சோபியாவிற்கு நீளும் ஆதரவுக் கரங்கள்... ஸ்தம்பித்த சமூக வலைதளங்கள்

தூத்துக்குடி விமான நிலையத்தில் பாஜக தமிழகத் தலைவர் தமிழிசை சௌந்தரராஜன் உடன் வாக்குவாதத்தில் ஈடுப்பட்ட  மாணவி  சோபியா நேற்று காவல் துறையால் கைது செய்யப்பட்டு சிறையில் அடைக்கப்பட்டுள்ளார்.

விமானத்தில் தமிழிசை சௌந்தரராஜன் உடன் கனடாவில் படித்துக் கொண்டிருக்கும் சோபியா என்ற மாணவி பயணித்துக் கொண்டிருந்தார். கைது நடவடிக்கை பற்றிய முழுமையான செய்தியைப் படிக்க 

தமிழிசை சௌந்தரராஜனைப் பார்த்து கோஷமிட்ட சோபியா

தமிழிசை சௌந்தரராஜனைப் பார்த்தவுடன் “பாஜக ஆட்சி ஒழிக, பாசிச ஆட்சி ஒழிக” என்று கோஷமிட்டு முழங்கியுள்ளார்.

இதனைத் தொடர்ந்து விமான நிலையத்தில் தமிழிசைக்கும் சோபியாவிற்கும் இடையே கடுமையான வாக்குவாதம் நிகழ்ந்தது. பின்னர் தமிழிசை அளித்த புகாரின் பேரில் சோபியாவை சிறையில் அடைத்துள்ளனர்.

இந்நிகழ்விற்கு தமிழகத்தைச் சேர்ந்த பல்வேறு அரசியல் கட்சித் தலைவர்கள் தங்களுடைய கடுமையான கண்டனத்தை பதிவிட்டுள்ளனர்.

திமுக கட்சித் தலைவர் முக ஸ்டாலின் தன்னுடைய ட்விட்டர் பக்கத்தில் பாஜகவிற்கு எதிர்ப்பு தெரிவித்து கருத்து ஒன்றினை பதிவிட்டிருக்கிறார்.

ஜனநாயக விரோத - கருத்துரிமைக்கு எதிரான தமிழக அரசின் இந்த நடவடிக்கை கடும் கண்டனத்துக்குரியது! உடனடியாக அவரை விடுதலை செய்ய வேண்டும்!

அப்படி சொல்பவர்களை எல்லாம் கைது செய்வீர்கள் என்றால் எத்தனை இலட்சம் பேரை சிறையில் அடைப்பீர்கள்?

நானும் சொல்கின்றேன்!

“பா.ஜ.க வின் பாசிச ஆட்சி ஒழிக!” https://t.co/JoPajdrSW5

— M.K.Stalin (@mkstalin) 3 September 2018

அம்மா மக்கள் முன்னேற்றக்  கழகத்தின்  தலைவர் டிடிவி தினகரன் தன்னுடைய ட்விட்டர் பக்கத்தில் தமிழிசையின் நடவடிக்கைகள் குறித்து கருத்து தெரிவித்துள்ளார். மேலும் அக்கழகத்தின் சார்பில் கண்டன அறிக்கை ஒன்றினையும் வெளியிட்டுள்ளார்.

கண்டன அறிக்கை :

சகோதரி சோபியா கைது,

தமிழிசையின் பெருந்தன்மையற்ற செயல்! pic.twitter.com/GcyMz5nB0B

— TTV Dhinakaran (@TTVDhinakaran) 4 September 2018

நாம் தமிழர் கட்சி ஒருங்கிணைப்பாளர் சீமானும் தன்னுடைய ட்விட்டர் பக்கத்தில் பாசிச பாஜக ஆட்சி ஒழிக என்று ட்வீட் செய்துள்ளார்.

நானும் சொல்கிறேன்..!

பாசிச பாஜக ஆட்சி ஒழிக!!! https://t.co/7R8K6TKF1s

— சீமான் (@SeemanOfficial) 3 September 2018

தமிழ் திரைப்பட இயக்குநர் பா. ரஞ்சித் தன்னுடைய கண்டனங்களை பதிவு செய்திருக்கிறார்.

ஜனநாயகத்தின் குரல் #sophia#தமிழகஅரசே_விடுதலைசெய்#பாசிசபாஜக_ஆட்சிஓழிகpic.twitter.com/CgGFwT7dVH

— pa.ranjith (@beemji) 4 September 2018

இயக்குநர் மற்றும் எழுத்தாளார் ராஜூமுருகன் தன்னுடைய ட்விட்டர் பக்கத்திக் வீடியோ ஒன்றினை பதிவு செய்து தன்னுடைய கண்டனத்தைப் பதிவு செய்துள்ளார்.

கேள்வி கேட்டால் கைது, உண்மை பேசினால் வழக்கு ... நம்மிடம் இருப்பது ஒரே ஆயுதம் ... ஒன்றுகூடு ... #உரக்கப்பேசு#SpeakUp#HallaBol

#பாசிசபாஜக_ஆட்சிஒழிகpic.twitter.com/Cw275FA7Hp

— Director Rajumurugan (@Dir_Rajumurugan) 4 September 2018