Tamil Nadu News Highlights: மாநில தேர்தல் ஆணையர் இடமாற்றம்- மு.க. ஸ்டாலின் கண்டனம்

பிரிக்ஸ் மாநாட்டில் பிரதமர் மோடி உரை: பிரிக்ஸ் நாடுகளுக்கு இடையேயான வர்த்தகம் மற்றும் முதலீட்டீல் கவனம் செலுத்த வேண்டும். உலகளவிலான வர்த்தகத்தில் பிரிக்ஸ் நாடுகளின் வர்த்தகம் வெறும் 15% மட்டுமே உள்ளது. அண்மையில் ‘ஃபிட் இந்தியா’ இயக்கத்தை தொடங்கினோம். உடற்பயிற்சி, ஆரோக்கியம் சார்ந்த விஷயங்களில் பிரிக்ஸ் நாடுகள் தகவல்களை பரிமாறிக்கொள்ள வேண்டும்.

Prime Minister Narendra Modi at BRICS Summit in Brasilia, Brazil: We need to focus on trade and investment between BRICS nations, Intra-BRICS trade is only 15% of the world trade. pic.twitter.com/Ul7jrejicI

— ANI (@ANI) November 14, 2019

விக்கிரவாண்டி இடைத்தேர்தலில் விசுவாசமாகப் பணியாற்றியதற்காக விழுப்புரம் மாவட்ட ஆட்சித் தலைவருக்கு மாநில தேர்தல் ஆணைய செயலாளராக நியமிக்கப்பட்டுள்ளாரா? - திமுக தலைவர் மு.க.ஸ்டாலின் கேள்வி.
உள்ளாட்சித் தேர்தலை நடத்துவதற்கு தீவிர நடவடிக்கைகளை மேற்கொண்டிருந்த தமிழ்நாடு மாநிலத் தேர்தல் ஆணைய செயலாளர் பழனிச்சாமி திடீரென்று மாற்றியிருப்பது கண்டனத்திற்குரியது - மு.க.ஸ்டாலின்

விக்கிரவாண்டி இடைத்தேர்தலில் "விசுவாசமாகப்" பணியாற்றியதற்காக விழுப்புரம் மாவட்ட ஆட்சித் தலைவர், மாநில தேர்தல் ஆணைய செயலாளராக நியமிக்கப்பட்டுள்ளாரா?

இது, உள்ளாட்சித் தேர்தலைத் தள்ளிப்போடவா? அல்லது உள்ளாட்சித் தேர்தலில் அதிமுக-வினர் ஒட்டுமொத்தமாகத் தில்லுமுல்லுகளில் ஈடுபடுத்தவா?

— M.K.Stalin (@mkstalin) November 14, 2019

தமிழ்நாடு மாநில தலைமை தேர்தல் ஆணைய செயலாளர் பழனிசாமியை இடமாற்றம் செய்து தமிழக அரசு உத்தரவிட்டுள்ளது. விழுப்புரம் ஆட்சியர் சுப்ரமணியன் மாநில தேர்தல் ஆணைய செயலாளராக நியமனம். தஞ்சை ஆட்சியர் அண்ணாதுரை விழுப்புரம் ஆட்சியராக இடமாற்றம் செய்யப்பட்டுள்ளார். சென்னை இணை ஆணையர் கோவிந்த்ராவ் தஞ்சை ஆட்சியராக இடமாற்றம் செய்யப்பட்டுள்ளார்.

ஐஎன்எக்ஸ் மீடியா வழக்கு: ப.சிதம்பரம் தாக்கல் செய்த ஜாமீன் மனு மீது டெல்லி உயர்நீதிமன்றம்நாளை தீர்ப்பு வழங்குகிறது. சிபிஐ தொடர்ந்த வழக்கில் ஏற்கனவே ஜாமீன் வழங்கிய நிலையில் அமலாக்கத்துறை வழக்கில் நாளை தீர்ப்பு வழங்கப்பட உள்ளது.

சபரிமலை ஐயப்பன் கோயிலில் மாதவிடாய் வயது பெண்கள் செல்வது தொடர்பான உச்ச நீதிமன்ற தீர்ப்பு மறு ஆய்வு மனுவை விசாரித்து உச்ச நீதிமன்றம் அளித்த தீர்ப்புக்கு பின் சபரிமலைக்கு செல்ல 56 பெண்கள் ஆன்-லைன் மூலம் முன்பதிவு செய்துள்ளனர்.

மக்கள் நீதி மய்யம் கட்சி தலைவர் கமல்ஹாசன்: உள்ளாட்சித் தேர்தலில் போட்டியிடலாமா என்பது குறித்து ஆலோசனை செய்து கொண்டிருக்கிறோம். முதல்வர் பழனிசாமி என்னை பற்றி பேசியது அவரது கருத்து; தமிழகத்தில் தற்போது வெற்றிடம் என்பது உள்ளது.தமிழகத்தில் நல்ல தலைமைக்கு வெற்றிடம் உள்ளது என்ற ரஜினியின் கருத்தை வழிமொழிகிறேன். ஊராட்சிக்கும், மாநகராட்சிக்கும் உள்ள வித்தியாசம் எங்களுக்கு தெரியும்.

ரஃபேல் விவகாரத்தில் உச்ச நீதிமன்றத்தில் தாக்கல் செய்யப்பட்ட அனைத்து மறுசீராய்வு மனுக்களையும் இன்று தள்ளுபடி செய்து உத்தரவிடப்பட்டது. ரஃபேல் ஒப்பந்தம் குறித்த உச்ச நீதிமன்ற உத்தரவு ரஃபேல் குறித்து ஆதாரமற்ற தகவல்கலை பரப்பியவர்களுக்கு சரியான பதிலடியாக இருக்கும் என அமித் ஷா அறிவித்துள்ளார். மோடி அரசு வெளிப்படையானது, அது ஊழலற்றது என்று நிரூபணமாகியுள்ளது என்றும் அவர் அறிவித்துள்ளார்.

உள்ளாட்சி தேர்தலிலும் அதிமுகவின் கூட்டணி தொடரும் என காஞ்சிபுரத்தில் அன்புமணி ராமதாஸ் பேட்டியளித்துள்ளார்.

ராஜீவ் காந்தி கொலை வழக்கில் கைதாகி 28 ஆண்டுகளாக சிறையில் இருக்கின்றனர் 7 பேர். முருகன் தற்போது உண்ணாவிரதம் இருந்து வரும் நிலையில் உண்ணாவிரதத்தை கைவிடக்கோரி சென்னை உயர் நீதிமன்றம் அறிவித்துள்ளது. மேலும் முருகனை சந்திக்க மனைவி நளினி மற்றும் உறவினர்களுக்கு அனுமதி அளிக்க சிறைத்துறைக்கு உத்தரவு பிறப்பிக்கப்பட்டுள்ளது.

விஜய் சேதுபதி நடிப்பில் உருவாகியிருக்கும் சங்கத்தமிழன் படத்தை நெல்லை மாவட்டத்தில் வருகின்ற 21ம் தேதி வரை வெளியிட நெல்லை முதன்மை நீதிமன்றம் உத்தரவு பிறப்பித்துள்ளது. லிப்ரா நிறுவனத்துக்கு எதிராக விக்னேஷ்வரன் தொடர்ந்த வழக்கில் இந்த உத்தரவு பிறப்பிக்கப்பட்டுள்ளது.

ஐஐடி மாணவி ஃபாத்திமா லத்தீஃப் தற்கொலை தமிழக மாணவர்கள் மற்றும் அரசியல் வட்டாரத்தில் பெரும் அதிர்ச்சியை ஏற்படுத்தியுள்ளது. இன்று மாணவர்கள் கல்லூரி வளாகத்திற்கு வெளியே நின்று போராடி வருகின்ற நிலையில் இயக்குநர் பா. ரஞ்சித் தன்னுடைய கண்டன குரலை பதிவு செய்துள்ளார்.

