Tamil news today : அடுத்த 3 மணி நேரத்தில் மிதமான மழைக்கு வாய்ப்பு

முன்னாள் அமைச்சர் எஸ்.பி. வேலுமணி மீதான டெண்டர் முறைகேடு வழக்கை ரத்து செய்த சென்னை உயர்நீதிமன்றம் டெண்டர் ஒதுக்கீட்டில் வேலுமணி செல்வாக்கை பயன்படுத்தினார் என்பதற்கு ஆதாரங்கள் இல்லை என்றும், நேரடியாக வழக்கு பதியாமல் தாமாக முன்வந்து லஞ்ச ஒழிப்பு துறை வழக்கு பதிந்ததால் வழக்கு ரத்த செய்யப்பட்டுள்ளதாக தெரிவித்தள்ளது.

மேலும் வழக்கை தொடர்ந்து விசாரித்து வேலுமணிக்கு எதிராக ஆதாரங்கள் இருந்தால், அவரை வழக்கில் சேர்க்கலாம் என்று டெண்டர் முறைகேடு வழக்கை ரத்து செய்த சென்னை உயர்நீதிமன்றத்தின் 48 பக்க தீர்ப்பில் குறிப்பிடப்பட்டுள்ளது.

தமிழக சட்டத்துறை அமைச்சர் ரகுபதி ஆன்லைன் ரம்மி தடை சட்டம் குறித்து ஆளுநர் ஆர்.என்.ரவியை நாளை காலை 11 மணிக்கு சந்திக்கிறார் இந்த சந்திப்பின்போது ரம்மி தடை சட்டம் திறத்து ஆளுநருக்கு விளக்கம் அளிக்க உள்ளதாக தகவல் வெளியாகியுள்ளது.

கர்நாடக மாநிலத்தில் பள்ளிக்கல்வித்துறையின் உத்தரவின் பேரில் அனைத்து பள்ளிகளிலும், மாணவர்களின் பைகளில் செல்போன் இருக்கிறதா என்று சோதனை செய்ய வேண்டும் என்று உத்தரவிட்டுள்ளது. இதனிடையே 8,9,10 வகுப்பு மாணவர்கள் பையை சோதனை செய்தபோது அதில் மாணவர்கள் பையில் ஆணுறையும், மாணவிகள் பைகளில் கருத்தடை மாத்திரையும் இருந்து கண்டறியப்பட்டுள்ளது. இதனைத் தொடர்ந்து மாணவர்களின் பெற்றோர்களை அழைத்து கவுன்சிலிங் கொடுக்க முடிவு செய்யப்பட்டுள்ளது.