Tamil News Today: தமிழ்நாட்டில் பா.ஜ.க.வை அடையாளம் காட்டியதே அ.தி.மு.க.தான்: எடப்பாடி பழனிசாமி

பெட்ரோல், டீசல் விலை

சென்னையில் 16-வது நாளாக பெட்ரோல், டீசல் விலையில் மாற்றமில்லை. இன்று ஒரு லிட்டர் பெட்ரோல் ரூ.100.75 காசுகளாகவும், டீசல் லிட்டர் ரூ.92.34 காசுகளாகவும் விற்பனை செய்யப்படுகிறது.

மோடி பற்றி ஸ்டாலின் விமர்சனம் 

பிரதமர் நரேந்திர மோடி உச்சக்கட்ட தோல்வி பயத்தில் இருப்பதாக முதல்வர் ஸ்டாலின் விமர்சனம். சாதனைகளை சொல்ல முடியாததால் வாய்க்கு வந்ததை பேசுவதாக சாடல். 

Mar 31, 2024 21:38 IST
சிதம்பரம் தொகுதியில் எடப்பாடி வாக்குச் சேகரிப்பு
சிதம்பரம் மக்களவை தொகுதியில் அ.தி.மு.க வேட்பாளர் மா. சந்திரகாசனுக்கு ஆதரவாக எடப்பாடி பழனிசாமி வாக்கு சேகரித்தார்.
சிதம்பரம் நாடாளுமன்றத் தொகுதியில் இன்று மாபெரும் பிரச்சாரப் பொதுக்கூட்டத்தில் கலந்துகொண்டு, கழக வெற்றி வேட்பாளர்
திரு. மா.சந்திரகாசன் அவர்களுக்கு இரட்டை இலை சின்னத்தில் வாக்கு சேகரித்தேன்!

சிதம்பரம் நாடாளுமன்றத் தொகுதிக்கு உட்பட்ட விவசாய நிலங்களை மத்திய-மாநில அரசுகள் NLC… pic.twitter.com/OuWPk5VVyB
— Edappadi K Palaniswami - Say No To Drugs & DMK (@EPSTamilNadu) March 31, 2024



Mar 31, 2024 21:02 IST
என் குரலை ஒடுக்க முடியாது; ராகுல் காந்தி
 
“காங்கிரஸ் கட்சியின் அனைத்து வங்கிக் கணக்குகளும் முடக்கப்பட்டுள்ளன; பாரதிய ஜனதா கட்சியால் என்னுடைய குரலை ஒடுக்க முடியாது” என ராகுல் காந்தி கூறினார்.



Mar 31, 2024 20:19 IST
சைதாப்பேட்டையில் தமிழச்சி தங்கபாண்டியன் வாக்கு சேகரிப்பு
 
சைதாப்பேட்டையில் தேர்தல் பரப்புரையில் ஈடுபட்ட தென் சென்னை திமுக வேட்பாளர் தமிழச்சி தங்கப்பாண்டியன், ““மக்கள் துயரப்படும்போது அவர்களை வந்து பார்த்தவர்கள் யார்? பார்க்காதது யார் என மக்களுக்கு நன்றாகத் தெரியும்” என்றார்.



Mar 31, 2024 19:05 IST
தமிழ்நாட்டில் பா.ஜ.க.வை அடையாளம் காட்டியதே அ.தி.மு.க.தான்: எடப்பாடி பழனிசாமி
மக்களவைத் தேர்தலுக்கு பிறகு அதிமுக என்ற கட்சியே இருக்காது என பேசிய பாஜக மதுரை வேட்பாளர் ராம சீனிவாசனுக்கு அதிமுக பொதுச்செயலாளர் எடப்பாடி பழனிசாமி பதிலடி கொடுத்துள்ளார்.
அதில், “தமிழ்நாட்டில் பாஜகவை அடையாளம் காட்டியதே அதிமுகதான். எங்களை பார்த்தா கட்சி இருக்காதுன்னு சொல்ற” எனத் எடப்பாடி பழனிசாமி தெரிவித்துள்ளார்.
அண்ணா திமுகவின் வரலாறு தெரியுமா? நாங்கள் 50 ஆண்டு காலம் இந்த கட்சிக்கு உழைத்தவர்கள். உழைப்பை நம்பி கட்சி நடத்திக்கொண்டிருக்கின்றோம்.

