மாநிலத்தின் மொத்த உள்நாட்டு உற்பத்தி: மற்ற மாநிலங்களில் இருந்து தமிழ்நாடு வேறுபடுவது எப்படி?

தமிழ்நாட்டில் சமீப காலங்கள் உட்பட, பல ஆண்டுகளாக தமிழகம் ஈர்க்கும் முதலீடுகளின் தொகுதி மற்றும் அளவு, துறைகளின் பன்முகத்தன்மை மற்றும் அவற்றின் புவியியல் பரவல் ஆகியவை தமிழ்நாட்டின் சிறப்பை வெளிக்காட்டும் வகையில் அமைந்துள்ளது.

மகாராஷ்டிரா, கர்நாடகா மற்றும் தெலுங்கானா போன்ற சில மாநிலங்களில் இருக்கும் முக்கிய நகராங்களான மும்பை, புனே, பெங்களூரு மற்றும் ஹைதராபாத் போன்ற நகரங்களில் முதலீடுகள் குவிந்திருந்தாலும், இந்த மாநிலங்களைப் போலல்லாமல், மாநிலம் முழுவதும் முதலீடுகள் விநியோகிக்கப்படுவதை தமிழ்நாடு உறுதி செய்துள்ளது.

குறிப்பிட்டு சொல்ல வேண்டும் என்றால், கர்நாடகாவின் 30 மாவட்டங்களில் 4 மாவட்டங்கள் மற்றும் மகாராஷ்டிராவின் 34 மாவட்டங்களில் 4 மாவட்டங்களில் இருக்கும் உற்பத்தி மொத்த மாநில உள்நாட்டு உற்பத்தியில் (GSDP) 50 சதவீத பங்கைக் கொண்டுள்ளன. ஆனால் தமிழ்நாட்டைப் பொறுத்தவரை இது முற்றிலும் மாறுபட்ட கதை.

மாநில பொருளாதாரம் மற்றும் புள்ளியியல் இயக்குநரகம் ஜிஎஸ்டிபிக்கு மாவட்ட வாரியான பங்களிப்பு குறித்த அறிக்கையின்படி, தமிழ்நாட்டின் 32 மாவட்டங்களில் குறைந்தது 8 மாவட்டங்களின் ஜிஎஸ்டிபி மாநில உள்நாட்டு உற்பத்தில் 50 சதவீதம் பங்களித்துள்ளன. கர்நாடகாவில் பெங்களூரு மாநிலத்தின் மொத்த உள்நாட்டு உற்பத்தியில் 36.9 சதவீதம் மற்றும் மகாராஷ்டிராவின் மும்பை 19.8 சதவீதம் வைத்துள்ளது.

தமிழ்நாட்டில், திருவள்ளூர் (9.3), சென்னை (8.2), கோவை (7.6), காஞ்சிபுரம் (7.1), வேலூர் (5.1), ஈரோடு (4.6), மற்றும் திருச்சி (4.3) ஆகியவை தொழில்துறை மற்றும் பொருளாதார செயல்திறனில் பாராட்டத்தக்க வகையில் செயல்பட்டு வருகிறது.  சமீபத்திய சுற்று முதலீட்டு வாக்குறுதிகளில் கூட, மாநில அரசு, புவியியல் மற்றும் தளவாட வரம்புகளுக்குள் செயல்பட்டு, முதலீட்டை தன்னால் இயன்ற அளவிற்கு விரிவுபடுத்தும் முயற்சிகளில் ஈடுபட்டுள்ளது.

இதற்கு உதாரணமாக, பச்சை ஹைட்ரஜன் மற்றும் அம்மோனியா திட்டங்கள் மாநிலத்தின் தென் முனையில் உள்ள ஒரு முக்கிய மாவட்டமான தூத்துக்குடியை மையமாக வைத்து அமைக்கப்பட உள்ளது.  அதேபோல் சில நாட்களுக்கு முன் 14 திட்டங்களுக்கு தமிழக அமைச்சரவை அளித்த ஒப்புதல் அளித்துள்ளது. இதில் லீப் கிரீன் எனர்ஜியின் 10,375 கோடி ரூபாய் மதிப்பீட்டில் தூத்துக்குடி, விருதுநகர், திருநெல்வேலி மற்றும் ராமநாதபுரம் ஆகிய இடங்களில் மத்திய அமைச்சரவை ஒப்புதல் அளித்துள்ள இரண்டாவது பெரிய முதலீட்டு திட்டமாகும்.

அதேபோல் தமிழ்நாட்டில் மிகச்சிறிய மற்றும் வளர்ச்சியடையாத மாவட்டங்களில் ஒன்றான அரியலூர் கூட ஃப்ரீடிரெண்ட் இண்டஸ்ட்ரியல் இந்தியா மூலம் ரூ.1,000 கோடி முதலீட்டைப் பெற்றது. இது அமைச்சரவையால் அங்கீகரிக்கப்பட்ட மிக அதிக வேலைவாய்ப்பு இருக்கும் (15,000 வேலை வாய்ப்பு) திட்டமாகும். அதேபோல், டாடா குழுமத்தின் ரூ. 9,000 கோடி மதிப்பிலான ஜாகுவார் லேண்ட் ரோவர் ஆலை சென்னையிலிருந்து வெகு தொலைவில் உள்ள ராணிப்பேட்டையில் நிறுவப்பட்டுள்ளது.

அதே பகுதியில், மாநிலத்தின் மேற்கு எல்லையில் உள்ள கிருஷ்ணகிரி மாவட்டத்தில் உள்ள ஓசூர் பகுதி இவி மையமாக வளர்ந்து வருகிறது, ஓலா மற்றும் ஏதர் அதன் தொழில்துறை சுற்றுச்சூழல் அமைப்பை அசோக் லேலண்ட் மற்றும் டிவிஎஸ் குழுமம் நிறைந்துள்ளது.  நாட்டில் உற்பத்தியாகும் மின்சார இரு சக்கர வாகனங்களில் 46 சதவீதம் தமிழ்நாட்டில்தான் தயாரிக்கப்படுகிறது என்பது குறித்து வெளியாகியுள்ள தகவல்களின் மூலம் தொழில்துறையில் தமிழ்நாட்டின் ஆதிக்கம் தெளிவாகிறது.