Tamil News Highlights: தூத்துக்குடி, கரூர், திருவள்ளூர் மாவட்டங்களுக்கு புதிய ஆட்சியர்கள்- தமிழ்நாடு அரசு முக்கிய உத்தரவு

Petrol and Diesel Price: சென்னையில் பெட்ரோல், டீசல் விலையில் எந்த மாற்றமுமில்லை. இன்று சென்னையில் ஒரு லிட்டர் பெட்ரோல் லிட்டருக்கு ரூ.102.63 காசுகளாகவும், டீசல் விலை லிட்டருக்கு ரூ. 94.24 காசுகளாவும் விற்பனை செய்யப்படுகிறது.

Tamil news update

தமிழ்நாடு அரசு முக்கிய உத்தரவு                                    

தமிழ்நாட்டில் 9 ஐஏஎஸ் அதிகாரிகள் மற்றும் 16 ஐபிஎஸ் அதிகாரிகள் இடமாற்றம் செய்து தமிழ்நாடு அரசு உத்தரவிட்டுள்ளது.

1. லட்சுமிபதி ஐஏஎஸ் – தூத்துக்குடி மாவட்ட ஆட்சியர்

2. தங்கவேல்  ஐஏஎஸ் -கரூர் மாவட்ட ஆட்சியர்

3. பிரபுஷங்கர் ஐஏஎஸ் – திருவள்ளூர் மாவட்ட ஆட்சியராக நியமிக்கப்பட்டுள்ளனர்.

ஹெச். ராஜாவுக்கு உடல்நலக்குறைவு; அப்பல்லோ மருத்துவமனையில் அனுமதி

தமிழக பாரதிய ஜனதா கட்சியின் மூத்தத் தலைவரும், முன்னாள் எம்.எல்.ஏ.மான ஹெச். ராஜா உடல் நலக்குறைவு காரணமாக அப்பல்லோ மருத்துவமனையில் அனுமதிக்கப்பட்டுள்ளார்.

பாரதிய ஜனதா கட்சியின் தேசிய செயற்குழு உறுப்பினர் திரு.H. ராஜா அவர்கள் https://t.co/rFgmE6zLQc.,B.L.,FCA.,Ex.MLA., உடல்நலக்குறைவு காரணமாக அப்பல்லோ மருத்துவமனையில் சிகிச்சை பெற்று வருவதால் சில தினங்களுக்கு அன்றாட பணிகளில் ஈடுபட இயலாது என தெரிவித்துக்கொள்கிறோம்.



- Team HR

— H Raja (@HRajaBJP) October 11, 2023

பிகார் ரயில் விபத்து: ஒருவர் உயிரிழப்பு

பிகார் மாநிலம் பக்சர் மாவட்டத்தில் உள்ள ரகுநாத்பூர் ரயில் நிலையம் அருகே வடகிழக்கு விரைவு ரயிலின் மூன்று பெட்டிகள் தடம் புரண்டன.

இந்த விபத்தில் ஒருவர் உயிரிழந்துள்ளார் என்றும் பலர் காயமடைந்துள்ளனர் என்றும் தகவல்கள் வெளியாகியுள்ளன. சம்பவ இடத்தில் மீட்புக் குழுவினர் உள்ளனர்.

பாலஸ்தீன மக்களுக்கு ஆதரவாக சீனா அழைப்பு

பாலஸ்தீன மக்களுக்கு போர் நிறுத்தம், மனிதாபிமான உதவிக்கு சீனா அழைப்பு விடுத்துள்ளது. அதாவது, இஸ்ரேலுக்கும் ஹமாஸ் போராளிக் குழுவுக்கும் இடையிலான மோதலில் உடனடி போர் நிறுத்தத்திற்கு சீனா அழைப்பு விடுக்கிறது என்று மத்திய கிழக்கிற்கான சீனாவின் சிறப்புத் தூதர் ஸய் ஜுன் (Zhai Jun) புதன்கிழமை (அக்.11) தெரிவித்தார்.