-மாண்புமிகு கழகப் பொதுச்செயலாளர் புரட்சித்தமிழர் @EPSTamilNadu அவர்கள்.#ஒற்றைவிரலால்_ஓங்கிஅடிப்போம்#வாக்களிப்பீர்_இரட்டைஇலை pic.twitter.com/Hd76t450sN
— AIADMK - Say No To Drugs & DMK (@AIADMKOfficial) March 31, 2024



Mar 31, 2024 18:59 IST
பாஜக பிரச்சார வாகனத்தில் அதிமுக கொடி: எல். முருகன் ஷாக்

பாரதிய ஜனதா வாகனத்தில் அ.தி.மு.க கொடி இருந்த நிலையில் அதனை உடனே எல்.முருகன் அகற்ற சொன்னார். 2024 மக்களவை தேர்தலை அ.தி.மு.க, பா.ஜ.க தனித்தனியே அணியாக பிரிந்து சந்திக்கின்றன.



Mar 31, 2024 18:55 IST
ஜாபர் சாதிக் விவகாரம்; இயக்குனர் அமீர் விளக்க ஆடியோ

ஜாபர் சாதிக் விவகாரத்தில் எனது தரப்பு நியாயத்தையும், உண்மையையும் எடுத்துக் கூறுவேன் என இயக்குனர் அமிர் ஆடியோ வெளியிட்டுள்ளார்.
ஜாபர் சாதிக் விவகாரத்தில் நேரில் ஆஜராக இயக்குனர் அமீருக்கு சம்மன் அனுப்பப்பட்ட நிலையில் இந்த ஆடியோ வெளியாகி உள்ளது.



Mar 31, 2024 18:51 IST
கஞ்சா, டாஸ்மாக்: தமிழ்நாட்டில் இரு துறைகள் வளர்ந்துள்ளன- அன்புமணி ராமதாஸ்

தமிழ்நாட்டில் இரு துறைகள் வளர்ந்துள்ளன; ஒன்று டாஸ்மாக் மற்றொன்று கஞ்சா என அன்புமணி ராமதாஸ் விமர்சித்துள்ளார்.



Mar 31, 2024 18:50 IST
ஊழல்வாதிகள் எவ்வளவு பெரியாக ஆளாக இருந்தாலும் சட்ட நடவடிக்கை; நரேந்திர மோடி

“இந்த 10 ஆண்டுகால பாரதிய ஜனதா ஆட்சி வெறும் ட்ரெய்லர் தான். கடந்த காலங்களில் சாத்தியமற்றவை எனக் கூறப்பட்ட பல்வேறு விஷயங்களை சாத்தியமாக்கி இருக்கிறோம். ஊழல்வாதிகள் எவ்வளவு பெரிய ஆளாக இருந்தாலும் தப்பிக்க முடியாது” என பிரதமர் நரேந்திர மோடி கூறினார்.



Mar 31, 2024 18:14 IST
பலாப்பழம் சின்னம் கிடைத்ததில் மகிழ்ச்சி; ஓ.பன்னீர் செல்வம்

ராமநாதபுரம் தொகுதியில் பாஜக கூட்டணி சார்பில் போட்டியிடும் ஓ. பன்னீர் செல்வம், "பலாப்பழம் சின்னம் எனக்கு கிடைத்தது இறைவனின் செயல்.. இருப்பதிலேயே பெரிய பழம் பலாப்பழம்தான்" என்றார்.



Mar 31, 2024 17:39 IST
பா.ஜ.க.வை அடையாளம் காட்டிய அ.தி.மு.க; எடப்பாடி பழனிசாமி
 
“தமிழ்நாட்டில் பாஜகவை அடையாளம் காட்டியதே அதிமுகதான்” என எடப்பாடி பழனிசாமி கூறினார்.



Mar 31, 2024 16:24 IST
பா.ஜ.க நிர்வாகி எம்.எஸ்.ஷா மீது போக்சோ சட்டத்தில் வழக்கு பதிவு
பா.ஜ. பொருளாதாரப் பிரிவு மாநிலத் தலைவர் எம்.எஸ்.ஷா மீது போக்சோ சட்டத்தில் மதுரையில் வழக்குப் பதிவு செய்யப்பட்டுள்ளது. பைக் வாங்கித் தருவதாகக் கூறி 15 வயது சிறுமிக்கு பாலியல் தொந்தரவு கொடுத்ததாக சிறுமியின் தந்தை அளித்த புகாரின் பேரில் நடவடிக்கை எடுக்கப்பட்டுள்ளது.



Mar 31, 2024 16:07 IST
அதிகாரம் என்றைக்கும் நிலைக்காது: இந்தியா கூட்டணி பேரணியில் பிரியங்கா காந்தி பேச்சு
இந்தியா கூட்டணி பேரணியில் பிரியங்கா காந்தி பேச்சு: “நான் சிறுவயதில் இருந்தே இங்கு வருகிறேன்...இங்குதான் ராவணன் தஹன் நடக்கிறது... ராமர் எது சரி என்று போராடியபோது, ​​அவரிடம் வளங்கள் இல்லை... ஆனால் அவரிடம் தீரஜ், சாஹஸ், சத்யா இருந்தது. ஆட்சியில் அமர்பவர்களுக்கு நான் சொல்ல விரும்புகிறேன், ராமரின் செய்தியை பிரதமர் மோடிக்கு நினைவூட்ட விரும்புகிறேன்: அதிகாரம் என்றென்றும் நிலைக்காது, அதிகாரம் வரும் மற்றும் போகும்; ஈகோ ஒரு நாள் சிதைந்துவிடும். இதுவே ராமர் மற்றும் அவரது வாழ்க்கையின் செய்தி” என்று கூறினார்.
VIDEO | Here's what Congress leader Priyanka Gandhi Vadra (@priyankagandhi) said at the INDIA bloc's 'Loktantra Bachao' rally at Ramlila Maidan in Delhi.

"I want to tell those sitting in power, I want to remind PM Modi the message of Lord Ram: power does not last forever, power… pic.twitter.com/rvyoqmwpt5
— Press Trust of India (@PTI_News) March 31, 2024



Mar 31, 2024 15:22 IST
அண்ணாமலைக்கு வாய்க் கொழுப்பு அதிகம் - முத்தரசன் கடும் தாக்கு
சென்னை தியாகராய நகரில் உள்ள இந்திய கம்யூனிஸ்ட் கட்சி அலுவலகத்தில் நாடாளுமன்ற தேர்தல் அறிக்கையை வெளியிட்ட பின், அக்கட்சியின் மாநில செயலாளர் முத்தரசன் கூறுகையில், “அண்ணாமலைக்கு வாய்க் கொழுப்பு அதிகம். நாட்டின் வரலாறு, தமிழின் வரலாறு, மொழியின் வரலாறு என எதுவும் தெரியாது.. கோவையில் டெபாசிட் கூட வாங்க மாட்டார்...” என்று கூறினார்.



Mar 31, 2024 15:12 IST
பா.ஜ.க.வுக்கு பாடம் கற்பிப்போம் - இந்தியா கூட்டணி பேரணியில் மல்லிகார்ஜுன கார்கே பேச்சு
இந்தியா கூட்டணி பேரணியில் மல்லிகார்ஜுன் கார்கே கூறுகையில்,  “ஒன்றுபட வேண்டும், நாம் ஒன்றாக நடக்க வேண்டும் என்று கேட்டுக்கொள்கிறேன்.
இது ஹேமந்த், கெஜ்ரிவால் அல்லது யாரேனும் ஒருவருக்கு மட்டுமல்ல, 140 கோடி மக்களுக்கும்... நமக்குள் கருத்து வேறுபாடுகள் இருக்கலாம், வெவ்வேறு மாநிலங்களில் ஒருவரையொருவர் எதிர்த்துப் போராடலாம், ஆனால் இங்கே நாம் ஒரு பெரிய காரணத்திற்காக ஒன்றிணைந்துள்ளோம்..."
நாம் போராடி, பா.ஜ.க.வுக்கு பாடம் கற்பிப்போம். மக்களுக்கு போதுமானது... எந்த அடிவாரத்தையும் நம்ப வேண்டாம்; அவர்கள் 400 பார் என்கிறார்கள், அது 400 ஆக கூட இருக்காது...” என்று கூறினார்.



