Tamil News Today : சசிகலாவுக்கு கொரோனா தொற்று; பெங்களூரு மருத்துவமனை உறுதி

மருத்துவமனையில் சிகிச்சை பெற்று வரும் விகே சசிகலாவுக்கு மருத்துவ பரிசோதனையில் கொரோனா தொற்று உறுதி செய்யப்பட்டுள்ளதாக தகவல் வெளியாகியுள்ளது.

உடல்நலக்குறைவு காரணமாக மருத்துவமனையில் அனுமதிக்கப்பட்டுள்ள சசிகலாவின் உடல்நிலை சீராக உள்ளதாக மருத்துவமனை நிர்வாகம் அறிவித்துள்ளது.

அலங்காநல்லூர் ஜல்லிக்கட்டுப் போட்டியில் ஆள்மாறாட்டம் நடந்ததாக புகார் எழுந்துள்ள நிலையில் கோட்டாட்சியர் விசாரணை நடத்த மாவட்ட ஆட்சியர் உத்தரவிட்டுள்ளார். மேலும் முதல் பரிசு வென்ற கண்ணன் ஆள்மாறாட்டம் செய்ததாக இரண்டாம் பரிசு பெற்ற கருப்பண்ணன் மாவட்ட ஆட்சியரிடம் புகார் தெரிவித்துள்ளார்.

அயோத்தியில் ராமர் கோயில் கட்டுவதற்கு முன்னாள் கிரிக்கெட் வீரரும், தற்போதைய பாஜக எம்பியுமான கவுதம் கம்பீர் ரூ.1 கோடி கொடுத்துள்ளார்.

மீன் பிடிக்க சென்று உயிரிழந்த, புதுக்கோட்டையை சேர்ந்த 4 மீனவர் குடும்பங்களுக்கு தலா ரூ.10 லட்சம் நிதியுதவியும், குடும்பத்தில் ஒருவருக்கு அரசு வேலை வழங்கவும் முதலமைச்சர் எடப்பாடி பழனிசாமி உத்தரவிட்டுள்ளார்.

கூட்டுறவுத்துறை அமைச்சர் பதவி கொடுக்கும் முன்பு சசிகலா முன்னிலையில்தான் ஜெயலலிதா அறிவுரைகள் வழங்கினார் என அமைச்சர் செல்லூர் ராஜூ தெரிவித்துள்ளார்.

சென்னை சேப்பாக்கத்தில் வரும் 5ம் தேதி மோதும் இந்தியா - இங்கிலாந்து அணிகள் இடையேயான டெஸ்ட் கிரிக்கெட் போட்டிக்கு ரசிகர்களுக்கு அனுமதி இல்லை

மீனவர்களின் உரிமை மற்றும் உடைமைகளை பாதுகாக்க தமிழக அரசு மத்திய அரசுக்கு அழுத்தம் தரவேண்டும் என்று இந்திய கம்யூனிஸ்ட் மாநில செயலாளர் முத்தரசன் கேட்டுக்கொண்டுள்ளார்.

ஈரோடு மாவட்டம், கோபிச்செட்டிப்பாளையம் சட்டமன்ற தொகுதியில் பிப்ரவரி 6-ஆம் தேதி தனியார் துறை மூலம் வேலைவாய்ப்பு முகாம் நடைபெறுவது குறித்து பல்வேறு துறை அதிகாரிகள் மற்றும் உள்ளாட்சி கூட்டுறவு பிரதிநிதிகளுடன் பள்ளிக்கல்வித்துறை அமைச்சர் செங்கோட்டையன் ஆலோசனை மேற்கொண்டார்.

எனது மகனின் விடுதலையை மாநில அரசு உறுதி செய்யும் என இந்நிலையிலும் நாங்கள் நம்பிக்கையோடு காத்திருக்கிறோம் என பேரறிவாளனின் தாய் அற்புத அம்மாள் தெரிவித்தார்.  

இலங்கை கடற்படையால் கொல்லப்பட்ட 4 மீனவர்கள் குடும்பத்துக்கு தலா 10 லட்சம் ரூபாய்  நிவாரண நிதியும்; குடும்பத்தில் ஒருவருக்கு அரசு வேலை வழங்கவும் தமிழக முதல்வர் எடப்பாடி பழனிசாமி உத்தரவிட்டார்.  

கூடுதல் கட்டணத்திற்கு எதிராகப் போராடிய ராஜா முத்தையா மருத்துவக் கல்லூரி மாணவ, மாணவியரை அழைத்துப் பேசி தீர்வு காணாமல் கல்லூரியையும், விடுதியையும் மூடுகிறது இந்த அராஜக அரசு? இதுவா தீர்வு? அரசு மருத்துவ கல்லூரி கட்டணத்தையே வசூலிக்க உத்தரவிடுக! என மு. க ஸ்டாலின் தெரிவித்தார்.   

சசிகலா சிறையில் இருந்து வெளிவந்து, நல்ல உடல் ஆரோக்கியத்துடன் நீண்ட நாள் வாழ்ந்து அவரது குடும்பத்திற்கு சேவை செய்யட்டும் என அதிமுக துணை ஒருங்கிணைப்பாளர் கே.பி.முனுசாமி தெரிவித்தார்.  

Video: Fire breaks out at Covishield-maker Serum Institute's campus in Pune, five fire tenders pressed into service pic.twitter.com/9ru4r8AoLy

— The Indian Express (@IndianExpress) January 21, 2021

இந்தியாவில் ‘கோவிஷீல்டு’ தடுப்பூசியை உற்பத்தி செய்யும்  இந்திய சீரம் மைய வளாக கட்டிடத்தில் தீ விபத்து ஏற்பட்டது.  

இருப்பினும், தடுப்பூசி உற்பத்தியில் எந்த பாதிப்பும் இல்லை என்ற அந்நிறுவனம் தெரிவித்தது.   

After prolonged delay from TN Raj Bhavan and Perarivalan's legal fight, SG informed the Supreme Court today that TN Governor will take decision within 3 or 4 days. TN cabinet had submitted the recommendations for Rajiv convicts' release in September, 2018, under Article 161.

— Arun Janardhanan (@arunjei) January 21, 2021

In July 2020, Madras HC made it clear that the TN Guv Banwarilal Purohit cannot sit on the state government’s recommendation for so long.

— Arun Janardhanan (@arunjei) January 21, 2021

HC said there is no time limit prescribed for Guv to decide on such issues only “because of the faith and trust attached to the constitutional post..."
“…if such authority fails to take a decision in a reasonable time, then the court will be constrained to interfere," said HC.

— Arun Janardhanan (@arunjei) January 21, 2021

பேரறிவாளன் விடுதலை குறித்து மூன்று அல்லது நான்கு நாட்களில் தமிழக ஆளுநர் முடிவெடுப்பார் என இன்று உச்சநீதிமன்றத்தில் சொலிஸிட்டர் ஜெனரல் துஷார் மேத்தா தெரிவித்துள்ளார்.

நாட்டில் 6 மாநிலங்களில் உள்ள கோழிப் பண்ணைகளில் பறவைக் காய்ச்சல் தொற்று உறுதிபடுத்தப்பட்டுள்ளதாக மத்திய அரசு தெரிவித்துள்ளது. இதுகுறித்து கால்நடை பராமரிப்பு அமைச்சகம் வெளியிட்டுள்ள அறிக்கையில், கேரளா, ஹரியானா, மத்தியப் பிரதேசம், மகாராஷ்ட்ரா, சத்திஷ்கர் மற்றும் பஞ்சாப் மாநிலங்களில் உள்ள கோழிப்பண்ணைகளில் நோய்த் தொற்று இருப்பதாக கூறப்பட்டுள்ளது. 10 மாநிலங்களில் காகங்கள் மற்றும் வெளிநாட்டுப் பறவைகளுக்கு பறவைக் காய்ச்சல் இருப்பதாக தெரிவிக்கப்பட்டுள்ளது.

”2021 சட்டமன்ற தேர்தலில் திமுக 200 தொகுதிகள் என்று முதலில் சொன்னேன்; இப்போது 234 தொகுதிகளிலும் வெற்றிபெறும் சூழல் உருவாகியுள்ளது எனத் திமுக தலைவர் மு.க ஸ்டாலின் தெரிவித்தார்.   

தேசிய மாணவர் படை விரிவுபடுத்தப்படும் என்று பாதுகாப்பு அமைச்சர் ராஜ்நாத் சிங் தெரிவித்தார். புதுடெல்லியில் நடைபெற்ற தேசிய மாணவர்படையின் வருடாந்திர பேரணியில் கலந்து கொண்டு உரையாற்றிய அவர், " அரசு வேலைவாய்ப்பில் தேசிய மாணவர் படைக்கு முன்னுரிமை அளிக்கப்படும்" என்று தெரிவித்தார்.

சேலம் மாவட்டம் வாழப்பாடி அருகே கிருஷ்ணாபுரம் அரசு மாதிரிப்பள்ளியில் 12ம் வகுப்பு மாணவிக்கு கொரோனா நோய்த் தொற்று உறுதி செய்யப்பட்டது. இதன் காரணமாக, விடுதியில் இவருடன் தங்கியிருந்த சக மாணவிகள் தனிமைப்படுத்தப்பட்டுள்ளனர்.              

திமுக தலைமையிலான மதசார்ப்பற்ற கூட்டணிக்கு கமல்ஹாசன் ஆதரவு தர வேண்டும் என்று தமிழக காங்கிரஸ் கமிட்டித் தலைவர் கே.எஸ்.அழகிரி கோரிக்கை விடுத்துள்ளார்.

தங்கம் விலை சவரனுக்கு ரூ.320 அதிகரித்து ரூ.37,528-க்கு விற்பனை செய்யப்படுகிறது. தற்போது ஒரு கிராம் தங்கம் ரூ.4,691-க்கு விற்பனை செய்யப்படுகிறது.

விடுதலை சிறுத்தைகள் கட்சி தனிச்சின்னத்தில் போட்டியிடுவது உறுதி என்றும் உதய சூரியன் சின்னத்தில் போட்டியிட எங்களை யாரும் கட்டாயப்படுத்தவில்லை என்றும் திருமாவளவன் தெரிவித்துள்ளார்.

கமல்ஹாசன் தனித்து போட்டியிடுவது, பாஜகவிற்கு வெற்றி வாய்ப்பாக அமையும் என்றும் மத சார்பின்மை பேசும் கட்சிகள் ஒரே கூட்டணியில் இருக்க வேண்டும் என்றும் கே.எஸ்.அழகிரி தெரிவித்துள்ளார்.

கூடுதல் கட்டணம் வசூலிக்கப்படுவதாக மாணவர்கள் போராட்டத்தில் ஈடுபட்டதைத் தொடர்ந்து ராஜா முத்தையா மருத்துவக் கல்லூரி காலவரையின்றி மூடப்பட்டிருக்கிறது. மாலை 4 மணிக்குள் மாணவர்கள் விடுதிகளை விட்டு வெளியேற உத்தரவு.

தமிழகத்தில் முதலாம் மற்றும் இரண்டாம் ஆண்டு கல்லூரி மாணவர்களுக்கு அடுத்த மாதம் முதல் நேரடி வகுப்புகள் தொடங்க உயர்கல்வித்துறை ஆலோசித்து வருகிறது. ஒரு வகுப்பறையில் 30 மாணவர்கள் வீதம் காலை, மாலை என 2 வேளைகள் வகுப்புகள் நடத்துவது பற்றி ஆலோசனை நடைபெறுகிறது. மேலும், மாணவர்களுக்கு கொரோனா பரிசோதனை செய்தபிறகு விடுதிகளில் அனுமதிக்க பரிசீலனை நடைபெற்று வருகிறது.

"சசிகலா நலமாக உள்ளார். அச்சம் கொள்ளத் தேவையில்லை என மருத்துவர்கள் தெரிவித்தனர். உடல்நிலை சீராக உள்ளதாக சிறைத்துறை மூலம் அதிகாரபூர்வமாக தகவல் தெரிவிக்கப்பட்டது. சிடி ஸ்கேன் தேவையா என மருத்துவர்களே முடிவு செய்வார்கள். சசிகலாவுக்கு உரிய சிகிச்சை அளிக்கப்பட்டு வருகிறது" என்று பெங்களூரு சிவாஜிநகர் அரசு மருத்துவமனையில் இருக்கும் சசிகலாவை பார்க்க வந்த டிடிவி தினகரன் செய்தியாளர்களிடம் தெரிவித்தார்.

வரும் 27-ம் தேதி சசிகலா விடுதலையாக உள்ள நிலையில் அவரது உயிருக்கு ஆபத்து உள்ளது என சந்தேகமாக இருக்கிறது என்று சசிகலாவின் தம்பி திவாகரன் தெரிவித்துள்ளார்.