மின் விநியோகத்தை துண்டித்த இஸ்ரேல்; காஸாவின் மின் உற்பத்தி நிலையத்தில் எரிபொருள் காலி

சனிக்கிழமையன்று இஸ்ரேலிய சுற்றுப்புறங்களில் ஹமாஸ் தாக்குதல்களால் தூண்டப்பட்ட போரின் துயரத்தை மேலும் ஆழமாக்கி, எரிபொருள் தீர்ந்துவிட்டதால் காசாவின் ஒரே மின் உற்பத்தி நிலையம் மூடப்படும் நிலைக்கு தள்ளப்பட்டுள்ளதாக பாலஸ்தீனத்தில் உள்ள எரிசக்தி அமைச்சகம் புதன்கிழமை கூறியது. இது இப்போது பிராந்தியத்தை இயக்குவதற்கு ஜெனரேட்டர்களை மட்டுமே விட்டுச்செல்கிறது, ஆனால் அவை பற்றாக்குறையாக இருக்கும் எரிபொருளிலும் இயங்குகின்றன. ஹமாஸ் தாக்குதலுக்குப் பிறகு, இஸ்ரேல் உணவு, தண்ணீர், எரிபொருள் மற்றும் மருந்துப் பகுதிக்குள் நுழைவதை நிறுத்தியது - 2.3 மில்லியன் பாலஸ்தீனியர்கள் வசிக்கும் இஸ்ரேல், எகிப்து மற்றும் மத்தியதரைக் கடலுக்கு இடையே 40 கிலோமீட்டர் நீளமுள்ள நிலப்பரப்பு காஸா ஆகும். இதற்கிடையில், ஐ.நா.வின் உலக சுகாதார அமைப்பு, காயமுற்றவர்களின் வெள்ளத்திற்கு மத்தியில் ஏழு மருத்துவமனைகளுக்கு ஏற்கனவே வைக்கப்பட்டிருந்த பொருட்கள் ஏற்கனவே தீர்ந்துவிட்டதாகக் கூறியது. காசாவில் இயங்கும் இரண்டு மருத்துவமனைகளில் அறுவை சிகிச்சை உபகரணங்கள், நுண்ணுயிர் எதிர்ப்பிகள், எரிபொருள் மற்றும் பிற பொருட்கள் தீர்ந்துவிட்டதாக எல்லைகளற்ற மருத்துவர்கள் தெரிவித்தனர்.

ஹமாஸ் தாக்குதலுக்குப் பிறகு இஸ்ரேலுக்கு சென்ற இங்கிலாந்து வெளியுறவு அமைச்சர் 

பாலஸ்தீனிய போராளிக் குழுவான ஹமாஸின் தாக்குதல்களைத் தொடர்ந்து இஸ்ரேலிய மக்களுக்கு ஒற்றுமையைக் காட்ட பிரிட்டிஷ் வெளியுறவு அமைச்சர் ஜேம்ஸ் புத்திசாலித்தனமாக புதன்கிழமை இஸ்ரேலுக்குச் சென்றார் என்று பிரிட்டிஷ் வெளியுறவு அலுவலகம் தெரிவித்துள்ளது. 'ஹமாஸின் பயங்கரவாதத் தாக்குதலைத் தொடர்ந்து இஸ்ரேலிய மக்களுடன் ஐக்கிய இராச்சியத்தின் அசைக்க முடியாத ஒற்றுமையை வெளிப்படுத்துவதற்காக வெளியுறவுச் செயலர் இன்று இஸ்ரேலுக்கு வந்துள்ளார்' என்று வெளியுறவு அலுவலக செய்தித் தொடர்பாளர் தெரிவித்தார். 'தாக்குதல்களில் இருந்து தப்பியவர்கள் மற்றும் மூத்த இஸ்ரேலியத் தலைவர்களை அவர் சந்தித்து, தன்னைத் தற்காத்துக் கொள்ளும் இஸ்ரேலின் உரிமைக்கான இங்கிலாந்து ஆதரவை கோடிட்டுக் காட்டுவார்.' பிரிட்டன், அதன் மேற்கத்திய நட்பு நாடுகளுடன் இணைந்து இஸ்ரேலுக்கு உறுதியான ஆதரவைத் தெரிவித்ததுடன், ஹமாஸின் தாக்குதல்களைக் கண்டித்துள்ளது.

காசாவில் இஸ்ரேல் தாக்குதல்: 3 பாலஸ்தீனிய மருத்துவர்கள் உயிரிழப்பு - சுகாதார அதிகாரிகள் தகவல்

ராய்ட்டர்ஸின் செய்தி அறிக்கையின்படி, காஸாவில் இஸ்ரேல் புதன்கிழமை நடத்திய தாக்குதலில் மூன்று பாலஸ்தீனிய மருத்துவர்கள் கொல்லப்பட்டதாக செஞ்சிலுவைச் சங்கமும் இரண்டு சாட்சிகளும் தெரிவித்தனர்.

மின்சாரம், உணவு, எரிபொருள் விநியோகத்தை துண்டிக்க இஸ்ரேல் உத்தரவு; இருட்டில் மூழ்கிய காசா

இஸ்ரேலியத் தாக்குதல்களைக் கருத்தில் கொண்டு எல்லைகள் மூடி சீல் வைக்கப்பட்ட காசா பகுதியில் பாலஸ்தீனியர்கள் பாதுகாப்பைக் காண துடித்ததால், சில மணிநேரங்களில் மின்தடை ஏற்படும் என்று எதிர்பார்க்கப்படுகிறது, இது சனிக்கிழமையன்று இஸ்ரேலிய சுற்றுப்புறங்களில் ஹமாஸ் தாக்குதல்களால் தூண்டப்பட்ட போரின் துயரத்தை மேலும் மோசமாக்கியது புதன்கிழமை பிற்பகலில் அதன் ஒரேயொரு மின்நிலையத்தில் எரிபொருள் தீர்ந்துவிடும், இதனால் அந்த பகுதி மின்சாரம் இல்லாமல் போய்விடும் என்று காஸாவின் மின் அதிகாரம் கூறுகிறது. ஹமாஸ் தாக்குதலுக்குப் பிறகு, இஸ்ரேல் எல்லைக்குள் உணவு, தண்ணீர், எரிபொருள் மற்றும் மருந்து நுழைவதை நிறுத்தியது - 2.3 மில்லியன் பாலஸ்தீனியர்கள் வசிக்கும் இஸ்ரேல், எகிப்து மற்றும் மத்தியதரைக் கடல் ஆகியவற்றுக்கு இடையே 40 கிலோமீட்டர் நீளமுள்ள நிலப்பரப்பு ஆகும்.

ஹமாஸ் தாக்குதலுக்குப் பிறகு, இஸ்ரேலுக்கு அசைக்க முடியாத ஆதரவு - ஜோ பைடன் உறுதி

இஸ்ரேலுக்குள் ஹமாஸ் கொடியா தாக்குதல் நடத்தியதைத் தொடர்ந்து, அதிபர் ஜோ பைடன் நாட்டின் நெருங்கிய மத்திய கிழக்கு கூட்டாளிக்கு உறுதியான அசைக்க முடியாத ஆதரவை விரைவாக உறுதியளித்தார். இந்த உறுதிப்பாட்டின் ஒரு பகுதியாக, இஸ்ரேலுக்கு ஆண்டுதோறும் சுமார் ரூ.3 பில்லியன் இராணுவ உதவிகளை வழங்கும் வாஷிங்டன், பாலஸ்தீனிய ஆயுதக்குழு சனிக்கிழமை தாக்குதல்  நடத்தியதைத் தொடர்ந்து, இஸ்ரேலுக்கு அருகாமையில் ராணுவக் கப்பல்கள் மற்றும் விமானங்களை நிலைநிறுத்தத் தொடங்கியுள்ளது.

