Tamil news today : விஷச்சாராயம் தயாரிக்க மெத்தனாலை விற்பனை செய்த 5 பேர் கைது

கள்ளச்சாராயம் விவகாரமானது உயிரிழந்தோர் குடும்பத்தினருக்கு இரங்கலையும், ஆறுதலையும் தெரிவித்துவிட்டு எளிதாக கடந்து போகக்கூடிய ஒன்றல்ல; இந்த சம்பவம் தொடர்பாக தற்போது காவல்துறை எடுத்து வரும் நடவடிக்கைகள் தொடர்ந்து தொய்வில்லாமல் தொடர வேண்டும்; கள்ளச்சாராயம் அற்ற மாநிலமாக தமிழ்நாட்டை மாற்ற வேண்டும்- கமல்ஹாசன் வலியுறுத்தல்

தேசிய தலைநகரை தொட்டவுடன், காங்கிரஸ் தலைவர் டி.கே.சிவக்குமார் தனது சகோதரர் டி.கே.சுரேஷின் அலுவலகத்திற்கு வந்தார். டி.கே.சுரேஷ் காங்கிரஸ் தலைவர் மல்லிகார்ஜுன் கார்கே மற்றும் காங்கிரஸ் உயர் அதிகாரிகளை சந்தித்த ஒரு நாள் கழித்து இது வந்துள்ளது.

காங்கிரஸ் தலைவர் டிகே சிவக்குமார் டெல்லி வந்துள்ளார். கர்நாடகாவில் ஆட்சி அமைப்பது தொடர்பாக கட்சித் தலைவர் மல்லிகார்ஜுன கார்கே இல்லத்தில் அக்கட்சியின் உயரதிகாரிகளை அவர் சந்திக்க உள்ளார். சிவக்குமார் மற்றும் மூத்த தலைவர் சித்தராமையா ஆகியோர் முதல்வர் பதவிக்கான போட்டியில் உள்ளனர்.

தமிழகம், புதுச்சேரி மற்றும் காரைக்கால் பகுதிகளில் இன்று முதல் 18ம் தேதி வரை 2 – 4 டிகிரி செல்சியஸ் வரை வெயில் அதிகரிக்கக்கூடும் என சென்னை வானிலை ஆய்வு மையம் தெரிவித்துள்ளது.

அதிமுக மாவட்ட செயலாளர்கள் கூட்டம் நாளை நடைபெற உள்ளதாக எடப்பாடி கே. பழனிசாமி அறிவித்துள்ளார். இதில் நாடாளுமன்ற தேர்தல், உறுப்பினர் சேர்க்கை, மதுரை மாநாடு மற்றும் கட்சி வளர்ச்சி பணிகள் குறித்து ஆலோசனை செய்ய உள்ளதாக கூறப்படுகிறது.

தமிழ்நாட்டில் பூரண மதுவிலக்கை அமல்படுத்த வேண்டும்; பள்ளி, கல்லூரி வாசல்களில் கஞ்சா மற்றும் போதை பொருட்களின் விற்பனை தொடர்ந்து அதிகரித்து வருகிறது, இது குறித்து தமிழ்நாடு முதலமைச்சர் தனிக்கவனம் செலுத்த வேண்டும்- பாமக கெளரவ தலைவர் ஜி.கே.மணி பேட்டி