விமான நிலையத்தில் பாஜக-வுக்கு எதிராக கோஷம் எழுப்பிய தமிழிசை மகன்!

விமான நிலையத்தில் பாஜக-வுக்கு எதிராக கோஷம் எழுப்பிய தமிழிசை மகனால் சிறிது நேரம் அங்கு பரபரப்பு ஏற்பட்டது.

நேற்று சென்னை விமான நிலையத்தில் செய்தியாளர்களுக்கு பேட்டியளித்துக் கொண்டிருந்தார் பாஜக தமிழக தலைவர் தமிழிசை செளந்திரராஜன்.

அப்போது உடன் இருந்த அவரது மகன் சுகநாதன் பாஜக-வுக்கு எதிராக கோஷங்களை எழுப்பினார். உடனே அங்கிருந்த தமிழிசையின் பாதுகாவலர்கள், சுகந்தனை தடுத்து அங்கிருந்து அழைத்துச் சென்றனர்.

பின்னர் செய்தியாளர்களுக்கு பேட்டியளித்த தமிழிசை, குடும்பப் பிரச்னை காரணமாக தனது மகன் பாஜக-வுக்கு எதிராக கோஷம் எழுப்பியதாக விளக்கமளித்தார்.

பாஜகவுக்கு எதிராக கோஷம் எழுப்பிய தமிழிசை சௌந்தரராஜன் மகன். தடுத்து நிறுத்திய தமிழிசையின் பாதுகாவலர்கள்.#பாசிசபாஜகஒழிக pic.twitter.com/zyvm8LPWuD

— Contractor Rajasekar® (@KAG_SekarTwitz) 9 June 2019

தொடர்ந்து பேசிய அவர், அதிமுக தலைமை குறித்து ராஜன் செல்லப்பா பேசியது உட்கட்சி விவகாரம். இதைப் பற்றி நான் கருத்து கூறுவது சரியாக இருக்காது, என்றார்.

தமிழிசையின் மகன் பாஜக-வுக்கு எதிராக கோஷம் எழுப்பியது, பாஜக-வினரிடையே சலசலப்பை ஏற்படுத்தியுள்ளது.

தமிழிசை பேட்டி அளித்து கொண்டிருக்கும்போதே அவரது மகன் பாஜகவுக்கு எதிராக கோஷம்-செய்தி

வீட்டில் தாமரை மலர வைக்க முடியவில்லை இந்த லட்சணத்தில் இந்தி படிக்காததால் முன்னேறவில்லைன்னு கதை வேற

தூத்துக்குடியில் சோபியா மீது நடவடிக்கை எடுத்து போல உங்க மகன் மீது நடவடிக்கை உண்டா தமிழிசை மேடம்

— சுபாஷினி (@SubashiniBA) 9 June 2019

இதற்கிடையே அந்த வீடியோவை ட்விட்டரில் பகிர்ந்து, சோபியா போல், தற்போது உங்கள் மகன் மீது நடவடிக்கை எடுப்பீர்களா எனக் கேள்வி எழுப்பி வருகிறார்கள் நெட்டிசன்கள்.