அ.தி.மு.க ஆட்சியில் அரசுப்பள்ளி மாணவர்களுக்கு நீட், ஜே.இ.இ தேர்வு பயிற்சி குறித்து சி.ஏ.ஜி அறிக்கை 

சி.ஏ.ஜி. அறிக்கை: “அ.தி.மு.க ஆட்சியில் அரசுப்பள்ளி மாணவர்கள் NEET, JEE ஆகிய போட்டித்தேர்வுகளை எதிர்கொள்ள வழங்கப்பட்ட பயிற்சிகள் எந்த தாக்கத்தையும் ஏற்படுத்தவில்லை; இதில் ரூ. 4.27 கோடி செலவினத்தை தவிர்த்திருக்கலாம். 385 பயிற்சி மையங்களுக்கு தலா ரூ. 55,000 செலவில் வாங்கப்பட்ட டிஷ் ஆண்டனாக்கள் 2018, 19 ஆகிய ஆண்டுகளில் 103 நாட்கள் மட்டுமே பயன்படுத்தப்பட்டுள்ளது. ரூ.3.18 கோடி மதிப்பில் மாணவர்களுக்கு வழங்கிய வழிகாட்டி புத்தகமும் பயன்படுத்தாததால், ரூ. 2.15 கோடி செலவில் வழிகாட்டி புத்தகங்கள் மறுகொள்முதல் செய்யப்பட்டதாகவும் தெரிவிக்கப்பட்டுள்ளது.

இஸ்ரேல் குண்டு வீச்சில் ஐ.நா ஊழியர்கள் 9 பேர் பலி

இஸ்ரேல் குண்டு வீச்சில் ஐ.நா ஊழியர்கள் 9 பேர் கொல்லப்பட்டுள்ளனர்.

லெபனான் எல்லையில் இருந்து இஸ்ரேல் மீது ஏவுகணை

லெபனான் போராளிக் குழுவான ஹிஸ்புல்லா, வடக்கு எல்லை நகரமான அரம்ஷாவில் உள்ள இஸ்ரேலிய இராணுவ நிலையின் மீது ஏவுகணைகளை தாக்குதல் நடத்தியது. இந்த தாக்குதல் "பலர் காயமடைந்துள்ளதாகவும், சில வீரர்கள் கொல்லப்பட்டதாகவும் தகவல் வெளியாகியுள்ளது.

கடத்தல் ரேஷன் அரிசி பறிமுதல் : ரைஸ்மில் உரிமையாளர் கைது

மதுரை அனுப்பானடியில் உள்ள கதிர்வேல் என்பவரது ரைஸ்மில் அருகே உணவுப்பொருள் கடத்தல் தடுப்பு பிரிவு காவல்துறையினர் நடத்திய சோதனையில் லாரி மூலமாக கடத்த இருந்த 16,000 கிலோ ரேஷன் அரிசி பறிமுதல் செய்யப்பட்டது.  ரேஷன் அரிசியை பதுக்கி வைத்திருந்த மில் உரிமையாளர் கதிர்வேல் (43), லாரி உரிமையாளர் முத்துராஜா(32) மற்றும் மணிகண்டன் ஆகிய மூவர் கைது செய்யப்பட்டுள்ளனர்

காவிரி நீர் விவகாரம் : ஒருங்காற்று குழு கர்நாடக அரசுக்கு பரிந்துரை

வரும் 16-ந் தேதி முதல் முதல் 31-ந் தேதி வரை கர்நாடகாவில் இருந்து காவிரியில், தமிழகத்திற்கு வினாடிக்கு 3000 கன அடி தண்ணீர் திறக்க வேண்டும் என்று காவிரி ஒழுங்காற்று குழு கர்நாடக அரசுக்கு பரிந்துரை செய்துள்ளது.

இந்திய தூதரகம் அறிவுறுத்தல்

இஸ்ரேலில் உள்ள இந்தியர்களுக்கு 24 மணி நேர அவசரகால உதவிக்கு உதவி எண்கள் அறிவிப்பு இந்தியர்கள் தொடர்ந்து எச்சரிக்கையுடன் இருக்குமாறு, இஸ்ரேலில் உள்ள இந்திய தூதரகம் அறிவுறுத்தல் 972-35226748, 972-543278392 உள்ளிட்ட எண்களை தொடர்பு கொள்ள இந்திய தூதரகம் அறிவுறுத்தல்

இஸ்ரேல் பிரதமருக்கு துருக்கி அமைச்சர் எச்சரிக்கை

இஸ்ரேல் படைகளின் தாக்குதலை தொடர்ந்து நீங்கள் சாவீர்கள் என இஸ்ரேல் பிரதமர் நெதன்யாகுவுக்கு, துருக்கி அமைச்சர் நாசிஃப் இல்மாஸ் எச்சரிக்கை விடுத்துள்ளார்.

அமைச்சர் செந்தில் பாலாஜி வழக்கு : அமலாக்கத்துறைக்கு புதிய உத்தரவு

அமைச்சர் செந்தில் பாலாஜி ஜாமின் கோரிய வழக்கில் பதில் மனு தாக்கல் செய்ய அமலாக்கத்துறைக்கு சென்னை உயர் நீதிமன்றம் உத்தரவு

லியோ’ படத்தின் சிறப்பு காட்சிகளுக்கு தமிழ்நாடு அரசு அனுமதி

நடிகர் விஜயியின் லியோ படம் வெளியாகும் நாளில் கூடுதலாக 2 சிறப்பு காட்சிகளும், அடுத்த 5 நாட்களுக்கு கூடுதலாக ஒரு காட்சியும் திரையிட தயாரிப்பு நிறுவனம் அனுமதி கோரியிருந்தது படம் வெளியாகும் 19ம் தேதியில் இருந்து 24ம் தேதி வரை ஒரு நாளுக்கு 5 காட்சிகள் திரையிட அனுமதி அளிக்கப்பட்டுள்ளது

சட்டப்பேரவை ஒத்திவைப்பு

தமிழக சட்டப்பேரவை தேதி குறிப்பிடாமல் ஒத்திவைப்பு சட்டப்பேரவை சபாநாயகர் அப்பாவு அறிவிப்பு

காவிரி நீர் ஒழுங்காற்று கூட்டம் தொடக்கம்

காவிரி நீர் ஒழுங்காற்று குழுவின் 88-வது கூட்டம் வினீத் குப்தா தலைமையில் தொடக்கம்; தமிழ்நாடு, கர்நாடகா, கேரளா, புதுச்சேரி மாநில நீர்வளத்துறை அதிகாரிகள் பங்கேற்பு.

சட்ட முன்வடிவு அறிமுகம்

 சட்டப்பேரவையில் மயிலாடுதுறை மாவட்டத்தை, பாதுகாக்கப்பட்ட வேளாண் மண்டலமாக சேர்த்துக் கொள்வதற்கான சட்ட முன்வடிவு அறிமுகம்.

 இன்று கனமழைக்கு வாய்ப்பு

தமிழ்நாடு பகுதிகளின் மேல்  நிலவும் வளிமண்டல கீழடுக்கு சுழற்சி காரணமாக கோவை, நீலகிரி, ஈரோடு, கிருஷ்ணகிரி, திருப்பூர், திண்டுக்கல், தேனி, மதுரை, விருதுநகர், சிவகங்கை, புதுக்கோட்டை, திருச்சி மற்றும் தஞ்சை ஆகிய மாவட்டங்களில்  இன்று கனமழைக்கு வாய்ப்பு- சென்னை வானிலை ஆய்வு மையம் தகவல்.

கோடநாடு விசாரணையின் முன்னேற்றம் குறித்து நீதிமன்றத்தில் தாக்கல் செய்யப்பட்டுள்ளது: முதல்வர் பதில்

 "90 நாட்களில் குற்றவாளிகளை பிடிப்போம் என என்றீர்கள்;2.5 வருடம் ஆகிவிட்டது, முதலமைச்சர் சொல்லாததை செய்பவர் என்றார்கள், சொன்னதை ஏன் செய்யவில்லை?"- அதிமுக எம்எல்ஏ வைத்திலிங்கம் கேள்வி . "கோடநாடு விசாரணையின் முன்னேற்றம் குறித்து நீதிமன்றத்தில் தாக்கல் செய்யப்பட்டுள்ளது; யார் தவறு செய்திருந்தாலும், எப்படிப்பட்ட இடத்திலிருந்தாலும் தண்டிக்கப்படுவார்கள்"- முதலமைச்சர் மு.க.ஸ்டாலின் பதில்.

 அவை மரபை சபாநாயகர் கடைபிடிக்கவில்லை- இ.பி.எஸ்

"எதிர்க்கட்சி துணைத்தலைவர் இருக்கை விவகாரம் தொடர்பாக, பல முறை பேரவை தலைவரிடம் கடிதம் அளித்தும், அதற்கு தீர்வு காணப்படவில்லை; அவை மரபை சபாநாயகர் கடைபிடிக்கவில்லை; துறைரீதியான கேள்விக்கு அமைச்சர் பதிலளிப்பதில்லை, சபாநாயகர் தான் பதிலளிக்கிறார்; நீக்கப்பட்ட 3 பேரையும் எந்த கட்சியும் சாராதவர் என அறிவிக்க வேண்டும்; விவசாயிகளுக்கு நன்மை செய்ய வேண்டும் என்ற எண்ணமே திமுகவிற்கு இல்லை" - சட்டபேரவை வளாகத்தில் எதிர்க்கட்சித் தலைவர் எடப்பாடி பழனிசாமி பேட்டி

 அ.தி.மு.க உறுப்பினர்கள் வெளியேற்றம்

எதிர்க்கட்சி துணைத் தலைவர் இருக்கை விவகாரத்தை கண்டித்து சட்டப்பேரவையில் அ.தி.மு.கவினர் கடும் அமளி. சபாநாயகர் உத்தரவின் பேரில் பேரவையிலிருந்து அ.தி.மு.க உறுப்பினர்கள் வெளியேற்றம். 

நிறுத்தப்பட்ட வழித்தடங்களில் விரைவில் பேருந்துகள் இயக்கம்

நிறுத்தப்பட்ட வழித்தடங்களில் ஓட்டுநர், நடத்துநர்களை நியமித்த பிறகு மீண்டும் பேருந்துகளை இயக்க நடவடிக்கை. ஓட்டுநர், நடத்துநர் இல்லாத காரணத்திற்காகவே பேருந்துகள் நிறுத்தப்பட்டன. கொரோனா காலத்தில் நிறுத்தப்பட்ட பேருந்துகளை இயக்க வேண்டும் என வேடச்சந்தூர் எம்.எல்.ஏ காந்தி ராஜன் எழுப்பிய கேள்விக்கு போக்குவரத்துத் துறை அமைச்சர் சிவசங்கர் பதில் 

தஞ்சை வேளாண்மை கல்லூரிக்கு டாக்டர் எம்.எஸ்.சுவாமிநாதன் பெயர் 

தஞ்சாவூர் மாவட்டம் ஈச்சங்கோட்டையில் உள்ள வேளாண்மை கல்லூரி இனி டாக்டர் எம்.எஸ்.சுவாமிநாதன் வேளாண்மை கல்லூரி என்றழைக்கப்படும். டாக்டர் எம்.எஸ்.சுவாமிநாதன் பெயரில் ஆண்டு தோறும் விருது வழங்கப்படும். சட்டப்பேரவையில் 110 விதியின் கீழ் முதலமைச்சர் ஸ்டாலின் உரை

சுங்கச்சாவடிகள் தேவையில்லை-  எ.வ.வேலு

7 மீட்டர் கொண்ட மாநில சாலையை, 10 மீட்டராக்கி தேசிய நெடுஞ்சாலையாக மாற்றுகின்றனர், அதில் டோல்கேட் அமைக்கின்றனர். டோல்கேட்கள் கூடாது என மத்திய அரசுக்கு நாங்கள் தொடர்ந்து கடிதம் எழுதி வருகிறோம். மாநில நெடுஞ்சாலைகள் 4 வழிச்சாலைகளாக மாற்றப்பட்டாலும், டோல்கேட் அமைப்பதில்லை - அமைச்சர் எ.வ.வேலு

5 மாவட்ட மக்களுக்கு வெள்ள அபாய எச்சரிக்கை

கிருஷ்ணகிரி கே.ஆர்.பி. அணையின் நீர்மட்டம் 50 அடியை எட்டியுள்ள நிலையில் 5 மாவட்ட மக்களுக்கு வெள்ள அபாய எச்சரிக்கை. கிருஷ்ணகிரி, தர்மபுரி, திருவண்ணாமலை, விழுப்புரம் மற்றும் கடலூர் மாவட்டங்களுக்கு எச்சரிக்கை. அணையில் இருந்து 1,176 கன அடி நீர் வெளியேற்றம்

தென்பெண்ணை ஆற்றங்கரையோர மக்களுக்கு வெள்ள அபாய எச்சரிக்கை. கரையோரம் உள்ள மக்கள் பாதுகாப்பாக இருக்கவும் ஆற்றின் கரையை கடக்க வேண்டாம் என்றும் அறிவுறுத்தல்

காவிரி விவகாரம்: தமிழக பாஜக உண்ணாவிரத போராட்டம் 

காவிரி விவகாரம் தொடர்பாக வரும் 16-ம் தேதி தமிழக பாஜக சார்பில் உண்ணாவிரத போராட்டம் அறிவிப்பு

கும்பகோணத்தில் உண்ணாவிரத போராட்டம் - அண்ணாமலை அறிவிப்பு

பாஜக மாநில பொதுச் செயலாளர் கருப்பு முருகானந்தம்  தலைமையில் அடையாள உண்ணாவிரத போராட்டம்

ஒகேனக்கல் காவிரி ஆறு- நீர்வரத்து 10,000 கன அடியாக உயர்வு 

ஒகேனக்கல் காவிரி ஆற்றில் நீர்வரத்து 10,000 கன அடியாக அதிகரிப்பு. இன்று காலை 6,500 கன அடியாக இருந்த நிலையில், தற்போது 10,000 கன அடியாக உயர்வு. காவிரி நீர்பிடிப்பு பகுதிகளில் கனமழை பெய்து வருவதால், நீர்வரத்து மேலும் அதிகரிக்கும். 

கொடிவேரி அணையில் இருந்து பெருந்துறைக்கு 27 எம்எல்டி நீர்

ரூ.286 கோடியில் கொடிவேரி அணையில் இருந்து பெருந்துறைக்கு 27 எம்எல்டி நீர் வழங்கப்படுகிறது, அதை அதிகப்படுத்த நடவடிக்கைகள் எடுத்து வருகிறோம் - சட்டப்பேரவையில் அதிமுக எம்எல்ஏ பெருந்துறை ஜெயகுமார் கேள்விக்கு அமைச்சர் கே.என்.நேரு பதில்

அத்திக்கடவு அவிநாசி திட்டம்

அத்திக்கடவு அவிநாசி திட்டத்தில் விடுபட்ட பகுதிகளில் ஆய்வு மேற்கொள்ளப்பட்டு, நிதி ஒதுக்கீடு செய்யப்பட்டுள்ளது. விரைவில் பணிகள் மேற்கொள்ளப்படும்- சட்டப்பேரவையில் அமைச்சர் துரைமுருகன்

