அமெரிக்காவின் வரி உயர்வு: தமிழக ஜவுளித் துறையில் வேலை இழப்பு அபாயம், அரசின் உதவியை நாடும் ஏற்றுமதியாளர்கள்

 அமெரிக்க அதிபர் டொனால்ட் டிரம்ப் புதன்கிழமை அறிவித்த 50% வரி உயர்வால் இந்தியாவின் பின்னலாடை தலைநகரான திருப்பூரில் ஏற்றுமதியாளர்கள் கடும் நெருக்கடியை சந்தித்து வருகின்றனர். இதன் காரணமாக, அமெரிக்காவிற்கான ஆர்டர்கள் நிறுத்தப்படுவது, திசை திருப்பப்படுவது அல்லது பங்களாதேஷ், பாகிஸ்தான், வியட்நாம், மற்றும் கம்போடியா போன்ற போட்டி நாடுகளுக்கு செல்வது போன்ற நிலை ஏற்பட்டுள்ளதாக அவர்கள் தெரிவிக்கின்றனர். இந்த நாடுகளுக்கு அமெரிக்கா 19% முதல் 36% வரையிலான குறைந்த வரிகளை மட்டுமே விதித்துள்ளது.

ஒரு திருப்பூர் ஏற்றுமதியாளர், தனது வழக்கமான அமெரிக்க சரக்குகள் ஏற்கனவே பாகிஸ்தானுக்கு திசை திருப்பப்பட்டுவிட்டதாக தி இந்தியன் எக்ஸ்பிரஸ்ஸிடம் தெரிவித்தார். மற்றொருவர், தனது அமெரிக்க வாடிக்கையாளர் அடுத்த கோடைக்கால ஆர்டரை உறுதிப்படுத்துவதற்கு முன்பு காத்திருக்குமாறு கூறியதாக தெரிவித்தார். மூன்றாவது ஏற்றுமதியாளர் ஒருவர், வாடிக்கையாளர்கள் ஏற்கனவே 25% வரி உயர்வை ஏற்றுமதியாளர்கள் ஏற்றுக்கொள்ள வற்புறுத்தியதாகவும், தற்போது இந்த சுமை இரட்டிப்பாகிவிட்டதாகவும் தெரிவித்தார்.

இந்த திருத்தப்பட்ட வரிகள், அடிப்படை மற்றும் தீர்வு சார்ந்த வரிகள் உட்பட, சில பின்னலாடை பொருட்களுக்கான வரிகளை 64% வரை உயர்த்தியுள்ளது. இதனால், இந்திய தயாரிப்புகளின் விலை பிராந்திய போட்டி நாடுகளின் தயாரிப்புகளை விட 35% வரை அதிகமாக உள்ளது. இது ஆரம்பத்தில் ஒரு பெரிய பின்னடைவாக பார்க்கப்பட்டாலும், தற்போது ஏற்றுமதியாளர்களால் ஒரு மறைமுக வர்த்தகத் தடை என்று கருதப்படுகிறது.

இந்த கடினமான சூழ்நிலை, தமிழகத்தின் ஜவுளிப் பகுதி அமெரிக்க ஆர்டர்களில் மீண்டும் எழுச்சி காணத் தயாராகி வந்த நேரத்தில் ஏற்பட்டுள்ளது. திருப்பூர், கோயம்புத்தூர் மற்றும் கரூர் ஆகிய மூன்று நகரங்களும் கூட்டாக 1.25 மில்லியனுக்கும் அதிகமான தொழிலாளர்களுக்கு வேலைவாய்ப்பு அளித்து, ஆண்டுக்கு ரூ. 45,000 கோடி மதிப்புள்ள ஆடைகளை ஏற்றுமதி செய்கின்றன.

சில வாரங்களுக்கு முன்பு, இந்தியா-இங்கிலாந்து இடையே ஏற்பட்ட சுதந்திர வர்த்தக ஒப்பந்தம் மற்றும் சீனா (125%-145%) மற்றும் மியான்மர் (40%) மீது விதிக்கப்பட்ட அதிக வரிகள் காரணமாக இந்திய பொருட்களின் மீது அமெரிக்காவின் ஆர்வம் அதிகரித்திருந்தது. இதை சாதகமாகப் பயன்படுத்தி, தமிழக ஏற்றுமதியாளர்கள் பலர் புதிய இயந்திரங்களில் முதலீடு செய்தனர். ஆனால், தற்போது இந்த நம்பிக்கை, சீனாவிற்கான வரி 30% ஆகக் குறைக்கப்பட்டதும், வாஷிங்டன் டிசியுடன் ஒரு ஒப்பந்தத்தில் கையெழுத்திட்ட பிறகு மேலும் குறையும் என்ற எதிர்பார்ப்பும் கொண்டிருப்பதால், இந்த நம்பிக்கை தற்போது நிராசையாக மாறி வருகிறது.

