/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/06/sathankulam-1.jpg)
Snews in tamil news : சாத்தான்குளம் கோயில்பட்டி சிறையில் விசாரணை!
Tamil News Today : கோவில்பட்டி சிறையில் உயிரிழந்த தந்தை, மகனின் உடல்களை 3 மருத்துவர்கள் கொண்ட குழு உடற்கூராய்வு செய்ய சென்னை உயர் நீதிமன்ற மதுரை கிளை உத்தரவிட்டுள்ளது. மேலும், உடற்கூராய்வின்போது வீடியோ பதிவு செய்ய உயர் நீதிமன்றம் உத்தரவிட்டுள்ளது.
உலகளவில் கொரோனாவால் பாதிக்கப்பட்டோரின் எண்ணிக்கை 91,85,974ஆக உயர்ந்துள்ளது. வைரஸில் இருந்து குணமடைந்தோர் எண்ணிக்கை 49,21,380 ஆகவும், வைரஸால் உயிரிழந்தோர் எண்ணிக்கை 4,74,257 ஆகவும் அதிகரிப்பு. அமெரிக்காவில் கொரோனா வைரஸ் உறுதி செய்யப்பட்டோர் எண்ணிக்கை 23,88,153 ஆக உயர்ந்துள்ளது. வைரஸால் உயிரிழந்தோர் எண்ணிக்கை 1,22,610 ஆகவும் அதிகரித்துள்ளது. தமிழகத்தில் கொரோனா பாதிப்பு அதிகரித்து வரும் நிலையில், தடுப்பு நடவடிக்கையை தீவிரப்படுத்துவது, முழு முடக்கம் உள்ளிட்டவை பற்றி நாளை காலை 10 மணிக்கு அனைத்து மாவட்ட ஆட்சியர்களுடன் முதல்வர் பழனிசாமி காணொலியில் அவசர ஆலோசனை நடத்துகிறார்.
இந்தியாவில் கொரோனா தொற்று பாதிப்பு எண்ணிக்கை 4,25,282-லிருந்து 4,40,215 ஆக அதிகரித்துள்ளது. தொற்றிலிருந்து குணமடைந்தோர் 2,37,196-லிருந்து 2,48,190 ஆக உயர்ந்துள்ளனர். உயிரிழந்தோர் எண்ணிக்கை 13.699-லிருந்து 14,011 ஆக அதிகரிப்பு. கொரோனாவால் பாதித்த 1,78,014 பேருக்கு மருத்துவமனையில் சிகிச்சையளிக்கப்பட்டு வருகிறது. புதுச்சேரியில் மேலும் 19 பேருக்கு கொரோனா பாதிக்கப்பட்டு, அங்கு மொத்த பாதிப்பு எண்ணிக்கை 402 ஆக அதிகரித்துள்ளது.
“அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”
Live Blog
Tamil nadu news : சென்னை மற்றும் தமிழகத்தின் பல்வேறு பகுதிகளில் நடைபெறும் அனைத்து முக்கிய செய்திகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.
கர்நாடகாவில் ஐஏஎஸ் அதிகாரி விஜய் சங்கர் தற்கொலை செய்துகொண்டதாக தகவல் வெளியாகி உள்ளது. பெங்களூரு நகர முன்னாள் துணை ஆணையரான ஐஏஎஸ் அதிகாரி விஜய் சங்கர் பெங்களூரு ஜெய நகரில் உள்ள அவரின் வீட்டில் தற்கொலை செய்துகொண்டதாக தகவல் வெளியாகி உள்ளது. இவர்
IMA நிதி நிறுவன மோசடி தொடர்பாக அண்மையில் கைது செய்யப்பட்டிருந்தார் என்பது குறிப்பிடத்தக்கது.
