Tamil Nadu News Highlights: 49 பிரபலங்கள் மீதான தேசத்துரோக வழக்கு ரத்து

சீன அதிபர் வருகையையொட்டி சென்னையில் தாம்பரம், குரோம்பேட்டை பகுதிகளிலிருந்து வரும் வாகனங்கள் பல்லாவரம் ரேடியல் சாலையை பயன்படுத்தலாம். பிற்பகல் 3.30 மணி முதல் மாலை 4.30 மணி வரை 100 அடி சாலை வழியாக வாகனங்கள் திருப்பிவிடப்படும்.

சீன அதிபர் ஜி ஜின்பிங் வருகையை முன்னிட்டு அக்டோபர் 11, 12 தேதிகளில் சென்னையில் போக்குவரத்து மாற்றம் செய்யப்பட்டுள்ளது. ஜிஎஸ்டி சாலை, அண்ணா சாலை, படேல் சாலை, ராஜீவ் காந்தி சாலை, இ.சி.ஆர் ஆகிய இடங்களில் காலை 6 மணி முதல் இரவு 11 மணி வரை கனரக வாகனங்கள் செல்ல தடை

விவோ புரோ கபடி தொடரில் தமிழ் தலைவாஸ் அணிக்கு எதிரான போட்டியில் பெங்கால் வாரியஸ் அணி 29-க்கு 33 புள்ளிகள் எடுத்து வெற்றி பெற்றுள்ளது.

இயக்குனர் மணிரத்னம், ராமச்சந்திர குஹா உள்ளிட்ட 49 முக்கிய பிரபலங்கள் இந்தியாவில் நடைபெற்றுவரும் கும்பல் தாக்குதல் படுகொலை பற்றி பிரதமருக்கு கடிதம் எழுதினர். இது குறித்து அளிக்கப்பட்ட புகாரின் பேரில் பீகார் காவல்துறை 49 பேர்கள் மீது வழக்குப் பதிவு செய்தது. இந்நிலையில், மணிரத்னம், ராமச்சந்திர குஹா உள்ளிட்ட 49 பேர் மீது பதிவு செய்யப்பட்ட வழக்கை திரும்பப் பெற முடிவு செய்துள்ளது. மேலும், அவர்கள் மீது புகார் அளித்த நபருக்கு எதிராக 182வது சட்டப்பிரிவின் கீழ் வழக்குப்பதிவு செய்யப்பட்டுள்ளது. 49 பேர் மீது புகார் அளித்த நபர் தவறான தகவல்கள் அளித்ததை கண்டுபிடித்துள்ளதாக பீகார் காவல்துறை தெரிவித்துள்ளது.

தமிழக அரசு படைப்புழுக்களை கட்டுப்படுத்த உயிர்க்கொல்லி மற்றும் ரசாயன மருந்துகள் தெளிக்க ரூ.47.66 கோடி ஒதுக்கீடு செய்துள்ளது என்று அரசாணை வெளியிட்டது.

அமமுக பொதுச் செயலாளர் டிடிவி தினகரன், டெங்கு காய்ச்சலை தடுக்க பொதுமக்களுக்கு நிலவேம்பு கசாயம் வழங்குங்கள் என்று கட்சித் தொண்டர்களுக்கு வேண்டுகோள் விடுத்துள்ளார்.

தமிழக அரசு ஐ.ஏ.எஸ். அதிகாரிகளை துறை மாற்றம் செய்து நியமனம் செய்துள்ளது. அதன்படி, தமிழ்நாடு மின் உற்பத்தி மற்றும் மின்பகிர்மானக் கழக இணை மேலாண் இயக்குநராக வினீத் நியமனம். சுற்றுலா மற்றும் கலாசாரத்துறையின் கூடுதல் தலைமைச் செயலாளராக அசோக் டோங்ரே நியமனம். நகர்ப்புற நிதி மற்றும் உட்கட்டமைப்பு மேம்பாட்டுக் கழக மேலாண் இயக்குநராக அபூர்வ வர்மா நியமனம்.

போக்குவரத்துத்துறை செயலாளராக இருந்த ராதாகிருஷ்ணன் வருவாய் துறை முதன்மை ஆணையராக நியமனம் - தமிழக அரசு

போக்குவரத்துத் துறை செயலாளராக சந்திர மோகன் நியமனம்

அரியலூர் ஆட்சியராக இருந்த வினய் மதுரை ஆட்சியராக நியமனம் - தமிழக அரசு

அரியலூர் ஆட்சியராக டி.ரத்னா நியமனம்

ஜெயலலிதா இருந்திருந்தால் பாஜகவுடன் அதிமுக கூட்டணி வைத்திருக்காது - நாங்குநேரி தொகுதிக்குட்பட்ட ஏர்வாடியில் திமுக தலைவர் ஸ்டாலின் பிரசாரம்

கருணாநிதி, ஜெயலலிதா இருந்தபோது நீட் வரவில்லை, அவர்கள் இல்லாத நிலையில் தமிழகத்தில் நீட் தேர்வு புகுந்துள்ளது - ஸ்டாலின்

ஊக்கமருந்து பயன்படுத்திய விவகாரத்தில், இந்திய தடகள வீராங்கனை நிர்மலா செரான் 4 ஆண்டுகள் விளையாட தடை விதிக்கப்பட்டுள்ளது.

தான் பயணிக்க மட்டும் தனியாக காரைத் தயாரிக்க எப்ஏ.டபிள்யு(FAW) கார் தயாரிப்பு நிறுவனத்திடம் ஜி ஜின்பிங் தெரிவித்து இருந்தார்.

இதற்காக சீனாவில் பழமையான, மிகப்பெரிய உள்நாட்டு கார் தயாரிப்பு நிறுவனமான எப்ஏடபிள்யு நிறுவனம் (Hongqi) ஹாங்கி எல்-5 ரக காரை சீன அதிபருக்காக உருவாக்கி உள்ளது.

'ஹாங்கி' என்பதற்கு சீன மொழியில் 'சிவப்புக் கொடி' என்று பொருள். 10 வினாடிகளில் 100 கிலோமீட்டர் வேகத்தை அடையும் திறன் படைத்த 12 வால்வுகளைக் கொண்ட இன்ஜின் இதில் உள்ளது.

சீனாவில் மிக விலை உயர்ந்த காரான இந்த ஹாங்கி எல் 5 ரக காரின் விலை இந்திய மதிப்பில் 5 கோடியே 60 லட்ச ரூபாய்..

உருவத்திலும் பெரிய தோற்றம் கொண்ட இந்த காரானது, 3152 கிலோ எடை கொண்டது.

105 லிட்டர் பெட்ரோல் அல்லது கேஸ் நிரப்பிக்கொள்ளும் வசதி இந்த காரில் உள்ளது. ஒருமுறை எரிபொருள் நிரப்பினால், 500 மைல்கள் வரை பயணிக்க முடியும்.

திரைப்படத் தயாரிப்பாளர் மணிரத்னம் உள்ளிட்ட 49 பிரபலங்கள் மீது, தேசத்துரோக வழக்கு பதிவு செய்யப்பட்டதற்கும், மத்திய அரசுக்கும் எந்த சம்பந்தமும் இல்லை என்று, மத்திய அமைச்சர் பிரகாஷ் ஜவடேகர் தெரிவித்துள்ளார். டெல்லியில் செய்தியாளர்களிடம் பேசிய அவர், சில சிறிய கூட்டங்கள், வேண்டுமென்றே மத்திய அரசு மீது, தவறான பிரச்சாரத்தை முன்னெடுத்து வருவதாக கூறினார்.

கீழடி அகழ்வாராய்ச்சியை மத்திய அரசு நிறுத்தி வைத்துள்ளதாக பரவும் தகவல் தவறானது என அமைச்சர் மாஃபா பாண்டியராஜன் தெரிவித்துள்ளார். 5ம் கட்ட அகழாய்வு வரும் 13ம் தேதி வரை நடைபெறும், 6ம் கட்ட அகழாய்வு பணிகள் ஜனவரி மாதத்தில் தொடங்கும் என அமைச்சர் கூறியுள்ளார்.

நாங்குநேரி தொகுதிக்குட்பட்ட களக்காடு பகுதியில் பிரசாரத்தில் ஈடுபட்டிருந்த அமைச்சர் கடம்பூர் ராஜூவுக்கு திடீர் உடல் நலக்குறைவு - மருத்துவமனையில் அனுமதி.

சீன அதிபர் மற்றும் பிரதமர் மோடியில் கூட்டத்தை ஒட்டி பொதுத்துறை செயலாளர் செந்தில் தலைமையில் ஆலோசனை நடைபெற்று வருகிறது. இந்த ஆலோசனையில் காஞ்சிபுரம் ஆட்சியர் பொன்னையா, வருவாய்த்துறை அதிகாரிகள், காவல்துறை உயர் அதிகாரிகள் ஆகியோர் பங்கேற்றுள்ளனர்.

சீன அதிபரின் வருகையை ஒட்டி பாதுகாப்பு மற்றும் விழா ஏற்பாடுகளை சிறப்பாக மேற்கொள்ள 34 சிறப்பு அதிகாரிகளை நியமித்து உத்தரவிட்டுள்ளது தமிழக அரசு. இது தொடர்பாக தமிழக அரசு அரசாணை வெளியிட்டுள்ளது.

செல்போன்களில் பயன்படுத்தப்படும் லித்தியம் அயன் பேட்டரி உருவாக்கத்தில் பங்கேற்ற ஜான் காட்எனெஃப், ஸ்டான்லி விட்டிங்கம், மற்றும் அகீரா யோஷினோ என மூன்று ஆராய்ச்சியாளர்களுக்கு இந்த பரிசு பகிர்ந்தளிக்கப்பட்டுள்ளது.

வழக்கறிஞர்களுக்கான தகுதித் தேர்வில் வெற்றி பெறாதவர்கள் 1,547 வழக்கறிஞர்களுக்கு தமிழகம் மற்றும் புதுவை பார்கவுன்சில் நோட்டீஸ் அனுப்பியுள்ளது. இடைக்கால பணி நீக்கத்தை தவிர்க்கும் பொருட்டு அவர்கள் தங்களின் சான்றிதழ்களை வழங்க வேண்டும் என்று பார் கவுன்சில் அறிவுறுத்தியுள்ளது.

சீன அதிபர் மற்றும் பிரதமர் மோடிக்கு உற்சாக வரவேற்பு அளிக்க வேண்டும் என தமிழக மக்களுக்கு வேண்டுகோள் விடுத்துள்ளார் முதல்வர் எடப்பாடி பழனிசாமி. சீன அதிபரின் வருகை தமிழகத்துக்கு மட்டுமல்லாமல் இந்தியாவின் வரலாற்றிலும் மிக முக்கியமான நிகழ்வு என பேச்சு

மத்திய அரசு ஊழியர்கள் மற்றும் ஓய்வூதியம் பெரும் முன்னாள் அரசு ஊழியர்களுக்கு 5% அகவிலைப்படி அறிவிக்கப்பட்டுள்ளது. மத்திய அமைச்சரவை கூட்டத்தில் ஆலோசனை செய்து முடித்த பின்பு பிரகாஷ் ஜவடேகர் அறிவிப்பு. இதனால் அரசுக்கு ரூ. 16 ஆயிரம் கோடி கூடுதலாக செலவாகும் என்றும் அறிவித்தார்.

வடகிழக்கு பருவமழை அக்டோபர் 20ம் தேதிக்கு பின்பு துவங்கும் என அறிவிக்கப்பட்டுள்ளது. வெப்பச்சலனம் காரணமாக தர்மபுரி, கிருஷ்ணகிரி, கரூர், விருதுநகர், திருச்சி, ராமநாதபுரம் மற்றும் தூத்துக்குடி உள்ளிட்ட மாவட்டங்களில் மிதமான மழைக்கு வாய்ப்பு இருப்பதாக அறிவிக்கப்பட்டுள்ளது.

மாமல்லபுரத்தில் சீன அதிபர் மற்றும் இந்திய பிரதமரின் சந்திப்பு நடைபெற உள்ள நிலையில், அங்கு பாதுகாப்பு ஏற்பாடுகள் பலப்படுத்தப்பட்டுள்ளது. கடற்கரை கோவிலுக்கு பின்புறம் ஒரு நீர்மூழ்கி கப்பல் உட்பட 3 கப்பல்கள் பாதுகாப்பு பணிகளுக்காக நிறுத்தப்பட்டுள்ளது.

நீட் தேர்வில் ஆள்மாறாட்டம் செய்த உதித் சூர்யாவின் தந்தை டாக்டர் வெங்கடேசன் மற்றும் இர்ஃபானின் தந்தை சபியின் ஜாமீன் மனுக்களை தள்ளுபடி செய்து அறிவித்தது தேனி நீதிமன்றம்,

விக்கிரவாண்டியில் அதிமுக வேட்பாளர் முத்தமிழ்ச்செல்வனுக்கு ஆதரவாக பிரச்சாரம் மேற்கொண்ட அமைச்சர் செங்கோட்டையன், அடுத்த மாதம் உள்ளாட்சி தேர்தல் நடந்தே தீரும் என தெரிவித்தார்.

மோடி-ஷி ஜின்பிங் வருகையை ஆதரித்த மு.க.ஸ்டாலின், வைகோவிற்கு கட்சிக்கு அப்பாற்பட்டு நன்றி  தெரிவித்துக்கொள்வதாக முன்னாள் மத்திய இணையமைச்சர் பொன்.ராதாகிருஷ்ணன் தெரிவித்துள்ளார்.

பெங்களூரு பரப்பன அக்ரஹாரா சிறையில் இருந்து விதிமீறி சசிகலா வெளியே சென்றது குறித்து காவல் அதிகாரி ரூபா கூறிய புகார் உண்மையே என்று விசாரணைக்குழு அறிக்கையில் தெரிவிக்கப்பட்டுள்ளது. சிறையில் சலுகைகளைப் பெற சசிகலா லஞ்சம் தந்தார் என்றும் அதில் தெரிவிக்கப்பட்டுள்ளது.

சென்னையின் சாலிகிராமம், விருகம்பாக்கம் உள்ளிட்ட பகுதிகளில் பெய்த மழையால், மக்கள் மகிழ்ச்சியடைந்துள்ளனர். தென்மேற்கு பருவமழை முடிவடைந்துள்ள நிலையில், வடகிழக்கு பருவமழையின் துவக்கமாக இந்த மழை கருதப்படுகிறது.

வைகை அணையில் இருந்து மதுரை, திண்டுக்கல், சிவகங்கை மாவட்ட பாசன வசதிக்கு வினாடிக்கு 1,130 கனஅடி வீதம் தண்ணீர் திறக்கப்பட்டுள்ளது.

ஆளும் கட்சியினர்தான் மக்களை சந்தித்து குறைகளை கேட்க வேண்டும், ஆனால் எதிர்கட்சியாகிய நாங்கள் தான் ஆளும் கட்சி செய்ய வேண்டிய பணியை செய்து கொண்டிருக்கிறோம். சென்னை உட்பட தமிழகம் முழுவதும் தண்ணீர் தட்டுப்பாடு ஏற்பட்டுள்ளது, அதைப் பற்றி கவலைப்படாத இந்த அரசுக்கு பாடம் புகட்டுங்கள் என நாங்குநேரியில் காங்கிரஸ் வேட்பாளர் ரூபி மனோகரனை ஆதரித்து திமுக தலைவர் ஸ்டாலின் பிரசாரம் செய்தார். 

கடந்த 8 ஆண்டுகளாக ஆட்சியில் இருக்கக் கூடியவர்கள் விவசாயம், பெண்கள் மேம்பாடு, நாட்டு மக்கள் குறித்து கவலைப்படாமல் இருந்து வருகின்றனர் என்று நெல்லை நொச்சிக்குளத்தில் பத்திரிகையாளர்களை சந்தித்த திமுக தலைவர் ஸ்டாலின் கூறினார்.

சென்னையில், பெட்ரோல், டீசல் விலையில் நேற்றைய விலையில் இருந்து எவ்வித மாற்றமின்றி பெட்ரோல் லிட்டருக்கு ரூ. 76.43 ஆகவும், டீசல் லிட்டருக்கு ரூ. 70.57 ஆகவும் விற்பனை செய்யப்படுகிறது.

பெங்களூரு நகர குற்றப்பிரிவு போலீசார், பெங்களூரு பரப்பன அக்ரஹார சிறையில் அதிகாலை முதல் சோதனையில் ஈடுபட்டு வருகின்றனர். இந்த சோதனையால், சிறை வளாகம் முழுவதும் பரபரப்பு நிலவி வருகிறது.

இதுவரை ஆட்சிக்கு வந்து விடுவோம் என ஒரு லட்சத்து, 11 ஆயிரம் முறை சொல்லிவிட்டார் ஸ்டாலின், இனிமேல் சொன்னாலும் ஆட்சிக்கு, ஸ்டாலின் வர மாட்டார் என்று நாங்குநேரியில் நடைபெற்ற தேர்தல் பிரசார கூட்டத்தில் அமைச்சர் உதயகுமார் கூறினார்.