Coimbatore, Madurai, Trichy News Live: பரமக்குடி-ராமநாதபுரம் 4 வழிச்சாலை அமைக்க மத்திய அமைச்சரவை ஒப்புதல்

இளைஞர் மரணம்- கைதான 5 போலீசாருக்கு 15 நாள் காவல்: திருப்புவனம் இளைஞர் மரண வழக்கில் கைதான 5 போலீசாரையும் 15 நாள் நீதிமன்ற காவலில் வைக்க நீதிபதி வெங்கடேஷ் பிரசாத் உத்தரவு பிறப்பித்துள்ளார். இதன்படி பிரபு, ஆனந்த், கண்ணன், ராஜா, சங்கரமணிகண்டன் ஆகியோர் சிறையில் அடைக்கப்பட்டனர். மரண வழக்கு தொடர்பாக, அதிகாலை 4 மணி வரை ஆவணங்கள் தயார் செய்யப்பட்டதாக கூறப்படுகிறது. பின்னர் 5 பேரையும் வேனில் ஏற்றி, திருப்புவனம் மாவட்ட உரிமையியல் நீதிமன்ற நீதிபதி வெங்கடேஷ் பிரசாத் முன் போலீசார் ஆஜர் செய்தனர். இதனையத்தொடர்ந்து 5 போலீசாரையும் 15 நாள் நீதிமன்ற காவலில் வைக்க நீதிபதி உத்தரவிட்டார்.

Jul 01, 2025 16:01 IST
பரமக்குடி - ராமநாதபுரம் 4 வழிச்சாலை அமைக்க ஒப்புதல்
NH-87ல் பரமக்குடி-ராமநாதபுரம் இடையே 46.7 கி.மீ. தூரத்திற்கு ரூ.1,853 கோடி மதிப்பீட்டில் 4 வழிச்சாலை அமைக்க மத்திய அமைச்சரவை ஒப்புதல் அளித்துள்ளது. ராமநாதபுரம்-தனுஷ்கோடி சாலையை 4 வழிச்சாலையாக மாற்ற திட்ட அறிக்கை தயாரிக்கப்படுவதாகவும் தெரிவிக்கப்பட்டுள்ளது.



Jul 01, 2025 15:32 IST
அஜித்குமார் மரண வழக்கு - விசாரணை மீண்டும் தொடக்கம்
இளைஞர் அஜித்குமார் உயிரிழந்த வழக்கு பற்றிய விசாரணை சென்னை உயர் நீதிமன்ற மதுரை கிளையில் மீண்டும் தொடங்கியுள்ளது. உடற்கூறாய்வு அறிக்கை கோர்ட்டில் தாக்கல் செய்யப்பட்டு உள்ளது. இதனை மதுரை அரசு ராஜாஜி மருத்துவமனையின் முதல்வர் அருள் சுந்தரேஷ்குமார் தாக்கல் செய்துள்ளார்.
 



Advertisment
Jul 01, 2025 15:31 IST
சிவகங்கை: மடப்புரம் கோவில் பகுதியில் மீண்டும் திருட்டு
ஆட்டோவில் வைத்திருந்த ஆவணம், பணம் உள்ளிட்டவற்றை வைத்திருந்த பைகள் திருடப்பட்டு உள்ளன. இதுபற்றி புகார் அளிக்கப்பட்டது. இன்று மட்டும் 3 திருட்டு சம்பவங்கள் நடந்துள்ளன. சிவகங்கை மடப்புரம் கோவில் காவலாளி அஜித்குமார் விசாரணையின்போது உயிரிழந்த விவகாரம் அதிர்ச்சி ஏற்படுத்தி உள்ள நிலையில், அடுத்தடுத்து திருட்டு பற்றிய சம்பவங்கள் வெளிவந்துள்ளன.



Jul 01, 2025 14:58 IST
கனிம வளங்கள் நம் நாட்டின் சொத்து: ஐகோர்ட் கிளை
திண்டுக்கல் மாவட்டத்தில் சட்டவிரோத மணல் குவாரிகள் மீது நடவடிக்கை எடுக்கக் கோரி வழக்கு தொடரப்பட்டது. இந்த வழக்கில் சட்டவிரோத குவாரிகளை பூட்டி உடனடியாக சீல் வைத்து நடவடிக்கை எடுக்க ஐகோர்ட் கிளை உத்தரவிட்டுள்ளது. கனிம வளங்கள் நம் நாட்டின் சொத்து, அதை பாதுகாப்பது ஒவ்வொரு அதிகாரிகளின் கடமை என்றும் ஐகோர்ட் கிளை குறிப்பிட்டுள்ளது.



Advertisment
Advertisements
Jul 01, 2025 14:58 IST
அஜித் மரண வழக்கில் சம்பந்தப்பட்டவர்கள் மீது நடவடிக்கை: ரகுபதி
இளைஞர் அஜித் மரண வழக்கில் சம்பந்தப்பட்டவர்கள் மீது நடவடிக்கை எடுக்கப்படும் என்று அமைச்சர் ரகுபதி தெரிவித்துள்ளார். யாரையும் காப்பாற்ற வேண்டிய அவசியம் அரசுக்கு இல்லை என்றும் அஜித் மரண வழக்கிலும் தவறு செய்தவர்களுக்கு தண்டனை பெற்றுத் தரப்படும் என்றும் அமைச்சர் ரகுபதி தெரிவித்துள்ளார்.



Jul 01, 2025 14:54 IST
சிவகங்கை இளைஞர் மரணம் - டி.எஸ்.பி. பணியிடை நீக்கம்
போலீசார் விசாரணையில் இளைஞர் அஜித் குமார் உயிரிழந்த விவகாரம் குறித்து மானாமதுரை டி.எஸ்.பி. சண்முகசுந்தரம் பணியிடை நீக்கம் செய்துள்ளனர். 



Jul 01, 2025 14:29 IST
சிங்கம்புணரியில் காருக்குள் மூச்சுத்திணறி மாணவன் உயிரிழந்த விவகாரத்தில் 3 பேர் கைது!!
சிங்கம்புணரியில் ஜெஸ்ரில் பள்ளியில் காருக்குள் மூச்சுத்திணறி 2ம் வகுப்பு மாணவன் உயிரிழந்த விவகாரத்தில் 3 பேர் கைது செய்யப்பட்டுள்ளனர். வழக்கமான பள்ளி வாகனத்தில் இல்லாமல் காரில் அழைத்துச்செல்லப்பட்ட 7 வயது சிறுவன் அஸ்வின், கீழே இறக்கிவிடாமல் காரின் உள்ளேயே வைத்து கதவை பூட்டிச் சென்றதால் மூச்சுத்திணறி உயிரிழந்தார். பள்ளி தாளாளரின் கணவர் சங்கர நாராயணன், அவரது மகன் மகேஷ் குமார், கார் ஓட்டுநர் ஜான் பீட்டர் கைது செய்யப்பட்டனர்.



Jul 01, 2025 14:11 IST
திருச்செந்தூர் முருகன் கோயில் குடமுழுக்கு நேரத்தை மாற்றக்கோரிய மனுவை தள்ளுபடி செய்தது உச்ச நீதிமன்றம்!!
திருச்செந்தூர் முருகன் கோயில் குடமுழுக்கு நேரத்தை மாற்றக்கோரி தொடரப்பட்ட மனுவை தள்ளுபடி செய்தது உச்ச நீதிமன்றம். இந்த விவகாரத்தில் நீதிமன்றம் முடிவு செய்ய முடியாது; நாங்கள் நிபுணர்கள் அல்ல; கோயில் அமைத்த நிபுணர் குழுதான் குடமுழுக்கு நேரத்தை முடிவு செய்துள்ளது என்று நீதிமன்றம் தெரிவித்துள்ளது. காலை 6-6.50 மணிக்குள் குடமுழுக்கிற்கு நேரம் குறிக்கப்பட்டுள்ள நிலையில் 12.05 – 12.47க்குள் நடத்தக்கோரி சிவராம சுப்ரமணிய சாஸ்திரி மேல்முறையீட்டு வழக்கு தொடர்ந்துள்ளார்.



Jul 01, 2025 14:02 IST
அஜித்குமார் லாக் அப் மரணம் வழக்கு: கடும் உத்தரவு பிறப்பிப்போம் - ஐகோர்ட் எச்சரிக்கை
சிவகங்கை இளைஞர் அஜித்குமார் போலீஸ் சித்ரவதை வழக்கை நீர்த்துப் போகச் செய்யும் வகையில் மாநில அரசு செயல்பட்டால் கடும் உத்தரவைப் பிறப்பிப்போம் என்று  உயர் நீதிமன்ற மதுரைக் கிளை நீதிபதிகள் தெரிவித்துள்ளனர்.



Jul 01, 2025 13:59 IST
அஜித்குமாரை கட்டிப்போட்டு போலீஸ் ரவுடி மாதிரி அடித்திருக்கிறார்கள் - எவிடென்ஸ் கதிர் ஆவேசம்
காவல்துறை வேனில் வந்த போலீசார் யாருமே யூனிபார்மில் இல்லை. அஜித்குமாரை கட்டிப்போட்டு ரவுடி மாதிரி அடித்து, மிளகாய் தூளை அள்ளிப் போட்டிருக்கிறார்கள்" என மனித உரிமை செயல்பாட்டாளர் எவிடென்ஸ் கதிர் பகீர் குற்றச்சாட்டை முன்வைத்துள்ளார். 
மனித உரிமைகள் செயல்பாட்டாளர் எவிடென்ஸ் கதிர், "காவல்துறை வேனில் வந்த போலீசார், சீருடை அணியாமல் சாதாரண உடையில் இருந்திருக்கிறார்கள். அவர்கள் அஜித்குமாரைக் கட்டிப்போட்டு, ரவுடிகள் போலத் தாக்கியுள்ளனர். இதெல்லாம் என்ன சிஸ்டம்? அஜித்குமாரை அடித்து கீழே தள்ளி செருப்புக் காலால் நெஞ்சை மிதித்துள்ளனர். வாயில் மிளகாய் தூளை அள்ளிப் போட்டிருக்கிறார்கள். இதை நேரில் பார்த்தவர்கள் சொல்கிறார்கள்" என்று ஆவேசமாகக் கூறினார்.



Jul 01, 2025 13:55 IST
அரசாங்கம் கொலை செய்தால் ஏன் கொலை வழக்காக பதிவு செய்வதில்லை -   எவிடென்ஸ் கதிர்  
வகங்கை இளைஞர் அஜித்குமார் போலீஸ் சித்ரவதை மரணம் தொடர்பாக கருத்து தெரிவித்துள்ள, மனித உரிமைகள் செயல்பாட்டாளர் எவிடென்ஸ் கதிர், “தனிநபர் கொலை செய்தால் கொலை வழக்காக பதிவு செய்கிறீர்கள், அரசாங்கம் கொலை செய்தால் ஏன் கொலை வழக்காக பதிவு செய்வதில்லை. உயர்நீதிமன்ற நீதிபதிகள் கன்காணிப்பில் சி.பி.ஐ விசாரணை தேவை” என தெரிவித்துள்ளார்.



Jul 01, 2025 13:13 IST
சிவகங்கை இளைஞர் அஜித்குமாரை போலீசார் பிரம்பால் தாக்கும் வீடியோ வெளியானது 
சிவகங்கை இளைஞர் அஜித் குமார் வலிப்பு ஏற்பட்டு உயிரிழந்ததாக FIR-ல் குறிப்பிடப்பட்டிருக்கும் நிலையில், அஜித் குமாரை போலீசார் பிரம்பால் தாக்கும் வீடியோ வெளியானது.



Jul 01, 2025 12:33 IST
பிரேத பரிசோதனை அறிக்கையை அளிக்காதது ஏன்? - ஐகோர்ட் கேள்வி
பிரேத பரிசோதனை அறிக்கையை நடுவண் நீதிமன்ற நீதிபதிக்கு ஏன் இன்னும் அளிக்கவில்லை?' யார் உத்தரவின் பேரில் சிறப்பு புலனாய்வு குழு விசாரணை செய்தது என டி.ஜி.பி பதிலளிக்க வேண்டும். சிவகங்கை மாவட்ட எஸ்பியை ஏன் இடமாற்றம் செய்தீர்கள்? சஸ்பெண்ட் செய்திருக்க வேண்டும் என ஐகோர்ட் நீதிபதிகள் கேள்வி எழுப்பியுள்ளனர்



Jul 01, 2025 12:29 IST
சிவகங்கை இளைஞர் லாக் அப் மரணம்; முழுமையான விவரங்களை மறைக்கக் கூடாது  - ஐகோர்ட்
சிவகங்கை மாவட்டத்தைச் சேர்ந்த இளைஞர் ஒருவரின் மரணம் தொடர்பான வழக்கில், மதுரை உயர் நீதிமன்றக் கிளை, காவல் துறையின் செயல்பாடுகள் குறித்து அடுக்கடுக்கான கேள்விகளை எழுப்பியுள்ளது.
நீதிமன்றம் தனது கேள்விகளில், "நகை காணாமல் போன ஒரு வழக்கு யாருடைய உத்தரவின் பேரில் தனிப்படையிடம் ஒப்படைக்கப்பட்டது? உயர் அதிகாரிகளைக் காப்பாற்ற முழுமையான விவரங்களை மறைக்கக் கூடாது" என்று வலியுறுத்தியுள்ளது. மேலும், "காவல் நிலையங்களில் சிசிடிவி கேமராக்கள் முறையாக வேலை செய்கின்றனவா?" என்றும் கேள்வி எழுப்பியுள்ளது. திருட்டு வழக்கில் ஒருவர் விசாரணை என்ற பெயரில் அடித்துக் கொல்லப்பட்டிருக்கிறார்; புலனாய்வு செய்வதற்கே காவல்துறை; அடிப்பதற்கு காவல்துறை எதற்கு? - உயர் நீதிமன்றம் மதுரைக்கிளை
இந்த வழக்கில், "திருட்டு வழக்கில் ஒருவர் விசாரணை என்ற பெயரில் அடித்துக் கொல்லப்பட்டிருக்கிறார். காவல்துறை புலனாய்வு செய்வதற்காகவே இருக்கிறதே தவிர, அடிப்பதற்கு எதற்கு?" என்று உயர் நீதிமன்றம் மதுரைக்கிளை கடும் கண்டனத்தைப் பதிவு செய்தது. இந்த மரண வழக்கில் வெளிப்படைத்தன்மை மற்றும் உரிய விசாரணையை உறுதி செய்யுமாறு நீதிமன்றம் உத்தரவிட்டுள்ளது. மேலும், காவல் நிலையங்களில் சிசிடிவி கேமராக்கள் முறையாக செயல்படுவதையும், குற்றச் செயல்களில் ஈடுபடும் காவல்துறையினர் மீது உரிய நடவடிக்கை எடுக்கப்படுவதையும் உறுதி செய்ய வேண்டும் எனவும் நீதிமன்றம் வலியுறுத்தியுள்ளது.



Jul 01, 2025 12:02 IST
சிவகங்கை மாவட்ட எஸ்.பி. காத்திருப்போர் பட்டியலுக்கு மாற்றம்
திருப்புவனம் : போலீசார் விசாரணையில் இளைஞர் உயிரிழந்த விவகாரத்தில்  சிவகங்கை மாவட்ட எஸ்.பி. ஆஷிஷ் ராவத் காத்திருப்போர் பட்டியலுக்கு மாற்றம்



Jul 01, 2025 11:27 IST
காவலர்கள் குடும்பத்தினர் தர்ணா
திருப்புவனம்: இளைஞர் அஜித்குமார் உயிரிழந்த விவகாரம்; கைது செய்யப்பட்ட 5 காவலர்களின் குடும்பத்தினர் திருப்புவனம் காவல் நிலையம் முன்பு அமர்ந்து தர்ணா போராட்டம்



Jul 01, 2025 11:26 IST
காவலர்கள் சிறையில் அடைப்பு
திருப்புவனம் : போலீசார் விசாரணையில் இளைஞர் உயிரிழந்த விவகாரத்தில் கைது செய்யப்பட்ட 5 காவலர்கள் நீதிமன்றத்தில் ஆஜர்படுத்தப்பட்டு மதுரை மத்திய சிறையில் அடைக்கப்பட்டனர்



Jul 01, 2025 10:43 IST
திருவண்ணாமலையில் ஒரே நாளில் இருவர் கொலை
திருவண்ணாமலையில் காந்திநகர் பகுதியில் ஆட்டோ ஓட்டுநர் ராமு என்பவரும், அண்ணாநகர் பகுதியில் சுனில் என்ற நபரும் கத்தியால் குத்திக்கொலை செய்யப்பட்டனர்.
சுனில் கொலை செய்யப்பட்ட வழக்கில் ராமநாதபுரம் கமுதியை சேர்ந்த கோட்டை முத்து என்பவர் கைது. ஆட்டோ ஓட்டுநர் ராம் கொலை வழக்கில் 3-க்கும் மேற்பட்டோரை கைது செய்து திருவண்ணாமலை கிழக்கு காவல் துறையினர் விசாரணை நடத்தி வருகின்றனர்.



Jul 01, 2025 10:41 IST
திருப்புவனம் இளைஞர் லாக்கப் மரணம்: சிபிஐ விசாரணை தேவை- இ.பி.எஸ். வலியுறுத்தல்
திருப்புவனம் இளைஞர் அஜித் குமார் மரண விவகாரத்தில் தேசிய மனித உரிமைகள் ஆணையம் தாமாக முன்வந்து விசாரிக்க வேண்டும். இது தொடர்பாக முதலமைச்சர் ஸ்டாலின் பதில் அளிக்க வேண்டும்''
எடப்பாடி பழனிசாமி
திருப்புவனம் காவல் மரணத்தில் உயிரிழந்த அஜித்குமார் பிரேத பரிசோதனை அறிக்கை குறித்த செய்திகளில், உச்சந்தலை முதல் கால்கள் வரை 18 காயங்கள் இருந்ததாக தெரிவிக்கப்பட்டுள்ளது அதிர்ச்சியளிக்கிறது.

மேலும், கழுத்துப் பகுதியில் கொடுக்கப்பட்ட பெரும் அழுத்தம் காரணமாகவே உயிரிழப்பு ஏற்பட்டதாக… pic.twitter.com/G69I2ytIMb
— Edappadi K Palaniswami-SayYEStoWomenSafety&AIADMK (@EPSTamilNadu) July 1, 2025
வலியுறுத்தல்



Jul 01, 2025 10:31 IST
திருப்புவனம் இளைஞர் லாக்கப் மரணம்: வழக்கு சிபிசிஐடி-க்கு மாற்றம்
சிவகங்கை மாவட்டம், மடப்புரம் பத்திரகாளியம்மன் கோவிலில் காவலாளியாகப் பணியாற்றி வந்த 28 வயதான அஜித்குமார், ஒரு திருட்டு வழக்கு விசாரணைக்காக காவல் நிலையத்திற்கு அழைத்துச் செல்லப்பட்ட நிலையில் உயிரிழந்தார். இந்த சம்பவம் தொடர்பாக, நேற்று இரவு (ஜூன் 30) 5 போலீசார் கைது செய்யப்பட்டுள்ளனர்.
இந்நிலையில் இந்த வழக்கு சிபிசிஐடி-க்கு மாற்றப்பட்டுள்ளது.



Jul 01, 2025 09:45 IST
கொடைக்கானலில் பொக்லைன் இயந்திரங்களுக்கு தடை
கொடைக்கானல் மலை பகுதியில் இன்று முதல் பொக்லைன் இயந்திரங்களுக்கு தடை விதிக்கப்பட்டுள்ளது. இன்று முதல் கனரக வாகனத்தை இயக்குபவர்கள் மீது குற்றவியல் நடவடிக்கை எடுக்கப்படும் என எச்சரிக்கை விடுக்கப்பட்டுள்ளது. மிகவும் அத்தியாவசிய பணிகளுக்கு ஜேசிபி இயந்திரம் தேவைப்பட்டால் மாவட்ட நிர்வாகத்திடம் அனுமதி பெற்று எடுத்துவரலாம் என அறிவுறுத்தப்பட்டுள்ளது.



Jul 01, 2025 09:15 IST
சிவகாசி: பட்டாசு ஆலை வெடி விபத்து- 5 பேர் பலி
சிவகாசி அருகே சின்ன காமன்பட்டியில் (கோகுலேஸ்) தனியார் பட்டாசு ஆலையில் நடந்த பயங்கர வெடி விபத்தில் ஒரு பெண் தொழிலாளி உட்பட 5 பேர் உயிரிழந்துள்ளனர். மேலும் 3 தொழிலாளர்கள் படுகாயங்களுடன் மீட்கப்பட்டுள்ளனர். பட்டாசு ஆலையில் வெடி விபத்தைத் தொடர்ந்து தீயணைப்புத் துறையினர் விரைந்துள்ளனர். பட்டாசு ஆலையில் பட்டாசுகள் தொடர்ந்து வெடித்துச் சிதறுவதால் பொதுமக்கள் அச்சமடைந்துள்ளனர். 



Jul 01, 2025 09:14 IST
ஒகேனக்கல் காவிரியாற்றில் 5வது நாளாக குளிக்க தடை
ஒகேனக்கல் காவிரி ஆற்றில் நீர்வரத்து வினாடிக்கு 65,000 கனஅடியாக அதிகரித்துள்ளது. தொடர்ந்து நீர்வரத்து அதிகரித்துவரும் நிலையில், தீவிர பாதுகாப்பு பணிகளை மாவட்ட நிர்வாகம் மேற்கொண்டு வருகிறது. முன்னெச்சரிக்கை நடவடிக்கையாக ஒகேனக்கல் காவிரி ஆற்றிலும், அருவிகளிலும் பொதுமக்கள் குளிக்க மாவட்ட நிர்வாகம் தடை விதித்துள்ளது. தொடர்ந்து நீர்வரத்து அதிகரித்து வரும் நிலையில், ஒகேனக்கல் காவிரி ஆற்றில் பரிசல் இயக்கவும் தடை விதிக்கப்பட்டடுள்ளது.



Jul 01, 2025 09:13 IST
ஊட்டி சுற்றுலா தலங்களில் படப்பிடிப்புக்கு தடை நீக்கம்
கோடை சீசனையொட்டி சுற்றுலா பயணிகளுக்கு இடையூறு ஏற்படாமல் இருக்க ஊட்டி தாவரவியல் பூங்கா, ரோஜா பூங்கா, குன்னூர் சிம்ஸ் பூங்கா உள்பட தோட்டக்கலைத் துறைக்கு சொந்தமான 7 முக்கிய சுற்றுலா தலங்களில் கடந்த ஏப்ரல் மாதம் முதல் ஜூன் மாதம் வரை என 3 மாதங்களுக்கு சினிமா படப்பிடிப்பு நடத்த தடை விதிக்கப்பட்டது. தற்போது கோடை சீசன் நிறைவடைந்ததால் இன்று (செவ்வாய்க்கிழமை) முதல் படப்பிடிப்பிற்கான தடை நீக்கம் செய்யப்பட்டு உள்ளது. தோட்டக்கலைத்துறைக்கு சொந்தமான பூங்காக்களில் படப்பிடிப்பிக்கு அனுமதி தேவைப்படுபவர்கள் அலுவலகத்தை அணுகி கட்டணத்தை செலுத்தி படப்பிடிப்புகள் நடத்தலாம் என தோட்டக்கலைத்துறையினர் தெரிவித்துள்ளனர்.



Jul 01, 2025 09:13 IST
ராமேஸ்வரம் மீனவர்கள் மேலும் 7 பேர் கைது - அதிர்ச்சி
இன்று மன்னார் வடக்கு கடற்பரப்பில் மீன்பிடித்துக் கொண்டிருந்த ராமேசுவரம் மீனவர்கள் 7 பேரை இலங்கை கடற்படையினர் கைது செய்துள்ளனர். ஆரோக்கியா டேனியல் என்பவரின் படகில் இருந்த மீனவர்களை கைது செய்த இலங்கை கடற்படையினர், அந்த படகையும் பறிமுதல் செய்துள்ளனர். கைது செய்யப்பட்ட 7 மீனவர்களும் தலைமன்னார் கடற்படை முகாமிற்கு அழைத்து செல்லப்பட்டுள்ளனர். ஏற்கனவே 8 மீனவர்கள் கைது செய்யப்பட்ட நிலையில், மேலும் 7 பேரை இலங்கை கடற்படையினர் கைது செய்திருப்பது மீனவர்கள் மத்தியில் அதிர்ச்சியை ஏற்படுத்தியுள்ளது.