கொரோனா பரவல் காரணமாக தேனி மாவட்டத்தில் நாளை முதல் முழு ஊரடங்கு அமல்படுத்தப்படும் என்று தேனி மாவட்ட ஆட்சியர் பல்லவி பல்தேவ் அறிவித்துள்ளார். மேலும், மறு உத்தரவு வரும்வரை முழு ஊரடங்கு அமலில் இருக்கும் என்று தெரிவித்துள்ளார்.
மதுரை மாவட்டத்தில் இன்று 137 பேருக்கு கொரோனா உறுதி செய்யப்பட்டது. இதையடுத்து, மதுரை மாவட்டத்தில் கொரோனா தொற்றால் பாதிக்கப்பட்டோரின் எண்ணிக்கை பு 988 ஆக உயர்ந்தது; மதுரை மாவட்டத்தில் இதுவரை 405 பேர் குணமடைந்த நிலையில் 574 பேர் சிகிச்சையில் உள்ளனர். இதுவரை மொத்தம் 9 பேர் கொரோனா பாதிப்பால் உயிரிழந்துள்ளனர்.
தமிழகத்தில் இன்று புதிதாக 2,516 பேருக்கு கொரோனா வைரஸ் தொற்று உறுதி செய்யப்பட்டுள்ளது. இதன் மூலம் தமிழகத்தில் கொரோனா தொற்றால் பாதிக்கப்பட்டோரின் மொத்த எண்ணிகை 64,603 ஆக உயர்ந்துள்ளது. தமிழகத்தில் இன்று கொரோனா பாதிப்பால் 39 பேர் உயிரிழந்தனர். இதன் மூலம் மாநிலத்தில் கொரோனா பாதிப்பால் பலியானோர் எண்ணிக்கை 833 ஆக அதிகரித்துள்ளது என்று சுகாதாரத்துறை தெரிவித்துள்ளது.
கோவில்பட்டி சிறையில் உயிரிழந்த தந்தை, மகனின் உடல்களை 3 மருத்துவர்கள் கொண்ட குழு உடற்கூராய்வு செய்ய சென்னை உயர் நீதிமன்ற மதுரை கிளை உத்தரவிட்டுள்ளது. மேலும், உடற்கூராய்வின்போது வீடியோ பதிவு செய்ய உயர் நீதிமன்றம் உத்தரவிட்டுள்ளது.
/tamil-ie/media/media_files/uploads/2020/06/37342template-2020-06-23T170055.627.jpg "publive-image")
/tamil-ie/media/media_files/uploads/2020/06/35212template-2020-06-23T170110.266.jpg "publive-image")
கோவில்பட்டி கிளைச்சிறையில் தந்தை, மகன் உயிரிழந்த சம்பவத்தில் 2 எஸ்.ஐ.க்கள் சஸ்பெண்ட் செய்யப்பட்டுள்ளனர். தவறு செய்தவர்கள் யாராக இருந்தாலும் கடும் நடவடிக்கை எடுக்கப்படும் என்று தூத்துக்குடி ஆட்சியர் சந்தீப் நந்தூரி தெரிவித்துள்ளார்.
கோவில்பட்டி சிறையில் தந்தை மகன் உயிரிழந்த விவகாரம் தொடர்பாக பேய்க்குளம் பகுதியில் வியாபாரிகள் சங்கம் சார்பாக கடையடைப்பு அறிவிக்கப்பட்டிருந்தது. கடையடைப்பு போராட்டம் நடந்து கொண்டிருந்த நிலையில், உயிரிழந்தவர்களின், உறவினர்கள் வியாபாரிகள் மற்றும் பொதுமக்கள் சாத்தான்குளம் காமராஜர் சிலை முன்பு திருச்செந்தூர் நாகர்கோவில் சாலையில் காலை 8 மணி அளவில் மறியலில் ஈடுபட்டனர்.
மக்களுடன் பேச்சுவார்த்தை நடத்துவதற்காக, தூத்துக்குடி கலெக்டர், போலீஸ் எஸ்பி உள்ளிட்டோர் அங்கு வந்துள்ளனர்.