Mar 31, 2024 15:09 IST
‘ஆர்.எஸ்.எஸ் ஒரு விஷம் மாதிரி’ - காங். தலைவர் மல்லிகார்ஜுன கார்கே பேச்சு
 
இந்தியா கூட்டணி பேரணியில் காங்கிரஸ் தலைவர் மல்லிகார்ஜுன கார்கே பேச்சு: “அரசியலமைப்பைக் காப்பாற்ற நாங்கள் உறுதிபூண்டுள்ளோம்... எங்களுக்கு சப்கா விகா வேண்டும்; மோடி தனது சில நண்பர்களுக்கு மட்டுமே விகாவை விரும்புகிறார். ஹேமந்தின் ஒரே தவறு, அவர் காங்கிரஸ், இந்திய கூட்டணியுடன் செல்ல விரும்பியதுதான். அதனால்தான், மோடி ஜி அவர் மீது வழக்குப் பதிவு செய்து சிறையில் அடைத்தார். மோடி மைதானம் முழுவதையும் தோண்டிவிட்டு, அங்கு கிரிக்கெட் விளையாடச் சொல்கிறார்... இது சமதளம் அல்ல. ஆர்.எஸ்.எஸ் ஒரு விஷம் மாதிரி.
இது வேற்றுமையில் ஒற்றுமைக்கான நாள். ஒரே ஒரு குறிக்கோள் உள்ளது. அது எதிர்க்கட்சிகளை ஒன்றிணைத்தல். ஏனென்றால், இந்த நாட்டைக் காப்பாற்ற, அதன் ஒற்றுமை வாழ அவர்கள் ஒன்று சேர வேண்டும்... அவர்கள் நமது நிறுவனங்களை அழிக்கிறார்கள்... இ.டி, சி.பி.ஐ, சி.வி.சி ஆகியவற்றை தவறாகப் பயன்படுத்துவதன் மூலம் அவர்கள் தலைவர்களை அச்சுறுத்துகிறார்கள். பா.ஜ.க நாட்டின் அரசியலமைப்பை எழுதியிருந்தால் பெண்களுக்கு வாக்குரிமை இல்லை என்பதை உறுதி செய்திருப்பார்கள், ஏனென்றால் அவர்கள் அப்படித்தான் நினைக்கிறார்கள். இந்த பேரணி ஹேமந்த், கெஜ்ரிவால், எந்த ஒரு நபருக்கும் மட்டுமல்ல, 140 கோடி மக்களுக்குமானது.” என்று கூறினார்.



Mar 31, 2024 14:39 IST
தேர்தலில் நரேந்திர மோடி மேட்ச் பிக்சிங் செய்ய முயற்சி செய்கிறார் - ராகுல் காந்தி கடும் விமர்சனம்
இந்தியா கூட்டணி பேரணியில் ராகுல் காந்தி பேச்சு: “மேட்ச் பிக்சிங் பற்றி கேள்விப்பட்டிருக்கிறீர்களா? நடுவரை அழுத்தி, வீரரை வாங்கினால், கேப்டனை பயமுறுத்தி, மேட்ச் ஜெயிக்கிறது. இந்தத் தேர்தல் - நரேந்திர மோடி நடுவர்களைத் தேர்ந்தெடுத்தார் - அவரது இந்த 400 சீட் கோஷம் மின்னணு வாக்குப்பதிவு இயந்திரங்களை சரிசெய்யாமல் சாத்தியமில்லை. ஊடகங்கள் மற்றும் சமூக ஊடகங்களுக்கு அழுத்தம் கொடுக்கிறது. எங்கள் வங்கிக் கணக்குகள் முடக்கப்பட்டுள்ளன. எங்களிடம் வளங்கள் இல்லை.. தலைவர்கள் அச்சுறுத்தப்படுகிறார்கள், ஆட்சி கவிழ்கிறது.. இது மேட்ச் பிக்சிங் முயற்சி. இந்த மேட்ச் பிக்சிங்கை நரேந்திர மோடி மற்றும் சில தொழிலதிபர்கள் செய்கிறார்கள்.” என்று கடுமையாகச் சாடினார்.



Mar 31, 2024 14:34 IST
நாட்டில் அறிவிக்கப்படாத எமர்ஜென்சி நிலவுகிறது - இந்தியா கூட்டணி பேரணியில் தேஜஸ்வி யாதவ் பேச்சு
இந்தியா கூட்டணி பேரணியில் ஆர்.ஜே.டி தலைவர் தேஜஸ்வி யாதவ் பேச்சு: “நாட்டில் அறிவிக்கப்படாத எமர்ஜென்சி நிலவுகிறது... இவர்கள் திமிர்பிடித்தவர்கள். நாட்டின் மிகப்பெரிய எதிரி வேலையின்மை மற்றும் பணவீக்கம். மோடிஜி பிரியங்கா சோப்ராவை சந்திப்பார், ஆனால்,விவசாயிகளை சந்திக்கமாட்டார். மோடி பில்கேட்ஸை சந்திப்பார், ஆனால் விவசாயிகளை சந்திக்கமாட்டார். 
மோடிஜி எப்படி ஆண்டி வந்தாரோ, அதே போல டூஃபான் போல வேரோடு பிடுங்கப்படுவார். ஜனநாயகத்தையும், அரசியல் சாசனத்தையும் காப்பாற்றத்தான் இன்று இங்கு வந்துள்ளோம். வெறுப்பு அரசியல் செய்யப்படுகிறது, 400 பார்' என்று சொல்பவர்கள் என்ன வேண்டுமானாலும் சொல்லலாம். என்பதை மக்கள் முடிவு செய்வார்கள்” என்று தேஜஸ்வி யாதவ் கூறினார்.



Mar 31, 2024 14:30 IST
நாட்டில் இருந்து பா.ஜ.க வேரோடு பிடுங்கப்படும் - இந்தியா கூட்டணி பேரணியில் அகிலேஷ் யாதவ் பேச்சு
இந்தியா கூட்டணி பேரணியில் சமாஜ்வாடி கட்சித் தலைவர் அகிலேஷ் யாதவ் பேச்சு:  “இன்று, மத்தியில் ஆள்பவர்களுக்கு நாங்கள் சொல்ல விரும்புகிறோம், அவர்கள் நீண்ட காலம் அங்கே இருக்க மாட்டார்கள். முதல்வர் ஹேமந்த் சோரன், முதல்வர் அரவிந்த் கெஜ்ரிவாலை சிறைக்கு அனுப்பியுள்ளீர்கள்... அதற்காக இந்திய மக்கள் மட்டுமல்ல, உலக மக்களும் இந்தியாவை கேவலமாகப் பார்க்கிறார்கள். இதற்கு பா.ஜ.க.வினர் தான் காரணம்... அது 400 'பார்' ஆக இருக்காது, '400 பெஹார்' ஆக இருக்கும். டெல்லியில் இருந்து மட்டுமல்ல, இந்த நாட்டில் இருந்து பா.ஜ.க வேரோடு பிடுங்கப்படும்.” என்று பேசினார்.



Mar 31, 2024 14:25 IST
புல்வாமா தாக்குதல் குறித்து வெள்ளை அறிக்கை வெளியிட வேண்டும் - டி.எம்.சி தலைவர் டெரிக் ஓ பிரைன்
இந்தியா கூட்டணி பேரணியில் திரிணாமூல் காங்கிரஸ் உயர்மட்ட ட்தலைவர் டெரிக் ஓ பிரைன் பேச்சு: “புல்வாமா தாக்குதல் குறித்து உண்மை வெளிவர வேண்டும். வெள்ளை அறிக்கை வெளியிட வேண்டும். இது பா.ஜ.க-விற்கும் இந்திய ஜனநாயகத்திற்கும் இடையிலான போர். மேடையில் எங்களிடம் இரண்டு காலி நாற்காலிகள் உள்ளன: கெஜ்ரிவால் மற்றும் சோரன் நீங்கள் சக்தியாக எங்களுடன் இருக்கிறீர்கள். இது பா.ஜ.க.வுக்கும் இந்திய ஜனநாயகத்துக்கும் இடையேயான போர். மோடி உத்தரவாதம் பூஜ்ஜிய உத்தரவாதம்: வேலைவாய்ப்பு, பணவீக்கம், மக்கள் நிறுவனங்களைப் பாதுகாப்பது என்று வரும்போது பூஜ்ஜிய உத்தரவாதம்.” என்று கடுமையாகச் சாடினார்.



Mar 31, 2024 14:20 IST
அரசியலமைப்பைக் காப்பாற்ற எங்களுக்குபொதுவான நோக்கம் உள்ளது - பரூக் அப்துல்லா
இந்தியா கூட்டணி பேரணியில் பரூக் அப்துல்லா பேச்சு: “இன்று நமக்கு ஒரு பொதுவான நோக்கம் உள்ளது: அரசியலமைப்பைக் காப்பாற்றுவது. தலைமை நீதிபதி கூட அச்சுறுத்தப்படுகிறார்” என்று கூறினார்.



Mar 31, 2024 14:17 IST
‘இந்தியாவைக் காப்பாற்ற வகுப்புவாத சக்திகளைத் தோற்கடிக்க வேண்டும்’ - சீதாராம் யெச்சூரி
இந்தியா கூட்டணி பேரணியில் பேசிய சீதாராம் யெச்சூரி:  “இன்று, நாம் காணும் ஊழல், கொள்ளை, வேலையில்லா திண்டாட்டம் - இவைகளை நாட்டை விட்டு ஒழிக்க வேண்டுமானால், இந்த அரசாங்கத்தை அகற்ற வேண்டும். இந்த நாட்டைக் காப்பாற்ற வேண்டுமானால் வகுப்புவாத முகங்களை நாம் தோற்கடிக்க வேண்டும். ஜூடேக பாரத் ஜீதேக பாரத்” என்று கூறினார்.



Mar 31, 2024 13:42 IST
அமைச்சர் உதயநிதி ஸ்டாலின் பிரசாரம்
காங்கிரஸ் வேட்பாளர் விஷ்ணு பிரசாத்தை ஆதரித்து வாக்கு சேகரிப்பு "கேஸ் விலையை 800 ரூபாய் ஏற்றிவிட்டு 100 ரூபாய் குறைத்துள்ளனர்"



Mar 31, 2024 13:30 IST
அரவிந்த் கெஜிரிவால் ஒரு சிங்கம்; அதிக நாட்கள் அவரை சிறையில் வைத்திருக்க முடியாது : மனைவி சுனிதா பேச்சு
எனது கணவரை பிரதமர் மோடி சிறையில் அடைத்துள்ளார். மோடி செய்தது சரியா?. எனது கணவர் சிங்கம் போன்றவர். அதிக நாட்கள் அவரை சிறையில் வைத்திருக்க முடியாது- மனைவி சுனிதா கெஜிரிவால் பேச்சு



Mar 31, 2024 13:20 IST
அமைச்சர் எ.வ.வேலு காரில் சோதனை
திருவண்ணாமலை அருகே அமைச்சர் எ.வ.வேலுவின் காரில் தேர்தல் பறக்கும் படையினர் சோதனை தேர்தல் விதிகள் அமலில் உள்ள நிலையில், அமைச்சரின் காரில் சோதனை மேற்கொண்டனர்.



Mar 31, 2024 13:12 IST
100 பவுன் நகை - ரூ.1.20 கோடி பணம் பறிமுதல்
ஓசூரில் கிரஷர் உரிமையாளர் லோகேஷ் குமார் வீட்டில் வருமான வரித்துறையின் அதிரடி சோதனையில் 100 பவுன் நகை, ரூ.1.20 கோடி பணம் பறிமுதல் லோகேஷ் குமார், கர்நாடக பாஜக எம்எல்ஏ பசவராஜின் உதவியாளரான மஞ்சுநாத்தின் மருமகன் ஆவார். 



Mar 31, 2024 13:06 IST
எல்.கே.அத்வானிக்கு பாரத ரத்னா விருது
ஜாபர் சாதிக்கின் போதைப்பொருள் கடத்தல் வழக்கில் இயக்குனர் அமீருக்கு சம்மன் டெல்லியில் உள்ள மத்திய போதை பொருள் தடுப்பு பிரிவு அலுவலகத்தில், வரும் 2ம் தேதி ஆஜராக சம்மன் ஜாபர் சாதிக் தயாரிக்கும் படத்தை இயக்குனர் அமீர் இயக்கி இருப்பது குறிப்பிடத்தக்கது. 



Mar 31, 2024 12:59 IST
டெல்லி: இந்தியா கூட்டணி பேரணி: ராகுல் காந்தி, சரத் பவார் உள்ளிட்ட தலைவர்கள் வருகை
டெல்லி முதல்வர் அரவிந்த் கெஜிரிவால் கைது செய்யப்பட்டுள்ளதை கண்டித்து இந்தியா கூட்டணி கட்சியினர் டெல்லியில் உள்ள ராம்லீலா மைதானத்தில் மாபெரும் பேரணி நடத்த ஒன்று கூடி உள்ளனர்.  இந்நிலையில்  மல்லிகாா்ஜுன் காா்கே, ராகுல் காந்தி, கேஜரிவாலின் மனைவி சுனிதா கேஜரிவால், பிரியங்கா காந்தி உள்ளிட்டோர் பேரணி நடைபெறும் இடத்திற்கு வருகை தந்துள்ளனர்.



Mar 31, 2024 12:16 IST
ஜாபர் சாதிக் வழக்கில் அமீருக்கு சம்மன்
ஜாபர் சாதிக்கின் போதைப்பொருள் கடத்தல் வழக்கில் இயக்குனர் அமீருக்கு சம்மன் டெல்லியில் உள்ள மத்திய போதை பொருள் தடுப்பு பிரிவு அலுவலகத்தில், வரும் 2ம் தேதி ஆஜராக சம்மன் ஜாபர் சாதிக் தயாரிக்கும் படத்தை இயக்குனர் அமீர் இயக்கி இருப்பது குறிப்பிடத்தக்கது



Mar 31, 2024 11:38 IST
ஜெயலலிதாவை அவதூறாக பேசிய அண்ணாமலையுடன் கூட்டணி வைத்துள்ள டிடிவி தினகரனுக்கு மானம் ரோஷம் இருக்கிறதா?
"இந்தி திணிப்பு எதிர்ப்பு போராட்டத்தை கொச்சைப்படுத்திய பாஜக மாநில தலைவர் அண்ணாமலை செருப்புக்கு சமானம் ஜெயலலிதாவை அவதூறாக பேசிய அண்ணாமலையுடன் கூட்டணி வைத்துள்ள டிடிவி தினகரனுக்கு மானம் ரோஷம் இருக்கிறதா?" - மதுரையில் முன்னாள் அமைச்சர் செல்லூர் ராஜு பேட்டி



Mar 31, 2024 11:13 IST
கச்சத்தீவு - காங்கிரஸ் மீது பிரதமர் குற்றச்சாட்டு
கச்சத்தீவை காங்கிரஸ் எப்படி தாரைவார்த்தது என்ற உண்மை தற்போது வெளிவந்துள்ளது கச்சத்தீவு குறித்து பாஜக மாநில தலைவர் அண்ணாமலை ஆர்டிஐ மூலம் பெற்ற தகவலை பகிர்ந்து பிரதமர் மோடி எக்ஸ் தளத்தில் பதிவு காங்கிரஸை நாம் ஒரு போதும் நம்ப முடியாது என்பது மீண்டும் உறுதிப்படுத்தப்பட்டுள்ளது இந்தியாவின் ஒற்றுமை, ஒருமைப்பாடு மற்றும் நலன்களை பலவீனப்படுத்த காங்கிரஸ் கட்சி 75 ஆண்டுகளாக உழைத்து வருகிறது - பிரதமர் மோடி



Mar 31, 2024 11:03 IST
ராகுல் காந்தி தமிழகம் வருகை
அடுத்த வாரம் தமிழகம் வருகிறார் ராகுல் காந்தி. தேர்தல் பரப்புரைக்காக ராகுல் காந்தி அடுத்த வாரம் தமிழகம் வர உள்ளதாக செல்வப் பெருந்தகை தகவல் 



Mar 31, 2024 10:21 IST
டாஸ்மாக் கடைகளில் அதிகாரிகள் விசாரணை
டாஸ்மாக் கடைகளில் வழக்கத்தை விட 30%-க்கு மேல் மதுபானங்கள் விற்பனையாகும் கடைகளில், அதிகாரிகள் விசாரணை.



Mar 31, 2024 09:49 IST
பறக்கும் படை கண்காணிப்பு குழு அலுவலர் சஸ்பெண்ட்
சங்கரன்கோவில் திமுக எம்.எல்.ஏ. ராஜாவின் காரை சோதனை செய்யாமல் அனுப்பியதாக புகார்.
பறக்கும் படை கண்காணிப்பு குழு அலுவலரும், சங்கரன்கோவில் வட்டார வளர்ச்சி அலுவலருமான ராதா சஸ்பெண்ட். மாவட்ட ஆட்சித் தலைவர் கமல் கிஷோர் நடவடிக்கை



Mar 31, 2024 09:22 IST
விஜய் ஈஸ்டர் வாழ்த்து
தவெக தலைவர் விஜய் ஈஸ்டர் வாழ்த்து. ஈஸ்டர் தினத்தை முன்னிட்டு தமிழக வெற்றிக் கழக தலைவர் விஜய் வாழ்த்து. உலக மக்களிடத்தில் அமைதி, அன்பு, சகோதரத்துவம், ஒற்றுமை, தியாகம் தழைத்தோங்க வாழ்த்து - விஜய்



Mar 31, 2024 09:22 IST
அண்ணாமலை உட்பட 700 பேர் மீது வழக்கு
அண்ணாமலை உட்பட 700 பேர் மீது வழக்குப்பதிவு
திருச்சியில் தேர்தல் நடத்தை விதிமுறைகளை மீறியதாக பாஜக மாநில தலைவர் அண்ணாமலை மீது வழக்குப்பதிவு
நேற்று இரவு 10 மணிக்கு மேல் அமமுக வேட்பாளர் செந்தில் நாதனை ஆதரித்து பிரசாரம் செய்ததாக புகார்
அமமுக வேட்பாளர் செந்தில் நாதன், அமமுக அமைப்பு செயலாளர் சாருபாலா தொண்டைமான் மீதும் வழக்குப் பதிவு
700 பேர் மீது 4 பிரிவுகளின் கீழ் வழக்குப்பதிவு செய்துள்ள திருச்சி தில்லைநகர் போலீசார்



Mar 31, 2024 08:53 IST
கணேசமூர்த்தி குடும்பத்தினருக்கு ஸ்டாலின் ஆறுதல்
கணேசமூர்த்தி குடும்பத்தினருக்கு முதல்வர் ஆறுதல். மறைந்த ஈரோடு எம்.பி. கணேசமூர்த்தியின் குடும்பத்தினருக்கு முதல்வர் ஸ்டாலின் நேரில் ஆறுதல். கணேசமூர்த்தியின் உருவப்படத்திற்கு மலர்த்தூவி மரியாதை செலுத்தினார் முதல்வர்



Mar 31, 2024 08:47 IST
மதுபான விடுதி உரிமையாளர் ஜாமினில் விடுவிப்பு
மதுபான விடுதி உரிமையாளர் ஜாமினில் விடுவிப்பு. சென்னை, ஆழ்வார்பேட்டையில் மதுபான விடுதியில் மேற்கூரை இடிந்து 3 பேர் உயிரிழந்த விவகாரம். அபிராமபுரம் காவல்நிலையத்தில் சரணடைந்த மதுபான விடுதி உரிமையாளர் அசோக்குமார் ஜாமினில் விடுவிப்பு.
சுமார் 6 மணி நேர விசாரணைக்கு பிறகு எழுத்து பூர்வ விளக்கங்களை பெற்ற பின் காவல்நிலைய ஜாமினில் விடுவிப்பு



Mar 31, 2024 08:45 IST
பூந்தமல்லியில் ரூ.2.29 கோடி பறிமுதல்
ஆவணமின்றி எடுத்து வரப்பட்ட ரூ.2.29 கோடி பறிமுதல். சென்னை அடுத்த பூந்தமல்லியில் உரிய ஆவணங்கள் இன்றி ஏடிஎம் இயந்திரத்திற்கு நிரப்ப எடுத்து செல்லப்பட்ட பணம் ரூ.2.29 கோடி பறிமுதல், பணத்தை பறிமுதல் செய்து அரசு கருவூலத்தில் ஒப்படைத்த தேர்தல் பறக்கும் படை அதிகாரிகள்



Mar 31, 2024 08:44 IST
ஓ.பி.எஸ் மீது 3 பிரிவுகளில் வழக்குப் பதிவு
ஓபிஎஸ் மீது 3 பிரிவுகளின் கீழ் வழக்குப்பதிவு. முன்னாள் முதல்வரும் ராமநாதபுரம் தொகுதி வேட்பாளருமான ஓ.பன்னீர்செல்வம் மீது 3 பிரிவுகளின் கீழ் வழக்குப்பதிவு.
அறந்தாங்கியில் ஆரத்தி எடுத்த பெண்களுக்கு பணம் கொடுத்ததாகவும் அனுமதிக்கபட்ட நேரத்திற்கு முன்பாகவே கூட்டம் நடத்தியதாகவும் வழக்குப்பதிவு செய்து விசாரணை



Mar 31, 2024 08:40 IST
ஈரோட்டில் ஸ்டாலின் வாக்கு சேகரிப்பு
ஈரோடு சம்பத் நகரில் உள்ள உழவர் சந்தை அருகே முதல்வர் மு.க.ஸ்டாலின் வாக்கு சேகரிப்பு. நடைபயிற்சி மேற்கொள்ளும் ஸ்டாலின் பொது மக்களுடன் கலந்துரையாடி வாக்கு சேகரித்தார்.