Tamil news today: கர்நாடகாவில் 24 புதிய அமைச்சர்கள் இன்று பதவியேற்பு

கரூர் மாநகராட்சியின் துணை மேயர் தாரணி சரவணன் வீட்டுக்கு வருமான வரித்துறையினர் சீல் வைத்துள்ளனர்.

தொடர்ந்து, துணை மேயரின் ஆதரவாளர்கள், வருமான வரித்துறை அதிகாரிகளின் வாகனங்களை வழிமறித்து தர்ணா போராட்டத்தில் ஈடுபட்டனர்.

இதற்கிடையில், அதிகாரிகள் வாகனம் செல்ல முடியாதபடி, மாட்டுவண்டியை குறுக்கே நிறுத்தியதால் பரபரப்பு ஏற்பட்டுள்ளது.

காங்கிரஸ் அற்ப அரசியலில் ஈடுபடுகிறது. நாட்டின் வளர்ச்சி மற்றும் எதிர்காலத்தை பற்றி அவர்களுக்கு கவலை இல்லை என பசவராஜ் பொம்மை கூறினார்.

செந்தில் பாலாஜிக்கு தொடர்புடைய இடங்களில் ஆய்வு நடத்த வந்த வருமான வரித் துறை அதிகாரிகளை மிரட்டியுள்ளனர்.

காரை உடைத்துள்ளர். ஆகவே, மத்திய ஆயுதப் படையுடன் வந்து ஐ.டி. ரெய்டு நடத்த வேண்டும் என முன்னாள் அமைச்சரும், அதிமுக மூத்தத் தலைவருமான செல்லூர் ராஜு தெரிவித்துள்ளார்.

முதல் முயற்சியிலேயே எவரெஸ்ட் சிகரம் ஏறி தமிழ்நாட்டை சேர்ந்த முத்தமிழ்செல்வி சாதனை படைத்துள்ளார்.

விழுப்புரம் மாவட்டத்தில் கள்ளச் சாராயம் காய்ச்சியதாக பனை தொழிலாளர்கள் கைது செய்யப்பட்ட சம்பவத்துக்கு சீமான் கண்டனம் தெரிவித்துள்ளார்.

இது தொடர்பாக அவர் விடுத்துள்ள அறிக்கையில், “விழுப்புரம் மாவட்டம், விக்கிரவாண்டி பகுதியைச் சேர்ந்த பனைத் தொழிலாளர்கள் மீது கள்ளச்சாரயம் காய்ச்சுவதாகப் பொய் வழக்குப் புனையப்பட்டு, தமிழ்நாடு அரசினால் கைது செய்யப்பட்டிருப்பது கடும் கண்டனத்திற்குரியதாகும். உடனடியாகப் பனைத் தொழிலாளர்களை விடுவிக்குமாறு தமிழ்நாடு அரசினை வலியுறுத்துகிறேன்.

விழுப்புரம் மாவட்டம் பூரிகுடிசை கிராமத்தைச் சேர்ந்த சுரேஷ்பாபு மற்றும் ஜெபராஜ் ஆகியோரை இன்றும், செஞ்சி பகுதியை சேர்ந்த பழனி என்பவர் கடந்த வாரமும் காவல் துறையினரால் அழைத்துச் செல்லப்பட்டுள்ளனர். தமிழ்நாடு அரசு தொடர்ந்து பனைத் தொழிலாளர்களின் நலனுக்கு எதிராக செயல்பட்டு வருகின்றனர். இதனை உடனடியாக நிறுத்திக்கொள்ள வேண்டும்.

உண்மையாக கள்ளச்சாராயம் காய்ச்சுவோரைத் தடுக்கவோ, டாஸ்மாக் சாராய வியாபாரத்தை நிறுத்தவோ வக்கற்ற தமிழ்நாடு அரசு, பனையேறிகளை மிரட்டிக் கைது நடவடிக்கைகளில் ஈடுபடுவதனை ஒருபோதும் ஏற்க முடியாது. இந்நிலை மேலும் தொடர்ந்தால் நாம் தமிழர் கட்சி இதற்கெதிரானப் போராட்டங்களைக் கடுமையாக மேற்கொள்ளும் என்று தெரிவித்துக்கொள்கிறேன்” எனத் தெரிவித்துள்ளார்.

புதுச்சேரியில் இருந்து ரயிலில் கடத்தி வரப்பட்ட மது பாட்டில்கள் விழுப்புரத்தில் பறிமுதல் செய்யப்பட்டுள்ளன.

இது தொடர்பாக போலீசார் வழக்குப் பதிவு செய்து விசாரணை நடத்திவருகின்றனர்.

நீலகிரி, கோவை, திருப்பூர், தேனி, திண்டுக்கல், கிருஷ்ணகிரி, தருமபுரி, திருப்பத்தூர், திருவண்ணாமலை, கள்ளக்குறிச்சி, கடலூர், அரியலூர், பெரம்பலூர், தஞ்சை, திருவாரூர், மயிலாடுதுறை மற்றும் நாகை ஆகிய மாவட்டங்களில் இன்று கனமழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

மாநில திட்டக்குழுவின் பகுதிநேர உறுப்பினராக ஆயிரம் விளக்கு சட்டமன்ற உறுப்பினர் எழிலன் நாகநாதன் நியமிக்கப்பட்டுள்ளார்.

தொடர்ந்து, மாநில திட்டக்குழுவில் உறுப்பினராக இருந்த, மன்னார்குடி தொகுதி உறுப்பினர் டி.ஆர்.பி.ராஜா தொழில்துறை அமைச்சரான நிலையில் இந்த அறிவிப்பு வெளியாகி உள்ளது.