ரேஷன் கடைகளின் நேரத்தில் மாற்றமா? தமிழக அரசு விளக்கம்

ரேஷன் கடைகளின் நேரத்தில் எந்த மாற்றமும் இல்லை என்பதை தெளிவுபடுத்திய மாநில அரசு, ஊழியர்கள் விதிமுறைகளை கண்டிப்பாக கடைபிடிக்க வேண்டும் மற்றும் சரியான நேரத்தில் கடைகளை திறக்க வேண்டும் என்று வியாழக்கிழமை வலியுறுத்தியது.

தமிழகம் முழுவதும் ரேஷன் கடைகள் வாயிலாக ரேஷன் கடைகள் மூலம் மக்களுக்கு தேவையான அரிசி, பருப்பு உள்ளிட்ட அத்தியாவசிய உணவு பொருட்கள் மானிய விலையில் வழங்கப்படுகின்றன.

சென்னை மற்றும் புறநகரில் காலை 8.30 மணி முதல் பகல் 12.30 மணி வரையும், பிற்பகல் 3 மணி முதல் இரவு 7 மணி வரையும் செயல்பட்டு வருகிறது. மற்ற மாவட்டங்களில் காலை 9 மணி முதல் பிற்பகல் 1 மணி வரையும், பிற்பகல் 2 மணி முதல் மாலை 6 மணி வரையும் செயல்பட்டு வருகின்றன.

இந்நிலையில் ரேஷன் கடைகளின் செயல்பாடுகள், கிடங்குகளில் இருந்து பொருட்களை நகர்வு செய்து கடைகளுக்குக் கொண்டு செல்வது உள்ளிட்ட பணிகள் தொடர்பாக கூட்டுறவு, உணவு மற்றும் நுகர்வோர் பாதுகாப்புத் துறை செயலாளர் கே.கோபால் ஆலோசனை நடத்தினார்.

அவர் பிறப்பித்த உத்தரவில், ‘அனைத்து கூட்டுறவு சார்பதிவாளர்களும் தங்களது வட்டாரங்களில் உள்ள ரேஷன் கடைகளில் அவ்வப்போது தீவிர சோதனை மேற்கொள்ள வேண்டும்.

ரேஷன் கடைகள் அனைத்தும் காலை 9 மணிக்கு திறந்து மாலை 6 மணியளவில் மூடப்படுவது உறுதி செய்யப்பட வேண்டும். ரேஷன் கடைகளுக்கு வழங்கப்படும் பொருட்கள் கடத்தப்படுவதைத் தடுக்க வேண்டும். இந்தச் செயல்களில் ஈடுபடும் பணியாளர்களுக்கு தண்டனைக்கு உட்படுத்தும் நடவடிக்கைகள் உடன் கூடுதலான அபராதம் விதிக்க வேண்டும்’ என்று கூறப்பட்டுள்ளது.

கடைகளின் வேலை நேர நேரத்தை மாற்ற அரசு முடிவு செய்துள்ளதாக சமூக வலைதளங்களில் பரவி வரும் செய்திகளின் பின்னணியில் இந்த விளக்கம் அளிக்கப்பட்டுள்ளது.

ரேஷன் கடைகளை உரிய நேரத்தில் திறக்குமாறு ஊழியர்களுக்கு ஏற்கனவே உத்தரவு பிறப்பித்துள்ளோம். இருப்பினும், சில கடைகள் சரியான நேரத்தில் திறக்கப்படுவதில்லை என்ற புகாரின் பேரில் ஊழியர்கள் மீது பல்வேறு நடவடிக்கைகளை எடுத்துள்ளோம் என்று பெயர் வெளியிட விரும்பாத துறையின் மூத்த அதிகாரி ஒருவர் தெரிவித்தார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“