இது ஒரு பின்னடைவு, என்று திருப்பூர் ஏற்றுமதியாளர் சங்கத்தின் (TEA) தலைவர் கே.எம். சுப்பிரமணியன் தெரிவித்தார். "தனிப்பட்ட ஏற்றுமதி நிறுவனங்கள் முதலில் பாதிக்கப்படும். வாடிக்கையாளர்கள் ஏற்கனவே வரியில் ஒரு பகுதியை நாங்கள் ஏற்றுக்கொள்ளுமாறு கேட்கிறார்கள். எங்களின் லாப வரம்பு வெறும் 5% முதல் 7% தான்; இந்த செலவை எங்களால் எப்படிப் பகிர்ந்து கொள்ள முடியும்?" என்று அவர் கேள்வி எழுப்பினார்.

இந்த செய்தியை ஆங்கிலத்தில் படிக்க க்ளிக் செய்யவும்.

திருப்பூரில் இருந்து ஏற்றுமதி செய்யப்படும் பொருட்களில் 30% அமெரிக்காவிற்கு செல்கிறது. ஐரோப்பா மற்றும் மத்திய கிழக்கில் உள்ள பலதரப்பட்ட வாடிக்கையாளர்கள் ஓரளவு ஆதரவு அளித்தாலும், அது முழுமையான நிவாரணம் அளிக்காது என்று சுப்பிரமணியன் கூறினார். "பிராண்ட் இல்லாத வாடிக்கையாளர்கள் உடனடியாக மாறிவிடுவார்கள். பிராண்டட் வாடிக்கையாளர்கள், நாங்கள் வழங்கும் சமூக இணக்கம் மற்றும் செயல்பாட்டு நெறிமுறைகள் காரணமாக தங்கலாம், ஆனால், நாங்கள் இன்னும் சிறிது காலத்திற்கு சிரமப்படுவோம்." என்று அவர் தெரிவித்தார்.

ஜவுளித் துறை ஒரு தொழிலாளர்-செறிவான துறையாக இருப்பதால், சந்தை சுருங்கினால் வேலை இழப்புகள் ஏற்படும் என்ற அச்சம் உள்ளது. ஆர்டர்கள் 10-20% குறைந்தால், அடுத்த சில மாதங்களில் திருப்பூர், கரூர் மற்றும் கோயம்புத்தூர் ஆகிய மூன்று மையங்களிலும் கூட்டாக 1,00,000 முதல் 2,00,000 ஜவுளி மற்றும் ஆடைத் துறை வேலைகளுக்கு ஆபத்து ஏற்படலாம்.

திருப்பூர் மட்டும் ₹40,000 கோடி பின்னலாடை ஏற்றுமதிக்கு பங்களிக்கிறது, வால்மார்ட், GAP மற்றும் காஸ்ட்கோ போன்ற உலகளாவிய ஜவுளி நிறுவனங்களுக்கு பொருட்களை வழங்கி, நாட்டின் பின்னலாடை ஏற்றுமதியில் 55% பங்களிக்கிறது. 2025-26 நிதியாண்டில் இதை 10-15% விரிவுபடுத்தும் என்று இப்பகுதி நம்பியிருந்தது. ஆனால், தற்போது நிலைமை மோசமாகி, குறிப்பாக பருத்தி மற்றும் பின்னலாடை பிரிவுகளில் அமெரிக்காவிற்கான ஆர்டர்கள் 40-50% குறையலாம் என்று ஆய்வாளர்கள் கணிக்கின்றனர்.

இந்த பாதிப்பு ஆடைத் துறையுடன் மட்டும் நின்றுவிடவில்லை. வீட்டு ஜவுளிகளுக்குப் பெயர் பெற்ற கோயம்புத்தூர் மற்றும் கரூரில், ஆர்டர்கள் தேக்கமடையத் தொடங்கியுள்ளன. தென்னிந்திய மில்ஸ் சங்கத்தின் பொதுச்செயலாளர் கே. செல்வராகு, படுக்கை விரிப்புகள் மற்றும் துண்டுகளுக்கான கோடைக்கால முன்பதிவுகளை வாடிக்கையாளர்கள் ஒத்திவைக்க அல்லது நிறுத்திவைக்கத் தொடங்கியுள்ளதாக தெரிவித்தார். இந்த தயாரிப்புகளுக்கான முன்பதிவுகள் பொதுவாக அக்டோபருக்குள் இறுதி செய்யப்படும்.

"முன்பதிவு செய்த வாடிக்கையாளர்களிடமிருந்து 'காத்திருங்கள்' என்ற வார்த்தையை நாங்கள் கேட்கிறோம்," என்று செல்வராகு தெரிவித்தார். "இந்த வாய்ப்பை நாம் தவறவிட்டால், அந்த பருவத்தையே இழந்துவிடுவோம்." கரூர் மட்டும் ஆண்டுக்கு கிட்டத்தட்ட ரூ.9,000 கோடி மதிப்புள்ள வீட்டு ஜவுளிகளை ஏற்றுமதி செய்கிறது, இதில் ரூ.6,900 கோடி நேரடி ஏற்றுமதியாக உள்ளது. கோயம்புத்தூர் மில்கள் பருத்தி துண்டுகள் மற்றும் சமையலறை துணிகளை அதிக அளவில் அமெரிக்காவிற்கு அனுப்புகின்றன - இவை இப்போது அதிக வரிகளால் பாதிக்கப்பட்டுள்ளன.

"இது ஒரு வரி உயர்வு மட்டும் இல்லை - ஏற்கனவே பலவீனமான சூழலில் இது மேலும் தாக்கத்தை ஏற்படுத்துகிறது," என்று செல்வராகு கூறினார். இந்தியாவின் பருத்தி இறக்குமதிக்கு விதிக்கப்படும் 11% இறக்குமதி வரி மற்றும் ஜிஎஸ்டி வரி தலைகீழ் வரிவிதிப்பு ஆகியவையும் போட்டியை மேலும் பாதிப்பதாக அவர் சுட்டிக்காட்டினார். "பாலிஸ்டர் மூலப்பொருளுக்கு 18%, நூல் உற்பத்திக்கு 12% வரி விதிக்கப்படுகிறது, ஆனால், தயாரிக்கப்பட்ட ஆடைகளுக்கு 5% வரி விதிக்கப்படுகிறது. இது ஏற்றுமதி செலவில் 6-7% கூடுதலாகிறது, அதேசமயம் போட்டி நாடுகளுக்கு இதுபோன்ற தலைகீழ் வரிகள் இல்லை."

இதற்கிடையில், இந்த ஆண்டின் உள்வரும் சரக்குகளில் 45% பருத்தி இறக்குமதி செய்யப்பட்ட பிரேசில் பருத்தியின் தரம், அமெரிக்கா நிர்ணயித்த தரநிலைகளை எப்போதும் பூர்த்தி செய்யவில்லை என்ற சர்ச்சையில் உள்ளது. அமெரிக்க பருத்திக்கு வரிவிலக்கு அளிப்பதற்கும், அதில் இருந்து தயாரிக்கப்பட்ட ஆடைகளை ஏற்றுமதி செய்வதற்கும் ஒரு பருத்தி-சார்ந்த ஒப்பந்தத்தை பேச்சுவார்த்தை நடத்துமாறு மத்திய அரசை செல்வராகு வலியுறுத்தியுள்ளார்.

உலகளாவிய ஜவுளிச் சந்தை மிகவும் போட்டித்தன்மை வாய்ந்தது; இந்தியாவின் முக்கிய போட்டியாளர்கள் இதுபோன்ற கடுமையான வரி உயர்வுகளை எதிர்கொள்ளவில்லை. பங்களாதேஷ் 35-36% வரி விகிதத்துடன் தொடர்கிறது, பாகிஸ்தான் வெற்றிகரமாக 19% வரியை பேச்சுவார்த்தை மூலம் பெற்றது, வியட்நாம் 20-21% வரியைக் கொண்டுள்ளது, மற்றும் கம்போடியா, முன்பு 49% வரியைக் கொண்டிருந்தாலும், ஆகஸ்ட் 1 திருத்தத்திற்குப் பிறகு இப்போது 19% வரியைக் கொண்டுள்ளது.

இவற்றுடன் ஒப்பிடுகையில், இந்தியாவின் 50% அபராத விகிதம் தனித்துவமானது மற்றும் முன்னெப்போதும் இல்லாதது. திருப்பூர் உற்பத்தியாளர் தனது சரக்கு பாகிஸ்தானுக்கு சென்றுவிட்டதாக ஒப்புக்கொண்டார். "அவர்கள் ஒரு சிறந்த விலையை வழங்கியதாக தெரிகிறது," என்று அவர் கூறினார்.  ஆனாலும் ஆர்டர் கைநழுவிவிடதாக கூறினார்.

பங்களாதேஷ் அமெரிக்க சந்தையில் இந்தியாவின் கடுமையான போட்டியாளராக உள்ளது என்று சுப்பிரமணியன் மீண்டும் வலியுறுத்தினார். "அவர்களின் 20% வரி விகிதம் அவர்கள் மிகவும் மலிவானவர்கள் என்பதைக் குறிக்கிறது, இது உங்கள் லாபம் 5% ஆக இருக்கும்போது மிகவும் முக்கியமானது."

இந்த லாப வரம்பு இப்போது ஏறக்குறைய இல்லாமல் போய்விட்டது. மொத்த வரிகள் 64% ஐ தொடுவதால், பிராண்ட் இல்லாத அமெரிக்க வாடிக்கையாளர்கள் ஏற்கனவே மலிவான விருப்பங்களுக்கு மாறி வருகின்றனர். "அவர்கள் ஒரே இரவில் மாறிவிடுவார்கள்," என்று சுப்பிரமணியன் எச்சரித்தார்.

உடனடி கொள்கை நிவாரணத்திற்காக தொழில்துறை தலைவர்கள் வலியுறுத்தி வருகின்றனர். அரசாங்கம் அப்போது ஒரு விரிவாக்கப்பட்ட கடன் உத்தரவாதத் திட்டத்தை வழங்கியது," என்று செல்வராகு நினைவுகூர்ந்தார், இது அவசரகால ஆதரவைக் குறிக்கிறது அதை மீண்டும் கொண்டு வர வேண்டிய நேரம் இது என்றார். அவர் 11% பருத்தி இறக்குமதி வரியை நீக்குவதற்கும், மனிதனால் உருவாக்கப்பட்ட இழைகளுக்கான ஜிஎஸ்டி விதிமுறைகளை மறுசீரமைப்பதற்கும் அழுத்தம் கொடுத்தார். எங்கள் ஏற்றுமதிகள் லாபகரமாக இருக்க, அனைத்து மூலப்பொருட்களின் மீதான வரி 5% க்கு குறைவாக இருக்க வேண்டும் என்றார்.

இது புறக்கணிக்கப்பட்டால், அதன் விளைவுகள் கடுமையானதாக இருக்கும். இந்திய விநியோகஸ்தர்கள் பங்களாதேஷ், கம்போடியா, வியட்நாம் மற்றும் பாகிஸ்தான் ஆகிய நாடுகளுக்கு நிரந்தரமான நிலத்தை இழக்க நேரிடும். இந்த நாடுகள் அனைத்தும் இப்போது அமெரிக்காவில் மலிவான விலைகளைப் பெறுகின்றன. ஆர்டர்கள் குறைதல், செயலற்ற உற்பத்தி திறன் மற்றும் வேலை இழப்புகள் போன்ற அதன் விளைவுகள் ஏற்கனவே தொடங்கிவிட்டன.

அமெரிக்க சந்தை இன்னும் எங்களிடமிருந்து வாங்க விரும்புகிறது, என்று செல்வராகு கூறினார். அவர்களுக்கு இந்திய பருத்தி, இந்திய தயாரிப்புகள் பிடிக்கும். ஆனால், அரசியல் மற்றும் கொள்கை தடைகள் அவர்களை விலகிச் செல்ல வைக்கின்றன என்றார். திருப்புரிலுள்ள ஒரு நடுத்தர தொழிற்சாலை உரிமையாளர் ராமதாஸ், அடுத்த இரண்டு முதல் மூன்று வாரங்கள் தீர்க்கமானதாக இருக்கும் என்று கூறினார். "ஆர்டர்கள் ரத்து செய்யப்படுவதை நாங்கள் இன்னும் பார்க்கவில்லை, ஆனால், வாடிக்கையாளர்களின் போக்கு மாறி வருகிறது. எல்லோரும் எச்சரிக்கையுடன் இருக்கிறார்கள்" என்றார்

இருப்பினும், ஒரு எச்சரிக்கையான நம்பிக்கை உள்ளது. இந்தியா விரைவாக செயல்பட்டால் இந்த வீழ்ச்சியில் இருந்து தப்ப முடியும் என்று சுப்பிரமணியன் நம்புகிறார். "நாங்கள் கோவிட்டை சமாளித்தோம். இதையும் சமாளிப்போம்," என்று அவர் கூறினார். "நாங்கள் மத்திய அரசிடம் பேசிக்கொண்டிருக்கிறோம். அமெரிக்காவுடன் பேச்சுவார்த்தை நடத்த நாங்கள் வலியுறுத்தி வருகிறோம்." பெரிய அமெரிக்க பிராண்டுகளின் அழுத்தம் - அதிக சில்லறை விலைகள் குறித்து கவலைப்படுவது - இறுதியில் வாஷிங்டனில் ஒரு மறுபரிசீலனைக்கு வழிவகுக்கும் என்றும் சில ஏற்றுமதியாளர்கள் நம்புகின்றனர்.