குடும்ப அட்டை தாரர்களை ரேஷன் கடைகளுக்கு வரவழைக்க கூடாது, 1000 ரூபாய் நிவாரணத் தொகையை வீடுகளுக்கே நேரடியாக சென்று மட்டுமே வழங்க வேண்டும் என்று உத்தரவிடப்பட்டு உள்ளது.மேலும், இந்த உத்தரவினை மீறும் அதிகாரிகள் மீது கடுமையான ஒழுங்கு நடவடிக்கைகள் எடுக்கப்படும் என்றும் எச்சரிக்கப்பட்டு உள்ளது.
கோவில்பட்டி சிறையில் தந்தை மகன் உயிரிழந்த விவகாரம் தொடர்பாக பேய்க்குளம் பகுதியில் வியாபாரிகள் சங்கம் சார்பாக கடையடைப்பு அறிவிக்கப்பட்டிருந்தது. கடையடைப்பு போராட்டம் நடந்து கொண்டிருந்த நிலையில், உயிரிழந்தவர்களின், உறவினர்கள் வியாபாரிகள் மற்றும் பொதுமக்கள் சாத்தான்குளம் காமராஜர் சிலை முன்பு திருச்செந்தூர் நாகர்கோவில் சாலையில் காலை 8 மணி அளவில் மறியலில் ஈடுபட்டனர்.
இதனிடையே தந்தை, மகன் சிறையில் உயிரிழந்த சம்பவத்தில் காவல்துறை உதவி ஆய்வாளர்கள் மீது நடவடிக்கை எடுத்து மாவட்ட காவல்துறை கண்காணிப்பாளர் அருண்பாலகோபாலன் உத்தரவிட்டுள்ளார். காவல் உதவி ஆய்வாளர்கள் ரகு கணேஷ், பாலகிருஷ்ணன் ஆகிய இருவரையும் தூத்துக்குடி ஆயுதப்படைக்கு மாற்றம் செய்து உத்தரவிட்டுள்ளார்.
சாத்தான்குளத்தில் காவல்துறை அழைத்துச் சென்ற ஜெயராஜ் அவரது மகன் பென்னீக்ஸ் இருவருமே இறந்துவிட்டார்கள் என்பது அதிர்ச்சியளிக்கிறது. நெருக்கடி காலத்தில் வாய்த்தகராறுக்கும் உயிர் பறிப்பா? உள்துறையைக் கையில் வைத்திருக்கும் முதல்வர் பழனிசாமி பதிலளிக்க வேண்டும்; உரிய நீதியும் வேண்டும்! என்று திமுக தலைவர் ஸ்டாலின் வலியுறுத்தியுள்ளார்.
சாத்தான்குளத்தில் காவல்துறை அழைத்துச் சென்ற ஜெயராஜ் அவரது மகன் பென்னீக்ஸ் இருவருமே இறந்துவிட்டார்கள் என்பது அதிர்ச்சியளிக்கிறது.
நெருக்கடி காலத்தில் வாய்த்தகராறுக்கும் உயிர் பறிப்பா?
உள்துறையைக் கையில் வைத்திருக்கும் @CMOTamilNadu பதிலளிக்க வேண்டும்; உரிய நீதியும் வேண்டும்! pic.twitter.com/LF1Q9Raudh
— M.K.Stalin (@mkstalin) June 23, 2020
மதுரை மாநகராட்சியில் கொரோனா பரவாமல் தடுக்க 1,400 கண்காணிப்பாளர்கள் கொண்ட குழுக்கள் அமைக்கப்பட்டுள்ளது. 4 லட்சம் வீடுகளில் காய்ச்சல் குறித்து கணக்கெடுப்பு மேற்கொள்ள நடவடிக்கை எடுக்கப்பட்டுள்ளது. நாளை முதல் முழு ஊரடங்கு அமலுக்கு வரும் நிலையில் மதுரை மாநகராட்சி ஆணையர் விசாகன் அறிவித்துள்ளார்.
ரிக் நாடுகளின் கூட்டத்தில் இந்தியா, சீனா, ரஷ்யா வெளியுறவு அமைச்சர்கள் பங்கேற்பு. இந்தியா, சீனா, ரஷ்யா ஆகிய நாடுகளிடையே முத்தரப்பு பேச்சுவார்த்தை. ரிக் நாடுகளின் கூட்டத்தில் வெளியுறவுத்துறை அமைச்சர் ஜெய்சங்கர் பங்கேற்றுள்ளார். கொரோனா தடுப்பு பணியில் ஒருங்கிணைந்த செயல்பாடு குறித்து விவாதம்.
கொரோனா அச்சுறுத்தல் காரணமாக இந்த ஆண்டு ஹஜ் புனித யாத்திரைக்கு அனுமதி இல்லை. ஹஜ் புனித யாத்திரைக்கு விண்ணப்பித்தவர்களின் கட்டணம் திரும்ப கொடுக்கப்படும். 2.3 லட்சத்துக்கும் மேற்பட்டவர்களுக்கு ரத்து கட்டணம் பிடிக்கப்படாமல் பணம் திரும்ப வழங்கப்படும் என மத்திய அமைச்சர் அப்பாஸ் நக்வி தெரிவித்துள்ளார்
பி.எம்.கேர்ஸ் நிதியில் ரூ.2 ஆயிரம் கோடியில் 50 ஆயிரம் வெண்டிலேட்டர்கள் உருவாக்கப்பட்டுள்ளன. புலம்பெயர் தொழிலாளர்களின் நலனுக்காக ஆயிரம் கோடி ரூபாய் ஒதுக்கீடு செய்யப்பட்டுள்ளதாக பிரதமர் அலுவலகம் தெரிவித்துள்ளது. தமிழகத்திற்காக ரூ.83 கோடி ஒதுக்கப்பட்டுள்ளதாகவும் தகவல்கள் தெரிவிக்கின்றன.
கடந்த 2010-13ஆம் ஆண்டுகளில் சீனா ஊடுருவல்களின் போது இந்திய நிலப்பரப்பினை ஆக்கிரமிப்பு செய்யவுமில்லை, இந்திய வீரர்கள் யாரும் உயிரிழக்கவும் இல்லை 2015ஆம் ஆண்டு முதல் இதுவரை நடைபெற்ற சீனா ஊடுருவல் குறித்த பிரதமர் மோடியிடம் ஜே.பி.நட்டாவால் கேள்வி கேட்க முடியுமா?” என ப.சிதம்பரம் கேள்வி எழுப்பியுள்ளார்
சென்னையில் உள்ள 15 மண்டலங்களில் அதிகபட்சமாக ராயபுரத்தில் 6,484 பேருக்கு கொரோனா தொற்று பதிவாகியுள்ளது. கொரோனா பாதிப்பால் ஒரே நாளில் இதுவரை 18 பேர் சிகிச்சை பலனின்றி உயிரிழப்பு.
Here's the zone wise breakup of Covid-19 positive cases in #Chennai.#Covid19Chennai#GCC #ChennaiCorporation pic.twitter.com/QxSp5aG6o7
— Greater Chennai Corporation (@chennaicorp) June 23, 2020
முதலமைச்சருடன், அமைச்சர் செங்கோட்டையன் சந்திப்பு நடத்தி வருகிறார். 10ம் வகுப்பு மாணவர்களுக்கு மதிப்பெண் வழங்குவது குறித்து ஆலோசனை நடப்பதாக தகவல்கள் தெரிவிக்கின்றன. கிரேடு அடிப்படையில் மதிப்பெண்கள் வழங்க பரிசீலனை என நம்பத்தகுந்த வட்டாரங்கள் தெரிவிக்கின்றன.
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights