/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2019/12/images_qtbn3AANd9GcS7p9A-MoYBISdQX26zXMKIKPONwvP.jpg)
Tamil Nadu News Today Live
Flash News in Tamilnadu Today Updates: தமிழகத்தில், உள்ளாட்சி தேர்தலை நடத்த, உச்ச நீதிமன்றம் அனுமதி வழங்கியுள்ளது. உள்ளாட்சி தேர்தலுக்கு தடை விதிக்க கோரி, தி.மு.க., தாக்கல் செய்த மனுவை விசாரித்த நீதிபதிகள், '2011ம் ஆண்டு மக்கள் தொகை கணக்கெடுப்பின்படி, உள்ளாட்சி தேர்தலை நடத்த வேண்டும்' என, உத்தரவிட்டுள்ளனர். மேலும், ஒன்பது மாவட்டங்களுக்கு, 2011 -மக்கள் தொகை கணக்கெடுப்பு அடிப்படையில், மறுவரையறை, இட ஒதுக்கீடு செய்து, நான்கு மாதங்களில் தேர்தல் நடத்தவேண்டும் என உத்தரவிட்டிருந்தோம். அது, இப்போது, மூன்று மாதங்களாக குறைக்கப்படுகிறது. இவ்வாறு, நீதிபதிகள் உத்தரவிட்டனர்.
மாநிலங்களவையில் குடியுரிமை சட்டதிருத்த மசோதா – அமித்ஷா தாக்கல்
ராஜ்யசபாவிலும், குடியுரிமை சட்ட திருத்த மசோதா நிறைவேறியது. மசோதாவுக்கு ஆதரவாக, 125 ஓட்டுகளும், எதிராக, 105 ஓட்டுகளும் பதிவாகின. மசோதாவை தாக்கல் செய்து, அமித் ஷா பேசியதாவது: திட்டமிட்டு பரப்பப்படும் தவறான தகவல்களால், முஸ்லிம்களுக்கு குழப்பம் ஏற்பட்டுள்ளது. முஸ்லிம்கள் அச்சப்படத் தேவையில்லை. இந்த மசோதாவால் எந்த பாதிப்பும் ஏற்படாது. இந்தியக் குடியுரிமை பெற்றுள்ள அவர்கள், தொடர்ந்து இந்தியர்களாகவே இருப்பர். யாரும் உங்களை துன்புறுத்த மாட்டர். அதே நேரத்தில், சட்ட விரோதமாக வந்துள்ள முஸ்லிம்களுக்கு குடியுரிமை அளிக்க முடியாது. அண்டை நாடுகளில் சிறுபான்மையினராக இருந்து, அகதிகளாக வந்துள்ள ஹிந்து, பார்சி, சீக்கியர் உள்ளிட்டோருக்கு குடியுரிமை அளிக்கப்படும். இதன் மூலம், கல்வி, வேலைவாய்ப்பு, மருத்துவம் என, இதுவரை மறுக்கப்பட்ட வசதிகள் அவர்களுக்கு கிடைக்கும். நாங்கள் ஓட்டு அரசியலுக்காக இதை செய்யவில்லை. தேர்தல் அறிக்கையிலேயே இதை நாங்கள் குறிப்பிட்டுள்ளோம். அதற்கு மக்களிடம் ஆதரவு உள்ளது. அதனால்தான், லோக்சபா தேர்தலில், பா.ஜ.,வுக்கு அமோக ஆதரவு அளித்தனர். இவ்வாறு அவர் பேசினார்.
Live Blog
Tamil Nadu and Chennai news today updates of weather, traffic, rainfall, Breaking : இன்று சென்னை மற்றும் தமிழகத்தின் பல்வேறு பகுதிகளில் நடைபெறும் அனைத்து முக்கிய நிகழ்வுகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.
17வது சென்னை சர்வதேச திரைப்பட விழாவில் பேசிய நடிகர் பாக்யராஜ்: “அதிமுக ஆட்சி தொடர வேண்டும் என பிரார்த்திக்கிறேன். திரைப்படத்துறைக்கு தமிழக அரசு அதிக நிதியுதவி வழங்கி வருகிறது. ஊசி இடம் கொடுக்காமல் நூல் நுழையாது என சொல்லி சம்மன் வாங்கியதால் இப்போது பழமொழி சொல்லவே பயமாக இருக்கிறது.” என்று கூறினார்.
என் பிறந்தநாளுக்கு வாழ்த்து தெரிவித்த தமிழக மக்கள், திரையுலக நண்பர்கள் மற்றும் அரசியல் பிரமுகர்களுக்கு நன்றி என நடிகர் ரஜினிகாந்த் டுவிட்டரில் பதிவிட்டுள்ளார்.
— Rajinikanth (@rajinikanth) December 12, 2019
நாடாளுமன்றத்தில் நிறைவேற்றப்பட்ட குடியுரிமை சட்டத் திருத்த மசோதாவுக்கு எதிராக டிசம்பர்17ஆம் தேதி மாவட்டந்தோறும் திமுக கண்டன ஆர்ப்பாட்டம் நடத்தும் என்று திமுக தலைவர் மு.க.ஸ்டாலின் அறிவித்துள்ளார்.
சென்னை கலைவாணர் அரங்கில் 17ஆவது சர்வதேச திரைப்பட விழா தொடங்கியது. 19 ஆம் தேதி வரை நடைபெறும் இவ்விழாவில் 55 நாடுகளில் இருந்து 130க்கும் மேற்பட்ட திரைப்படங்கள் திரையிடப்படுகின்றன.
Programme start
17th Chennai International Film Festival Inauguration with the presence of Chief Guest Honourable “Thiru Kadambur Raju ( Minister for Information and Publicity ) pic.twitter.com/5kpBh0FHIA— Nagarajan (@IdeaNagi019) December 12, 2019
உள்ளாட்சித் தேர்தல்கள் நடைபெறுவதையொட்டி டிசம்பர் 22ம் தேதி முதல் 30ம் தேதி வரை நடைபெற இருந்த துறை ரீதியான தேர்வுகளை டி.என்.பி.எஸ்.சி ஒத்தி வைத்துள்ளது.
இந்த தேர்வுகள் ஜனவரி 5 முதல் 12 வரை நடைபெறும். இருப்பினும், தொகுதி - 1 இல் அடங்கியுள்ள பதவிகளுக்கான நேர்காணல் திட்டமிட்டபடி ஜனவரி 23ஆம் தேதி முதல் 31ஆம் தேதி வரை தேர்வாணைய அலுவலகத்தில் நடைபெறும்.
திட்ட அலுவலர், உளவியலாளர், சிறை அலுவலர் பதவிகளுக்கான எழுத்துத் தேர்வுகளும் திட்டமிட்டபடி ஜனவரி 21 மற்றும் 22 தேதிகளில் நடைபெறும் என டி.என்.பி.எஸ்.சி செயலாளர் அறிவித்துள்ளார்.
டெல்லியில் கடந்த 2012ம் ஆண்டு நிர்பயா என்ற பெண் பாலியல் வன்கொடுமைக்கு ஆளாக்கப்பட்டு கொல்லப்பட்டார். இந்த குற்றத்தில் ஈடுபட்ட 6 நபர்களில் ஒருவர் தற்கொலை செய்து கொண்டார். ஒருவர் வயதின் அடிப்படையில் 2015ம் ஆண்டு விடுதலை செய்யப்பட்டார். மீதம் இருக்கும் 4 பேருக்கும் வருகின்ற 16ம் தேதி தூக்கு உறுதி செய்யப்பட்டுள்ளது. இதற்காக சிறப்பு காவலர்கள் வரவழைக்கப்பட இருப்பதாகவும் தகவல்கள் வெளியாகியுள்ளது.
டெல்லியில் கடந்த 2012ம் ஆண்டு நிர்பயா என்ற பெண் பாலியல் வன்கொடுமைக்கு ஆளாக்கப்பட்டு கொல்லப்பட்டார். இந்த குற்றத்தில் ஈடுபட்ட 6 நபர்களில் ஒருவர் தற்கொலை செய்து கொண்டார். ஒருவர் வயதின் அடிப்படையில் 2015ம் ஆண்டு விடுதலை செய்யப்பட்டார். மீதம் இருக்கும் 4 பேருக்கும் வருகின்ற 16ம் தேதி தூக்கு உறுதி செய்யப்பட்டுள்ளது. இதற்காக சிறப்பு காவலர்கள் வரவழைக்கப்பட இருப்பதாகவும் தகவல்கள் வெளியாகியுள்ளது.
பெண்களுக்கு எதிராக பாலியல் குற்றங்கள் புரியும் நபர்களுக்கு 21 நாட்களில் தூக்கு தண்டனை நிறைவேற்றப்படும் என்று ஆந்திர அமைச்சரவை சட்டம் கொண்டுவந்துள்ளது. இதனை வரவேற்கும் விதமாக அம்மாநில முதல்வர் ஜெகன் மோகன் ரெட்டிக்கு ஒய்.எஸ்.ஆர் காங்கிரஸ் கட்சியின் பெண் எம்.எல்.ஏக்கள் ராக்கி கட்டி தங்களின் மகிழ்ச்சியை தெரிவித்துள்ளனர்.
YSRCP Women MLAs tied rakhi to Chief Minister YS Jagan Mohan Reddy for introducing Andhra Pradesh Disha act for the saftey and security of Women in the state. pic.twitter.com/EC10yw8vMw
— CMO Andhra Pradesh (@AndhraPradeshCM) December 12, 2019
43வது சென்னை புத்தக கண்காட்சி ஜனவரி 9 முதல் 21ம் தேதி வரை நடைபெறுகிறது. சென்னை புத்தக கண்காட்சி பச்சையப்பன் கல்லூரிக்கு எதிரே இருக்கும் ஆங்கிலோ இந்தியன் பள்ளியில் நடத்த திட்டமிட்ட நிலையில் மீண்டும் நந்தனம் ஒய்.எம்.சி.ஏ மைதானத்திலேயே நடத்த முடிவு
தலைவி மற்றும் குயின் திரைப்படங்களை வெளியிட தடை விதிக்க வேண்டும் என தீபா வழக்கு பதிவு செய்திருந்தார். தீபா கதாபாத்திரம் இடம் பெறவில்லை என கவுதம் மேனன் தரப்பு உத்தரவாதம் அளித்துள்ளது. மேலும் தலைவி படம் முழுக்க முழுக்க கற்பனையானது என அறிவிப்பு வெளியிட வேண்டும் என ஏ.எல். விஜய்க்கும் உத்தரவு
சிவகங்கை மாவட்டத்தில் நெல் சாகுபடிக்காக வைகையில் நீர் திறக்கக் கூடாது என்று மதுரை உயர்நீதிமன்றக் கிளையில் மனு தாக்கல் செய்யப்பட்டதை தொடர்ந்து இன்றூ விசாரணைக்கு வந்தது. குடிநீர் தேவைக்காக மட்டும் வைகை நீர் பயன்படுத்தப்படுவதை அரசு உறுதிப்படுத்த வேண்டும் என நீதிபதிகள் அறிவிப்பு
குடியுரிமை சட்டம் திருத்த மசோதாவால் அசாம் மாநிலத்தின் பாரம்பரியம், கலாச்சாரம், மொழி என எதிலும் பாதிப்பு ஏற்படாது. அசாம் மற்றும் இதர வடகிழக்கு மாநிலங்களில் பதட்டமான சூழல் உருவாகியுள்ளது. காங்கிரஸ் கட்சியால் தடம் மாற வேண்டாம் என்றும் வேண்டுகோள் விடுத்துள்ளார் பிரதமர் மோடி
பிஎஸ்எல்வி சி 48 வெற்றிகரமாக விண்ணில் செலுத்தியதில் இஸ்ரோ விஞ்ஞானிகள் சாதனை படைத்துள்ளனர். இதன்மூலம் அவர்கள் புதிய மைல்கல்லை எட்டியுள்ளனர். இஸ்ரோ விஞ்ஞானிகள் மேலும் பல சாதனைகளை புரிய வாழ்த்துவதாக முதல்வர் பழனிசாமி வெளியிட்டுள்ள அறிக்கையில் தெரிவிக்கப்பட்டுள்ளது.
எகிப்து வெங்காயத்தில் சல்பர் (கந்தகம்) அதிகமாக இருப்பதால், காரம் கொஞ்சம் தூக்கலாக இருக்கும். இது இதயத்துக்கு நல்லது. முதல்வர் பழனிசாமி இதை பரிசோதனை செய்து பார்த்துள்ளதாக கூட்டுறவுத்துறை அமைச்சர் செல்லூர் ராஜூ தெரிவித்துள்ளார்.
வளிமண்டலத்தில் ஏற்பட்டுள்ள மேலடுக்கு சுழற்சி காரணமாக தமிழக கடலோர மாவட்டங்களில் லேசான மழைக்கு வாய்ப்பு உள்ளதாக வானிலை ஆய்வு மையம் தெரிவித்துள்ளது.
அடுத்த 48 மணி நேரத்தில் தஞ்சை, திருவாரூர், கடலூர், நாகை, புதுக்கோட்டை மாவட்டங்களில் கனமழைக்கு வாய்ப்பு இருப்பதாக அது மேலும் தெரிவித்துள்ளது.
தெலுங்கானா என்கவுன்டர் விவகாரம் தொடர்பாக, உச்சநீதிமன்ற ஓய்வுபெற்ற நீதிபதி சிர்புர்கார் தலைமையில் நீதி விசாரணை நடத்த உச்சநீதிமன்றம் உத்தரவிட்டுள்ளது. ஆறு மாதத்தில் விசாரணை நடத்தி அறிக்கை தாக்கல் செய்ய உத்தரவு பிறப்பித்துள்ளது.
முன்னாள் எம்எல்ஏ பழ.கருப்பையா திமுகவில் இருந்து விலகியுள்ளார்.
அரசியல் கட்சியானது செயல்பாடுகள் மூலம்தான் மக்களை கவர வேண்டும், தனியார் ஏஜன்சிகள் உதவியால் முன்னிலைப்படுத்துவது சரியானது அல்ல என்று அவர் தனது விலகலுக்கான காரணமாக தெரிவித்துள்ளார்.
குடியுரிமை மசோதா குறித்து அசாம் மாநில மக்கள் கவலைப்பட வேண்டாம் உங்களின் உரிமைகள், தனித்துவமான அடையாளம், அழகான கலாசாரத்தை யாரும் பறிக்க முடியாது அசாம் ஒப்பந்தத்தின் பிரிவு 6ன் படி மாநில மக்களின் மொழி, கலாசார, நில உரிமைகள் பாதுகாக்கப்படும் என்று பிரதமர் மோடி டுவிட்டரில் குறிப்பிட்டுள்ளார்.
கமல்ஹாசன் எதிர்காலத்தில் கட்சியை நடத்துவது ஐயம் தான் என்பதை மக்கள் நீதி மய்யத்தின் உள்ளாட்சி தேர்தல் புறக்கணிப்பு அறிக்கை உணர்த்துவதாக நமது அம்மா நாளிதழ் விமர்சனம் செய்துள்ளது. கிராமசபை நடத்துகிறேன் என்று ஏக பில்டப்போடு அரசியல் கட்சி தொடங்கிய கமல்ஹாசன், யதார்த்தத்தை உணராத சினிமா கதாநாயகனாக, முதல் காட்சியில் ஆசைப்பட்டு, மூன்றாவது காட்சியில் கைக்கு அகப்பட்டு விடுகிற கற்பனை நாற்காலியாக முதலமைச்சர் இருக்கையை கணக்கு போட்டுவிட்டார் என்றும் குறிப்பிட்டுள்ளது.
தேர்தல் ஆணையம் தங்களுக்கு பொதுச் சின்னம் வழங்காத போதிலும், சுயேட்சைகளுக்கு வழங்கப்படும் சின்னத்தை வைத்து உள்ளாட்சி தேர்தலில் நிச்சயம் அதிக இடங்களில் வெல்வோம் என்று விழுப்புரத்தில் பத்திரிகையாளர்களை சந்தித்த அமமுக கட்சிபொதுச்செயலாளர் டிடிவி தினகரன் தெரிவித்துள்ளார்.
அயோத்தி வழக்கில் வழங்கப்பட்ட தீர்ப்பை எதிர்த்து,தாக்கல் செய்யப்பட்டுள்ள சீராய்வு மனுக்கள் மீது,உச்ச நீதிமன்றத்தில், நீதிபதி அறையில், இன்று விசாரணை நடக்கிறது
'சர்ச்சைக்குரிய நிலத்தில், ஹிந்துக் கடவுள் ராமருக்கு கோவில் கட்டலாம். மசூதி கட்டுவதற்காக, அயோத்தியின் முக்கிய இடத்தில் முஸ்லிம்களுக்கு, 5 ஏக்கர் நிலம் ஒதுக்க வேண்டும்' என, தீர்ப்பில் கூறப்பட்டு உள்ளது. இந்த தீர்ப்பை எதிர்த்து, 18 சீராய்வு மனுக்கள் தாக்கல் செய்யப்பட்டுள்ளன. இதில், ஒன்பது மனுக்கள், இந்த வழக்கில், முன்பு சம்பந்தப்பட்டவர்களால் தாக்கல் செய்யப்பட்டவை; மற்ற ஒன்பது மனுக்கள், புதியவர்களால் தாக்கல் செய்யப்பட்டுள்ளன.
குடியுரிமை சட்ட திருத்த மசோதா விவகாரத்தில், பாகிஸ்தானைப் போல, எதிர்க்கட்சிகள் பேசி வருவதாக, பிரதமர் நரேந்திர மோடி குற்றஞ்சாட்டினார். மோடி பேசியதாவது:மத ரீதியிலான துன்புறுத்தல்களுக்கு ஆளாகி, அண்டை நாடுகளில் இருந்து, அகதிகளாக இங்கு குடியேறிய சிறுபான்மையின மக்கள், நீண்ட நாட்களாகவே, ஒரு நிச்சயமற்ற வாழ்க்கை வாழ்ந்து வருகின்றனர். இந்த மசோதா சட்டமாக்கப்பட்டால், அவர்களுக்கு நிரந்தர தீர்வு கிடைக்கும்.இந்த மசோதா குறித்து, எதிர்க்கட்சியினர் பரப்பி வரும் கட்டுக் கதைகளை உடைத்து, இதன் உண்மையான பயனை மக்களிடம் எடுத்துச் செல்ல வேண்டியது, உறுப்பினர்களின் கடமை.இந்த விவகாரத்தில், பாகிஸ்தானைப் போல, எதிர்க்கட்சிகள் பேசி வருகின்றன. குடியுரிமை சட்ட திருத்த மசோதா, வரலாற்றில் பொன் எழுத்துகளால் பொறிக்கப்படும். இவ்வாறு, அவர் பேசினார்.
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights