Tamil Nadu News Today Live Updates
Tamil News : தனியார் மருத்துவமனைகள் கடைசி நேரத்தில் நோயாளிகளை அரசு மருத்துவமனைக்கு அனுப்பாதீர் என அமைச்சர் விஜயபாஸ்கர் வேண்டுகோள் விடுத்துள்ளார்.
ராஜஸ்தானில் அசோக் கெலாட் தலைமையிலான ஆட்சியைக் கவிழ்க்க மகாராஷ்டிரா பாஜக பில்டர்கள் மற்றும் தொழிலதிபர்களிடமிருந்து சுமார் ரூ.500 கோடி வசூலித்ததாக காங்கிரஸ் கட்சியின் செய்தித் தொடர்பாளர் சச்சின் சாவந்த் தெரிவித்தார் .
மருத்துவ உள்கட்டமைப்பு நாடு முழுவதும் தொடர்ந்து அதிகரித்து வருவதாக மத்திய அரசு தெரிவித்தது. ஒருங்கிணைந்த முயற்சிகளின் விளைவாக, இன்று, 1383 பிரத்யேக கோவிட் – 19 மருத்துவமனைகள், 3107 கோவிட் – 19 சுகாதார நிலையங்கள் மற்றும் 10,382 கோவிட்- 19 பராமரிப்பு மையங்கள் ஏற்படுத்தப்பட்டுள்ளன. இவை அனைத்திலும் சேர்த்து, 46,673 அவசர சிகிச்சைப் பிரிவு படுக்கை வசதிகள் உள்ளன. இதன் விளைவாக, கொரோனா தொற்றால் இறப்பவர்களின் விகிதம் குறைந்து வருவதாகவும் தெரிவிக்கப்பட்டது.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil
Tamil News Today Live Updates: தனியார் பள்ளிகள் 40 சதவீத கட்டணத்தை வரும் ஆகஸ்ட் 31ஆம் தேதிக்குள் வசூலிக்கலாம் என்று சென்னை உயர்நீதிமன்றம் உத்தரவிட்டடது. இரண்டு மாதத்திற்குப் பிறகு 35 சதவீத கட்டணத்தை வசூலித்துக் கொள்ளலாம் என்றும் தனது இடைக்கால உத்தரவில் தெரிவித்தது.
தமிழத்தில், நேற்று கொரோனா தொற்றில் இருந்து மேலும் 3,391 பேர் குணமடைந்ததை அடுத்து, மொத்தம் குணமடைந்தோர் எண்ணிக்கை 1,10,807 ஆக உயர்ந்தது
Web Title:Tamil news today live updates coronavirus news updates breaking news tamilnadu news
கடலூர் மாவட்டம், விருத்தாசலம் வட்டாட்சியர் கவியரசன் கொரோனாவால் பாதிக்கப்பட்டு மருத்துவமனையில் அனுமதிக்கப்பட்டிருந்த நிலையில், சிகிச்சை பலனின்றி உயிரிழந்தார்.
திருத்தணி முருகன் கோயிலில் ஆகஸ்ட் 12-ஆம் தேதி நடக்கவிருக்கும் ஆடிக்கிருத்திகை விழாவில் பங்கேற்க பக்தர்களுக்கு அனுமதியில்லை கோயில் நிர்வாகம் தெரிவித்துள்ளது.
தமிழகத்தைச் சேர்ந்த கணித மேதை சி.எஸ். சேஷாத்ரி (88) மறைவுக்கு பிரதமர் நரேந்திர மோடி தனது ட்விட்டர் பக்கத்தில் இரங்கல் தெரிவித்துள்ளார்.
கேரளா தங்கக்கடத்தல் வழக்கு தொடர்பாக துபாயில் வசிக்கும் பைசல் பரீத் என்பவருக்கு இன்டர்போல் மூலம் லுக் அவுட் நோட்டீஸ் பிறப்பிக்க என்.ஐ.ஏ லுக் அவுட் நோட்டீஸ் நடவடிக்கை எடுத்துள்ளது.
சாத்தான்குளம் தந்தை ஜெயராஜ், மகன் பென்னிக்ஸ் கொலை வழக்கை விசாரணை செய்துவரும் சிபிஐ அதிகாரிகள், ஜெயராஜ், பென்னிக்ஸ் அடைக்கப்பட்ட கோவில்பட்டி கிளைச்சிறையில் விசாரித்து வருகின்றனர்.
தமிழகத்தில் இதுவரை இல்லாத அளவில் 4,807 பேருக்கு கொரோனா வைரஸ் தொற்று உறுதி செய்யப்பட்டுள்ளது. இதன் மூலம் மாநிலத்தில், இதுவரை கொரொனாவால் பாதிக்கப்பட்டோரின் எண்ணிக்கை 1,65,714 ஆக உயர்ந்துள்ளது. கொரொனா பாதிப்பால் இன்று 88 பேர் உயிரிழந்தனர் இதன் மூலம் பலி எண்ணிக்கை 2,403 ஆக உயர்ந்துள்ளது என்று தமிழக சுகாதாரத்துறை தெரிவித்துள்ளது.
கடலூர் மாவட்டம் திட்டக்குடி தொகுதி திமுக எம்.எல்.ஏ. கணேசனுக்கு கொரோனா தொற்று உறுதி செய்யப்பட்டுள்ளது. தமிழகத்தில் தொடர்ந்து, களத்தில் நின்று பணியாற்றி வரும் அமைச்சர்கள் சட்டமன்ற உறுப்பினர்களுக்கு கொரோனா தொற்று ஏற்பட்டு வருகிறது.
ஈச்சம்பாக்கத்தில் உள்ள நடிகர் அஜித் வீட்டிற்கு வெடிக்குண்டு மிரட்டல் விடப்பட்டுள்ளதாக தகவல் வெளியாகியுள்ளது.
போராட்டத்தின் நோக்கம், எழுப்பப்பட வேண்டிய முழக்கம் குறித்து மு.க.ஸ்டாலின் அறிக்கை வெளியிட்டுள்ளார். அதில், மின் கட்டணம் என்ற பெயரால் வயிற்றில் அடிக்காதே, சலுகை வழங்கு, தவணை வழங்கு என முழக்கம் எழுப்ப வலியுறுத்தியுள்ளார். கொரோனா கால ஊரடங்கில் கடைப்பிடிக்கப்பட வேண்டிய தனி மனித இடைவெளியுடனும், முக கவசம் அணிந்திருக்க வேண்டும் என கூறியுள்ளார். சானிடைசர் போன்ற பாதுகாப்பு வசதிகளுடனும் பொதுமக்களின் பங்கேற்புடன் மேற்கொள்ளப்படும் அறப்போரில், அ.தி.மு.க. ஆட்சியின் அவலத்தை எடுத்துரைக்கும் வகையில், இல்லங்கள் தோறும் கறுப்புக்கொடிகள் பறக்கட்டும் என ஸ்டாலின் அறிக்கையில் கூறியுள்ளார்.
பிளாஸ்மா தானம் செய்ய மக்கள் முன்வர வேண்டும் தமிழகத்தில் பிசிஆர் கருவிகள் தேவையான அளவு உள்ளது என அமைச்சர் விஜய பாஸ்கர் கேட்டுக் கொண்டுள்ளார்.
கணக்கீட்டின் அடிப்படையில் மின் கட்டணத்தைச் செலுத்தியே ஆகவேண்டும் என்பது கருணையற்ற போக்காகும். மின்கட்டணக் கொள்ளையைப் பிடிவாதமாக நியாயப்படுத்தும் அரசு, பழி முழுவதையும் மக்கள் மீதே சுமத்துகிறது என திமுக தலைவர் மு.க.ஸ்டாலின் தெரிவித்துள்ளார்.
கல்வி நிறுவன வாகனங்களுக்கான சாலைவரி, அபராதம் செலுத்த நிர்பந்திக்கக் கூடாது; கோவை அண்ணா பல்கலைக்கழக உறுப்புக் கல்லூரிகள் சங்கம் தாக்கல் செய்த வழக்கில், தமிழக அரசுக்கு சென்னை உயர்நீதிமன்றம் உத்தரவு!
ஜம்மு காஷ்மீரின் குப்வாரா மாவட்டத்தில் மத்திய பாதுகாப்புத்துறை அமைச்சர் ராஜ்நாத் சிங் ஆய்வு நடத்தி வருகிறார்.
காஞ்சிபுரம் மாவட்டத்தில் மேலும் 90 பேருக்கு கொரோனா பாதிப்பு ஏற்பட்டுள்ளது. கொரோனா பாதித்தவர்கள் எண்ணிக்கை 4512 ஆக உயர்ந்து, இதுவரை காஞ்சிபுரம் மாவட்டத்தில் கொரோனாவுக்கு உயிரிழந்தவர்கள் எண்ணிக்கை 59 ஆக அதிகரித்துள்ளது.
