/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/07/template-2020-07-08T222839.546.jpg)
Tamil Nadu News Today Live Updates
Tamil News Today Live Updates : தமிழகத்தில் முதன்முறையாக கொரோனாவால் பாதிக்கப்பட்டவர்களை விட, அதிலிருந்து குணமாணவர்களின் எண்ணிக்கை அதிகரித்திருக்கிறது. அதோடு புதிதாக 3,616 பேருக்கு கொரோனா தொற்று உறுதியாகியுள்ளது. சென்னையில் புதிய கொரோனா தொற்றுகளின் எண்ணிக்கை 1203 ஆகக் குறைந்தது. ஒரு மாதத்திற்கு முன்பு இருந்தது போல மாறியது சென்னையின் தினசரி பாதிப்பு. சென்னை அல்லாத பிற மாவட்டங்களில் 2413 பேருக்கு கொரோனா பாதிப்பு உறுதியானது. இதில் அதிகபட்சமாக மதுரையில் 334 பேருக்கு கொரோனா பதிவாகியுள்ளது.
அதி நவீன வசதிகளுடன் கூடிய கொரோனா சிகிச்சை மையத்தை சென்னை கிண்டியில் திறந்து வைத்தார், தமிழக முதல்வர் எடப்பாடி பழனிச்சாமி. இன்னொரு பொது முடக்கத்துக்கு வாய்ப்பில்லை எனத் தெரிவித்துள்ளார். 11 எம்.எல்.ஏ-க்கள் தகுதி நீக்க வழக்கு உச்ச நீதிமன்றத்தில் இன்று விசாரனைக்கு வருகிறது. சாத்தான்குளம் காவல் நிலையத்தில் மேலும் ஒருவர் அடித்துக் கொல்லப்பட்டதாக வழக்கு போடப்பட்டிருக்கிறது.
“அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”
Live Blog
Tamil nadu news today updates : சென்னை மற்றும் தமிழகத்தின் பல்வேறு பகுதிகளில் நடைபெறும் அனைத்து முக்கிய செய்திகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.
காஷ்மீர் மாநிலம் பந்திபூராவில், இரவு 9மணியளவில் தீவிரவாதிகள் நடத்திய துப்பாக்கிச்சூட்டில் அம்மாவட்ட் முன்னாள் பாரதிய ஜனதா கட்சி தலைவர் ஷேக் வாசிம் பாரி சம்பவ இடத்திலேயே உயிரிழந்தார். இந்த சம்பவத்தில் வாசிமின் சகோதரர் மற்றும் அவரது தந்தை பலத்த காயமடைந்தனர். அவர்கள் மருத்துவமனையில் சிகிச்சை பலனின்றி மரணமடைந்தனர்.
ஓமர் அப்துல்லா இரங்கல் : இந்த நிகழ்விற்கு காஷ்மீர் முன்னாள் முதல்வர் ஓமர் அப்துல்லா கண்டனம் தெரிவித்துள்ளார். வாசிம் குடும்பத்தினருக்கு தனது இரங்கல்களை அவர் தெரிவித்துக்கொண்டுள்ளார்.
சுற்றுசூழல்துறை அமைச்சர் கே.சி.கருப்பணன் மகனுக்கு கொரோனா தொற்று உறுதி செய்யப்பட்டுள்ளது. சென்னை குரோம்பேட்டை தனியார் மருத்துவமனையில் மருத்துவராக பணியாற்றியவர் கருப்பணன் மகன். கொரோனா உறுதியானதை தொடர்ந்து கருப்பணன் மகன் வீட்டிலேயே தனிமைப்படுத்திக் கொண்டுள்ளார்.
இதர பிற்படுத்தப்பட்டோர் இடஒதுக்கீடு தொடர்பாக, பிரதமர் மோடிக்கு, முதல்வர் பழனிசாமி கடிதம் எழுதியுள்ளார். அந்த கடிதத்தில், கிரிமீலேயரில் ஊதியம் மற்றும் வேளாண் வருமானத்தை கணக்கிடக் கூடாது. தமிழக அரசின் வழிமுறைகளை பின்பற்ற வேண்டும். கிரிமீலேயரில் திருத்தம் கொண்டு வந்தால் தகுதியானவர்களும் பாதிக்கப்படுவார்கள் என்று குறிப்பிடப்பட்டுள்ளது.
இதர பிற்படுத்தப்பட்டோர் இடஒதுக்கீடு குறித்து பிரதமர் மோடிக்கு முதல்வர் பழனிசாமி எழுதியுள்ள கடிதத்தில், கிரிமீலேயரில் ஊதியம் மற்றும் வேளாண் வருமானத்தை கணக்கிடக் கூடாது. கிரிமீலேயரில் திருத்தம் கொண்டு வந்தால் தகுதியானவர்களும் பாதிக்கப்படுவார்கள். அதனால், இதர பிற்படுத்தப்பட்டோர் இடஒதுக்கீட்டில் தமிழக அரசின் வழிமுறைகளை பின்பற்ற வேண்டும்” வலியுறுத்தியுள்ளார்.
சாத்தான்குளம் தந்தை மகன் உயிரிழந்த சம்பவத்தில் மேலும் 5 போலீசார் கைது செய்யப்பட்டுள்ளனர். சிபிசிஐடி போலிசார் இன்று காலை முதல் காவல் உதவி ஆய்வாளர் பால்துரை, காவலர்கள் தாமஸ், செல்லத்துரை, சாமத்துரை, வெயில்முத்து ஆகியோரிடம் விசாரணை நடத்திய பின்னர் 5 பேரையும் கைது செய்தனர். பின்னர், கைது செய்யப்பட்ட அனைவரும் தூத்துக்குடி குற்றவியல் நடுவர் நீதிமன்றத்தில் ஆஜர்படுத்தப்படுகின்றனர்.
மத்திய நிதியமைச்சர் நிர்மலா சீதாராமன், “15வது நிதி ஆணைய பரிந்துரைப்படி, வருவாய் பற்றாக்குறை மானிய பங்கீட்டுக்கு பிந்தைய, 4 வது சரிநிகர் மாத தவணை தொகையாக 14 மாநிங்களுக்கு ரூ.6,195.08 கோடியை மத்திய அரசு கடந்த 8ம் தேதி வழங்கியது. இது நெருக்கடி காலத்தில், மாநிலங்களுக்கு கூடுதல் நிதி ஆதாரத்தை அளிக்கும்.” என்று ட்விட்டரில் தெரிவித்துள்ளார்.
மத்தியப் பிரதேசம் ரேவாவில் அமைக்கப்பட்டுள்ள 750 மெகா வாட் அல்ட்ரா-மெகா சோலார் மின் நிலையத்தை
பிரதமர் நரேந்திர மோடி, ஜூலை 10ம் தேதியன்று காணொளி காட்சி மூலம் நாட்டுக்கு அர்ப்பணிக்க உள்ளார். இது ஆசியாவின் மிகப் பெரிய சூரிய மின்சக்தி நிலையங்களில் ஒன்று ஆகும்.
மத்தியப் பிரதேசம் ரேவாவில் அமைக்கப்பட்டுள்ள 750 மெகா வாட் அல்ட்ரா-மெகா சோலார் மின் நிலையத்தை @narendramodi ஜூலை 10ம் தேதியன்று காணொளி காட்சி மூலம் நாட்டுக்கு அர்ப்பணிக்க உள்ளார். இது ஆசியாவின் மிகப் பெரிய சூரிய மின்சக்தி நிலையங்களில் ஒன்று.@PMOIndia @PIB_India https://t.co/4ZNtrvSCah
— PIB in Tamil Nadu 🇮🇳 (@pibchennai) July 8, 2020
12 ஆம் வகுப்பு தேர்வு எழுதாத விடுபட்ட மாணவர்கள் வரும் ஜூலை 27ம் தேதி தேர்வு எழுதிக் கொள்ளலாம். இதற்கான நுழைவுச் சீட்டினை அவரவர் பள்ளிகளிலேயே பெற்றுக்கொள்ளலாம். தனித்தேர்வர்கள் சம்பந்தப்பட்ட தனித் தேர்வு மையங்களில் பெற்றுக் கொள்ளலாம் என்று தமிழக அரசு அறிவித்துள்ளது.
12 ஆம் வகுப்பு தேர்வு எழுதாத விடுபட்ட மாணவர்கள் வரும் ஜூலை 27ம் தேதி தேர்வு எழுதிக் கொள்ளலாம்.
