/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2018/03/eps-ops.2.jpg)
Tamil News Today Live
Tamil News Today Live Updates : அதிமுக மூத்த நிர்வாகிகள் குழு திடீர் ஆலோசனை செய்து, கட்சி அமைப்புகளில் மாற்றம் செய்யப்பட்டுள்ளது.அதிமுகவுக்குள் நிர்வாக ரீதியாக செய்யப்பட உள்ள மாற்றங்கள் குறித்து அமைச்சர்கள் வேலுமணி, தங்கமணி, வைத்தியலிங்கம், கேபி. முனுசாமி, நத்தம் விஸ்வநாதன் அடங்கிய ஐவர் குழு திடீர் ஆலோசனையில் ஈடுபட்டது. சென்னை ராயப்பேட்டையில் உள்ள அதிமுக தலைமை அலுவலகத்தில் மாலை 5 மணி முதல் தொடர்ந்து 4 மணி நேரமாக, இந்த ஆலோசனை கூட்டம் நடைபெற்றது. இதில், கட்சிக்குள் நிர்வாக ரீதியாக மாவட்டங்களை பிரிப்பது, புதிய மாவட்ட செயலாளர்கள் மற்றும் நிர்வாகிகளை நியமிப்பது உள்ளிட்டவைகள் குறித்து ஆலோசிக்கப் பட்டதாக கூறப்படுகிறது. சென்னை காவல் எல்லைக்கு உட்பட்ட பகுதிகளில் முழு முடக்கம் இன்று முடிவுக்கு வந்துள்ளது. ஆகையால் இன்று முதல் புதிய தளர்வுகளுடன் ஊரடங்கு கடைப்பிடிக்கப்படும் என அறிவிக்கப்பட்டுள்ளது. தமிழகத்தில் 4-ம் நாளாக நேற்றும் கொரோனா எண்ணிக்கை 4000-ஐ கடந்தது. தமிழகத்தின் மொத்த உயிரிழப்பு 1500-ஐ கடந்துள்ளது. தகுதியற்றவர்களின் தகுதி விரைவில் தீர்மானிக்கப்படும் என அமைச்சர் ஆர்.பி.உதயகுமார் பேச்சுக்கு, திமுக எம்.பி ஆ.ராசா பதிலடி கொடுத்துள்ளார்.
உலகளவில் கொரோனா பாதிப்புக்குள்ளான நாடுகள் பட்டியலில் ரஷ்யாவை பின்னுக்குத் தள்ளி மூன்றாவது இடத்தைப் பிடித்திருக்கிறது இந்தியா. தற்போது நாடு முழுவதும் 6,87,760 பேர் கொரோனா வைரஸால் பாதிக்கப்பட்டுள்ளனர். உலகளவில் கொரோனாவால் பாதிக்கப்பட்டோரின் எண்ணிக்கை 1,15,55,414ஆக உயர்ந்துள்ளது. இந்த வைரஸில் இருந்து குணமடைந்தோர் எண்ணிக்கை 65,34,456 ஆகவும், கொரோனா வைரஸால் உயிரிழந்தோர் எண்ணிக்கை 5,36,720ஆகவும் அதிகரித்துள்ளது. பீகார் உள்ளிட்ட வட மாநிலங்களில் கன மழை வெளுத்து வாங்குவதால், பல்வேறு சாலைகள் முடக்கப்பட்டிருக்கின்றன.
“அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”
Live Blog
Tamil nadu news today updates : சென்னை மற்றும் தமிழகத்தின் பல்வேறு பகுதிகளில் நடைபெறும் அனைத்து முக்கிய செய்திகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.
மதுரையில் ‘எய்ம்ஸ்’ மருத்துவமனை அமைப்பதற்கு மத்திய அரசு ஜூலை 31-ம் தேதிக்குள் ஜப்பான் நிறுவனத்துடன் புரிந்துணர்வு ஒப்பந்தம் போடுவதற்கு வாய்ப்புள்ளது, என்று சுகாதாரத்துறை செயலாளர் ராதாகிருஷ்ணன் தெரிவித்துள்ளார்.‘எய்ம்ஸ்’ மருத்துவமனை அமைப்பதற்கான சட்டபூர்வமான அறிவிப்பை மத்திய அரசு அரசிதழில் வெளியிட்டுள்ளது. இது, தமிழகத்திற்கு கிடைத்த நல்ல செய்தி. மத்திய அரசு ‘எய்ம்ஸ்’ மருத்துவமனை அமைப்பதற்கான ஒவ்வொரு சட்ட நடவடிக்கைகளையும் செய்து வருகிறது என்று தெரிவித்துள்ளார்.
டெல்லியில் ஒரே நாளில் 1,379 பேருக்கு கொரோனா பாதிப்பு கண்டறியப்பட்டுள்ளதையடுத்து, மொத்த பாதிப்பு எண்ணிக்கை 1,00,823 ஆக உயர்ந்துள்ளது.. ஒரேநாளில் 48 பேர் கொரோனாவால் உயிரிழந்துள்ளநிலையில், உயிரிழந்தவர்களின் மொத்த எண்ணிக்கை 3,115 ஆக அதிகரித்துள்ளது.
பல்கலைக்கழகங்கள் மற்றும் கல்லூரிகளில் தேர்வுகளை நடத்த மத்திய அரசு அனுமதி அளித்துள்ளது. இதுதொடர்பாக, மத்திய உயர்கல்வித்துறை செயலாளருக்கு உள்துறை அமைச்சகம் கடிதம் எழுதியுள்ளது. அந்த கடிதத்தில், யுஜிசி வழிகாட்டுதலின்படி இறுதி ஆண்டு தேர்வுகளை கட்டாயம் நடத்த வேண்டும் என உத்தரவு பிறப்பிக்கப்பட்டுள்ளது.
கொரோனா தொற்றால் பாதிக்கப்பட்டுள்ள முன்னாள் அமைச்சர் வளர்மதி, விரைவில் உடல்நலம் பெற வேண்டி இறைவனை பிரார்த்திப்பதாக முதல்வர் பழனிசாமி, டுவிட்டர் பதிவில் குறிப்பிட்டுள்ளார்.
கொரோனா தொற்றுக்குள்ளாகி சிகிச்சை பெற்றுவரும் முன்னாள் அமைச்சரும் தமிழ்நாடு பாடநூல் கழக தலைவருமான திருமதி.பா.வளர்மதி அவர்கள் மற்றும் கோவை தெற்கு தொகுதி சட்டமன்ற உறுப்பினர் அம்மன் கே.அர்ச்சுணன் அவர்களும் விரைவில் பூரண நலம்பெற்று இயல்புநிலை திரும்ப இறைவனை வேண்டிக் கொள்கிறேன்.
— Edappadi K Palaniswami (@CMOTamilNadu) July 6, 2020
திருச்சி அரசு மருத்துவமனையில் இன்று ஒரே நாளில் 8 பேர் கொரோனாவால் உயிரிழந்துள்ளனர். கொரோனா பாதிப்பால் மருத்துவமனையில் அனுமதிக்கப்பட்ட 5 பேர் சிகிச்சை பலனின்றி உயிரிழந்தனர். உயிரிழந்த நிலையில் மருத்துவமனைக்கு கொண்டுவரப்பட்ட 3 பேருக்கு கொரோனா இருப்பது பரிசோதனையில் உறுதி செய்யப்பட்டுள்ளது.
திமுக எம்.எல்.ஏ., செந்தில் பாலாஜிக்கு அமைச்சர் தங்கமணி கண்டனம்
* மின் கட்டணம் குறித்து உண்மைக்கு மாறான அறிக்கை வெளியிடுவதா?
கொரோனா காலத்தில் வீடுகள், அலுவலகங்களில் பயன்படுத்தப்பட்ட மின் அளவை கணக்கிடுவதில் சிரமம்- அமைச்சர்
* முதல் மாதத்தில் எடுக்கப்பட்ட மின் உபயோக அளவை கணக்கிட்டு அடுத்தடுத்த மாதங்களில் வசூல்- அமைச்சர்
கூடுதலாக மின்கட்டணம் வசூலிப்பதாக அரசு மீது அவப்பழியை சுமத்துவதா?- அமைச்சர் தங்கமணி
தமிழகத்தில் ஊரடங்கு விதிகளை மீறியதாக 8 லட்சத்திற்கும் அதிகமானோர் கைது செய்யப்பட்டுள்ளனர். மொத்தம் 7 லட்சத்து 42 ஆயிரத்து 594 வழக்குகள் பதிவு செய்யப்பட்டுள்ளது. 8 லட்சத்து 13 ஆயிரத்து 877 பேரை கைது செய்துள்ள போலீசார், 6 லட்சத்து 21 ஆயிரத்து 384 வாகனங்களை பறிமுதல் செய்துள்ளனர். மொத்தம் இதுவரை 17 கோடியே 21 லட்ச ரூபாய் அபராதமாக விதிக்கப்பட்டுள்ளது.
11, 12ம் வகுப்புகளில் வரும் கல்வியாண்டு முதல் அறிவிக்கப்பட்டிருந்த 5 பாடங்கள் முறை திட்டம் ரத்து செய்யப்படுவதாக பள்ளிக்கல்வித்துறை அறிவித்துள்ளது. பொதுமக்கள், பெற்றோர், ஆசிரியர்களின் கோரிக்கையை ஏற்று இந்த முடிவு எடுக்கப்பட்டுள்ளதாக தெரிவிக்கப்பட்டுள்ளது. 11, 12ம் வகுப்புகளில் பழையபடி 6 பாடங்கள் என்ற நடைமுறையே தொடரும் எனவும் பள்ளிக்கல்வித்துறை அறிவித்துள்ளது.
கல்வான் பள்ளத்தாக்கில் இந்திய-சீன வீரர்கள் மோதல் சம்பவம் எதிரொலி
* தேசிய பாதுகாப்பு ஆலோசகர் அஜித் தோவல் சீன பிரதிநிதிகளுடன் ஆலோசனை
எல்லைக் கட்டுப்பாட்டு பகுதியில் இரு தரப்பும் படைகளை விலக்கிக் கொள்ள முடிவு
* எதிர்காலத்தில் இதுபோன்ற அசம்பாவிதங்கள் நடைபெறாமல் இருக்கவும் இரு தரப்பும் உறுதி
பண்ணை தொழிலை காப்பாற்ற பள்ளி குழந்தைகளுக்கு வழங்கப்படும் அரிசி பருப்புடன் சேர்த்து சத்துணவு முட்டைகள் வழங்க தமிழக அரசுக்கு பண்ணையாளர் கோரிக்கை விடுத்துள்ளனர். 2 மாதத்தில் மட்டும் 20 கோடி சத்துணவு முட்டைகள் தேக்கம் அடைந்துள்ளதாக வேதனை தெரிவித்துள்ளனர். மேலும் முட்டையின் விலை குறைந்து இருப்பதும், முட்டை உற்பத்தி செலவு அதிகரித்தும் உள்ளதால் தாங்கள் பெரும் நஷ்டம் அடைந்து வருவதாக பண்ணையாளர்கள் தெரிவித்துள்ளனர்.
சாத்தான்குளம் காவல்நிலையத்தில் சிபிசிஐடி விசாரணை'
தந்தை, மகன் கொலை வழக்கு தொடர்பாக சாத்தான்குளம் காவல்நிலையத்தில் சிபிசிஐடி போலீசார் மீண்டும் விசாரணை
தந்தை மகன் கொலை வழக்கில் சாத்தான்குளம் ஃப்ரண்ட்ஸ் ஆஃப் போலீஸ் குழுவை சேர்ந்த ஒருவரிடம் சிபிசிஐடி விசாரணை நடத்தி வருகிறது.
புதிய பாடத் தொகுப்பை இப்போதாவது ரத்து செய்வதை வரவேற்கிறேன் என, திமுக தலைவர் மு.க.ஸ்டாலின் தெரிவித்துள்ளார். குளறுபடியான இந்த புதிய பாடத்திட்டத்தை ரத்து செய்ய வேண்டும் என, நான், ஏற்கனவே கோரியிருந்ததாக தமது டுவிட்டர் பதிவில் கூறியுள்ளார். இப்போது ரத்து செய்யப்பட்டுள்ளதை வரவேற்பதாக கூறியுள்ள ஸ்டாலின், முடிவுகளை அவசரமாக அறிவித்துவிட்டு பின்னர் திரும்பப் பெறுவதே வழக்கமாகிவிட்டது என விமர்சித்துள்ளார். மாணவர்களின் எதிர்காலம் சார்ந்த முடிவிலும் அலட்சியமா? என ஸ்டாலின் கேள்வி எழுப்பியுள்ளார்.
ரேஷன் கடைகளில் நவம்பர் மாதம் வரை விலையின்றி அரிசி வழங்கப்படும்
* அரிசி அட்டைதாரர்களுக்கு வழங்கப்படும் என முதலமைச்சர் எடப்பாடி பழனிசாமி உத்தரவு
* ஜூலை 1 முதல் 3 வரை பணம் கொடுத்து பொருள் பெற்றவர்களுக்கு அடுத்த மாதம் ஈடு செய்யப்படும்
ஏப்ரல், மே, ஜூன், ஜூலை மாதங்களில் வழங்கப்பட்ட அரிசி அளவின் படி நவம்பர் வரை வழங்கப்படும்
தந்தை, மகன் கொலை வழக்கு தொடர்பாக சாத்தான்குளம் ஃப்ரெண்ட்ஸ் ஆஃப் போலீஸ் குழுவை சேர்ந்த ஒருவரிடம் சிபிசிஐடி விசாரணை நடத்தி வருகிறது. கொரோனா தன்னார்வலர் என்ற பெயரில் செயல்பட்ட கணபதியிடம் விசாரணை நடைபெற்று வருகிறது
சிசிடிவி காட்சிகளின் அமைப்புகளை தங்களால் மாற்ற இயலாது என காவலர் வாக்குமூலம். சம்பவத்தன்று சாத்தான்குளம் காவல் நிலைய கணினி பொறுப்பில் இருந்த காவலர், மாஜிஸ்திரேட்டிடம் வாக்குமூலம் என தகவல். சாத்தான்குளம் காவல் நிலைய சிசிடிவி பதிவுகள் பற்றிய புதிய தகவல்கள் வெளியாகியுள்ளன. சிசிடிவி காட்சிகள் ஒரே நாளில் DELETE ஆகும் வகையில் செட் செய்யப்பட்டிருப்பதாக சொன்னதில் புதிய திருப்பம் ஏற்பட்டுள்ளது.
தேனி மாவட்டத்தில் மேலும் 110 பேருக்கு கொரோனா தொற்று உறுதி செய்யப்பட்டுள்ளது. இரண்டு மருத்துவர்கள் உள்பட 110 பேருக்கு இன்று புதிதாக பாதிப்பு ஏற்பட்டுள்ளது. தேனியில் மொத்த பாதிப்பு 1,167ஆக உயர்வு. 810 பேர் தற்போது சிகிச்சை பெறுகின்றனர். 385 பேர் குணமடைந்து வீடு திரும்பியுள்ளனர்
11 மற்றும் 12-ம் வகுப்புகளில் ஐந்து பாடங்கள் முறை திட்டம் திடீர் ரத்து செய்யப்பட்டு, பழையபடி ஆறு பாடங்கள் என்ற நடைமுறையே தொடரும் என அறிவிக்கப்பட்டுள்ளது. பொதுமக்கள், பெற்றோர், ஆசிரியர்களின் கோரிக்கையை ஏற்று நடவடிக்கை இந்த பாட திட்டங்கள் மாற்றம் செய்யப்பட்டிருப்பதாக பள்ளிக்கல்வித்துறை உத்தரவு அறிவித்துள்ளது.
சென்னையில் மண்டலம் வாரியாக கொரோனா சிகிச்சை பெறுவோர் விவரம் வெளியீடு. சென்னையில் மொத்தம் தற்போது 24,890 பேர் கொரோனா தொற்றுக்கு சிகிச்சை பெற்று வருகின்றனர். அதிகபட்சமாக கோடம்பாக்கத்தில் 2837 பேர் சிகிச்சை பெற்று வருகின்றனர். ராயபுரம் - 2416, அண்ணா நகர் -2349, தேனாம்பேட்டை - 2317 பேர் சிகிச்சை பெற்று வருகின்றனர். தண்டையார்பேட்டை-2275, அடையாறு-1913, திரு.வி.க. நகர்-1858, திருவொற்றியூர்-1214 பேர் சிகிச்சை பெறுகின்றனர்
சென்னையில் நேற்று இரவு முதல் இன்று காலை வரை கொரோனாவிற்கு 27 பேர் உயிரிழந்துள்ளனர். ராஜீவ்காந்தி அரசு மருத்துவமனையில் 8 பேர் சிகிச்சை பலனின்றி பலியான நிலையில், ஓமந்தூரார் அரசு மருத்துவமனையில் ஆயுதப்படை காவலர் உள்பட 6 பேர் உயிரிழந்துள்ளனர். ஆயிரம் விளக்கு தனியார் மருத்துவமனையில் 4 பேர் பலி. கீழ்ப்பாக்கம் அரசு மருத்துவமனையில் 3 பேர், அரசு ஸ்டான்லி மருத்துவமனையில் 6 பேர் உயிரிழந்துள்ளனர்.
நாடு முழுவதும் தொல்லியல் துறை கட்டுப்பாட்டில் உள்ள பாரம்பரிய நினைவு சின்னங்களை, பொது மக்கள் பார்வையிட ஏதுவாக திங்கள்கிழமை முதல் திறக்க மத்திய கலாச்சார அமைச்சகம் உத்தரவிட்டுள்ளது. ஆனால், தமிழகத்தில் கொரோனா பரவலை தடுக்க தமிழகத்தில் வரும் 31 ஆம் தேதி வரை ஊரடங்கு அமலில் உள்ளதால், மாமல்லபுரம் புராதான சின்னங்கள் பொது மக்கள் பார்வைக்கு திறக்கப்படவில்லை என தொல்லியல் துறை அறிவித்துள்ளது. புராதன சின்னங்கள் திறப்பது குறித்து தமிழக அரசு தொல்லியல் மற்றும் சுற்றுலாத் துறையுடன் கலந்து ஆலோசித்து. பின்னர் திறக்கும் தேதி குறித்து அறிவிப்பு வெளியாகும் என அதிகாரிகள் தெரிவித்து உள்ளனர்.
சென்னை, திருவள்ளூர், காஞ்சிபுரம், செங்கல்பட்டு ஆகிய இடங்களில் முழு ஊரடங்கு அமலில் இருந்த நிலையில் இன்று முதல் சில தளர்வுகள் அறிவிக்கப்பட்டுள்ளன. குறிப்பாக மாலை 6 மணிவரை மளிகைக் கடைகள் செயல்படவும், இரவு 9 மணி வரை ஓட்டல்கள் செயல்படவும் அனுமதியளிக்கப்பட்டுள்ளது.
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights