News Highlights: ரஜினி ஆதரவு எங்களுக்கே- அமைச்சர் ஜெயக்குமார்

ஒடிஸா மாநிலத்தில் தேர்ந்தெடுக்கப்பட்ட மக்கள் பிரதிநிதிகளும், அரசு ஊழியர்களும் வருடாந்திர சொத்துக்கணக்கை சமர்ப்பிப்பதை அம்மாநில அரசு கட்டாயமாக்கியுள்ளது.
முதலமைச்சர் திரு நவின்பட்நாயக் தலைமையில் நடைபெற்ற அமைச்சரவைக் கூட்டத்தில் இதற்கான ஒப்புதல் வழங்கப்பட்டது.

Guruve, The decision you’ve taken is 100% right 🙏@rajinikanth pic.twitter.com/2FwLvELrTF

— Raghava Lawrence (@offl_Lawrence) December 29, 2020

குருவே, உங்களின் முடிவு 100% சரியான முடிவு என்று நடிகர் ராகவா லாரன்ஸ் தெரிவித்தார்.      

நீலகிரி மலை ரயில் வரும் டிசம்பர் 31-ஆம் தேதி முதல் முழுவதும் முன்பதிவு செய்யப்பட்ட சிறப்பு ரயிலாக இயக்கப்பட உள்ளது என தெற்கு ரயில்வே நிர்வாகம் அறிவித்தது.  

மத்தியப் பிரதேச மாநிலத்தில் மத சுதந்திரம் தொடர்பான அவசர சட்டத்திற்கு அம்மாநில அமைச்சரவை ஒப்புதல் வழங்கியுள்ளது.

இது தொடர்பாக செய்தியாளர்களிடம் பேசிய அம்மாநில உள்ளாட்சித்துறை அமைச்சர் திரு நரோத்தம் மிஸ்ரா, இந்த அவசர சட்டம் ஆளுநரின் ஒப்புதலுக்கு அனுப்பப்பட்டுள்ளதாகக் கூறினார்.

I am aware of the severe unhappiness Rajini sir’s heart will be in right now. My whole hearted support to sir on his decision. @rajinikanth

— Arjunamurthy Ra (@RaArjunamurthy) December 29, 2020

ரஜினிகாந்த் அவர்களின் இதயம் இப்போது எவ்வாறு மகிழ்சியற்று இருக்கும் என்பதை நான் அறிவேன். அவரது முடிவினை முழு மனதுடன் வரவேற்கிறேன் என அர்ஜுன மூர்த்தி தெரிவித்தார்.

புதுக்கோட்டை மாவட்டம் ஏம்பல் கிராமத்தில் 7 வயது சிறுமியை பாலியல் வன்கொடுமை செய்து கொலை செய்த வழக்கில் குற்றவாளி சாமுவேலுக்கு இரட்டை தூக்கு தண்டனை விதித்து புதுக்கோட்டை மாவட்ட மகளிர் நீதிமன்றம் தீர்ப்பளித்திருக்கிறது. இந்தத் தீர்ப்பை பா.ம.க. வரவேற்கிறது. தெய்வமாக பார்க்கப்பட வேண்டிய குழந்தையை சீரழித்து படுகொலை செய்தவன் மன்னிக்கப்படுவதற்கு தகுதி இல்லாதவன்; தூக்குத்தண்டனை கூடாது என்பது தான் பா.ம.க.வின் நிலைப்பாடு என்றாலும் இத்தகைய குற்றவாளிக்கு இதுவே சரியான தண்டனை; இதுவே சரியான நீதி என்று பாமக நிறுவனர் டாக்டர் ராமதாஸ் தெரிவித்தார்.  

கடந்த ஜூன் 30-ஆம் தேதி நடந்த இந்த குற்றம் தொடர்பான வழக்கை விரைந்து விசாரித்து தீர்ப்பளித்த நீதிபதியும், அவருக்கு துணை நின்ற வழக்கறிஞர்கள் மற்றும் காவல்துறையினரும் பாராட்டப்பட வேண்டியவர்கள். இத்தகைய வழக்குகளில் விரைவான தண்டனையே சரியான நீதி!

புதுக்கோட்டை கந்தர்வகோட்டை அருகே 7 வயது சிறுமியை பாலியல் வன்கொடுமை செய்யப்பட்டு கொலை செய்த வழக்கில் குற்றவாளிக்கு மரண தண்டனை வழங்கி மகிளா நீதிமன்றம் தீர்பளித்தது.  

இந்தியத் திரையுலகின் சிறந்த திரைக்கலைஞர் ஐயா ரஜினிகாந்த் அவர்கள், தனது உடல்நலனைக் கருத்திற்கொண்டு எடுத்துள்ள முடிவை முழுமையாக வரவேற்கிறேன். அவர் முழு உடல்நலம் பெற்று, கலையுலகப் பயணத்தைத் தொடர எனது வாழ்த்துகளையும், பேரன்பையும் தெரிவிக்கின்றேன்!

ஆன்மிகத்தை விரும்புவார், அரசியலை விரும்பமாட்டார். 30 ஆண்டுகால கேள்விக்கு இன்று விடை கிடைத்துள்ளது ரஜினிகாந்த் விஷயத்தில் பாஜக மாபெரும் தோல்வியை தழுவியுள்ளது என்று தமிழ்நாடு காங்கிரஸ் கமிட்டித் தலைவர் கே.எஸ்.அழகிரி தெரிவித்தார்.  

தமிழகத்தில் சூழ்நிலைக்கேற்ப எந்தெந்த வகுப்புகளுக்கு தேர்வு நடத்தலாம் என்பது குறித்து விரைவில் முதலமைச்சர் அறிவிப்பார் என்று பள்ளிக் கல்வித்துறை அமைச்சர் செங்கோட்டையன் தெரிவித்தார்.  

அஇஅதிமுக தலைமையிலான கூட்டணியில் தேமுதிக தொடர்ந்து நீடிப்பதாகவும் தேர்தல் தொகுதி பங்கீடு தொடர்பாக கட்சியின் ஒருங்கிணைப்பாளர் மற்றும் இணை ஒருங்கிணைப்பாளர் முடிவு செய்வார்கள்  என்று அமைச்சர் திண்டுக்கல் சீனிவாசன் தெரிவித்தார்.  

சென்னையில் மினி கிளினிக்குகள் மூலம் இதுவரை சுமார் 8000 பேர் சிகிச்சை பெற்று உள்ளதாக உள்ளாட்சித்துறை அமைச்சர் வேலுமணி தெரிவித்துள்ளார்.

என் ரஜினி நலமாக இருக்க வேண்டும்.  எங்கிருந்தாலும் நலமாக வாழ வேண்டும் என்று மக்கள் நீதி மய்யத் தலைவர் கமல்ஹாசன் தெரிவத்தார்.   

#என்_ரஜினி நலமாக இருக்க வேண்டும்

எங்கிருந்தாலும் நலமாக வாழ வேண்டும் - @ikamalhaasan pic.twitter.com/UhfucjPijQ

— Sugashini Kandasamy (suகா) (@sugashinik) December 29, 2020

Tamil Just In :ரஜினியின் அரசியல் வாபஸ் குறித்து தமிழகம் முழுவதும் பல்வேறு கருத்துக்கள் நிலவி வரும் நிலையில், அதிமுக அமைச்சர் ஜெயக்குமார், செய்தியாளர்கள் சந்திப்பில், நாங்கள் நல்லது செய்கிறோம், அதனால் அவரின் ஆதரவு எங்களுக்கு எப்போதும் உண்டு என தெரிவித்துள்ளார்.

Tamil News Live : ரஜினி அரசியல் கட்சி தொடங்கவில்லை என அதிரடி அறிவிப்பை வெளியிட்டதை தொடர்ந்து, தமிழகத்தில் பெரும் பரபரப்பு ஏற்பட்டுள்ள நிலையில், 'ரஜினி கட்சி தொடங்கவில்லை என்பது இப்போதுதான் எனக்கே தெரியும்'' என அவரது சகோதரர் சத்ய நாராயணா தெரிவித்துள்ளார். 

Live News Tamil: ரஜினி தனது அரசியல் அறிவிப்பை வாபஸ் பெற்றதை தொடர்ந்து, அவரது முடிவுக்கு பல வகையில் கருத்துக்கள் வந்துகொண்டிருக்கும் நிலையில், ரஜினி 1996-ல் இருந்தது போல் வாய்ஸ் அரசியலில் ஈடுபடுவார் என ஆடிட்டர் குருமூர்த்தி கருத்து தெரிவித்துள்ளார்.

ரஜினியின் அரசியல் வாபஸ் குறித்து கருத்து தெரிவித்துள்ள நாம் தமிழர் கட்சி ஒருங்கிணைப்பாளர் சீமான், ரஜினி தனது உடல்நலனை கருத்தில் கொண்டு எடுத்துள்ள இந்த முடிவை வரவேற்கிறேன் என தெரிவித்துள்ளார்.

Tamil Live News : ரஜினிகாந்த அரசியல் கட்சி தொடங்கப்போவதில்லை என்ற அறிவிப்பு வெளியானதை தொடர்ந்து, அவர் அதிமுகவிற்கு ஆதரவு கரம் நீட்ட வேண்டும் என அமைச்சர் மாஃபா பாண்டியராஜன் தெரிவித்துள்ளார்.

Tamil Just In :அரசியல் கட்சி தொடங்கப்போவதில்லை என்ற ரஜினிகாந்தின் அறிவிப்பு அரசியலில் எவ்வித தாக்கத்தையும் ஏற்படுத்தப்போவதில்லை என அமைச்சர் கடம்பூர் ராஜூ தெரிவித்துள்ளார். 

Tamil Live News : கட்சி தொடங்கும் அறிவிப்பை வாபஸ் பெற்ற நடிகர் ரஜினிகாந்த், வறட்டு கவுரவம் பார்க்காமல் ஒரு துணிச்சலான முடிவை எடுத்திருப்பது வரவேற்கத்தக்கது என விடுதலை சிறுத்தை கட்சி தலைவர் தொல்.திருமாவளவன் தெரிவித்துள்ளார்.

கட்சி தொடங்கும் அறிவிப்பை வாபஸ் பெற்ற நடிகர் ரஜினிகாந்த் மக்கள் மன்றம் என்றும் செயல்படும் என தெரிவித்துள்ளார்.

Tamil Just Now : ரஜினிகாந்த தனது அரசியல் அறிவிப்பை வாபஸ் பெற்றதை தொடர்ந்து, தமிழகத்தில் பெரும் அரசியல் பரபரப்பு ஏற்பட்டுள்ள நிலையில், ஆதாயம் தேடும் அரசியல் கட்சிகளுக்கு மட்டுமே ரஜினியின் முடிவு பிரச்சனை என்று மூத்த பத்திரிக்கையாளர் ராதாகிருஷ்ணன் தெரிவித்துள்ளார்.

Tamil News Live : அரசியல் அறிவிப்பை வாபஸ் பெற்ற ரஜினிகாந்த, தனது அறிக்கையில், நான் மருத்துவமனையில் சிகிச்சை பெற்றது ஆண்டவன் எனக்கு கொடுத்த எச்சரிக்கையாகத்தான் பார்க்கிறேன். என்னை நம்பி வருபவர்களை நான் பலிகடா ஆக்க விரும்பவில்லை என தெரிவித்துள்ளார்.

today latest live news : இம்மாத இறுதியில் கட்சி தொடங்குவதாக அறிவித்த நடிகர் ரஜினிகாந்த, கடந்த இரு தினங்களுக்கு முன்பு ஹைதராபத் மருத்துவமனையில் சிகிச்சை முடிந்து வீடு திரும்பிய நிலையில், தற்போது கட்சி தொடங்கவில்லை என அறிவித்து அரசியல் அறிவிப்பை வாபஸ் பெற்றுள்ளார். 

இங்கிலாந்தில் புதியவகை கொரோனா தொற்று உலகம் முழுவதும் பெரும் அச்சுறுத்தலை ஏற்படுத்தி வரும் நிலையில், இங்கிலாந்தில் இருந்து இந்திய திரும்பிய 6 பேருக்கு புதியவகை கொரேனா தொற்று உறுதி செய்யப்பட்டுள்ளதாக தகவல் வெளியாகியுள்ளது.