விருதுநகர் மாவட்டத்தில் இன்று ஒரே நாளில் 284 பேருக்கு கொரோனா தொற்று உறுதியாகியுள்ளது. 16 கர்ப்பிணிகள், 9 சுகாதார பணியாளர்கள் பாதிக்கப்பட்டு, மொத்த பாதிப்பு எண்ணிக்கை 3,379 ஆக உயர்ந்துள்ளது. இதில் சிகிச்சை முடிந்து வீடு திரும்பியோர் எண்ணிக்கை 1065
தனியார் மருத்துவமனையில் இருந்து கடைசி நேரத்தில் நோயாளியை அரசு மருத்துவமனைக்கு அனுப்பக் கூடாது என அமைச்சர் விஜய பாஸ்கர் கேட்டுக் கொண்டுள்ளார்
நீலகிரி, கோவை, தூத்துக்குடி, ராமநாதபுரம், சிவகங்கை, விருதுநகர், புதுக்கோட்டை மாவட்டங்களில் கனமழைக்கு வாய்ப்புள்ளதாகவும், தெற்கு கடலோர மற்றும் உள் தமிழகத்தில் மிதமான மழைக்கு வாய்ப்புள்ளதாகவும் வானிலை மையம் தெரிவித்துள்ளது.
தன் நம்பிக்கைகளை பிறர் மேல் திணிக்காமல், பிறரைக் காயப்படுத்தாது இயைந்து வாழும் சமூகம் தான் அறிவார்ந்த, மேம்பட்ட சமூகம் இன்று நம்பிக்கைகளின் பெயரால் நடக்கும் வெறுப்பு அரசியலும், பிரிவினைவாதமும் நம் அடையாளமல்ல' என கமல்ஹாசன் தெரிவித்துள்ளார்.
பெரியார் சிலை அவமதிப்பு தொடர்பாக காங்கிரஸ் தலைவர் ராகுல் காந்தி தனது கண்டனத்தை தமிழில் பதிவு செய்தார். இது குறித்து தனது ட்விட்டரில்,' எவ்வளவு தீவிரமான வெறுப்பும் ஒரு மகத்தான தலைவனை களங்கப்படுத்த முடியாது ' என்று தமிழில் ட்வீட் செய்தார்.
சென்னையில், நேற்று மாலை முதல் தற்போது வரை 19 பேர் கொரோனா நோய்த்தொற்றுக்கு உயிரிழந்தனர்.
ராஜீவ்காந்தி மருத்துவமனை - 8 பேர்,
ஓமந்தூரார் அரசு மருத்துவமனை - 3 பேர்,
கீழ்பாக்கம் அரசு மருத்துவமனை - 3 பேர்,
ஸ்டான்லி மருத்துவமனையில் - 4 பேர்,
திருமங்கலம் தனியார் மருத்துவமனையில் ஒருவர் உயிரிழந்தார்.
சாத்தான்குளம் தந்தை மகன் லாக்அப் கொலை வழக்கில், கைது செய்யப்பட்டு சிறையில் அடைக்கப்பட்டிருக்கும் 10 காவலர்களிடம் மாநில மனித உரிமைகள் ஆணைய டிஎஸ்பி குமார் விசாரணை நடத்தி வருகிறார்
எதிர்க்கட்சித் தலைவர் மு.க ஸ்டாலின் இன்று தனது கொளத்தூர் தொகுதியை நேரில் ஆய்வு செய்தார். பொதுமக்களுக்கு தேவையான நிவாரண உதவிகளையும் வழங்கினார்.
கொரோனா தொற்றுடன் நுரையீரல் பாதிப்பு உள்ள நோயாளிகளின் உயிரிழப்பை தவிர்க்கும் பொருட்டு, உயர்தர சிகிச்சை வழங்க ரூ.76.55 கோடி மதிப்பில் அதிநவீன உயர் ஓட்ட அக்சிஜன் (High Flow Nasal Canula) கருவிகள் வாங்க முதல்வர் எடப்பாடி பழனிசாமி உத்தரவிட்டார்.
'கறுப்பர் கூட்டம்' யூ டுயுப் சேனலை தடை செய்யக் கோரி சென்னை எழும்பூர் நீதிமன்ற வாசலின் முன் பாஜகவினர் போராட்டம் நடத்தினர். போராட்டம் நடத்தியவர்கள் மீது தொற்றுநோய் பரப்பும் சட்டம் உள்பட 3 பிரிவின் கீழ் காவல்துறை வழக்குப்பதிவு செய்து விசாரித்து வருகிறது.
மதுரை காமராஜர் பல்கலைக்கழகம் தொலைதூரக் கல்வி நிலையத்தில் பணியாற்றிய 2 அலுவலர்களுக்கு கொரோனா தொற்று உறுதி செய்யப்பட்டதையடுத்து, வரும் 20 ஆம் தேதி வரை பல்கலைக்கழகத்திற்கு விடுமுறை அறிவிக்கப்பட்டது. அடுத்த மூன்று நாட்களுக்கு பல்கலைக்கழக வளாகம் முழுவதும் கிருமி நீக்கம் செய்யப்படும் என்றும், 2 பேருடன் தொடர்பில் இருந்த அனைவருக்கும் கொரோனா பரிசோதனை மேற்கொள்ளப்படும் என்றும் பல்கலைக்கழக துணைவேந்தர் தெரிவித்தார்.