Chennai News Updates: வல்லக்கோட்டை கோயில் விவகாரம்: சேகர்பாபு வருத்தம் தெரிவித்தார் - செல்வப்பெருந்தகை

பெட்ரோல், டீசல் விலை நிலவரம்: சர்வதேச சந்தையில் நிலவும் கச்சா எண்ணெய் விலைக்கு ஏற்ப இந்தியாவில் பெட்ரோல் டீசல் விலை மாற்றியமைக்கப்பட்டு வருகிறது. அந்த வகையில், சென்னையில் இன்று ஒரு லிட்டர் பெட்ரோல் ரூ. 100.80-க்கும், டீசல் 92.39 ரூபாய்க்கும் விற்பனை செய்யப்படுகிறது. அதேவேளை, இயற்கை எரிவாயு (Compressed Natural Gas) ஒரு கிலோ ரூ. 91.50 -க்கு விற்பனை செய்யப்படுகிறது. 

Jul 08, 2025 21:14 IST
வல்லக்கோட்டை கோயில் விவகாரம்: சேகர்பாபு வருத்தம் தெரிவித்தார் - செல்வப்பெருந்தகை
வலக்கக்கோட்டை கோயில் விவகாரம் குறித்து அமைச்சர் சேகர்பாபு வருத்தம் தெரிவித்ததாக தமிழக காங்கிரஸ் தலைவர் செல்வப்பெருந்தகை தெரிவித்துள்ளார். நல்லாட்சிக்கு களங்கம் ஏற்படுத்திய அதிகாரிகளுக்காக அமைச்சர் வருத்தம் தெரிவித்ததோடு, சம்பவம் குறித்து விசாரணை நடத்தி அதிகாரிகள் மீது நடவடிக்கை எடுக்கப்படும் என உறுதியளித்துள்ளார். 



Jul 08, 2025 19:51 IST
அகமதாபாத் விமான விபத்து: முதல் கட்ட விசாரணை அறிக்கை மத்திய அரசிடம் சமர்ப்பிப்பு
அகமதாபாத் விமான விபத்து தொடர்பான முதல் கட்ட விசாரணை அறிக்கையை, விமான விபத்து புலனாய்வு குழு (AAIB) சிவில் விமானப் போக்குவரத்து அமைச்சகத்திடம் சமர்ப்பித்துள்ளது. இந்த அறிக்கை, விமானத்தின் கருப்புப் பெட்டிகளில் இருந்து மீட்கப்பட்ட தகவல்களின் அடிப்படையில் தயாரிக்கப்பட்டுள்ளது. ஜூன் 12 அன்று லண்டன் நோக்கிச் சென்ற ஏர் இந்தியா விமானம் AI 171, அகமதாபாத்தில் புறப்பட்ட சில நிமிடங்களிலேயே விபத்துக்குள்ளானது. இந்த விபத்தில் 260 பேர் உயிரிழந்தனர்.



Advertisment
Jul 08, 2025 19:14 IST
அவ‌தூறு வழக்கில் வி.எச்.பி முன்னாள் துணைத் தலைவர் ஆஜராக நீதிமன்றம் உத்தரவு
அம்பேத்கர், திருவள்ளுவர் குறித்து விஹெச்பி முன்னாள் துணைத்தலைவர் அவதூறாக பேசிய விவகாரம் தொடர்பாக தொடரப்பட்ட அவதூறு வழக்கில் இருந்து விடுவிக்க முடியாது என்று கூறிய சென்னை முதன்மை அமர்வு நீதிமன்றம், விஷ்வ ஹிந்து பரிஷத் முன்னாள் துணைத்தலைவர் மணியன் தாக்கல் செய்த மனுவை தள்ளுபடி செய்தது. மேலும், குற்றச்சாட்டு பதிவுக்காக ஜூலை 21-ம் தேதி நேரில் ஆஜராக மணியனுக்கு உத்தரவிட்டது.



Jul 08, 2025 19:10 IST
டாக்டர் ராமதாஸ் இல்லம் முன்பு அன்புமணி ஆதரவாளர்கள் 5 பேர் தீக்குளிக்க முயற்சி
தைலாபுரம் தோட்டத்தில் ராமதாஸ் இல்லம் முன்பு அன்புமணி ஆதரவாளர்கள் 5 பேர் தீக்குளிக்க முயற்சி செய்தனர். பாதுகாப்பு பணியில் இருந்த போலீசார் அவர்களை தடுத்து நிறுத்தி விசாரணைக்கு அழைத்துச் சென்றுள்ளனர்.