சட்டமன்றக் கூட்டத்தொடர் தொடங்கியது

சட்டமன்றக் கூட்டத்தொடர் 3-வது நாளாக தொடங்கியது; உறுப்பினர்களின் கேள்விகளுக்கு அமைச்சர்கள் பதில்

ஐசிசி உலகக் கோப்பை கிரிக்கெட்- இந்தியா, ஆப்கானிஸ்தான் அணிகள் இன்று மோதல்

ஐசிசி உலகக் கோப்பை கிரிக்கெட் தொடரின் இன்று நடைபெறும் 9 ஆவது லீக் ஆட்டத்தில் இந்தியா, ஆப்கானிஸ்தான் அணிகள் மோதுகின்றன. இந்த போட்டி டெல்லி அருண் ஜெட்லி கிரிக்கெட் மைதானத்தில் மதியம் 2 மணிக்கு தொடங்குகிறது.

மதுரையில் என்.ஐ.ஏ அதிகாரிகள் சோதனை

ஐதராபாத் குண்டுவெடிப்பு சம்பவம் தொடர்பாக மதுரை காஜிமார் தெரு பகுதியை சேர்ந்த முகமது தாஜூதீன் அஜமல் என்பவரது வீட்டில் என்.ஐ.ஏ அதிகாரிகள் சோதனை நடத்துகின்றனர். அவர் வீட்டில் இல்லாததால், அவரது குடும்பத்தினரிம் என்ஐஏ அதிகாரிகள் விசாரணை நடத்துகின்றனர்.

ஒகேனக்கல் காவிரி ஆற்றில் நீர்வரத்து அதிகரிப்பு

காவிரி நீர் பிடிப்பு பகுதியில் தொடர்ந்து கனமழை பெய்து வருவதால், ஒகேனக்கல் காவிரி ஆற்றில் நேற்று மாலை விநாடிக்கு 2,000 கனஅடியாக இருந்த நீர்வரத்து இன்று காலை விநாடிக்கு 6,500 அதிகரித்துள்ளது.

டெல்டா மாவட்டங்களில் இன்று கடையடைப்பு போராட்டம்

காவிரியில் தண்ணீர் திறக்க வலியுறுத்தி, மத்திய அரசு மற்றும் கர்நாடகாவை கண்டித்து, டெல்டா மாவட்டங்களில் இன்று கடையடைப்பு போராட்டம் நடைபெற்று வருகிறது. தஞ்சை மாவட்டத்தில் 10,000 கடைகளும், திருவாரூர் மாவட்டத்தில் 30000 கடைகளும் அடைக்கப்பட்டுள்ளன. பேருந்துகள் வழக்கம் போல் இயங்கும் என அரசு போக்குவரத்துக் கழகம் அறிவித்துள்ளது.

காவிரி நீர் ஒழுங்காற்றுக் குழு கூட்டம் இன்று கூடுகிறது

காவிரி நீர் ஒழுங்காற்றுக் குழு கூட்டம் டெல்லியில் இன்று அவசரமாக கூடுகிறது. இதில் 15 நாட்களுக்கு வினாடிக்கு 13 ஆயிரம கன அடி நீர் திறக்கும்படி தமிழ்நாடு அரசு கோரிக்கை வைக்க உள்ளது.

ஆப்கானிஸ்தான் நிலநடுக்கம்

ஆப்கானிஸ்தானில் ஏற்பட்ட நிலநடுக்கத்தில் உயிரிழந்தோர் எண்ணிக்கை 4 ஆயிரமாக உயர்ந்துள்ளது. தேசிய மற்றும் வெளிநாடுகளைச் சேர்ந்த 35 குழுக்கள் தேடுதல் மற்றும் மீட்பு பணிகளில் ஈடுபட்டுள்ளனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“