கல்வியறிவில் சாதிப்பது பிறப்பின் அடிப்படையில் அல்ல, எவரும் சாதிக்க முடியும் என்று நிறுபிக்கும் மாணாக்களின் மன உறுதியை திட்டமிட்டே சிதைத்து கொண்டிருக்கிறார்கள். ரோகித் வெமுலாக்கள் வரிசையில் இன்று #பாத்திமா_லத்தீஃபா..இதை தடுத்து நிறுத்த வேண்டியது நம் எல்லோரின் கடமை!

— pa.ranjith (@beemji) November 14, 2019

இரண்டு வயது குழந்தைகள் கூட சர்வசாதாரணமாய் செல்போன் பயன்படுத்துவது வேதனை அளிக்கிறது. குழந்தைகளுக்கு செல்போன் வாங்கித்தரும் பெற்றோர்கள், நல்ல விசயங்களுக்கு செல்போனை பயன்படுத்தவும் கற்றுத்தர வேண்டும் என்று அமைச்சர் பாஸ்கரன் அறிவித்துள்ளார்.

தியாகராயநகர் மேற்கு வட்ட திமுக அலுவலகத்தில் இன்று இளைஞரணி அமைப்பாளர் சிற்றரசு மேயர் பதவிக்கான விருப்பமனு தாக்கல் செய்தார். அதில் சென்னை மேயர் பதவிக்கு உதயநிதி ஸ்டாலின் போட்டியிட வேண்டும் என்று கோரிக்கை வைத்து அவர் விருப்பமனு தாக்கல் செய்தார்.

தமிழக அரசியலில் வெற்றிடம் நிலவி வருவதாக ஒவ்வொரு கட்சியினரும் ஒவ்வொரு கருத்தினை கூறி வருகின்றனர். இந்நிலையில் கலைஞர் கருணாநிதியின் மகன் மற்றும் முன்னாள் நாடாளுமன்ற உறுப்பினருமான முக அழகிரி, அரசியல் வெற்றிடத்தை ரஜினி நிரப்புவார் என்று அறிவித்திருக்கிறார்.

ரூ. 10 கோடி கடனை திருப்பி தராததால் ஹீரோ படத்துக்கு தடைவிதிக்கக் கோரி மனு தாக்கல் செய்யப்பட்டிருந்தது. இந்த மனுவை விசாரணை செய்த சென்னை உயர் நீதிமன்ற நடுவர் நீதிமன்றம் இப்படத்திற்கு இடைக்கால தடை விதித்து தீர்ப்பு வெளியிட்டது.

ரஃபேல் தீர்ப்பு உண்மைக்கும் நேர்மைக்கும், மோடி அரசுக்கும் கிடைத்த மற்றொரு வெற்றி என சட்ட அமைச்சர் ரவிசங்கர் பிரசாத் அறிவித்துள்ளார். இது தொடர்பாக ராகுல் காந்தியும், காங்கிரஸ் கட்சியும் நாட்டு மக்களிடம் மன்னிப்ப்பு கேட்க வேண்டும் என்றும் அவர் அறிவித்தார்.

நெல்லை மாவட்டத்தின் பல்வேறு பக்கங்களில் பலத்த கனமழை பெய்து வருகிறது.

கல்வி நிலையங்களை காவி மயமாக்குவதை தவிர்த்து தேசிய கொடியில் உள்ள வண்ணங்களை போல் அனைவரும் சமமான உரிமையுடன் நடத்தும் போக்கு மேம்பட வேண்டும் என்று முக ஸ்டாலின் அறிக்கை வெளியிட்டார்.

சென்னை ஐஐடி மாணவி ஃபாத்திமா லத்தீப்பின் மரணம் பேரதிர்ச்சியை ஏற்படுத்தியுள்ளது.

கல்வி நிலையங்களைக் காவிமயமாக்குவதைத் தவிர்த்து, நம் தேசியக் கொடியில் உள்ள வண்ணங்களைப் போல, அனைவரையும் சமமான உரிமையுடன் நடத்தும் போக்கு மேம்பட ஆவன செய்ய வேண்டும்! #JusticeForFathimaLatheef pic.twitter.com/BuwCo5otRu

— M.K.Stalin (@mkstalin) November 14, 2019

ஐஐடி மாணவி தற்கொலை வழக்கு மத்திய குற்றப்பிரிவுக்கு மாற்றப்படுவதாக சென்னை போலீஸ் கமிஷனர் ஏ கே விஸ்வநாதன் தெரிவித்துள்ளார். சென்னை ஐஐடியில் நடந்த விசாரணைக்குப்பிறகு ஏ கே விஸ்வநாதன் இவ்வாறு தெரிவித்துள்ளார். சிபிஐயில் பணியாற்றியவரின் பணியாற்றியவரின் தலைமையில் சிறப்புக்குழு அமைக்கப்படும் என்று தெரிவிக்கப்பட்டுள்ளது.

கார்த்திகை மாதம் நவம்பர் 17ம் தேதி பிறக்க உள்ளதையொட்டி, சபரிமலை சீசன் களைகட்ட துவங்கியுள்ளது. தமிழ்நாட்டிலிருந்து பல்லாயிரக்கணக்கானோர், இருமுடி கட்டி சபரிமலை சாஸ்தாவை வழிபட ஆண்டுதோறும் சென்று வருகின்றனர். இவர்களின் வசதிக்காக, தமிழ்நாடு அரசு விரைவு போக்குவரத்து கழகம் (SETC) சார்பில் சிறப்பு பேருந்துகள் நாளை ( நவம்பர் 15) முதல் இயக்கப்பட உள்ளதாக அறிவிக்கப்பட்டுள்ளன.

சென்னையில் இருந்து 55, திருச்சி - 2, மதுரை - 2, புதுச்சேரி - 2, தென்காசி - 3 பேருந்துகள் இயக்கப்படும் என SETC தரப்பில் தெரிவிக்கப்பட்டுள்ளது.

நாடாளுமன்ற குளிர்கால கூட்டத்தொடர் 18ம் தேதி அனைத்துக் கட்சி கூட்டம் துவங்க உள்ள நிலையில், 16ம் தேதி அனைத்துக் கட்சி கூட்டத்துக்கு சபாநாயகர் ஓம்பிர்லா அழைப்பு விடுத்துள்ளார்.

ரஜினி, கமல் மீது தமக்கு காட்டமில்லை ; ரஜினி படங்களை விரும்பி பார்ப்பேன் என்று அமைச்சர் ராஜேந்திர பாலாஜி தெரிவித்துள்ளார். ஆவின் பால் பாக்கெட்டுகளில் திருவள்ளுவர் படம் அச்சிடுவது குறித்து பரிசீலனை நடைபெற்று வருவதாக அவர் மேலும் தெரிவித்தார்.

கர்நாடகாவில் குமாரசாமி தலைமையிலான ஆட்சிக்கு எதிர்ப்பு தெரிவித்து ராஜினாமா செய்த காங்கிரஸ், மதசார்பற்ற ஜனதா தளத்தை சேர்ந்த 17 எம்எல்ஏக்களை தகுதிநீக்கம் செய்தது செல்லும் என்று உச்சநீதிமன்றம் தீர்ப்பு அளித்திருந்தது.

இந்த 17 எம்எல்ஏக்களில், 15 எம்எல்ஏக்கள், முதல்வர் எடியூரப்பா முன்னிலையில், பா.ஜ.,வில் இணைந்தனர்

தென்பெண்ணையாற்றின் கிளைநதியான மார்க்கண்டேய நதியின் குறுக்கே கர்நாடகம் அணைகட்ட தடையில்லை என்று  உச்சநீதிமன்றம் தீர்ப்பு அளித்துள்ளது. இந்த அணை கட்ட தமிழக அரசின் ஒப்புதலை கர்நாடக அரசு பெறவில்லை என்ற தமிழக அரசின் மனு  தள்ளுபடி செய்யப்பட்டுள்ளது.

பிரதமர் மோடியை திருடன் என்று ராகுல் காந்தி பேசியது தொடர்பாக, நீதிமன்ற தீர்ப்புகள் குறித்து விமர்சிக்கும்போது எதிர்காலத்தில் எச்சரிக்கை தேவை என்று ராகுல் காந்திக்கு உச்சநீதிமன்றம் அறிவுறுத்தியுள்ளது. ராகுல் காந்திக்கு எதிராக தொடரப்பட்ட நீதிமன்ற அவமதிப்பு வழக்கு முடித்துவைக்கப்பட்டது.

ரபேல் போர் விமானங்கள் வாங்கியதில் ஊழல் நடைபெறவில்லை என்ற தீர்ப்புக்கு எதிராக தாக்கல் செய்யப்பட்ட சீராய்வு மனுவை, உச்சநீதிமன்றம் தள்ளுபடி செய்து உத்தரவிட்டுள்ளது.

நெகிழி மாசில்லா தமிழ்நாடு என்ற உறுதிமொழி ஏற்பு நிகழ்ச்சி சென்னை தலைமைச்செயலகத்தில் நடைபெற்றது. இதில் முதல்வர் பழனிசாமி உள்ளிட்ட அமைச்சர்கள் பங்கேற்றனர். மாநிலம் முழுவதும் 10 லட்சம் மாணவர்களை கொண்டு கின்னஸ் சாதனை உறுதிமொழி ஏற்பு நிகழ்ச்சி நடைபெற உள்ளது.

முன்னாள் பிரதமர் ஜவஹர்லால் நேருவின் பிறந்த நாளை முன்னிட்டு, டில்லியில் உள்ள அவரது நினைவிடத்தில், முன்னாள் ஜனாதிபதி பிரணாப் முகர்ஜி, முன்னாள் துணை ஜனாதிபதி ஹமித் அன்சாரி, முன்னாள் பிரதமர் மன்மோகன் சிங், காங்கிரஸ் தலைவர் சோனியா ஆகியோர் அஞ்சலி செலுத்தினர்.

உள்ளாட்சி தேர்தல், டிசம்பர் மாதத்தில் நடைபெற இருப்பது உறுதி என்ற தகவல் வெளியாகியுள்ள நிலையில், திமுக சார்பில் இத்தேர்தலில் போட்டியிடுவதற்காக விருப்பமனு விநியோகம் (நவம்பர் 14) இன்று முதல் துவங்கும் என்று தெரிவிக்கப்பட்டுள்ளது.

சென்னையில் பெட்ரோல், நேற்றைய விலையில் இருந்து 16 காசுகள் அதிகரித்து ஒரு லிட்டர் ரூ.76.34 ஆகவும், டீசல், விலையில் மாற்றம் எதுவும் இல்லாமல் லிட்டருக்கு ரூ.69.54 ஆகவும் உள்ளது. இந்த விலை இன்று காலை முதல் அமலுக்கு வந்தது. நேற்றைய தினம் பெட்ரோலின் விலை குறைந்த நிலையில் இன்று(நவ.,14 ல் )16 காசுகள் அதிகரித்து இருப்பது குறிப்பிடத்தக்கது

மறைந்த முதலமைச்சர் ஜெயலலிதாவை களங்கப்படுத்தும் ட்விட்டர் பதிவை நீக்காவிட்டால் மிகப்பெரிய போராட்டம் வெடிக்கும் என அமைச்சர் பாண்டியராஜன் தெரிவித்துள்ளார்.