Tamil News: அசானி புயல் கரையை கடந்தது!

மகிந்த ராஜபக்சேவின் மகன் நமல் ராஜபக்சே ட்வீட்: “ராஜபக்சே பிரதமர் பதவியில் இருந்து விலகி 2 நாட்கள் ஆகிவிட்டது; இடைக்கால அரசை நியமித்து முன்னேறி செல்ல வேண்டும். அரசமைக்க யாரும் முன்வராவிட்டால், அதிபர் கோட்டாபய உடனே சுதந்திர அரசை நிறுவி, மேலும் பொருளாதாரம் பாதிப்பதை தடுக்க வேண்டும்” என்று தெரிவித்துள்ளார்.

இலங்கை அதிபர் கோட்டாபய ராஜபக்ச நாட்டு மக்களுக்கு உரை: “புதிய பிரதமர் மற்றும் அமைச்சரவை இந்த வாரத்தில் நியமிக்கப்படுவர்; மக்கள் அமைதிக்கு திரும்ப வேண்டும். அதிபரின் அதிகாரங்களை குறைத்துக்கொள்ள தயார்; நாடாளுமன்றத்திற்கு கூடுதல் அதிகாரம் வழங்கும் 19வது திருத்தத்தை கொண்டுவருவேன்.” என்று தெரிவித்துள்ளார்.

கோடை வெயில் அதிகரிக்கும் நிலையில் பள்ளி நேரங்களை மாற்றி அமைக்க மத்திய அரசு அறிவுறுத்தியுள்ளது. வகுப்புகளை காலை 7 மணிக்கு தொடங்கி, மதியத்திற்குள் நடத்தி முடிக்கலாம் என மத்திய கல்வி அமைச்சகம் அறிவுறுத்தியுள்ளது. விளையாட்டு போன்ற நிகழ்வுகளை காலை நேரத்திலேயே முடிக்கவும் மத்திய அரசு அறிவுறுத்தியுள்ளது.

என்.எல்.சி நிறுவனத்திற்கு நிலம் வழங்கிய உள்ளூர் நபர்களுக்கு அந்நிறுவன வேலைவாய்ப்பில் இட ஒதுக்கீடு வழங்க வேண்டும் என்று மத்திய நிலக்கரி மற்றும் சுரங்கத்துறை அமைச்சர் பிரகலாத் ஜோஷிக்கு மாநில தலைவர் அண்ணாமலை கடிதம் எழுதியுள்ளார்.

தமிழக அரசு வாகனங்களை தவிர மற்ற வாகனங்களில் ‘G’ அல்லது ‘அ’ என்ற எழுத்துக்களை பயன்படுத்துவோர் மீது நடவடிக்கை எடுக்கப்படும் என்று போக்குவரத்து துறை எச்சரிக்கை தெரிவித்துள்ளது. அரசுடைமையாக்கப்பட்ட நிறுவனங்கள், வாரியங்கள் மற்றும் பொதுத்துறை நிறுவனங்களின் வாகனங்களில் ‘G’ அல்லது ‘அ’ என்ற எழுத்துக்களை பயன்படுத்தக் கூடாது என்று தமிழக அரசு தெரிவித்துள்ளது.