Advertisment
Advertisements
Jul 08, 2025 19:04 IST
பொதுவேலை நிறுத்த போராட்டத்தில் ஈடுபட்டால் ஊதியம் கிடையாது - தமிழக அரசு அறிவிப்பு
பல்வேறு கோரிக்கைகளை வலியுறுத்தி நாளை நாடுதழுவிய அளவில் நாளை (08.07.2025) நாடுதழுவிய அளவில் வேலைநிறுத்தம் நடைபெறவுள்ள நிலையில், பொதுவேலை நிறுத்த போராட்டத்தில் ஈடுபட்டால் ஊதியம் கிடையாது. அரசு ஊழியர்கள், ஆசிரியர்கள் வேலைநிறுத்தத்தில் ஈடுபட்டால் NO WORK, NO PAY என்ற அடிப்படையில் நடவடிக்கை எடுக்கப்படும் என்று தமிழக அரசு அறிவித்துள்ளது.



Jul 08, 2025 18:45 IST
பணமோசடி - பிரபல மலையாள நடிகர் செளபின் சாஹிர் கைது
மஞ்சும்மல் பாய்ஸ் திரைப்பட தயாரிப்பில் நடந்த பணமோசடி புகாரில், பிரபல மலையாள நடிகர் சௌபின் சாஹிர் உட்பட 3 பேர் கைது செய்யப்பட்டுள்ளனர். லாபத்தில் 40% தருவதாகக் கூறி ரூ.7 கோடி பெற்றதாக புகாரளிக்கப்பட்டிருந்தது. கைதான மூவரும் காவல்நிலைய ஜாமினில் விடுவிக்கப்பட்டனர்.



Jul 08, 2025 18:39 IST
நிகிதா மீது சென்னையில் மோசடி புகார் - போலீஸ் விசாரணை
போலீஸ் தாக்குதலில் உயிரிழந்த அஜித்குமார் மீது புகார் அளித்த நிகிதா மீது ஏற்கனவே மோசடி புகார்கள் இருந்து வரும் நிலையில், சென்னையிலும் ஒரு மோசடி புகார் அளிக்கப்பட்டுள்ளது. சென்னை எழும்பூரை சேர்ந்த செந்தில்குமார் என்பவரிடம் 2011-ல் நிகிதாவின் சகோதரர் கவியரசு, தனக்கு துணை முதலமைச்சரின் உதவியாளரை தெரியும், அதன் மூலம் அவரது குடும்பத்தில் இருவருக்கு அரசு வேலை வாங்கி தருவதாக கூறி ரூ.48 லட்சம் ரூபாயை நிகிதாவும், அவரது சகோதரர் கவியரசுவும் பெற்று ஏமாற்றியுள்ளனர்.



Jul 08, 2025 18:00 IST
அன்புமணி தலைமையிலான கூட்டத்தில் 8 தீர்மானங்கள் நிறைவேற்றம்
சென்னை பனையூரில் அன்புமணி ராமதாஸ் தலைமையில் நடக்கும் நிர்வாகிகள் கூட்டத்தில் பொதுக்குழுவால் தேர்வு செய்யப்பட்ட தலைவர் அன்புமணியின் கரத்தினை வலுப்படுத்த துணை நிற்க வேண்டும் என்பன உள்ளிட்ட 8 தீர்மானங்கள் நிறைவேற்றப்பட்டுள்ளது. ராமதாஸ் கூட்டிய செயற்குழு கூட்டம் சட்டவிரோதமானது, அன்புமணி, வடிவேல் ராவனன் ஆகியோர் பங்கேற்காத செயற்குழு, பொதுக்குழு கூட்டம் கட்சியின் சட்ட விதிகளுக்கு முரணானவை எனவும் தீர்மானம் நிறைவேற்றப்பாட்டுள்ளது.



Jul 08, 2025 17:55 IST
ஜூலை 18-ம் தேதி தி.மு.க. எம்.பி.க்கள் கூட்டம் - அறிவிப்பு
நாடாளுமன்ற மழைக்கால கூட்டத்தொடர் தொடங்கவுள்ள நிலையில் அதுகுறித்து ஆலோசிக்க 18-ம் தேதி அன்று திமுக தலைவர் மு.க.ஸ்டாலின் தலைமையில் திமுக மக்களவை, மாநிலங்களவை எம்.பி.க்கள் கூட்டம் நடைபெறும் என்று அறிவிக்கப்பட்டுள்ளது. இதுதொடர்பாக திமுக பொதுச் செயலாளர் துரைமுருகன் வெளியிட்டுள்ள அறிக்கையில் கூறப்பட்டுள்ளதாவது: திமுக தலைவர் மு.க.ஸ்டாலின் தலைமையில் திமுக மக்களவை மற்றும் மாநிலங்களவை உறுப்பினர்கள் கூட்டம் 18.07.2025 காலை 10.30 மணிக்கு சென்னை அண்ணா அறிவாலயம் முரசொலி மாறன் வளாகத்தில் உள்ள கூட்ட அரங்கில் நடைபெறும். கட்சியின் மக்களவை, மாநிலங்களவை உறுப்பினர்கள் அனைவரும் தவறாது கலந்துகொள்ளுமாறு கேட்டுக்கொள்கிறேன்" என்று குறிப்பிடப்பட்டுள்ளது.



Jul 08, 2025 17:47 IST
ஐ.ஏ.எஸ். அதிகாரிக்கு ரூ.1 லட்சம் அபராதம் விதிப்பு
சென்னை நகரில் அனுமதி இல்லாமல் கட்டப்பட்ட கட்டிடங்கள் மீது நடவடிக்கை எடுக்கக்கோரி சென்னை உயர்நீதிமன்றம் பிறப்பித்த உத்தரவை செயல்படுத்தத் தவறிய மாநகராட்சி ஆணையர் குமரகுருபரன் ஐ.ஏ.எஸ் அவர்களுக்கு ஒரு லட்சம் அபராதம் விதிக்கப்பட்டுள்ளது. இந்த அபராதத் தொகையை அடையாறு புற்றுநோய் மருத்துவமனைக்கு செலுத்த வேண்டும் என்று சென்னை உயர்நீதிமன்ற தலைமை நீதிபதி அமர்வு உத்தரவிட்டுள்ளது.
 
 



Jul 08, 2025 17:41 IST
கிரிக்கெட் வீரர் யாஷ் தயாள் மீது பாலியல் வழக்கு பதிவு
ராயல் சேலஞ்சர்ஸ் பெங்களூரு அணியின் வேகப்பந்து வீச்சாளரான யாஷ் தயாள் மீது, உத்திரபிரதேசம் மாநிலம் காசியாபாத் நகரை சேர்ந்த பெண் ஒருவர் கடந்த மாதம் திருமண மோசடி புகார் அளித்திருந்தார். மேலும் இதுகுறித்து, அம்மாநில முதலமைச்சர் தனிப்பிரிவிலும் புகார் மனு அளித்தார். அந்த பெண் தனது புகாரில், கடந்த 5 ஆண்டுகளாக யாஷ் தயாள் தன்னுடன் உறவில் இருந்ததாகவும், அப்போது தான் உணர்ச்சி ரீதியாகவும், மன ரீதியாகவும், உடல் ரீதியாகவும் சுரண்டப்பட்டதாகவும் குற்றம் சாட்டினார். மேலும் திருமணம் செய்துகொள்கிறேன் எனக் கூறி வாக்குறுதி அளித்து தன்னை ஏமாற்றியதாக புகார் அளித்திருந்தார். அத்துடன் தன்னிடம் யாஷ் தயாளுடனான சேட்கள், ஸ்கிரீன் ஷாட்கள், யோ அழைப்புகள் மற்றும் புகைப்படங்கள் ஆதரமாக உள்ளதாகவும் அவர் தெரிவித்தார்.



Jul 08, 2025 17:40 IST
நீதிமன்ற அவமதிப்பு வழக்கில் பா.ஜ.க. வழக்கறிஞருக்கு சிறை
நீதிமன்ற அவமதிப்பு வழக்கில் பாஜக வழக்கறிஞர் மோகன்தாஸுக்கு 4 மாதம் சிறை தண்டனை விதித்து சென்னை உயர்நீதிமன்றம் உத்தரவிட்டுள்ளது. வழக்கறிஞர் ஏ.மோகன்தாஸுக்கு எதிராக விக்னேஷ்குமார் என்பவர் நீதிமன்ற அவமதிப்பு வழக்கு தொடர்ந்தார். தனது இடத்தில் குடியிருக்கும் வழக்கறிஞர் மோகன்தாஸ் வீட்டை காலி செய்யவில்லை என மனுதாரர் புகார் தெரிவித்தார். உயர்நீதிமன்றம், உச்சநீதிமன்றம் உத்தரவிட்டும் வழக்கறிஞர் மோகன்தாஸ் வீட்டை காலி செய்யவில்லை என குற்றச்சாட்டு எழுந்தது. உத்தரவை மதிக்காமல் உள்ள பாஜக வழக்கறிஞர் மோகன்தாஸுக்கு 4 மாதம் சிறை தண்டனை விதித்து உயர்நீதிமன்றம் தீர்ப்பு வழங்கியது.



Jul 08, 2025 17:40 IST
பாம்புக் கடிக்கான விஷ முறிவு மருந்து உற்பத்தி செய்ய சிறப்பு மையம்
பாம்புக் கடிக்கான விஷ முறிவு மருந்து உற்பத்தி செய்ய சிறப்பு மையத்தை உருவாக்க தமிழ்நாடு அரசு திட்டமிட்டுள்ளது. தமிழ்நாடு தொழில் வளர்ச்சி நிறுவனம், வேறு நிறுவனங்களுடன் இணைந்து சிறப்பு மையம் உருவாக்க முடிவு எடுக்கப்பட்டது. பாம்புக் கடியால் ஏற்படும் மரணங்களை குறைக்கும் வகையில் உயர் தர மருந்து தயாரிக்கப்பட உள்ளது. ஆப்பிரிக்கா, தென் கிழக்கு ஆசிய சந்தைகளுக்கு மருந்துகளை ஏற்றுமதி செய்யும் வகையில் நடவடிக்கை எடுக்கப்பட்டது.



Jul 08, 2025 17:24 IST
அன்புமணி ராமதாஸ் தலைமையில் நடக்கும் நிர்வாகிகள் கூட்டம்
சென்னை பனையூரில் அன்புமணி ராமதாஸ் தலைமையில் நடக்கும் நிர்வாகிகள் கூட்டத்தில் பொதுக்குழுவால் தேர்வு செய்யப்பட்ட தலைவர் அன்புமணியின் கரத்தினை வலுப்படுத்த துணை நிற்க வேண்டும் என்பன உள்ளிட்ட 8 தீர்மானங்கள் நிறைவேற்றப்பட்டுள்ளது.



Jul 08, 2025 17:22 IST
சென்னை புறநகர் பகுதிகளில் மழைக்கு வாய்ப்பு
சென்னை, செங்கல்பட்டு, திருவள்ளூர், காஞ்சிபுரம், ராணிப்பேட்டையில் இரவு 7 மணி வரை மிதமான மழைக்கு வாய்ப்பு 
- வானிலை மையம்



Jul 08, 2025 16:26 IST
பொதுவேலை நிறுத்த போராட்டத்தில் ஈடுபட்டால் ஊதியம் கிடையாது- தமிழக அரசு அறிவிப்பு
நாளை நடைபெறும் பொதுவேலை நிறுத்த போராட்டத்தில் ஈடுபட்டால் ஊதியம் கிடையாது. அரசு ஊழியர்கள், ஆசிரியர்கள் வேலைநிறுத்தத்தில் ஈடுபட்டால் NO WORK, NO PAY என்ற அடிப்படையில் நடவடிக்கை
பல்வேறு கோரிக்கைகளை வலியுறுத்தி நாளை நாடுதழுவிய அளவில் வேலைநிறுத்தம் நடைபெறவுள்ள நிலையில் தமிழக அரசு அறிவிப்பு



Jul 08, 2025 16:24 IST
நிகிதா மீது சென்னையிலும் ஒரு மோசடி புகார்
அஜித்குமார் கொலை வழக்கில், நகை காணாமல் போனதாக புகார் கொடுத்த நிகிதா மீது சென்னையிலும் ஒரு மோசடி புகார்.
2011-ல் அரசு வேலை வாங்கித் தருவதாக ரூ.48 லட்சம் மோசடி செய்ததாக எழும்பூரைச் சேர்ந்த செந்தில்குமார் என்பவர் புகார் அளித்துள்ளார்



Jul 08, 2025 15:49 IST
அரசு ஊழியர்களுக்கு தலைமைச் செயலாளர் எச்சரிக்கை
பொதுத்துறை வங்கிகளை தனியார் மயமாக்க எதிர்ப்பு தெரிவித்து நாளை பொது வேலை நிறுத்தம் அறிவிக்கப்பட்டுள்ளது. இந்நிலையில், நாடு முழுவதும் நடக்கும் பொது வேலை நிறுத்தத்தில் அரசு ஊழியர்கள் பங்கேற்றால் சம்பள நிறுத்தம் மற்றும் துறை ரீதியான நடவடிக்கை ஆகியவை மேற்கொள்ளப்படும் என தலைமைச் செயலாளர் முருகானந்தம் எச்சரிக்கை விடுத்துள்ளார்.



Jul 08, 2025 15:38 IST
ஸ்ரீகாந்த், கிருஷ்ணாவிற்கு நிபந்தனை ஜாமின் அளித்து உத்தரவு
போதை பொருள் வழக்கில் காவல் துறையினரால் கைது செய்யப்பட்ட நடிகர்கள் ஸ்ரீகாந்த், கிருஷ்ணா ஆகியோருக்கு நிபந்தனை ஜாமின் வழங்கி சென்னை உயர்நீதிமன்றம் உத்தரவிட்டுள்ளது.



Jul 08, 2025 15:30 IST
த.வெ.க-வின் புதிய மொபைல் ஆப்; உறுப்பினர் சேர்க்கை உள்ளிட்ட பல்வேறு பணிகளுக்காக உருவாக்கம்
தமிழக வெற்றிக் கழகம் சார்பாக 'My TVK' என்ற புதிய செல்போன் செயலியை, அக்கட்சி தலைவர் விஜய் விரைவில் அறிமுகம் செய்ய இருப்பதாக தகவல் வெளியாகி இருக்கிறது. கட்சியின் உறுப்பினர் சேர்க்கை உள்ளிட்ட பல்வேறு பணிகளை மேற்கொள்ளும் வகையில் இதனை உருவாக்கியதாக கூறப்படுகிறது.



Jul 08, 2025 14:45 IST
அரசு கொடுத்த வேலை, வீட்டு மனை பட்டாவில் திருப்தி இல்லை - அஜித்தின் சகோதரர் நவீன்
அரசு கொடுத்த வேலை மற்றும் வீட்டு மனை பட்டாவில் திருப்தி இல்லை என்று போலீஸ் விசாரணையில் உயிரிழந்த அஜித் குமாரின் சகோதரர் நவீன் தெரிவித்துள்ளார். குறிப்பாக, தான் இருக்கும் இடத்தில் இருந்து 80 கி.மீ தொலைவில் பணி ஒதுக்கப்பட்டுள்ளதாகவும், காட்டுப் பகுதிக்குள் தண்ணீர் இல்லாத இடத்தில் பட்டா கொடுக்கப்பட்டுள்ளதாகவும் அவர் குற்றம் சாட்டுகிறார்.



Jul 08, 2025 14:14 IST
ஜூலை 18ல் திமுக எம்.பி.க்கள் கூட்டம்: அமைச்சர் துரைமுருகன்
திமுக நாடாளுமன்ற உறுப்பினர்கள் கூட்டம் ஜூலை 18ம் தேதி நடைபெறும் என்று அறிவிக்கப்பட்டுள்ளது. நடைபெற உள்ள நாடாளுமன்ற கூட்டத்தொடர் குறித்து எம்.பி.க்கள் கூட்டத்தில் விவாதிக்கப்படும் என அமைச்சர் துரைமுருகன் தெரிவித்துள்ளார். ஜூலை 21ல் மழைக்கால கூட்டத்தொடர் தொடங்கவுள்ள நிலையில் திமுக எம்.பி.க்கள் கூட்டம் நடைபெறும்.



Jul 08, 2025 13:58 IST
தமிழ்நாட்டில் இன்று முதல் 7 நாட்கள் பரவலாக மிதமான மழை பெய்ய வாய்ப்பு: வானிலை மையம்
தமிழ்நாட்டில் இன்று முதல் 7 நாட்கள் பரவலாக மிதமான மழை பெய்ய வாய்ப்பு என வானிலை மையம் தகவல் தெரிவித்துள்ளது. தமிழ்நாட்டில் வெப்பநிலை இயல்பை விட 2-3 டிகிரி செல்சியஸ் வரை அதிகரிக்க வாய்ப்பு எனவும் வானிலை ஆய்வு மையம் தகவல் தெரிவித்துள்ளது. சென்னையில் இன்றும் நாளையும் ஓரிரு இடங்களில் மிதமான மழைக்கு வாய்ப்பு எனவும் சென்னையில் 2 நாட்களுக்கு வெயில் 102 டிகிரி ஃபாரன்ஹீட் சுட்டெரிக்கும் எனவும் தெரிவிக்கப்பட்டுள்ளது



Jul 08, 2025 13:58 IST
அரக்கோணம் – சென்னை வழித்தடத்தில் ரயில் சேவை பாதிப்பு
அரக்கோணம் – சென்னை வழித்தடத்தில் ரயில் சேவை பாதிப்பு ஏற்பட்டுள்ளது. அரக்கோணம் ரயில் நிலையம் அருகே உயர் மின்னழுத்த கம்பி அறுந்து விழுந்து ரயில் சேவை பாதிக்கப்பட்டுள்ளது. அரக்கோணம் ரயில் நிலையத்தில் சப்தகிரி விரைவு ரயில், இண்டர்சிட்டி விரைவு ரயில் நிறுத்தப்பட்டுள்ளது.



Jul 08, 2025 13:57 IST
அன்புமணி மீது நடவடிக்கை எடுக்க ராமதாஸுக்கு அதிகாரம் அளித்து பாமக செயற்குழு தீர்மானம்
அன்புமணி மீது நடவடிக்கை எடுக்க ராமதாஸுக்கு அதிகாரம் அளித்து பாமக செயற்குழு தீர்மானம் நிறைவேற்றப்பட்டுள்ளது. திண்டிவனம் அருகே ஒமந்தூரார் திருமண மண்டபத்தில் ராமதாஸ் தலைமையில் செயற்குழு கூட்டம் நடைபெற்றது. அக்கூட்டத்தில் அன்புமணிக்கு கண்டனம் தெரிவித்து பாமக மாநில செயற்குழுவில் தீர்மானம் நிறைவேற்றப்பட்டுள்ளது. தலைவர் பதவியை மீண்டும் அபகரிக்கும் எண்ணத்தில் கட்சிக்கு களங்கம் விளைவிக்கும் வகையில் அன்புமணி செயல்படுவதாக கண்டனம் தெரிவிக்கப்பட்டுள்ளது.



Jul 08, 2025 13:29 IST
டிஜிபி அலுவலகத்துக்கு மிரட்டல் விடுத்தவர் கைது
சென்னை மயிலாப்பூரில் உள்ள டிஜிபி அலுவலகத்துக்கு வெடிகுண்டு மிரட்டல் விடுத்தவர் கைது செய்யப்பட்டார். சிவகங்கையைச் சேர்ந்த தவசிலிங்கம் (42) என்பவரை மெரினா போலீசார் கைது செய்தனர்.



Jul 08, 2025 12:44 IST
பைக் மீது லாரி மோதி 2 சிறுவர்கள் உயிரிழப்பு
புதுச்சேரியில் இருசக்கர வாகனம் மீது லாரி மோதியதில் தந்தை கண் முன்னே இரு மகன்கள் உயிரிழந்தனர். பொறையூர் ஊசுட்டேரி அருகே வந்தபோது இருசக்கர வாகனத்தின் பின்புறம் டிப்பர் லாரி மோதியது; விபத்தில் தந்தை நாதன் சபாபதி கண்முன்னே ரூபேஷ் மற்றும் ஜீவா ஆகியோர் நிகழ்விடத்திலேயே உயிரிழந்தனர்.



Jul 08, 2025 11:19 IST
சென்னையில் நாளை முதல் பயோமெட்ரிக் கணக்கெடுப்பு
சென்னையில் நாளை முதல் பயோ மெட்ரிக் கணக்கெடுப்பு பணி தொடங்குவதாக மாநகராட்சி அறிவித்துள்ளது. சைதாப்பேட்டை, திடீர் நகர், அடையாறு பகுதிகளில் நாளை முதல் பயோ மெட்ரிக் கணக்கெடுப்பு; ஆதார் அட்டை, குடும்ப அட்டை, வாக்காளர் அட்டையை தயாராக வைத்திருக்க மாநகராட்சி அறிவுறுத்தியுள்ளார்.



Jul 08, 2025 10:21 IST
தொழில் முதலீட்டில் தமிழ்நாடு முதலிடம் - அமைச்சர் டி.ஆர்.பி.ராஜா பெருமிதம்
கடந்த ஆட்சியில் இல்லாத அளவுக்கு தமிழ்நாட்டில் தொழில் தொடங்க பெரும் வரவேற்பு கிடைத்துள்ளது. குஜராத், மராட்டிய மாநிலங்கள் பட்டியலில் 2 மற்றும் 3வது இடங்களில் உள்ளன என்று அமைச்சர் டி.ஆர்.பி.ராஜா கூறியுள்ளார். 



Jul 08, 2025 10:19 IST
அசாமில் மிதமான நிலநடுக்கம்: ரிக்டரில் 4.1 ஆக பதிவு
அசாம் மாநிலம் கர்பி ஆங்லாங் மாவட்டத்தில் காலை 9.22 மணிக்கு மிதமான நிலநடுக்கம் ஏற்பட்டுள்ளது. பூமிக்கு அடியில் 25 கிலோ மீட்டர் ஆழத்தில் ஏற்பட்ட நிலநடுக்கம் ரிக்டர் அளவுகோலில் 4.1 ஆக பதிவாகியுள்ளது.
 



Jul 08, 2025 09:40 IST
விராட் கோலிக்கு நன்றி சொன்ன டென்னிஸ் ஜாம்பவான் ஜோகோவிச்
விம்பிள்டனில் தனது போட்டியை கண்டுரசித்து, அதுகுறித்து இன்ஸ்டா ஸ்டோரியில் பதிவிட்டிருந்த விராட் கோலிக்கு, நன்றி தெரிவித்துள்ளார் டென்னிஸ் ஜாம்பவான் ஜோகோவிச்!



Jul 08, 2025 09:39 IST
மாமல்லபுரம், திருச்செந்தூர், குமரியில் சுற்றுலா வசதிகளை மேம்படுத்த தமிழக அரசு டெண்டர்
 மாமல்லபுரம், திருச்செந்தூர், குமரியில் சுற்றுலா வசதிகளை மேம்படுத்த  மாஸ்டர் பிளான் தயார் செய்ய டெண்டர் கோரியுள்ளது தமிழக அரசு.சுற்றுலா வசதிகளை மேம்படுத்தவது தொடர்பாக உட்கட்டமைப்பு வசதிகளை மேம்படுவத்துவது, கடற்கரைகளை மேம்படுத்துவது, பொழுதுபோக்கு சார்ந்த சுற்றுலா வசதிகளை மேம்படுத்துவது உள்ளிட்ட பல்வேறு பிரிவு வாரியாக விரிவான திட்ட அறிக்கை தயார் செய்யப்பட உள்ளது.



Jul 08, 2025 07:54 IST
போதைப்பொருள் வழக்கு: நடிகர் ஸ்ரீகாந்த், கிருஷ்ணா ஜாமீன் மனு மீது இன்று தீர்ப்பு
போதைப்பொருள் வழக்கில், ஜாமீன் கோரி நடிகர் ஸ்ரீகாந்த் மற்றும் கிருஷ்ணா தாக்கல் செய்த மனுக்கள் மீது இன்று தீர்ப்பு வழங்கப்பட உள்ளது. இருவரின் ஜாமீன் மனுக்களை சிறப்பு நீதிமன்றம் தள்ளுபடி செய்திருந்த நிலையில், உயர்நீதிமன்றத்தில் மனு தாக்கல் செய்துள்ளனர்.



Jul 08, 2025 07:26 IST
ரயிலில் பெண் கூட்டு பாலியல் வன்கொடுமை
ஹரியானாவில் ரயில் நிலையத்தில்  நின்று கொண்டிருந்த ரயில் பெட்டியில்
பெண் கூட்டு பாலியல் வன்கொடுமை செய்யப்பட்ட நிலையில், தண்டவாளத்தில் வீசியதால் மற்றொரு ரயில் ஏறி கால் துண்டான சோகம்



Jul 08, 2025 07:24 IST
கோல்டன் விசா - ரூ.23 லட்சம்: ஐக்கிய அரபு அமீரகம் அறிவிப்பு
 குடும்பத்துடன் நிரந்தரமாக செட்டில் ஆக விரும்பும் இந்தியர்களுக்கு ரூ.23 லட்சம் செலுத்தினால்  கோல்டன் விசா பெற்றுக் கொள்ளலாம் என ஐக்கிய அரபு அமீரகம் அறிவிப்பு