Tamil News Highlights : ரஜினிகாந்த் நலம் பெற கமல்ஹாசன் வாழ்த்து

இங்கிலாந்தில் இருந்து வந்தவர்கள் தாமாக முன்வந்து கொரோனா பரிசோதனை செய்து கொள்ள வேண்டும் என்று தமிழக பொது சுகாதாரம் மற்றும் நோய்த்தடுப்பு மருந்து துறை அறிவுறுத்தியுள்ளது.

நடிகர் ரஜினிகாந்தின் உடல்நிலை சீராக உள்ளதாக மருத்துவமனை நிர்வாகம் தகவல் தெரிவித்துள்ளது. ரத்த அழுத்தத்தை சீராக வைத்திருக்க ரஜினிக்கு தொடர்ந்து சிகிச்சை அளிக்கப்பட்டு வருகிறது. அவரது உடல்நிலை தொடர்ந்து கண்காணிக்கப்பட்டு வருகிறது என்று மருத்துவமனை நிர்வாகம் தெரிவித்துள்ளது.

அமைச்சர் கடம்பூர் ராஜு, “2016ம் ஆண்டு சட்டமன்றத் தேர்தலில் அதிமுக கொடுத்த வாக்குறுதிகள் அனைத்தும் நிறைவேற்றப்பட்டதால் வரும் சட்டமன்றத் தேர்தலில் அதிமுக 3 வது முறையாக வெற்றி பெற்று ஹாட்ரிக் வெற்றி பெறும்” என்று கூறினார்.

மத்திய அமைச்சர் பிரகாஷ் ஜவடேகர், நாங்கள் எம்.ஜி.ஆரை எப்போதும் மறக்கவில்லை என்று கூறினார். தமிழகத்தில் தேசிய ஜனநாயகக் கூட்டணியில் முதல்வர் வேட்பாளர் குறித்த செய்தியாளர்களின் கேள்விக்கு பதில் அளிக்க மறுத்துவிட்டார்.

பழனி முருகன் கோயிலில் வரும் 28ஆம் தேதி முதல் மீண்டும் ரோப்கார் சேவை தொடங்கப்படும் என்று அறிவிக்கப்பட்டுள்ளது. காலை 9.30 முதல் இரவு 7.30 மணி வரை ரோப் கார் இயக்கப்படும். இதில் ஆன்லைனில் முன்பதிவு செய்தவர்களுக்கு மட்டுமே அனுமதி அளிக்கப்படும் என்று கோயில் நிர்வாகிகள் தெரிவித்துள்ளனர்.

மத்திய அமைச்சர் பிரகாஷ் ஜவடேகர், “தமிழக சட்டமன்றத் தேர்தலில் பாஜக அமோக வெற்றி பெறும். மக்கள் வளர்ச்சியை எதிர்பார்க்கின்றனர். மலிவான குடும்ப அரசியலை வெறுக்கின்றனர். நாடு முழுவதும் நடைபெறும் தேர்தல்களில் பாஜகவுக்கு மாபெரும் வெற்றி கிடைக்கும். காங்கிரஸ் படுதோல்வி அடையும்” என்று தெரிவித்துள்ளார்.

ஹைதராபாத்தில் அப்போலோ மருத்துவமனையில் அனுமதிக்கப்பட்டுள்ள நடிகர் ரஜினிகாந்த்திடம் உடல்நலம் குறித்து திமுக தலைவர் மு.க.ஸ்டாலின் தொலைபேசியில் கேட்டறிந்தார்.

அண்ணாத்த படத்தின் படப்பிடிப்புக்காக ஹைதராபாத்தில் இருந்த நடிகர் ரஜினிகாந்த, திடீரென இன்று ஹைதராபாத்தில் உள்ள அப்பல்லோ மருத்துவமனையில் அனுமதிக்கப்பட்டுள்ளார். இரத்த அழுத்தத்தில் ஏற்பட்டுள்ள மாறுபாடு காரணமாக அவர் அனுமதிக்கப்பட்டுள்ளதாக மருத்துவமனை நிர்வாகம் அறிவித்துள்ளது.

தென்காசி மாவட்டம் சுரண்டையில் மணல்கொள்ளை தடுக்க சென்ற கிராம நிர்வாக அலுவலர் இருப்புசட்டியால் தாக்கப்பட்ட சம்பவம் பெரும்பரபரப்பை ஏற்படுத்தியுள்ளது.

பிரிட்டனில் இருந்து சென்னை வந்த 5 பேருக்கு கொரோனாதொற்று உறுதி செய்யப்பட்டுள்ளதாக சுகாதார செயலாளர் ராதாகிருஷ்ணன் தெரிவித்துள்ளார்.

பாஜகவில் இணைந்த அருணாச்சலம் மக்கள் நீதி மய்யம் கட்சியில் இருந்து நீக்கப்பட்டதாக தகவல் வெளியாகியுள்ளது. 

நடிகர் விஜய் அரசியலுக்கு வருவதாக அடிக்கடி தகவல் வெளியாகி வரும் நிலையில், சூர்யா அளவுக்காவது விஜய் குரல் கொடுக்கட்டும், அப்புறம் வரட்டும் என நாம் தமிழர் கட்சி ஒருங்கினைப்பாளர் சீமான தெரிவித்துள்ளார்.

தமிழறிஞரும், பேராசிரியருமான தொ.பரமசிவன் மறைவுக்கு இரங்கல் தெரிவித்துள்ள முதலமைச்சர் பழனிசாமி, பேராசிரியர், எழுத்தாளர், பேச்சாளர் என பன்முகத்தன்மை கொண்டவர் தொ.பரமசிவன் என்று புகழாரம் சூட்டியுள்ளார். 

தமிழகத்தில் வரும் 28 மற்றும் 29-ந் தேதிகளில் கடலோர பகுதிகளில் மழைக்கு வாய்ப்புள்ளதாக சென்னை வானிலை மையம் அறிவித்துள்ளது. மேலும் கடந்த 24 மணி நேரத்தில் வால்பாறையில் 1 செ.மீ மழை பதிவானதாக தெரிவித்துள்ளது.

விழுப்புரம் மாவட்டம் மரக்காணம் பகுதியில் மக்கள் கிராம சபைக் கூட்டம் நடத்துவதற்கு மாவட்ட நிர்வாகம் தடை விதித்திருந்த நிலையில் தடையை மீறி கூட்டம் நடந்து வருகிறது. இதில் திமுக தலைவர் ஸ்டாலின் பங்கேற்று சிறப்புரை ஆற்றினார். மேலும், பிரதமர் மோடியால் கூட மக்கள் கிராம சபை கூட்டத்தை தடுக்க முடியாது என்றும் தெரிவித்தார்.

தொலைநோக்கு சிந்தனையுடன் 3 வேளாண் சட்டங்களை மத்திய அரசு கொண்டு வந்துள்ளது. அதனை ஆதரிக்காத மக்கள் நீதி மய்யத்திலிருந்து விலகி பாஜகவில் இணைந்ததாக அருணாச்சலம் தெரிவித்திருக்கிறார்.

முன்னாள் பிரதமர் அடல் பிகாரி வாஜ்பாயின் 96-வது பிறந்த நாளையொட்டி டெல்லியில் உள்ள அவருடைய நினைவிடத்தில் பிரதமர் மோடி மரியாதை செலுத்தினர். மேலும், நாட்டை வளர்ச்சியின் உச்சத்திற்கு எடுத்துச் சென்றவர், வளமான இந்தியாவை அமைப்பதற்கான, வாஜ்பாயின் முயற்சிகள் என்றும் நினைவுகூரப்படும் என்றும் மோடி தெரிவித்தார்.

விழுப்புரம் மாவட்டம் மரக்காணத்தில் இன்று நடைபெறவிருந்த கிராம சபை கூட்டத்திற்கு அனுமதி மறுப்பு தெரிவித்து தி.மு.க. மாவட்ட செயலாளருக்கு மரக்காணம் காவல் ஆய்வாளர் நோட்டீஸ் அனுப்பியுள்ளார்.

மக்கள் நீதி மய்யத்தின் நிறுவன பொதுச்செயலாளரான அருணாச்சலம், கமலாலயத்தில் மத்திய அமைச்சர் பிரகாஷ் ஜவடேகர் முன்னிலையில் இன்று பாஜகவில் இணைகிறார்.

லண்டனில் இருந்து விமானத்தில் மதுரை வந்த ஒரு பயணிக்கு கொரோனா இருப்பது உறுதி செய்யப்பட்டிருக்கிறது.

அனைவருக்கும் எனது உளம்கனிந்த கிறிஸ்துமஸ் தின நல்வாழ்த்துகளை அன்போடு தெரிவித்துக் கொள்கிறேன் - ஓபிஎஸ்

அகிலம் முழுவதும் மனிதநேயம் செழித்து வளர, தன்னுயிரையே இவ்வுலகிற்கு அர்ப்பணித்த தேவகுமாரனாம் ஏசுபிரான் அவதரித்த திருநாளை கிறிஸ்துமஸ் பெருவிழாவாகக் கொண்டாடி மகிழும் கிறிஸ்துவப் பெருமக்கள் அனைவருக்கும் எனது உளம்கனிந்த #கிறிஸ்துமஸ் தின நல்வாழ்த்துகளை அன்போடு தெரிவித்துக் கொள்கிறேன். pic.twitter.com/clpakdNLBz

— O Panneerselvam (@OfficeOfOPS) December 25, 2020

இயேசுவின் வழிமுறைகள் நியாயமான சமூகத்தை கட்டமைக்க வழிவகுக்கட்டும் - பிரதமர் மோடி

Merry Christmas!

The life and principles of Lord Christ gives strength to millions across the world.

May his path keep showing the way in building a just and inclusive society.

May everybody be happy and healthy.

— Narendra Modi (@narendramodi) December 25, 2020

கிறிஸ்துமஸ் பண்டிகை சமூகத்தில் அமைதி மற்றும் செழிப்பை அளிக்கும் என நம்புகிறேன் - ராம்நாத் கோவிந்த்

Merry Christmas to everyone! I hope this festival nurtures peace and prosperity, and helps strengthen harmony in society. Let us follow Christ's teachings of love, compassion, and charity, committing ourselves to the welfare of our society and nation.

— President of India (@rashtrapatibhvn) December 25, 2020