இன்றைய செய்திகள் : தடையை மீறி இன்று சட்டமன்றம் முற்றுகை: இஸ்லாமிய அமைப்புகள் மும்முரம்

சென்னை ஆவடி அருகே மதுபோதை ஆசாமியை மர்ம நபர்கள் அடித்து கொலை செய்த சம்பவம் தொடர்பாக போலீசார் விசாரித்து வருகின்றனர்.

அனைத்து இஸ்லாமிய அமைப்புகள், அரசியல் கட்சிகளின் கூட்டமைப்பு தலைவர் காஜா முகைதீன், சிஏஏவுக்கு எதிராக நாளை திட்டமிட்டபடி சட்டமன்ற முற்றுகைப் போராட்டம் நடைபெறும் என்று தெரிவித்துள்ளார். மேலும், தேசியக்கொடி ஏந்தி அமைதியான முறையில் வரம்பு மீறாத வகையில் போராட்டம் நடைபெறும் என்று தெரிவித்துள்ளார்.

தனது பிறந்தநாளுக்கு வாழ்த்து தெரிவித்த அனைவருக்கும் நன்றி தெரிவித்து நடிகர் சிவகார்த்திகேயன் தனது பேஸ்புக் பக்கத்தில் வீடியோ வெளியிட்டுள்ளார். 

சிஏஏ மற்றும் என்ஆர்சி என்றால் என்ன ? என்பதை புரிந்துகொண்டு முதலமைச்சர் பேச வேண்டும் என திமுக எம்பி கனிமொழி விமர்சித்துள்ளார்.

குரூப் மற்றும் விஏஓ தேர்வுகளில் ஜெயக்குமாருடன் இணைந்து விண்ணப்பங்களை மாற்றி முறைகேடு செய்த திருவல்லிக்கேணியைச் சேர்ந்த குற்றவாளி அசோக்குமார் என்பவர் கைது

சீனாவில் கொரோனா வைரஸ் தாக்குதலால் உயிரிழந்தோர் எண்ணிக்கை 1900 ஆக அதிகரித்துள்ளது. சீனாவில் உள்ள விளையாட்டு மைதானங்கள் அனைத்தும் மருத்துவமனைகளாக மாற்றப்பட்டு சிகிச்சை அளிக்கப்பட்டு வருகிறது.

சிம்புவின் ‘மாநாடு’ படத்தின் படப்பிடிப்பு நாளை தொடங்க உள்ளது. பல்வேறு சிக்கல்கள் நடுவில் சிக்கித் தவித்த இந்தப் படம் ஒருவழியாக தொடங்க உள்ளதால் சிம்புவின் ரசிகர்கள் மிகுந்த உற்சாகத்தில் உள்ளனர்.

சிஏஏவுக்கு எதிராக நாளை திட்டமிட்டபடி சட்டமன்ற முற்றுகைப் போராட்டம் நடைபெறும். தேசியக்கொடி ஏந்தி அமைதியான முறையில் வரம்பு மீறாத வகையில் போராட்டம் நடைபெறும். எதிர்மனுதாரராக சேர்க்கவில்லை என்பதால் நீதிமன்றம் விதித்த தடை எங்களுக்குப் பொருந்தாது

- அனைத்து இஸ்லாமிய அமைப்புகள், அரசியல் கட்சிகளின் கூட்டமைப்பு தலைவர் காஜா முகைதீன்

பாமக நிறுவனர் ராமதாஸ் வெளியிட்டுள்ள அறிக்கையில், “சாதிவாரி மக்கள்தொகை கணக்கெடுப்பு நடத்த தமிழக அரசு முன்வர வேண்டும். மாநில அளவில் சாதிவாரி கணக்கெடுப்பு நடத்த ஒடிசா அரசு முடிவு செய்திருக்கிறது. அதற்கு என்னென்ன காரணங்கள் உண்டோ, அவை அனைத்தும் தமிழகத்திற்கும் பொருந்தும்” என்று தெரிவித்துள்ளார்.

திமுக தலைவர் மு.க.ஸ்டாலின், “செம்மொழித் தமிழாய்வு நிறுவனத்திற்கு உரிய நிதி ஒதுக்கி, ஆய்வறிஞர்களை நியமிக்க வேண்டும்” என வலியுறுத்தியுள்ளார்.

தமிழ்நாடு காங்கிரஸ் கமிட்டி தலைவர் கே.எஸ்.அழகிரி வெளியிட்டுள்ள அறிக்கையில்,  “தமிழகத்தை, மத்திய அரசு தொடர்ந்து வஞ்சிக்கிறது. தமிழக நலன்களை பாதிக்கும், ஒரே நாடு, ஒரே குடும்ப அட்டை, உதய் மின் திட்டத்தை தமிழக அரசு ஆதரிக்கிறது. ரயில்வே, தபால் துறை தேர்வில் தமிழ் மொழி புறக்கணிக்கப்பட்டுள்ளதால் ஏராளமான இளைஞர்களுக்கு வாய்ப்பு கிடைக்கவில்லை" என தெரிவித்துள்ளார்.

பிகில் திரைப்படத்தின் வசூல் தொடர்பாக விளக்கம் அளிக்க ஏஜிஎஸ் நிறுவனம், நடிகர் விஜய் மற்றும் அன்புச்செழியன் ஆகியோருக்கு வருமான வரித்துறை சம்மன் அனுப்பி இருந்தது. இதில் பிப்ரவரி 11ஆம் தேதி நடிகர் விஜய் மற்றும் அன்புச்செழியனின் ஆடிட்டர் ஆகியோர் ஆஜராகி விளக்கம் அளித்தனர். கடந்த 12ஆம் தேதி ஏஜிஎஸ் நிறுவனத்தின் முதன்மை செயல் அதிகாரி அர்ச்சனா கல்பாத்தி ஆஜரானார். தொடர்ந்து, நேரில் ஆஜராகி விளக்கம் அளிக்க வேண்டும் என அன்புச்செழியனுக்கு சம்மன் அளிக்கப்பட்டது. அதன்படி, இன்று அவர் நுங்கம்பாக்கத்தில் உள்ள வருமான வரித்துறை அலுவலகத்தில் ஆஜரானார்.

இந்தியா உடனான டெஸ்ட் போட்டியில் கோலியை அவுட்டாக்கி தன்னுடைய திறனை சோதிப்பேன் என்று நியூசிலாந்து அணியின் வேகப்பந்து வீச்சாளர் ட்ரெண்ட் போல்ட் கூறியுள்ளார்.

கடந்த 3 ஆண்டுகளில் சமஸ்கிருத வளர்ச்சிக்கு ஒதுக்கப்பட்டது ரூ.643.84 கோடி, செம்மொழி தமிழின் வளர்ச்சிக்கு ஒதுக்கியதோ வெறும்
ரூ. 22.94 கோடி! மத்திய அரசு தமிழ் மொழிக்கு எதிரானது என்பதை உணர்ந்து, மொழி உரிமை காக்க உரிய நிதி கோரி பெறுவதற்கான முதுகெலும்பற்றது எடப்பாடி அரசு 

- திமுக தலைவர் மு.க.ஸ்டாலின்

தமிழ்நாடு காங்கிரஸ் கமிட்டித் தலைவர் கே.எஸ்.அழகிரி: சிஏஏ-வால் யாருக்கும் பாதிப்பு இல்லை என யார் சொன்னாலும் தவறு தான். சிஏஏவை ஆதரிக்க வேண்டுமெனில் நீட் தேர்வை ரத்து செய்ய வேண்டும் என தமிழக அரசு கேட்டிருக்கலாம் என்று கூறியுள்ளார்.

குரூப் 4 மற்றும் விஏஓ தேர்வுகளில் ஜெயக்குமாருடன் இணைந்து விண்ணப்பங்களை மாற்றி முறைகேடு செய்த திருவல்லிக்கேணியைச் சேர்ந்த குற்றவாளி அசோக்குமார் என்பவர் கைது செய்யப்பட்டுள்ளார்.

இஸ்லாமிய கூட்டமைப்பு சார்பில் நாளை நடைபெறவுள்ள சட்டமன்ற முற்றுகைப் போராட்டத்திற்கு தடை உயர் நீதிமன்றம் தடை விதித்துள்ளது. மார்ச் 11 வரை போராட்டத்திற்கு தடை விதித்துள்ள உயர் நீதிமன்றம் மத்திய, மாநில அரசுகள், தமிழக டிஜிபி, காவல் ஆணையர், வண்ணாரப்பேட்டை துணை ஆணையர், காவல் ஆய்வாளர் பதிலளிக்க உத்தரவிட்டுள்ளது.

பிகில் திரைப்பட வரி ஏய்ப்பு புகார் தொடர்பாக, தயாரிப்பாளர் கல்பாத்தி அகோரம், பைனான்சியர் அன்புச்செழியன் உள்ளிட்டோருக்கு சொந்தமான இடங்களில் வருமான வரித்துறையின் அண்மையில் சோதனை செய்தனர். அதே போல, நடிகர் விஜய் இடம் விசாரணை மேற்கொண்டனர்.

வருமானவரித்துறை சோதனையில், அன்புச்செழியன் மற்றும் அவரது நண்பருக்கு சொந்தமான இடங்களில் இருந்து ரூ.77 கோடி கணக்கில் வராத பணம் பறிமுதல் செய்யப்பட்டது.

இந்த விவகாரம் தொடர்பாக, கடந்த 11ம் தேதி நடிகர் விஜய், அன்புச்செழியன் ஆகியோரது ஆடிட்டர்களும்,12ஆம் தேதி ஏ.ஜி.எஸ் நிறுவன சிஇஓ அர்ச்சனா கல்பாத்தி ஆஜராகி விளக்கம் அளித்தனர்.

இந்த நிலையில், நுங்கம்பாக்கம் வருமான வரித்துறை அலுவலகத்தில் பைனான்சியர் அன்புச்செழியன் நேரில் ஆஜரானார். அவரிடம் 300 கோடி ரூபாய் தொடர்பான வரி ஏய்ப்பு குறித்து கேள்வி எழுப்பிய அதிகாரிகள் நடிகர் மற்றும் தயாரிப்பாளர்களுக்கு பணப்பரிவர்த்தனை செய்யப்பட்டது குறித்து வருமானவரித்துறை அதிகாரிகள் விசாரணை நடத்தினர்.

தமிழக சட்டப்பேரவையில் குடியுரிமை திருத்தச் சட்டம் தொடர்பான கேள்விக்கு பதிலளித்து பேசிய முதல்வர் பழனிசாமி: குடியுரிமைச் சட்டத்தை திரும்ப பெறும் அதிகாரம் மத்திய அரசிடம் தான் உள்ளது; தமிழக அரசிடம் இல்லை. சிஏஏவால் தமிழகத்தில் யார் பாதிக்கப்பட்டு இருக்காங்கனு சொல்லுங்க; நான் பதில் சொல்றேன் என ஆவேசமாகப் பேசினார்.

தமிழக சட்டப்பேரவையில் குடியுரிமை திருத்தச் சட்டம் தொடர்பான கேள்விக்கு பதிலளித்து பேசிய முதல்வர் பழனிசாமி: குடியுரிமைச் சட்டத்தை திரும்ப பெறும் அதிகாரம் மத்திய அரசிடம் தான் உள்ளது; தமிழக அரசிடம் இல்லை. என தெரிவித்துள்ளார்.

மதிமுக பொதுச்செயலாளர் வைகோ வெளியிட்டுள்ள அறிக்கையில், “தமிழகத்தில் உள்ள பல்லாயிரக்கணக்கான கிராமங்களில் கோடிக்கணக்கன மக்கள் மாசி, பங்குனி மாதங்களில் தங்கள் குலதெய்வ வழிபாடுகளை திருவிழாக்களாக நடத்தி வருகிறார்கள். இந்த திருவிழாக்களில்தான் மக்கள் ஒன்று கூடுகிறார்கள். இத்தகைய கோயில் திருவிழாக்களில் அறிவார்ந்த பட்டிமன்றங்கள், சமயச் சொற்பொழிவுகள், ஆடல், பாடல், இசைக் கச்சேரிகள், வில்லிசை என பல்வேறு கேளிக்கை நடைபெறுகின்றன. முன்பெல்லாம் இது போன்ற நிகழ்வுகள் இரவு 9 மணிக்கு தொடங்கி அதிகாலை 5 மணி வரை நடைபெறும். ஆனால், கடந்த சில ஆண்டுகளாக, இரவு 10 மணிக்கு மேல் திருவிழாக்களில் ஒலிபெருக்கி பயன்படுத்தக் கூடாது நிபந்தனை விதித்துள்ளது. விழா கமிட்டியினர் கோயில் விழாக்களுக்கு அனுமதி பெறுவதற்கு சிரமப்படுகின்றனர். அதனால், தமிழக காவல்துறை கட்டுப்பாடுகளை தளர்த்த வேண்டும் என்று கோரிக்கை விடுத்துள்ளார்.

குஜராத்துக்கு அமெரிக்க அதிபர் டிரம்ப் வருகை எதிரொலியாக அகமதாபாத்தின் மொடேரா பகுதி குடிசைவாசிகள் 7 நாட்களில் காலி செய்ய வேண்டும் என அகமதாபாத் நகராட்சி நோட்டீஸ் விடுத்துள்ளதால பரபரப்பு ஏற்பட்டுள்ளது.

விஜய்யின் ‘மாஸ்டர்’ படத்தின் படப்பிடிப்புகள் இன்னும் பத்து தினங்களில் முழுமையாக முடிவடைய உள்ளதாக தகவல் வெளியாகியுள்ளது.

திமுக தலைவர் மு.க.ஸ்டாலின் அமைச்சர் எஸ்.பி.வேலுமணி தொடர்ந்த அவதூறு வழக்கை ரத்து செய்யக்கோரி தாக்கல் செய்த மனுவில், அமைச்சர் வேலுமணி மீதான வழக்கை திசை திருப்பும் நோக்கில் என் மீது வழக்கு தொடரப்பட்டுள்ளது என தெரிவித்துள்ளார். இந்த மனு சென்னை உயர்நீதிமன்றத்தில் விரைவில் விசாரணைக்கு வர உள்ளது.

முன்னாள் மத்திய அமைச்சர் ப.சிதம்பரம் மற்றும் அவரது மகன் கார்த்தி சிதம்பரத்திற்கு ட்விட்டரில் கொலை மிரட்டல் விடுத்தவர் மீது போலீசார் வழக்குப்பதிவு செய்துள்ளனர்.

தமிழக சட்டப்பேரவையில் 2020-21-ம் ஆண்டுக்கான பட்ஜெட் விவாதத்தின்போது, திமுக எம்.எல்.ஏ மனோஜ் தங்கராஜ், வருவாய் பற்றாக்குறை அதிகரித்துக் கொண்டே செல்கிறது. இதனிடையே டாஸ்மாக் மூலம் ரூ.30,000 கோடி கிடைப்பதாக சொல்கிறீர்கள். இவ்வாறு அரசுக்கு வருவாய் வருவது நல்லதல்ல. மதுவிலக்கை அமல்படுத்துவோம் என்று தெரிவித்தீர்கள். எப்போது மதுவிலக்கு அமல்படுத்தப்படும் என்று கேள்வி எழுப்பினார்.

இதற்கு பதிலளித்த அமைச்சர் தங்கமணி: மது குடிப்பது அதிகரிப்பதே டாஸ்மாக் வருவாய் உயர்வுக்கு காரணம். தமிழகத்தில் மக்கள் குடிக்கிறார்கள். அதற்காக என்ன செய்ய முடியும்? திமுக ஒரே நாளில் மதுவிலக்கை அமல்படுத்துவோம் என கூறினீர்கள். நாங்கள் படிப்படியாக அமல்படுத்துவோம் என்று வாக்குறுதி கொடுத்தோம். அதன்படி தமிழகத்தில் படிப்படியாக மதுவிலக்கு அமல்படுத்தப்படும் என்றார்.

அதிமுகவில் விரைவில் மாற்றங்கள் மற்றும் சீர்திருத்தங்களை செயல்படுத்துவோம். வருகின்ற உள்ளாட்சி மற்றும் சட்டமன்ற தேர்தலில் வெற்றி பெற அனைவரும் ஒன்றிணைந்து செயல்பட வேண்டும் என்று முதல்வர் பழனிசாமி துணைமுதல்வர் பன்னீர்செல்வம் கூட்டாக வெளியிட்டுள்ள அறிக்கையில் தெரிவிக்கப்பட்டுள்ளது.

குடியுரிமை சட்டத்தால் தமிழ்நாட்டில் பிறந்த எந்த சிறுபான்மையினருக்கும் பாதிப்பில்லை.  மத்திய அரசுதான் முடிவெடுக்கும் சூழலில் உள்ளது; மத்திய அரசிடம் திமுக உறுப்பினர்கள் வலியுறுத்துங்கள் என்று சட்டசபையில் முதல்வர் பழனிசாமி தெரிவித்துள்ளார்.

தமிழக ஊடகங்கள் குறித்து சர்ச்சை கருத்து தெரிவித்த திமுக எம்பி ஆர் எஸ் பாரதியின் செயலுக்கு கமல்ஹாசனின் மக்கள் நீதி மய்யம் கண்டனம் தெரிவித்து அறிக்கை வெளியிட்டுள்ளது.

காஞ்சிபுரம் மதுவிலக்கு பிரிவு பெண் காவல் ஆய்வாளர் மீது கொடூர தாக்குதல் நடத்தும் சிசிடிவி காட்சி வெளியானதால் பரபரப்பு ஏற்பட்டது.  ஓய்வுபெற்ற காவல் அதிகாரியின் மகனுக்கும், பெண் காவல் ஆய்வாளருக்கும் நடந்த  சண்டையில் பெண் காவல் ஆய்வாளர் மீது கடும் தாக்குதல் நடத்தப்பட்டது குறிப்பிடத்தக்கது.

தமிழகத்தில் நடமாடும் ரேசன் கடைகள் செயல்பட அரசு நடவடிக்கை எடுத்துவருவதாக சட்டசபையில் அமைச்சர் செல்லூர் ராஜூ தெரிவித்துள்ளார்.

மருத்துவ மாணவி, 'நிர்பயா' பாலியல் பலாத்கார வழக்கின் குற்றவாளிகளுக்கு, மார்ச், 3ம் தேதி அதிகாலை, 6:00 மணிக்கு துாக்கு தண்டனையை நிறைவேற்ற, திஹார் சிறை அதிகாரிகளுக்கு, டில்லி நீதிமன்றம் புது, 'வாரன்ட்' பிறப்பித்துள்ளது.

சீனாவில், 'கொரோனா' வைரஸ் பாதிப்பால் உயிரிழந்தோர் எண்ணிக்கை, 1,868 ஆக உயர்ந்துள்ளது. இதுவரை, 72 ஆயிரத்து, 436 பேருக்கு, இதன் பாதிப்பு இருப்பது உறுதி செய்யப்பட்டு உள்ளது.

கே பாலசந்தர் இயக்கத்தில் விசுவின் வசனத்தில் ரஜினிகாந்த் நடிப்பில்  உருவான நெற்றிகண் படத்தை நடிகர் தனுஷ் ரீமேக் செய்ய இருப்பதாக தகவல் வெளியானது. முறையான உரிமம் வாங்கியே தனுஷ், இந்த படத்தை ரீமேக் செய்ய வேண்டும் இல்லையென்றால் வழக்கு தொடரப்படும் என்று  இயக்குனர் விசு எச்சரிக்கை விடுத்திருந்தார். இந்நிலையில், கவிதாலயா நிறுவனம், நெற்றிக்கண் பட உரிமையை, தனுஷிற்கு விற்கவில்லை என்று விளக்கமளித்துள்ளது. 

சென்னையில் பெட்ரோல் நேற்றைய விலையில் இருந்து 5 காசுககள் குறைந்து, ஒரு லிட்டர் ரூ.74.68 ஆகவும், டீசல், நேற்றைய விலையில் இருந்து, 5 காசுகள் குறைந்து, ஒரு லிட்டர் ரூ.68.27 ஆகவும் உள்ளது. 

டிஎன்பிஎஸ்சி முறைகேட்டில், திமுக முன்னாள் அமைச்சர்களான கே என் நேரு, வீரபாண்டி ஆறுமுகம் உள்ளிட்டோருக்கு தொடர்பு இருப்பதாக மீன்வளத்துறை அமைச்சர் ஜெயக்குமார் பரபரப்பு குற்றச்சாட்டு தெரிவித்துள்ளார்.