/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/11/chembarambakkam-lake.jpg)
Tamil News Today Updates: கனமழையால் செம்பரம்பாக்கம் ஏரி நிரம்பி வருகிறது.எந்த நேரத்திலும் உபரிநீர் திறந்துவிட வாய்ப்பு ஏற்பட்டுள்ளதால் அடையாறு ஆற்றின் கரையோரம் வசிக்கும் மக்களுக்கு வெள்ள அபாயம் ஏற்படும்நிலை உருவாகியுள்ளதால் தகுந்த முன்னெச்சரிக்கை நடவடிக்கை எடுக்குமாறு அம்பத்தூர் காவல் துணை ஆணையருக்கு பொதுப்பணித்துறை கடிதம் எழுதியுள்ளது.
சென்னை, செங்கல்பட்டு, காஞ்சிபுரம் ஆகிய மாவட்டங்களில் விடிய விடிய கனமழை பெய்தது. பிற கடலோர மாவட்டங்களிலும் தொடர்மழை நீடித்தது. பீகார் முதலமைச்சராக 4-வது முறையாக நிதீஷ் குமார் பதவியேற்ற்றார்.
பகிரங்க ஊழல் குற்றச்சாட்டுகள் எழுந்த பின்பும், அண்ணா பல்கலைக்கழக துணைவேந்தர் சூரப்பாவை ஏன் பதவி நீக்கம் செய்யவில்லை என கேள்வி எழுப்பியிருக்கும் எதிர்க்கட்சித் தலைவர் மு.க.ஸ்டாலின், முதல்வர் உடனடியாக நடவடிக்கை எடுக்க வேண்டுமென வலியுறுத்தியுள்ளார். வரும் 21-ம் தேதி தமிழகம் வருகிறார் மத்திய உள்துறை அமைச்சர் அமித்ஷா. அவரது வருகை எதிர்க்கட்சிகளுக்கு பயத்தை ஏற்படுத்தும் என தமிழக பாஜக தலைவர் எல்.முருகன் தெரிவித்துள்ளார். தனுசு ராசியிலிருந்து மகர ராசிக்கு இடம் பெயர்ந்தார் குரு பகவான். இதனால் அனைத்து குரு ஸ்தலங்களிலும் சிறப்பு வழிபாடு நடத்தப்பட்டது.
“அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”
Live Blog
Tamil News Today: சென்னை மற்றும் தமிழகத்தின் பல்வேறு பகுதிகளில் நடைபெறும் அனைத்து முக்கிய செய்திகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.
முதுகலை மருத்துவ நுழைவுத்தேர்வுக்கான மையங்களை தமிழகத்தில் அமைக்க உத்தரவிட வேண்டும் எனக் கோரி பிரதமருக்கு முதலமைச்சர் பழனிசாமி கடிதம் எழுதியுள்ளார். நவம்பர் 20ம் தேதி நடைபெற உள்ள தேர்வுக்கான மையக்கள் சித்தூர், நெல்லூரில் அமைக்கப்பட்டுள்ளன.
நிதிஷ் குமார் தொடர்ந்து 4வது முறையாக பீகார் முதல்வராக பதவியேற்றார். அவருடன் பாஜகவைச் சேர்ந்த தர்கிஷோர் பிரசாத், ரேணு தேவி ஆகியோர் துணை முதல்வராக பதவியேற்றனர். பதவியேற்பு விழாவில் மத்திய அமைச்சர்கள் அமித்ஷா, பிரகாஷ் ஜவடேகர் ஆகியோர் கலந்துகொண்டனர். நிதிஷ் குமார் பதவியேற்பு விழாவை ஆர்.ஜே.டி புறக்கணிப்பு செய்தது.
சென்னையில் செய்தியாளர்களிடம் பேசிய அமைச்சர் மாஃபா பாண்டியராஜன், “தமிழகத்தில் மு.க.அழகிரி உள்ளிட்ட யார் புதிய கட்சி துவங்கினாலு துவங்காவிட்டாலும் அதிமுக மிகப்பெரிய வெற்றியைப் பெறும். தமிழகம் வரும் அமித்ஷா தமிழை ஆட்சி மொழியாக அறிவித்தால் நன்றாக இருக்கும்” என்று கூறினார்.
ஒரு வாரத்திற்கு தேவையான அத்தியாவசிய பொருட்களை இருப்பு வைத்துக்கொள்ள வேண்டும் என பொதுமக்களுக்கு தமிழ்நாடு பேரிடர் மேலாண்மை ஆணையம் அறிவுறுத்தியுள்ளது, மழைக் காலங்களில் பொதுமக்கள் மெழுகுவர்த்தி, தீப்பெட்டி ஆகியவற்றை இருப்பு வைத்துக்கொள்ள வேண்டும் என அறிவுறுத்தியுள்ளது.
அண்ணா பல்கலைக்கழக துணை வேந்தர் சூரப்பா மீது நிதி முறைகேடுகள் எழுந்ததைத் தொடர்ந்து தமிழக அரசு அவர் மீதான குற்றச்சாட்டுகளை விசாரிக்க ஓய்வு பெற்ற நீதிபதி கலையரசன் தலைமையில் தனி நபர் விசாரணைக் குழு அமைத்து உத்தரவிட்டது. இதையடுத்து, நீதிபதி கலையரசன் விசாரணைக் குழுவுக்கு இன்று பொறுப்பு ஏற்றார்.
நவ.23ம் தேதி திமுக உயர்நிலை செயல் திட்டக்குழு கூட்டம் அறிவிக்கப்பட்டுள்ளது.
"கழக தலைவர் @mkstalin அவர்கள் தலைமையில், 23-11-2020 அன்று, திமுக உயர்நிலை செயல்திட்ட குழுக்கூட்டம், சென்னை - அண்ணா அறிவாலயத்தில் நடைபெறும்"
- கழக பொதுச்செயலாளர் திரு. @katpadidmk MLA அவர்கள் அறிவிப்பு.#DMK pic.twitter.com/ctNC96pc4i
— DMK (@arivalayam) November 16, 2020
7.5 சதவீத உள் ஒதுக்கீட்டுக்கும் முதன் முறையாக பட்டியல் வெளியிடப்பட்டுள்ளது. அரசு பள்ளியில் படித்த மாணவர்களுக்கு மருத்துவத்தில் முதன் முறையாக இட ஒதுக்கீடு. இந்த அரசு ஓதுக்கீட்டு இடங்களில் மொத்தம் 3650 பேர் மருத்துவம் படிக்க வாய்ப்புள்ளது.
சென்னை, திருவள்ளூர், காஞ்சிபுரம், செங்கல்பட்டு, புதுச்சேரி, கடலூர் ஆகிய 6 மாவட்டங்களில் கனமழை தொடரும் என வானிலை ஆய்வு மையம் தெரிவித்துள்ளது. அதோடு சென்னை, கடலூர், திருவள்ளூர் மாவட்டங்களில் அடுத்த 5 மணி நேரத்துக்கு கனமழை பெய்யும் என இந்திய வானிலை ஆய்வு மையம் தெரிவித்துள்ளது. தவிர, காஞ்சிபுரம், செங்கல்பட்டு மாவட்டங்களிலும் புதுச்சேரியிலும் அடுத்த 5 மணி நேரத்துக்கு கனமழை என எச்சரிக்கை விடுக்கப்பட்டுள்ளது.
Stay updated with the latest news headlines and all the latest Lifestyle news. Download Indian Express Tamil App - Android or iOS.
Highlights