News Highlights: சசிகலா விடுதலை அதிமுக.வில் மாற்றத்தை உருவாக்காது- முதல்வர் பழனிச்சாமி

நீலகிரி மாவட்டம், ஊட்டியில் அரசு மருத்துவக் கல்லூரி அமையவுள்ள 25 ஏக்கரில் மண் சார்ந்த மரங்கள் எதுவும் இல்லாததால் 1,838 தைல மரங்களை சென்னை உயர் நீதிமன்றம் அனுமதி அளித்துள்ளது.

தமிழகத்தில் இன்று புதிதாக 1,714 பேருக்கு கொரோனா வைரஸ் தொற்று உறுதி செய்யப்பட்டுள்ளது. மாநிலத்தில் கொரோனா பாதிப்பால் இன்று 18 பேர் உயிரிழ்ந்தனர் என்று தமிழக சுகாதாரத்துறை தெரிவித்துள்ளது.

கோவை விமான நிலையத்தில் செய்தியாளர்களிடம் பேசிய முதல்வர் பழனிசாமியிடம் சசிகலாவின் விடுதலை அதிமுகவில் தாக்கத்தை ஏற்படுத்துமா என்ற கேள்விக்கு, சசிகலாவின் விடுதலை எந்த மாற்றத்தையும் ஏற்படுத்தாது என்று கூறினார்.

கோவை விமான நிலையத்தில் செய்தியாளர்களிடம் பேசிய முதல்வர் பழனிசாமி, “நீட் தேர்வால் ஏழை மாணவர்கள், அரசுப் பள்ளி மாணவர்கள் பாதிக்கப்பட்டுள்ளனர் என்பதை அறிந்துதான் தமிழக அரசு அரசுப் பள்ளி மாணவர்கள் பயன்பெறவே 7.5 சதவீதம் இடஒதுக்கீடு சட்டம் கொண்டுவரப்பட்டது. அரசுப் பள்ளி மாணவர்கள் மருத்துவப் படிப்பில் இணைவதில் பெருமை கொள்கிறேன்” என்று கூறினார்.

“நடப்பு கல்வியாண்டுக்கான மீதமுள்ள 35% கட்டணத்தை பிப்ரவரி 28க்குள் வசூலித்து கொள்ளலாம் என்று கல்விக் கட்டணம் வசூலித்துக்கொள்ள தனியார் பள்ளிகளுக்கு சென்னை உயர் நீதிமன்றம் அனுமதி அளித்துள்ளது. ஆசிரியர்களுக்கு சம்பளம் உள்ளிட்ட செலவுகளை சமாளிக்க வேண்டியுள்ளதாக நீதிபதி கருத்து தெரிவித்துள்ளார். கல்வி கட்டணம் வசூலிக்க தடை விதித்து தமிழக அரசு பிறப்பித்த உத்தரவை எதிர்த்த வழக்கு மார்ச் 1ம் தேதிக்கு தள்ளிவைக்கப்பட்டுள்ளது. முழு கட்டணத்தை வசூலித்த சிபிஎஸ்இ பள்ளிகளுக்கு எதிரான புகார் குறித்து நவ. 27க்குள் அறிக்கை அளிக்க தமிழக அரசுக்கு உத்தரவிடப்பட்டுள்ளது. தவறினால் பள்ளிக் கல்வித்துறை செயலாளர் நேரில் ஆஜராக உத்தரவிட நேரிடும் என உயர் நீதிமன்றம் தெரிவித்துள்ளது.

திருச்செந்தூர் சுப்ரமணிய சுவாமி முருகன் கோயில் கடற்கரையில் சூரசம்ஹாரம் நடத்த அனுமதி அளிக்கப்பட்டுள்ளது. ஆனால், சூரசம்ஹார நிகழ்ச்சியில் பத்கர்கள் பங்கேற்க அனுமதி மறுக்கப்பட்டுள்ளது.

மத்திய அரசின் நீதி துறையில் தமிழ், உருது உள்ளிட்ட மொழிகளில் நேர்முக உதவியாளர் (பிராந்திய மொழிகள்) பணியிடங்கள் நிரப்பப்பட உள்ளன.

மேலும் விவரங்களுக்கு

இந்திய இராணுவ அதிகாரிகள் பெரியார் பல்கலைக்கழகத்தில் முதுநிலை மேலாண்மை மற்றும் பட்டயப் படிப்புகளைப் பயின்று பட்டம் பெற வழிசெய்யும் புரிந்துணர்வு ஒப்பந்தம் இன்று கையெழுத்தானது

நாடகக் கலைஞர்கள் தங்கள் உபகரணங்களை அரசு பேருந்துகளில் கட்டணமின்றி எடுத்துச் செல்லலாம் இசைக்கருவிகள், கலைப்பொருட்கள், ஆடை, ஒப்பனைப் பொருட்கள், இசை வாத்திய கருவிகள் போன்றவற்றை இலவசமாக எடுத்துச் செல்ல அனுமதி

குடியரசு துணைத் தலைவர் வெங்கய்யா நாயுடு பல்வேறு நிகழ்ச்சிகளில் பங்கேற்பதற்காக இன்று சென்னை வந்தடைந்தார். ஆளுநர் பன்வாரிலால் புரோஹித், முதலமைச்சர் எடப்பாடி பழனிசாமி மற்றும் அதிகாரிகள் குடியரசுத் துணைத் தலைவரை வரவேற்றனர். வரும் 19 ஆம் தேதியன்று சென்னை ஆளுநர் மாளிகையில் நடைபெறும் தண்ணீர் பாதுகாப்பு உறுதிமொழி நாள் நிகழ்ச்சியில் அவர் பங்கேற்கிறார். டிசம்பர் 2 ஆம் தேதி இந்திய விமானப்படை விமானம் மூலம் வெங்கய்யா நாயுடு டெல்லி திரும்புகிறார்.

ரஷ்ய நாட்டைச் சேர்ந்த தமிழறிஞர் அலெக்ஸாந்தர் துப்யான்ஸ்கி ( 1941-2020) இன்று காலமானார்

சிறையில் உள்ள கவிஞர் வரவர ராவை நானாவதி மருத்துவமனையில் சேர்த்து சிகிச்சை அளிக்க நீதிமன்றம் உத்தரவு!

திருவண்ணாமலை, போளூரில் இயங்கி வரும் தரணி சர்க்கரை ஆலையை இயக்கி தொழிலாளர்களை பணிக்கு அழைத்திட வலியுறுத்தியும், 9 மாத நிலுவை ஊதியத்தை வழங்கிட வலியுறுத்தியும், கரும்பு விவசாயிகளுக்கு தர வேண்டிய பாக்கித் தொகையை வழங்கிட வலியுறுத்தியும்! தரணி சர்க்கரை ஆலை எம்ப்ளாயீஸ் யூனியன் (CITU) சார்பில் தமிழ்நாடு சர்க்கரை தொழிலாளர்கள் சம்மேளனத்தின் தலைவர் வி.குமார் தலைமையில் தொழிலாளர்கள் குடும்பத்துடன் "ஆலை நுழைவு போராட்டம்" நடத்தினர்.

மருத்துவப் படிப்புகளுக்கான தரவரிசை பட்டியலை உடனே மாற்றி வெளியிட வேண்டும் என திமுக தலைவர் மு.க.ஸ்டாலின் வலியுறுத்தியுள்ளார். 

சிறையில் உள்ள சசிகலாவுக்காக வங்கி வரைவோலை எடுத்தவர்களின் விவரம். பாரத ஸ்டேட் வங்கியில் பழனிவேல் என்பவர் பெயரில் ரூ.3.25 கோடி வரைவோலை எடுத்துள்ளார், வசந்தா தேவி என்ற பெயரில் ரூ.3.75 கோடி டி.டி. எடுக்கப்பட்டுள்ளது. ஹேமா என்பவர் ஆக்சிஸ் வங்கியில் 3 கோடி ரூபாய்க்கு டி.டி. எடுத்துள்ளார். விவேக் பெயரிலும் ஆக்சிஸ் வங்கியில் ரூ.10,000-க்கு டி.டி. எடுக்கப்பட்டுள்ளது. 

கார்த்திகை தீபத்தையொட்டி திருவண்ணாமலையில் தேர் திருவிழாவை மாடவீதிகளில் நடத்த உத்தரவிட முடியாது என உயர்நீதிமன்றம் தெரிவித்துள்ளது. 

பள்ளி பொதுத்தோ்வு குறித்து டிசம்பா் இறுதிக்குள் முடிவு செய்யப்படும் என 10, 11, 12-ம் வகுப்புக்கான பொதுத்தேர்வு குறித்து அமைச்சர் செங்கோட்டையன் தகவல் தெரிவித்துள்ளார். 

பிற மாநில மாணவர்களின் பெயர்கள் மருத்துவ தரவரிசை பட்டியலில் இடம்பெற்றது எப்படி? என திமுக தலைவர் மு.க.ஸ்டாலின் கேள்வி எழுப்பியுள்ளார். 

அண்ணா பல்கலை. துணை வேந்தர் சூரப்பாவிடம் விரிவான விசாரணை நடத்தப்படும் என ஓய்வுபெற்ற நீதிபதி கலையரசன் தகவல்

நடிகர் விஜய்யின் தந்தை எஸ்.ஏ.சி தொடங்கிய அ.இ.த.வி.ம.இ. கட்சியின் மாநிலத் தலைவர் பத்மநாபன் என்கிற திருச்சி ஆர்.கே.ராஜா ராஜினாமா செய்துள்ளார். 

கால்நடை மருத்துப்படிப்பில் சேர்வதற்கான தரவரிசை பட்டியல் வெளியீடு. 15,580 விண்ணப்பங்கள் ஆன்லைன் மூலம் பெறப்பட்டு 13,901 பேர் தகுதி பெற்றுள்ளனர். விரைவில் கலந்தாய்வு நடத்தப்படும் என அமைச்சர் உடுமலை ராதாகிருஷ்ணன் தெரிவித்துள்ளார். 

கல்லூரி மாணவர்களுக்கான அரியர் தேர்வுகளை ரத்து செய்ய முடியாது. அரியர் தேர்வுகளை கட்டாயம் நடத்த வேண்டுமென யு.ஜி.சி. திட்டவட்டமாகக் கூறியுள்ளது. 

தாங்கள் சரியான பாதையில் சென்றுக் கொண்டிருந்ததாகவும், எங்கிருந்தோ வந்த கண்டெய்னர் தங்கள் கார் மீது மோதியதாகவும் நடிகை குஷ்பூ ட்விட்டரில் தெரிவித்துள்ளார். 

Request the press to understand that a container rammed into me and not the other way. My car was on the move in the right lane and this container came from nowhere and rammed into me. Police are investigating n questioning the driver to rule out any foul play.

— KhushbuSundar ❤️ (@khushsundar) November 18, 2020

மதுராந்தகம் அருகே நடிகையும் பாஜக பிரமுகருமான குஷ்பு சென்ற கார் கண்டெய்னர் லாரி மீது மோதி விபத்து, இதில் குஷ்புவிற்கு லேசான காயம் ஏற்பட்டுள்ளதாக தகவல். 

Met with an accident near Melmarvathur..a tanker rammed into us.With your blessings and God's grace I am safe. Will continue my journey towards Cuddalore to participate in #VelYaatrai #Police are investigating the case. #LordMurugan has saved us. My husband's trust in him is seen pic.twitter.com/XvzWZVB8XR

— KhushbuSundar ❤️ (@khushsundar) November 18, 2020

தமிழகத்தில் மருத்துவ படிப்புகளுக்கான கலந்தாய்வு தொடங்கியுள்ளது. சென்னை நேரு உள்விளையாட்டு அரங்கில் தினந்தோறும் 500 மாணவர்களுக்கு கலந்தாய்வு நடைபெறவுள்ளது. 

சென்னை கோயம்பேடு காய்கறி வணிக வளாகத்திற்கு ஞாயிற்றுக்கிழமை தோறும் விடுமுறை விட அனைத்து காய்கறி சங்கங்களின் கூட்டமைப்பு சார்பில் முடிவெடுக்கப்பட்டுள்ளது. 

தேனி மாவட்டம் பெரியகுளம் பகுதியில் பெய்த கனமழை காரணமாக வராகநதி ஆற்றில் வெள்ளப்பெருக்கு ஏற்பட்டுள்ளது. 

அமெரிக்காவில் புதிதாக 1.55 லட்சம் பேருக்கு கொரோனா. ஒரே நாளில் 1,572 பேர் தொற்றால் உயிரிழந்துள்ளனர்.  இதையடுத்து அமெரிக்காவில் மொத்தம் 1.16 கோடி பேருக்கு கொரோனா பாதிப்பு ஏற்பட்டுள்ளது. இதுவரை 2.54 லட்சம் பேர் தொற்றால் உயிரிழந்துள்ளனர்

சென்னையின் குடிநீர் ஆதாரமாக இருக்கும் செம்பரம்பாக்கம் ஏரியின் நீர்மட்டம் 21.27 அடியாக உயர்ந்துள்ளது. செம்பரம்பாக்கம் ஏரியின் மொத்த கொள்ளளவு 24 அடியாக உள்ள நிலையில் நீர்வரத்து 505 கனஅடியாக உள்ளது. 

தமிழகத்தில் மருத்துவ படிப்புகளுக்கான கலந்தாய்வை முதல்வர் பழனிசாமி இன்று தொடங்கி வைக்கிறார். மாணவர்கள் தேர்வு செய்யும் கல்லூரிகளுக்கான சேர்க்கை ஆணையை பிற்பகலில் முதல்வர் பழனிசாமி வழங்குகிறார். விளையாட்டுப் பிரிவு, மாற்றுத்திறனாளி உள்ளிட்டோருக்கான சிறப்பு பிரிவினருக்கான கலந்தாய்வு நவம்பர் 21-ல் நடைபெறும். 34,424 மாணவர்கள் ஆன்லைனில் விண்ணப்பித்த நிலையில் 3,650 மருத்துவ இடங்களுக்கு கலந்தாய்வு நடக்கிறது.