இதற்கான நுழைவுச் சீட்டினை அவரவர் பள்ளிகளிலேயே பெற்றுக்கொள்ளலாம். தனித்தேர்வர்கள் சம்பந்தப்பட்ட தனித் தேர்வு மையங்களில் பெற்றுக் கொள்ளலாம் - தமிழக அரசு@TNGOVDIPR
இணைப்பு 👇 pic.twitter.com/7FpOW0Iu1n
— PIB in Tamil Nadu 🇮🇳 (@pibchennai) July 8, 2020
சென்னை -1261
மதுரை - 379
திருவள்ளூர் - 300
வேலூர் - 160
செங்கல்பட்டு - 273
தூத்துக்குடி - 141
காஞ்சிபுரம் -133
கன்னியாகுமரி - 115
விழுப்புரம் -106
தேனி - 75
கடலூர் -71
விருதுநகர் -70
சேலம் - 68
ராமநாதபுரம் - 65
திருவண்ணாமலை - 55
தென்காசி - 27
தமிழகத்தில் இன்று புதிதாக 3756 பேருக்கு கொரோனா தொற்று கண்டறியப்பட்டுள்ள நிலையில், மொத்த பாதிப்பு எண்ணிக்கை 1,22,350 ஆக அதிகரித்துள்ளது. சென்னையில் மட்டும் 1,261 பேருக்கு தொற்று கண்டறியப்பட்ட நிலையில், அங்கு மட்டும் பாதிப்பு எண்ணிக்கை 72,500 ஆக உயர்ந்துள்ளது.
மத்திய மனிதவள மேம்பாட்டு அமைச்சகம் NEET, JEE Main மற்றும் செமஸ்டர் தேர்வுக்கான வழிகாட்டு நெறிமுறைகளை வெளியிட்டுள்ளது. தேர்வு நடக்கும் போது மாணவர்களுக்கு வெப்பநிலை பரிசோதனை கட்டாயமாக செய்யப்பட வேண்டும். தேர்வறை கண்காணிப்பாளர்களுக்கும் உடல் நிலை சான்றிதழ் அவசியம் அளிக்கப்பட வேண்டும். தேர்வு மைய சுவர்கள், கதவுகள், வாயில்களில் கிருமி நாசினி தெளிக்கப்பட வேண்டும். புதிய முக கவசங்கள், கையுறைகள் வழங்கப்பட வேண்டும் என்று கூறப்பட்டுள்ளது.
டெல்லியில் பிரதமர் மோடி தலைமையில் நடைபெற்ற அமைச்சரவைக் கூட்டத்தில், மத்திய அரசின் உஜ்வாலா திட்டத்தின் கீழ் சமையல் எரிவாயு சிலிண்டர் வழங்கும் திட்டம் மேலும் 3 மாதம் நீட்டிக்கப்படுவதற்கு ஒப்புதல் வழங்கப்பட்டுள்ளது.
முன்னாள் மத்திய அமைச்சரும் காங்கிரஸ் கட்சியின் மூத்த தலைவருமான ப.சிதம்பரம், தனது ட்விட்டர் பக்கத்தில், “எல்லையில் சீன துருப்புகள் பின்வாங்கியதை நான் வர வேற்கிறேன். சீன துருப்புகளும் இந்திய துருப்புகளும் எந்த பகுதியில் இருந்து பின் வாங்கின. தற்போது படைகள் எங்கே உள்ளன? ஜூன் 15-ம் தேதி என்ன நடந்தது என்பதை அறிய நாட்டு மக்கள் அறிய ஆவலாக காத்திருக்கின்றனர்.” என்று குறிப்பிட்டுள்ளார்.
திருவண்ணாமலை மாவட்டத்தில் இன்று புதிதாக 55 பேருக்கு கொரோனா வைரஸ் தொற்று உறுதி செய்யப்பட்டுள்ளது. இதனால், அம்மாவட்டத்தில் இதுவரை கொரோனாவால் பாதிக்கப்பட்டோரின் மொத்த எண்ணிக்கை 2,688ஆக உயர்ந்துள்ளது. மேலும், இதுவரை 1,304 பேர் குணமடைந்துள்ளனர். 18 பேர் உயிரிழந்துள்ளனர்.
கொரோனா வைரஸ் சிகிச்சை தொடர்பான வழக்கில், கொரோனா வைரஸ் நோயாளிகளுக்கு சிகிச்சை அளிக்கும் அரசு மருத்துவமனை மருத்துவர்கள், செவிலியர்கள் உள்ளிட்டோருக்கு பாதுகாப்பு உடைகள் எவ்வளவு வழங்கப்பட்டுள்ளது? பேரிடர் மேலாண்மை சட்டத்தின் கீழ் மாநில, மாவட்ட அளவிலான குழுக்கள் அமைக்கப்பட்டு உள்ளதா? என்று சென்னை உயர் நீதிமன்றம் கேள்வி எழுப்பியுள்ளது. இது தொடர்பாக, ஜூலை 27ஆம் தேதிக்குள் விரிவான அறிக்கை தாக்கல் செய்ய தமிழக அரசுக்கு சென்னை உயர்நீதிமன்றம் உத்தரவிட்டுள்ளது.
மின்சாரத்துறை அமைச்சர் தங்கமணிக்கு கொரோனா வைரஸ் தொற்று உறுதி செய்யப்பட்டதைத் தொடர்ந்து, அவர் மருத்த்துவமனையில் அனுமதிக்கப்பட்டுள்ளார். கொரோனா தொற்றால் பாதிக்கப்பட்டுள்ள அமைச்சர் தங்கமணியை திமுக தலைவர் மு.க.ஸ்டாலின் போனில் தொடர்பு கொண்டு நலம் விசாரித்தார்.
விருதுநகர் மாவட்டத்தில் நாளுக்கு நாள் கொரோனா வைரஸ் தொற்று அதிகரித்து வருவதால், விருதுநகர் மாவட்டத்தில் நாளை முதல் ஜூலை 19ஆம் தேதி வரை பட்டாசு ஆலைகள் மூடப்படும் என பட்டாசு உற்பத்தியாளர்கள் சங்கம் முடிவு செய்துள்ளது.
திமுக தலைவர் மு.க.ஸ்டாலின் பிரதமர் நரேந்திர மோடிக்கு எழுதியுள்ள கடிதத்தில், மருத்துவப் படிப்பில் அகில இந்திய ஒதுக்கீட்டை ரத்து செய்ய வேண்டும். மருத்துவப் படிப்புக்கான நீட் தகுதித் தேர்வை ரத்து செய்ய வேண்டும். ஓபிசி கிரிமிலேயர் கணக்கீட்டிற்கு சம்பளத்தை அளவீடாக நிர்ணயிப்பதை கைவிட வேண்டும் உள்ளிட்ட கோரிக்கைகளை வலியுறுத்தியுள்ளார்.
தமிழக சட்டத்துறை அமைச்சர் சி.வி.சண்முகத்துக்கு மூச்சுத்திணறல் ஏற்பட்டதை அடுத்து சிகிச்சைக்காக அவர் மருத்துவமனையில் அனுமதிக்கப்பட்டுள்ளார். ஏற்கனவே, அமைச்சர் சி.வி.சண்முகம் கடந்த 21ம் தேதி உடல்நலக் குறைவு ஏற்பட்டு மருத்துவமனையில் அனுமதிக்கப்பட்டார்.
முதல்வர் பழனிசாமி மத்திய எரிசக்தித் துறை அமைச்சரிடம், விவசாயிகளுக்கு இலவச மின்சாரத்தை ரத்து செய்யக் கூடாது. விவசாயிகளுக்கு இலவச மின்சாரம் என்பது தமிழகத்தின் நிலையான கொள்கை. விவசாயிகளுக்கான இலவச மின்சாரம் திட்டம் தொடர வேண்டும் என்று வலியுறுத்தினார்.
சென்னையில் கொரோனா தொற்றால் நேற்று இரவு முதல் இன்று காலை வரை 26 பேர் மரணம். ராஜீவ்காந்தி அரசு மருத்துவமனை, கீழ்ப்பாக்கம் அரசு மருத்துவமனைகளில் தலா 5 பேர் உயிரிழப்பு. அரசு ஸ்டான்லி மற்றும் ஓமந்தூரார் மருத்துவமனைகளில் தலா 6 பேர் மரணமடைந்துள்ளனர். சென்னை ஆயிரம் விளக்கு தனியார் மருத்துவமனையில் 4 பேர் சிகிச்சை பலனின்றி மரணம்
இந்தியாவில் கொரோனாவால் பாதிக்கப்பட்டோரின் எண்ணிக்கை 7,19,665லிருந்து 7,42,417ஆக உயர்வு. கொரோனாவிலிருந்து குணமடைந்தோர் எண்ணிக்கை 4,39,948-லிருந்து 4,56,831 ஆகவும், கொரோனாவால் உயிரிழந்தோர் எண்ணிக்கை 20,160-லிருந்து 20,642 ஆக அதிகரித்துள்ளதாக மத்திய சுகாதார அமைச்சகம் தெரிவித்துள்ளது.
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights