/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/05/a66-1.jpg)
Tamil News Today Live updates : தமிழகத்திலும், ஜூன் 30 வரை சில தளர்வுகளுடன் ஊரடங்கு நீட்டிக்கப்பட்டுள்ளது. கொரோனா வைரஸ் அச்சுறுத்தல் காரணமாக தமிழகத்தில் ஊரடங்கு அமல்படுத்தப்பட்டுள்ளது. இது இன்றுடன்( மே 31) முடிவடைகிறது. இந்நிலையில், மத்திய அரசு பல்வேறு தளர்வுகளுடன் நாடு முழுவதும் ஊரடங்கை ஜூன் 30 வரை நீட்டித்தது. இதனடிப்படையில், தமிழகத்திலும் ஜூன் 30 வரை ஊரடங்கு நீட்டிக்கப்படுவதாக தமிழக அரசு அறிவித்துள்ளது. மாநில பேரிடர் மேலாண்மை சட்டத்தின் கீழும், மத்திய உள்துறை அமைச்சகத்தின் அறிக்கையின் அடிப்படையிலும் தற்போதுள்ள ஊரடங்குஉத்தரவு ஜூன் 30 நள்ளிரவு 12 மணி வரை ஏற்கனவே நடைமுறையில் உள்ள பல்வேறு கட்டுப்பாடுகளுடனும், கீழ்கண்ட சில தளர்வுகளுடனும் நீட்டிக்கப்படுவதாக அறிவித்துள்ளது.
தமிழகத்தில் மே 30 ம் தேதி, புதிய உச்சமாக ஒரே நாளில் 938 பேருக்கு கொரோனா தொற்று உறுதி செய்யப்பட்டுள்ளது, 6 பேர் உயிரிழந்துள்ளனர். இதனால் மொத்த பாதிப்பு எண்ணிக்கை 21,184 ஆகவும், 160 ஆகவும் உயர்ந்துள்ளது.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil
Live Blog
Tamil nadu news today updates : சென்னை மற்றும் தமிழகத்தின் பல்வேறு பகுதிகளில் நடைபெறும் அனைத்து முக்கிய செய்திகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.
பிரபல பாலிவுட் நடிகர் சல்மான் கான் மும்பை காவல்துறையினருக்கு 1 லட்சம் கிருமிநாசினி பாட்டில்கள் வழங்கியுள்ளார். கொரோனா பரவல் தடுப்பு நடவடிக்கையில் சானிடைசர்களின் முக்கியத்துவத்தை அறிந்த அவர், FRSH என்ற புதிய பிராண்டினை அறிமுகப்படுத்தினார் என்பது குறிப்பிடத்தக்கது.
போலீசாருக்கு உதவி செய்த சல்மான் கானுக்கு மகாராஷ்டிர முதல்வர் உத்தவ் தாக்கரே நன்றி தெரிவித்துள்ளார்.
தமிழகத்தில் மாவட்ட வாரியாக கொரோனாவால் பாதிக்கப்பட்டவர்கள் எண்ணிக்கை,
தமிழகத்தில் மாவட்ட வாரியாக கொரோனாவால் பாதிக்கப்பட்டவர்கள் எண்ணிக்கை#Coronavirus pic.twitter.com/3zFoAYkyCj
— News18 Tamil Nadu (@News18TamilNadu) May 31, 2020
'தமிழகத்தில் காலை 6 மணி முதல் இரவு 9 மணி வரை பேருந்து சேவை இயக்கம்'
அரசு பேருந்துகள் காலை 6 மணி முதல் இரவு 9 மணி வரை இயக்கப்படும்
- போக்குவரத்துத்துறை
* தமிழகத்தில் அரசு பேருந்து சேவை நாளை முதல் தொடங்கும் நிலையில் பேருந்துகள் இயக்கப்படும் நேரம் அறிவிக்கப்பட்டுள்ளது
கரூர், பெரம்பலூர், அரியலூர், மதுரை, திண்டுக்கல் ஆகிய 5 மாவட்டங்களில் பணிபுரிந்து வந்த ஒடிசா மாநிலத்தைச் சேர்ந்த 664 புலம்பெயர் தொழிலாளர்கள், கரூரில் இருந்து சிறப்பு ரயில் மூலம் தங்கள் சொந்த ஊருக்கு வழி அனுப்பி வைக்கப்பட்டனர். கரூர் மாவட்டத்தில் இதுவரை மத்திய பிரதேசம், மகாராஷ்டிரா, ஜார்கண்ட், ராஜஸ்தான், பீகார், உத்தரபிரதேசம் ஆகிய மாநிலங்களைச் சேர்ந்த ஆயிரத்து 630 பேர் சொந்த ஊருக்கு அனுப்பி வைக்கப்பட்டுள்ளனர்
நாளை முதல் அரசு பேருந்துகள் இயங்கும் என அரசு அறிவித்துள்ள நிலையில், தனியார் பேருந்துகள் நாளை இயங்காது என தமிழ்நாடு தனியார் பேருந்து உரிமையாளர் மாநில சம்மேளனம் தெரிவித்துள்ளது. 60 சதவீத பயணிகளுடன் இயங்குவது சாத்தியம் இல்லை என்று அந்த சம்மேளனம் தெரிவித்துள்ளது. காலாண்டு வரியைத் தள்ளுபடி செய்வது உள்ளிட்ட தங்களது கோரிக்கை குறித்து அரசுடன் பேச்சுவார்த்தை நடத்திய பிறகே பேருந்துகள் இயங்கும் என்றும் தனியார் பேருந்து உரிமையாளர்கள் தகவல் தெரிவித்துள்ளனர்
தூத்துக்குடியில் பணியில் இருந்த காவல் சிறப்பு உதவி ஆய்வாளர் மாரடைப்பால் உயிரிழந்த சம்பவம் காவல் துறையினர் இடையே சோகத்தை ஏற்படுத்தியுள்ளது. தூத்துக்குடி முத்தையாபுரம் காவல் நிலையத்தில் சிறப்பு உதவி ஆய்வாளராக பணியாற்றி வந்த ஆறுமுகமங்கலம் பகுதியைச் சேர்ந்தவர் ராமச்சந்திரன்,காவல் நிலையத்தில் திடீரென்று மயக்கம் போட்டு விழுந்துள்ளார். உடனே அவரை மீட்டு மருத்துவமனையில் அனுமதித்த போது, அங்கு அவரது உயிர் சிறிது நேரத்தில் பிரிந்தது.
உலகின் டாப் 100 பணக்கார விளையாட்டு வீரர்கள் பட்டியலில் இந்திய கிரிக்கெட் அணி கேப்டன் விராட்கோலி 66-வது இடத்தை இடத்தை பிடித்துள்ளார் . 2019 20 ஆம் ஆண்டு ஆண்டிற்கு விராட்கோலி 196 கோடி ரூபாய் வருமானம் எட்டியுள்ளார். இதன்மூலம் இந்தப் பட்டியலில் இடம்பெற்றுள்ள ஒரே கிரிக்கெட் வீரர் என்ற பெருமையை விராட்கோலி பெற்றுள்ளார் .கடந்த ஆண்டு பட்டியலில் விராட் கோலி 100 இடத்தில் இருந்த நிலையில் தற்போது 66 இடத்திற்கு முன்னேறியுள்ளார்.
நோய்த்தொற்று இல்லாத பயணிகள் மட்டுமே ரயில்களில் செல்ல அனுமதிக்கப்படுவர்
ரயில் புறப்படுவதற்கு 90 நிமிடங்களுக்கு முன் ரயில் நிலையத்திற்கு வரவேண்டும்
பயணச்சீட்டு உள்ள பயணிகள் மட்டுமே ரயில் நிலையத்திற்குள் அனுமதிக்கப்படுவார்கள்
- தெற்கு ரயில்வே
மேற்கிந்திய கிரிக்கெட் அணி வீரர்கள், பயிற்சியாளர்கள் மற்றும் இதர ஊழியர்களின் சம்பளத்தை 50% வரை குறைந்துள்ளதாக அந்நாட்டு கிரிக்கெட் வாரியம் அறிவித்துள்ளது. கொரோனா தாக்கத்தால் கிரிக்கெட் முடங்கியுள்ளதால் இந்த முடிவு எடுக்கப்பட்டுள்ளதாக அந்நாட்டு வாரியம் குறிப்பிட்டுள்ளது. இந்த நிலை ஆறு மாதத்திற்கு தொடரும் என்றும் வீரர்கள் இதற்கு ஒத்துழைப்பு வழங்க வேண்டும் என்றும் அந்நாட்டு கிரிக்கெட் வாரியம் கோரிக்கை விடுத்துள்ளது.
கொரோனா பொதுமுடக்கம் காரணமாக அந்தமானில் சிக்கித்தவித்த 43 மீனவர்கள் தமிழகம் திரும்பினர்
தமிழகத்தின் பல்வேறு மாவட்டங்களை சேர்ந்த 161 தொழிலாளர்கள், 43 மீனவர்கள் கப்பலில் சென்னை வருகை
தமிழகம் திரும்பிய மீனவர்கள்,தொழிலாளர்கள் சிறப்பு பேருந்துகள் மூலம் சொந்த ஊர்களுக்கு அனுப்பி வைப்பு
அமெரிக்காவின் மினஸ்சோட்டா மாகாணத்தில் உள்ள மினியாபோலிஸ் நகரத்தில் கடந்த திங்களன்று நடந்து சென்ற கருப்பினத்தை சேர்ந்த நபர் ஒருவரை சந்தேகத்தின் பேரில் கைது செய்த 4 காவல்துறையினர், பொது இடத்தில் கருப்பினத்தவரின் கழுத்தின் மீது தங்களது கால்களை மடக்கி தாக்குதல் நடத்தினர். இதில் அந்த நபர் மருத்துவமனை கொண்டு செல்லப்பட்ட அவர் சிகிச்சை பலனின்றி உயிரிழந்தார். இது தொடர்பான வீடியோ சமூக வலைதளங்களில் பரவி பெரும் பரபரப்பை ஏற்படுத்தியுள்ளது.
போராட்டம் மற்றும் வன்முறையை கட்டுப்படுத்த பல இடங்களில் ஊரடங்கு உத்தரவு பிறப்பிக்கப்பட்டுள்ளது. இதனிடையே, கருப்பின இளைஞரை கொலை செய்த போலீஸ் அதிகாரிக்கு, அவரது மனைவி விவாகரத்து நோட்டீஸ் அனுப்பி உள்ளார். கணவரின் செயலால் வேதனை அடைந்துள்ளதாகவும், அதன் காரணமாக தனது வழக்கறிஞர் மூலம் விவாகரத்து நோட்டீஸ் அனுப்பியுள்ளதாகவும் அவர் தெரிவித்துள்ளார்.
சூரரைப் போற்று திரைப்படம் கண்டிப்பாக திரையரங்கில் தான் முதலில் வெளிவரும் என்று நடிகர் சூர்யா தெரிவித்துள்ளார். ரசிகரின் கேள்வி ஒன்றுக்கு பதிலளித்த அவர் சூரரை போற்று தமது மனதுக்கு நெருக்கமான படங்களில் ஒன்று என குறிப்பிட்டார். திரையரங்கில் படத்தை பார்க்கும் அனுபவம் போல் வேறு எதிலும் கிடைக்காது என்று சுட்டிக்காட்டிய சூர்யா,தமது படம் கண்டிப்பாக திரையரங்கில் வெளியான பின்பு தான், OTT தளத்தில் வெளியாகும் என்று உறுதியளித்தார்.
கொரோனா தொற்று பரவலை அடுத்து திருப்பதி ஏழுமலையான் கோவிலுக்கு வர பக்தர்களுக்கு அனுமதி மறுக்கப்பட்டது. ஏழுமலையானுக்கு நடைபெறக் கூடிய ஆறுகால பூஜைகள் நடைபெற்று வரும் நிலையில், நேற்று அறிவிக்கப்பட்ட ஐந்தாம் கட்ட ஊரடங்கு உத்தரவில் பல தளர்வுகள் அறிவிக்கப்பட்டு உள்ளது.
இந்நிலையில் மாநில அரசு உத்தரவுக்காக திருப்பதி தேவஸ்தானம் காத்திருப்பதாகவும், உத்தரவு வந்த உடன் பக்தர்களை கோவிலுக்கு அனுமதிக்க தேவையபன முன்னெச்சரிக்கை நடவடிக்கைகள் மேற்கொள்ளப்பட்டு வருவதாக அதிகாரிகள் தெரிவித்துள்ளனர். 6 முதல் 8 அடி தூரம் வரை சமூக இடைவெளியை கடைபிடிக்க ஏதுவாக, கோவிலுக்கு செல்லும் வழி எல்லாம் ஸ்டிக்கர் ஒட்டி வைக்கப்பட்டுள்ளது. இதேபோல் திருப்பதியில் இருந்து திருமலைக்கு செல்லும் பக்தர்களுக்கும், திருமலையில் வரிசையில் செல்லும் பக்தர்களுக்கும் தெர்மல் ஸ்கேனர் மூலம் பரிசோதனை செய்யவும் நடவடிக்கை எடுக்கப்பட்டு வருகிறது.
இந்தியாவில் தலா 10 லட்சம் பேரில் 33 பேர் மட்டுமே கொரோனா தொற்றால் பாதிக்கப்பட்டுள்ளதாக இந்திய மருத்துவ ஆராய்ச்சி கவுன்சில் தெரிவித்துள்ளது. இது அமெரிக்கா, பிரான்ஸ், பிரிட்டன், கனடா உள்ளிட்ட நாடுகளை ஒப்பிடும்போது மிகவும் குறைவு எனவும் மருத்துவ கவுன்சில் கூறியுள்ளது. மேலும் 10 லட்சம் பேரில் 50 வயது முதல் 69 வயதுக்கு உட்பட்டவர்களில் 63 பேர் கொரோனாவால் பாதிக்கப்பட்டுள்ளதாகவும், இதில் ஆண்கள் 41 பேரும், பெண்கள் 24 பேரும் பாதிக்கப்பட்டுள்ளதாக இந்திய மருத்துவ ஆராய்ச்சி கவுன்சில் கூறியுள்ளது.
சின்னத்திரை படப்பிடிப்பிற்கு அனுமதி அளித்துள்ளதை போல சினிமா படபிடிப்பிற்கும் அனுமதி அளிக்க வேண்டும் என்ற கோரிக்கையை முன்வைத்து இயக்குநர் பாரதிராஜா முதலமைச்சருக்கு கடிதம் எழுதியுள்ளார்.
இதுகுறித்து அவர் வெளியிட்டுள்ள கடிதத்தை, படிப்படியாக அன்றாட வாழ்வை மீட்டுகொண்டிருக்கும் முதலமைச்சருக்கும் பாராட்டுகளுடன் தொடங்கியுள்ளார். விதிகள் தளர்த்தி சின்னத்திரை படப்பிடிப்பிற்கு அனுமதி அளித்துள்ளது மகிழ்ச்சி அளிப்பதாக கடிதத்தில் கூறியுள்ள பாரதிராஜா, சினிமா முடங்கி போய் கிடப்பதையும் சுட்டிக்காட்டியுள்ளார்.திரையரங்குகள், விநியோகஸ்தர்கள், தொழிலாளர்கள் என அனைவரும் திணறி வருகின்றனர், பலர் உணவுக்கே வழியின்றி சிரம படுகின்றனர், முதலீடு செய்த தயாரிப்பாளர்கள் வட்டி கட்டமுடியாமல் திகைக்கின்றனர் என்பது இயக்குநர் பாரதிராஜா எழுதிய கடிதத்தில் குறிப்பிடப்பட்டுள்ளது. எனவே சினிமா படபிடிப்பிற்கும், அனுமதி அளிக்குமாறு கோரியுள்ள பாரதி ராஜா, அரசு வரையறுக்கும் கட்டுப்பாடுகளை கடைபிடிப்போம் எனவும் உறுதி அளித்துள்ளார்.
சென்னை தெற்கு மாவட்ட தி.மு.க. சார்பில், ஆலந்தூர் தர்மராஜா கோவில் தெருவில் கொரோனா தொற்றால் வாழ்வாதாரம் இழந்த பத்தாயிரம் பேருக்கு நிவாரண பொருட்கள் வழங்கும் விழா மாவட்ட செயலாளர் மா.சுப்பிரமணியம் தலைமையில் நடந்தது. இதில் கலந்து கொண்டு நிவாரண பொருட்களை தி.மு.க. தலைவர் மு.க.ஸ்டாலின் வழங்கினார். இதில் நாடாளுமன்ற உறுப்பினர்கள் டி.ஆர்.பாலு, ஆர்.எஸ்.பாரதி, தமிழச்சி தங்கபாண்டியன் உள்ளிட்ட பலர் கலந்துக் கொண்டனர்.
சென்னை மாநகராட்சியில், நோய்த் தொற்று தீவிரமாக உள்ள பகுதிகளில் உள்ள ஏழைகள், முதியோர்கள், மாற்றுத் திறனாளிகள் ஆகியோருக்கும், கொரோனா நோய்த் தொற்றுடன் ரத்தக் கொதிப்பு, இதய நோய், சிறுநீரக செயலிழப்பு, புற்று நோய் போன்ற நோய் உள்ளவர்கள் கொரோனா தொற்றினால் அதிகம் பாதிப்புக்கு உள்ளாக வாய்ப்புள்ளது.
சென்னை மாநகராட்சி பகுதிகளில் அவர்களது வாழ்விடத்தில் நோய்ப் பரவல் தடுக்கப்படும். அவ்வாறு முகாம்களில் தங்க வைக்கப்படும் போது, அவர்களது வாழ்வாதாரத்தை கருத்தில் கொண்டு, சென்னை மாநகராட்சியில் மட்டும் அவர்கள் முகாம்களில் இருந்து வீடு திரும்பும்போது தலா 1,000 ரூபாய் ரொக்க நிவாரணம் வழங்கப்படும். இவ்வாறு தனது அறிக்கையில் முதல்வர் பழனிசாமி தெரிவித்துள்ளார்.
வெளிமாநிலங்களில் இருந்து ரயில் மூலம் தமிழகம் வருபவர்களுக்கு கொரோனா பரிசோதனை கட்டாயம் மகாராஷ்டிரா, குஜராத், டெல்லியில் இருந்து வருபவர்கள் அனைவருக்கும் பரிசோதனை கட்டாயம் * பரிசோதனையில் தொற்று இல்லை என்றாலும் 14 நாட்கள் தனிமைப்படுத்துதல் அவசியம் என்று தமிழக அரசு தெரிவித்துள்ளது
மண்டலத்திற்குள் இருசக்கர வாகனம், நான்கு சக்கர வாகனம், பேருந்து, ரயில் பயணங்களுக்கு இ-பாஸ் தேவையில்லை.
சென்னையில் இருந்து பிற மாவட்டங்களுக்கு அலுவல் ரீதியாக சென்று 48 மணி நேரத்தில் திரும்பும் நபருக்கு தனிமைப்படுத்துதல் தேவையில்லை
வெளிமாநிலங்களில் இருந்து ரயில் மூலமாக தமிழகம் வருபவர்களுக்கு இ-பாஸ் அவசியம் என்று தமிழக அரசு தெரிவித்துள்ளது.
வாணியம்பாடியில் நகராட்சி சார்பில் தோண்டப்பட்ட குழியில் தவறி விழுந்து சிறுவன் உயிரிழந்துள்ள சம்பவம் அந்த பகுதியில் பெரும்பரபரப்பை ஏற்படுத்தியுள்ளது. குடிநீர் பணிக்காக தோண்டப்பட்ட குழியில் தண்ணீர் தேங்கியதில், 7 அடி ஆழமுள்ள குழியில் தவறி விழுந்து 8 வயது சிறுவன் ஹரீஷ் உயிரிழந்துள்ளான்.
கொரோனா ஊரடங்கை முடிவுக்குக் கொண்டுவருவதற்கு, அமெரிக்காவில் ஜி-7 உச்சி மாநாட்டை நடத்துவதை விட சிறந்த முன்னுதாரணம் இருக்க முடியாது என டிரம்ப் கருதுவதாக வெள்ளை மாளிகை தெரிவித்திருந்தது. அதன்படி, வாஷிங்டனில் ஜூன் மாத இறுதியில் ஜி-7 நாடுகளின் உச்சி மாநாடு நடைபெற உள்ளளதாக கூறப்பட்டது . இந்த நிலையில் ஜூன் மாதம் 10ம் தேதி நடைபெற இருந்த ஜி 7 நாடுகளின் மாநாட்டை அமெரிக்க ஜனாதிபதி டொனால்டு டிரம்ப் செப்டம்பர் மாதத்திற்கு ஒத்தி வைத்துள்ளார்.
மதுரையில் மேலமடையில் வசித்து வருபவர் மோகன். 47 வயதான மோகன், சலூன் நடத்தி வருகிறார். ஊரடங்கால் பாதிக்கப்பட்டுள்ள மக்களுக்கு 5 கிலோ அரசி, காய்கறிகள், பலசரக்கு சாமான்கள் மற்றும் சமையல் எண்ணெய் போன்றவற்றை வழங்கி வருகிறார். இதற்காக தனது மகள் நேத்ராவின் படிப்புக்காக சேமித்து வைத்த 5 லட்சம் ரூபாயை செலவிட்டுள்ளார்.
இந்நிலையில் இன்று மன் கீ பாத் நிகழ்ச்சியின்போது மகள் படிப்புக்காக வைத்திருந்த ஐந்து லட்சம் ரூபாய் பணத்தில் மக்களுக்கு உதவிய மோகனுக்கு பிரதமர் மோடி பாராட்டு தெரிவித்தார்.
கொரோனாவுக்கு எதிரான போரை மிகவும் வலுவுடன் இந்திய மக்கள் போராடி வருகின்றனர். பொதுமுடக்கம் கொஞ்சம் கொஞ்சமாக விலக்கப்பட்டு வரும் நிலையில் நாம் மேலும் ஜாக்கிரதையுடன் இருக்க வேண்டும் என்று மன் கீ பாத் நிகழ்ச்சியில் பிரதமர் மோடி கேட்டுக்கொண்டுள்ளார்.
திமுக கட்சி, சமூகநீதியை குடிதோண்டி புதைத்துள்ளதாக தமிழக பாரதிய ஜனதா கட்சி தலைவர் எல். முருகன் தெரிவித்துள்ளார்.
சென்னையில் பத்திரிகையாளர்களை சந்தித்த முருகன் தெரிவித்துள்ளதாவது, கட்டுப்பாடு பகுதிகளை தவிர்த்து, பிற பகுதிகளில் கோவில்கள் திறக்க அனுமதிக்க வேண்டுமென அவர் அரசுக்கு கோரிக்கை விடுத்துள்ளார்.
/tamil-ie/media/media_files/uploads/2020/05/48286template-2020-05-31T104446.897.jpg "publive-image")
/tamil-ie/media/media_files/uploads/2020/05/65541template-2020-05-31T101304.341.jpg "publive-image")
/tamil-ie/media/media_files/uploads/2020/05/87088template-2020-05-31T095823.726.jpg "publive-image")
ஐ.நா. அமைதிப்படையில் சிறப்பாக பணியாற்றிய இந்திய பெண் ராணுவ மேஜர் சுமன் கவானிக்கு பெண் சாதனையாளர் விருது வழங்கப்பட்டுள்ளது.
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights