News Highlights: தமிழகத்தில் இன்று முதல் ஆம்னி பஸ்கள் இயக்கம்!

'MBBS- BDS -மருத்துவ மேற்படிப்பில் BC-MBC மாணவர்களுக்கு 50% இட ஒதுக்கீட்டை இந்த ஆண்டே அமல்படுத்த வேண்டும் என்று தமிழக அரசு வலியுறுத்தவில்லை.' அடிமைகளின் துரோகத்தை உச்ச நீதிமன்றத்தில் இப்படி அம்பலப்படுத்தியுள்ளார் மத்திய அரசின் Solicitor General துஷார் மேத்தா. 1/2

— Udhay (@Udhaystalin) October 14, 2020

அடிக்கும் கொள்ளைக்கு சிக்கல் வரக்கூடாது என பாஜகவுக்கு சேவகம் செய்யும் அடிமை அதிமுகவின் இட ஒதுக்கீட்டு வேஷம் கலைந்தது. மருத்துவ இட ஒதுக்கீடு, அண்ணா பல்கலைக்கழக இட ஒதுக்கீடு என எல்லாவற்றையும் சிக்கலில் தள்ளி சமூகநீதிக்கு சவக்குழி பறிக்கும் அதிமுக-பாஜக துரோகத்தை தமிழகம் மன்னிக்காது.

— Udhay (@Udhaystalin) October 14, 2020

கர்நாடக நிலப்பரப்பில் நிலைகொண்டுள்ள காற்றழுத்த தாழ்வு மண்டலம் காரணமாக, தமிழகத்தில் அடுத்த 48 மணி நேரத்திற்குள் தேனி, திருநெல்வேலி, தென்காசி, கன்னியாகுமரி, விருதுநகர், ராமநாதபுரம், தூத்துக்குடி ஆகிய மாவட்டங்களுக்குட்பட்ட ஒருசில பகுதிகளில் மழை பெய்யக்கூடும் என்று சென்னை வானிலை ஆய்வு மையம் கூறியுள்ளது. கேரளா, கர்நாடகா கடலோர பகுதிகளுக்கு நாளை வரை மீனவர்கள் செல்லவேண்டாம் என்று கேட்டுக்கொள்ளப்பட்டுள்ளனர்.

தமிழகத்தில் நாளை மறுநாள் முதல் ஆம்னி பேருந்துகள் இயக்கப்படும் என்று ஆம்னி பேருந்து உரிமையாளர்கள் சங்கம் அறிவிப்பு

விஜய் சேதுபதி, முத்தையா முரளிதரனாக நடிக்கும் ‘800’  திரைப்படம், முரளிதரன் கிரிக்கெட் உலகில் எப்படி ஆளுமையாக உருவெடுத்தார் என்பது குறித்து மட்டும் பேசும் என்றும், அவரின் அரசியல் நிலைப்பாட்டை கூறாது என்றும் டார் மோஷன் பிக்சர்ஸ் தெரிவித்தது.  இலங்கைத் தமிழர்களின் போராட்டங்களை குறைத்து மதிப்பிடும் வகையில் படக்காட்சிகள் இருக்காது என்றும் உறுதி அளித்தது.     

"குட்கா வழக்கிற்குப் பயந்தோ அல்லது நெடுஞ்சாலைத்துறை ஊழல் வழக்கிற்கு அஞ்சியோ மத்திய அரசின் கமிட்டிக் கூட்டத்தில் இடஒதுக்கீடு கோரிக்கையை வலியுறுத்தாமல் தமிழக மாணவர்களுக்கு துரோகம் செய்திருக்கிறது அதிமுக அரசு"

- கழக தலைவர் @mkstalin அவர்கள் குற்றச்சாட்டு.#MKStalin4TN pic.twitter.com/CbdgfEWr3c

— DMK (@arivalayam) October 14, 2020

மாநிலங்களுக்கு கற்பித்தல்-கற்றல் மற்றும் முடிவுகளை வலுப்படுத்தும் (ஸ்டார்ஸ்) திட்டத்தை ரூ.5718 கோடி செலவில்அமல்படுத்துவதற்கு மத்திய அமைச்சரவை ஒப்புதல் அளித்துள்ளது. இந்த நிதியில் ரூ.3700 கோடி அளவுக்கு உலக வங்கி நிதியுதவி அளிக்கிறது.

ஸ்டார் திட்டம், கல்வித்துறை அமைச்சகத்தின், பள்ளி கல்வித்துறையின் கீழ் மத்திய அரசின் புதிய திட்டமாக அமல்படுத்தப்படும். இந்த ஸ்டார்ஸ் திட்டம், மாநிலங்களில் கல்வி தொடர்பான சீர்திருத்தங்கள் மற்றும் வேலை வாய்ப்புக்கான படிப்புகளை உருவாக்குவதற்கு உதவும் என்றும் தெரிவிக்கப்பட்டுள்ளது.

தமிழகத்தில், கடந்த 24 மணி நேரத்தில் புதிதாக 4,462 பேருக்கு கொரோனா தொற்று உறுதி செய்யப்பட்டுள்ளது. இதன் மூலம் மாநிலத்தில் இதுவரை கொரோனா வைரஸ் தொற்றால் பாதிக்கப்பட்டவர்களின் மொத்த எண்ணிக்கை 6,70,392 ஆக அதிகரித்துள்ளது.

உயிரிழப்பு விவரம்: தமிழகத்தில் கொரோனா வைரஸ் பாதிப்பால் இன்று ஒரே நாளில் தனியார் மருத்துவமனைகளில் 21, அரசு மருத்துவமனைகளில் 31 என மொத்தம் 52 பேர் உயிரிழந்தனர். மாநிலத்தில் இதுவரை கொரோனா தொற்றால் உயிரிழந்தோரின் மொத்த எண்ணிக்கை 10,423-ஆக அதிகரித்துள்ளது.

வங்கி அதிகாரிகளுக்கான தேர்வில் எஸ்சி, எஸ்டி, ஓபிசி பிரிவினருக்கு இடஒதுக்கீட்டின் அளவைக் குறைத்து முன்னேறிய பிரிவினருக்கு 10 சதவீத இடஒதுக்கீடு வழங்கப்பட்ட செயல் கண்டத்துக்குரியது . எஸ்சி, எஸ்டி, ஓபிசி இடஒதுக்கீட்டு உரிமையில் பாஜக அரசு கைவைத்தால் நாடு தழுவிய மிகப்பெரிய போராட்டங்களை சந்திக்க நேரிடும் என்று தொல். திருமாவளவன் தெரிவித்தார். 

பண்டிகைக்கால கூட்ட நெரிசலை சமாளிக்க 196 சிறப்பு ரயில்களை இயக்க ரயில்வே அமைச்சகம் ஒப்புதல் அளித்துள்ளது. சிறப்பு ரயில்கள் இம்மாதம் 20-ஆம் தேதியிலிருந்து அடுத்த மாதம் 30-ஆம் தேதி வரை இயக்கப்பட உள்ளன. ரயில்களுக்கான கட்டணம், சிறப்பு ரயில்களுக்கான கட்டணத்தோடு பொருந்துவதாக இருக்கும்.
ரயில்களின் கால அட்டவணையை மண்டல ரயில்வே அலுவலகங்கள், முன்கூட்டியே அறிவிக்கும் என்று ரயில்வே அமைச்சகம் தெரிவித்துள்ளது.

மனவளர்ச்சி குன்றியோரை அவமானப்படுத்தும் வகையில் கருத்து தெரிவித்ததாக குஷ்பு மீது காவல்நிலையத்தில்  புகார் பதிவு செய்யப்பட்டுள்ளது.

#Cabinet approves demerger of Nagarnar Steel Plant from National Minerals Development Corporation Ltd. and strategic disinvestment of the demerged company by selling entire Government of India stake in it to a strategic buyer.

— PIB in Tamil Nadu 🇮🇳 (@pibchennai) October 14, 2020

தேசிய கனிம வளர்ச்சி நிறுவனத்திலிருந்து, நகர்நர் எஃகு ஆலையை பிரித்து, அந்த நிறுவனத்தில் மத்திய அரசின் முழு பங்குகளை விற்பதற்கு மத்திய அமைச்சரவை ஒப்புதல் வழங்கியுள்ளது.

பண்டிகை காலங்களில் மக்கள் கவனமுடன் இருக்க வேண்டும். முக கவசம் அணிவது,சமூக இடைவெளி பின்பற்றுவது, கிருமி நாசினி கொண்டு கைகளை சுத்தப்படுத்துவது என விழிப்புணர்வுடன் இருக்க வேண்டும் என்று அமைச்சர் கே.பி உதயகுமார் தெரிவித்தார்.  

"விவசாயிகள் கொண்டுவரும் நெல்லை எவ்வித உச்சவரம்பும் இன்றி கொள்முதல் செய்ய வேண்டும்;  அதிக எண்ணிக்கையிலான நேரடி கொள்முதல் நிலையங்களை திறக்க வேண்டும்; ஒரு குவிண்டால் நெல்லுக்கு குறைந்தபட்ச ஆதாரவிலை ரூ.3000 என உயர்த்த வேண்டும்" என்று திமுக தலைவர் ஸ்டாலின் தெரிவித்தார். 

”பொதுமுடக்க காலத்தில் வசூலிக்கப்பட்ட வட்டிக்கு வட்டியை தள்ளுபடி செய்யும் முடிவை உடனே அமல்படுத்துக" என உச்சநீதிமன்றம் உத்தரவிட்டுள்ளது. 

தமிழகத்தில் பள்ளிகள் எப்போது திறக்க வாய்ப்பு உள்ளது? என நவம்பர் 11-ம் தேதிக்குள் பள்ளிக் கல்வித்துறை பதில் அளிக்க சென்னை உயர்நீதிமன்றம் உத்தரவிட்டுள்ளது. 

சென்னை பல்கலைக் கழகத்தின் இறுதி செமஸ்டர் தேர்வு முடிவுகள் இன்று மாலை 6 மணிக்கு வெளியிடப்படுகின்றன. 

தமிழக தலைமைச் செயலாளர் திரு. கே. சண்முகம் அவர்களின் பதவிக்காலம் மேலும் 3 மாதங்களுக்கு நீட்டிப்பு. 2021 ஜனவரி.31 ஆம் தேதி வரை நீட்டித்து தமிழக அரசு உத்தரவு.

— AIADMK (@AIADMKOfficial) October 14, 2020

அக். 21ல் கொங்கு மண்டல நிர்வாகிகளுடன் திமுக தலைவர் ஸ்டாலின் ஆலோசனை நடத்துகிறார். கரூர், நாமக்கல், சேலம், ஈரோடு, திருப்பூர், கோவை ஆகிய மாவட்டங்களைச் சேர்ந்த நிர்வாகிகளுக்கு அழைப்பு விடுக்கப்பட்டுள்ளது. 

குஷ்பு அரசியலில் சாதாரண நபர் அல்ல. ஆழ்ந்து சிந்திக்க கூடிய திறமை மிக்கவர் என பாஜக மூத்த தலைவர் பொன்.ராதாகிருஷ்ணன் தெரிவித்துள்ளார். 

முன்னாள் சட்டமன்ற உறுப்பினரும், அமமுக பொருளாளருமான வெற்றிவேல் கொரோனா பாதிப்பிற்கு சிகிச்சை பெற்றுவரும் நிலையில் தொடர்ந்து கவலைக்கிடம்

நடிகர் ரஜினிகாந்த்திற்குச் சொந்தமான சென்னை கோடம்பாக்கத்தில் உள்ள ராகவேந்திரா மண்டபம் கொரோனா காரணமாகப் பயன்படுத்தப்படாமல் இருந்தது. இதனால் வரி குறைப்புப் பெறுவதற்கு தனக்கு உரிமை இருப்பதாகச் சொத்து வரி குறித்து மாநகராட்சி நோட்டீஸ் அனுப்பியதற்குத் தடை விதிக்க வேண்டும் எனக் கோரிக்கை விடுத்திருந்தார். இதனை அடுத்து இந்த வழக்கு நீதிபதி அனிதா சுமந்த் முன்னிலையில் இன்று விசாரணைக்கு வந்தது. இந்நிலையில் சென்னை மாநகராட்சி நோட்டீஸூக்கு எதிராகத் தொடரப்பட்ட வழக்கைத் திரும்பப் பெறுவதாகச் சென்னை உயர்நீதிமன்றத்தில் நடிகர் ரஜினி தரப்பு தகவல் தெரிவித்திருக்கிறது.

அம்மா மக்கள் முன்னேற்றக் கழகத்தின் பொருளாளரான வெற்றிவேல், சளி, காய்ச்சல் காரணமாக கொரோனா பரிசோதனை எடுத்துக்கொண்டார். இதனை அடுத்துத் தோற்று உறுதி செய்யப்பட்டதால், கடந்த 6-ம் தேதி போரூரில் இருக்கும் தனியார் மருத்துவமனையில் சிகிச்சைக்காக அனுமதிக்கப்பட்டார். இந்நிலையில் திடீரென்று நேற்று வெற்றிவேலுக்கு மூச்சுத் திணறல் ஏற்பட்டிருக்கிறது.வென்ட்டிலேட்டர் உதவியுடன் சிகிச்சை பெற்றுவரும் அவருடைய உடல்நிலை சற்று கவலைக்கிடமாக உள்ளதாகத் தகவல் வெளியாகியுள்ளன.

பாஜக மாநில தலைவர் எல்.முருகன் இன்று செய்தியாளர்களைச் சந்தித்துப் பேசியபோது, வேளாண் சட்டத்தினால் விவசாயிகள் அனைவரும் மகிழ்ச்சியாக இருப்பதாகக் கூறியுள்ளார். மேலும், திமுக தேர்தல் அறிக்கை வரும் தேர்தலில் ஜீரோவாக இருக்கும் என்றும் பாஜக-வில் பலர் தொடர்ந்து இணைந்து வருவதாகவும் கூறினார்.