பதை ஆய்வு செய்துதான் கூற முடியும் என்று சென்னை மாநகராட்சி ஆணையர் பிரகாஷ் தெரிவித்தார்.
முன்னதாக, நடிகர் ரஜினிகாந்த் தன்னுடைய கேளம்பாக்கம் பண்ணைவீட்டில் நடைபயிற்சி மேற்கொள்ளும் வீடியோ சமூக வலைதளத்தில் வைரலாக பரவி வந்தது.
#கந்தனுக்கு_அரோகரா pic.twitter.com/zWfRVpufXk
— Rajinikanth (@rajinikanth) July 22, 2020
கேரளாவில் அனைத்து கட்சிக் கூட்டத்திற்கு அழைப்பு விடுக்கப்பட்டுள்ளது. நாளை மறுநாள் காணொலி மூலம் பங்கேற்க முதலமைச்சர் பினராயி விஜயன் அழைப்பு விடுத்துள்ளார். கொரோனா பரவலை கட்டுப்படுத்துவது தொடர்பாக ஆலோசனை நடைபெறவிருக்கிறது. கேரளாவில் இதுவரை 13,994 பேர் கொரோனாவால் பாதிக்கப்பட்டுள்ளனர்.
சென்னையில் தங்கத்தின் விலை சவரனுக்கு ரூ.38 ஆயிரத்தை தாண்டியது. இன்று ஒரே நாளில் கிராமுக்கு ரூ.68 உயர்ந்து, ரூ.4785 -க்கு விற்பனை செய்யப்படுகிறது. ஒரு சவரன் தங்கத்தின் விலை ரூ.38,280. வெள்ளி விலையும் கணிசமாக உயர்ந்து ஒரு கிராம் வெள்ளி ரூ.65.70-க்கு விற்பனை செய்யப்படுகிறது.
சென்னையில் நேற்று இரவு முதல் இன்று காலை வரை 13 பேர் கொரோனோ தொற்றால் உயிரிழப்பு. ராஜீவ் காந்தி அரசு மருத்துவமனையில் 4 பேர் சிகிச்சை பலன் இன்றி உயிரிழப்பு. ஓமந்தூரார் அரசு மருத்துவமனை - 3, ஸ்டான்லி அரசு மருத்துவமனை - 3 பேர் கொரோனாவுக்கு பலி. கீழ்ப்பாக்கம் அரசு மருத்துவமனையில் சிகிச்சை பெற்று வந்த 3 பேர் உயிரிழப்பு
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights