Tamil Nadu news today updates : நாடாளுமன்ற குளிர் கால கூட்டத்தொடர் நவம்பர் 18 -ல் கூடும் என அறிவிப்பு

இலங்கை கடல் எல்லைக்குள் அத்துமீறி நுழைந்ததாக, புதுக்கோட்டை மீனவர்கள் 3 பேரை சிறைபிடித்து, காங்கேசன்துறை கடற்படை முகாமில் வைத்து இலங்கை கடற்படையினர் விசாரணை நடத்தி வருகின்றனர்.

முதலமைச்சர் பழனிசாமி விக்கிரவாண்டி, அத்தியூர் திருக்கையில் தேர்தல் பிரசாரம் செய்தபோது, அதிமுக ஆட்சி பெரும்பான்மை பலத்துடன் நடைபெற்று வருகிறது. அதிமுக ஆட்சி நீடித்து நிலைத்து நிற்கும். ஸ்டாலினுக்கு மக்களை ஏமாற்றுவது தான் எண்ணம் என்று கூறினார்.

கோவை பாரதியார் பல்கலைக்கழக துணை வேந்தராக பி.காளிராஜை நியமித்தார் ஆளுநர் பன்வாரிலால் புரோஹித்

துணைவேந்தராக நியமிக்கப்பட்டுள்ள பி.காளிராஜ் 31 ஆண்டுகள் பேராசிரியர் பணியில் அனுபவம் பெற்றவர்

சேலம், கன்னியாகுமரி, கோவை மற்றும் பெரம்பலூர் மாவட்டத்தின் பல்வேறு பகுதிகளில் இடி, மின்னலுடன் கனமழை பெய்து வருகிறது.

2023-ம் ஆண்டுக்குள் குடிசை வீடுகளில் வசிக்கும் மக்களுக்கு கான்கிரீட் வீடுகள் கட்டிக்கொடுக்கப்படும்.  நாங்குநேரி வடுகச்சிமதிலில் துணை முதலமைச்சர் பன்னீர்செல்வம் பிரசாரம். திமுக ஆட்சி, மின்சார பற்றாக்குறையை நீக்கமுடியாத ஆட்சியாக இருந்தது - ஓ.பன்னீர் செல்வம்

கல்கி ஆசிரமம் மற்றும் அலுவலங்களில் நடைபெற்று வரும் வருமானவரித்துறை சோதனையில் மாலை 5 மணி வரை கணக்கில் வராத ரூ 20 கோடி பணம் மற்றும் ஆவணங்கள் கைப்பற்றப்பட்டுள்ளதாக தகவல் வெளியாகியுள்ளது.

அதிமுக கூட்டணி பலமாக உள்ளது விக்கிரவாண்டி, நாங்குநேரி தொகுதிகளில் அதிமுக கூட்டணி வெற்றி நிச்சயம் - தூத்துக்குடி விமான நிலையத்தில் பிரேமலதா விஜயகாந்த் பேட்டி.

நீட் தேர்வு ஆள்மாறாட்டம் தொடர்பான வழக்குகள் நீதிபதிகள் கிருபாகரன், வேல்முருகன் அடங்கிய அமர்வு முன்பு இன்று விசாரணைக்கு வந்தது. அப்போது தமிழக அரசு தரப்பில் ஆஜரான கூடுதல் தலைமை வழக்கறிஞர், சிபிசிஐடி மேற்கொண்டுவரும் விசாரணை குறித்த அறிக்கையை தாக்கல் செய்தார். அப்போது மாணவர்களின் ஆடை, தலைமுடி வரை சோதனை செய்த அதிகாரிகள், முகத்தை சோதனை செய்யாமல் விட்டுவிட்டார்கள் என தெரிவித்தனர். மேலும் தமிழகத்தில் அரசு மருத்துவ கல்லூரியில் சேர்ந்த 4,250 மாணவர்களின் கைரேகை பதிவை சிபிசிஐடியிடம் ஒப்படைக்க தேசிய தேர்வு முகமைக்கு நீதிபதிகள் உத்தரவிட்டனர். மோசடியில் சிக்கும் மாணவர்களின் புகைப்படங்களை பத்திரிகை மற்றும் ஊடகங்களில் வெளியிட கூடாது என உத்தரவிட்ட நீதிபதிகள், இந்த வழக்கை சிபிஐ ஏன் விசாரிக்க கூடாது என்பது குறித்து பதிலளிக்க சிபிஐ க்கு நீதிபதிகள் உத்தரவிட்டனர். மேலும் எதிர்காலத்தில் நியாயமான முறையில் நீட் தேர்வு நடத்த எடுக்கும் நடவடிக்கைகள் குறித்து மத்திய மாநில அரசுகள் பதிலளிக்கவும் உத்தரவிட்டனர்.

திருச்சி நகைக்கடை கொள்ளை வழக்கில் கொள்ளையன் முருகனின் காவல் 8 நாள் நீட்டிப்பு. பெங்களூரு குற்றவியல் நடுவர் நீதிமன்றம் உத்தரவு. ஏற்கனவே 4 நாள் போலீஸார் விசாரணை செய்த நிலையில் காவல் நீட்டிப்பு

பொது நிர்வாகத்தில் வெளிப்படைத் தன்மை இல்லாவிட்டால் முறைகேடுகளையும், சட்ட விரோத நடவடிக்கைகளையும் வெளிகொண்டுவர முடியாது.

பொது நிர்வாகத்தில் வெளிப்படை தன்மையை உறுதி செய்வது தகவல் உரிமைச் சட்டம் - சென்னை உயர்நீதிமன்றம் கருத்து

சசிகலா சிறையில் இருந்து வெளியே வந்தவுடன் அவரை கட்சியின் தலைமை பொறுப்புக்கு கொண்டுவருவது குறித்து தலைமை முடிவெடுக்கும். அதிமுக தலைமை எடுக்கும் முடிவை நான் ஆதரிப்பேன் என்று அமைச்சர் ராஜேந்திர பாலாஜி கூறியுள்ளார்.

அயோத்தி இடம் தொடர்பான வழக்கில் 40 நாட்கள் நடந்த தொடர் வாதங்களுக்குப் பிறகு தேதி குறிப்பிடாமல் உச்சநீதிமன்றம் தீர்ப்பை ஒத்திவைத்ததுள்ளது. தீர்ப்பு, நவம்பர் மாதம் வெளியாகலாம் என்று எதிர்பார்க்கப்படுகிறது

நாங்குநேரி இடைத்தேர்தலுக்கான மின்னணு வாக்குப்பதிவு இயந்திரங்கள் முன்னறிவிப்பின்றி மாற்றப்பட்டிருப்பதாக திமுக சார்பில், தேர்தல் ஆணையத்தில் புகார் அளிக்கப்பட்டிருந்தது. இந்நிலையில், பத்திரிகையாளர்களை சந்தித்த தமிழக தலைமை தேர்தல் அதிகாரி சத்யபிரஹா சாஹூ, இடமாற்றம் செய்யப்பட்ட வாக்குப்பதிவு இயந்திரங்கள், தேர்தல் அலுவலர்களின் பயிற்சிக்காக பயன்படுத்துபவை என்று விளக்கம் அளித்துள்ளார்.

வடகிழக்கு பருவமழையை எதிர்கொள்ள மாவட்ட வாரியாக ஐஏஎஸ் அதிகாரிகள் நியமனம் செய்து தமிழக அரசு உத்தரவிட்டுள்ளது. மாவட்ட வாரியாக மொத்தம் 42 அதிகாரிகள் நியமனம் செய்யப்பட்டுள்ள நிலையில், , காஞ்சிபுரம் மாவட்டத்திற்கு மட்டும் 11 பேர் நியமனம் செய்யப்பட்டுள்ளனர்.

விக்கிரவாண்டி இடைத்தேர்தலில், அதிமுக வேட்பாளரை ஆதரித்து தேமுதிக தலைவர் விஜயகாந்த், அக்டோபர் 19ம் தேதி பிரசாரம் மேற்கொள்வார் என்று தெரிவிக்கப்பட்டுள்ளது. இத்தொகுதிக்கு இடைத்தேர்தல், வரும் 21ம் தேதி நடைபெற உள்ளது குறிப்பிடத்தக்கது.

தமிழகத்தில் இனி வியாழக்கிழமைகளில் டெங்கு ஒழிப்பு தினமாக அனுசரிக்க முடிவு செய்யப்பட்டுள்ளது. வெள்ளிக்கிழமைகளில் அதிகாரிகள் ஆய்வு மேற்கொள்வர் என்று மாநில சுகாதாரத்துறை அறிவித்துள்ளது.