இந்தியாவில் கொரொனா பாதிப்பு 110-ஐ எட்டியது: சார்க் நாடுகள் இணைந்து எதிர்கொள்ள மோடி அழைப்பு

கொரோனா தடுப்பு நடவடிக்கை தொடர்பாக முதல்வர் பழனிசாமி தலைமையில் நாளை ஆய்வுக்கூட்டம்

ஆய்வுக்கூட்டத்தில் அமைச்சர்கள், அனைத்துத்துறை அதிகாரிகள் உள்ளிட்டோர் பங்கேற்க உள்ளனர்

தகவல் தெரிவிக்க வேண்டிய தொற்றுநோயாக கொரோனாவை அறிவித்த நிலையில், நாளை ஆலோசனை

என்னுடைய சமீபத்திய கருத்துகளால் பிசிசிஐ மகிழ்ச்சியாக இல்லை என்று முன்னாள் இந்திய கிரிக்கெட் வீரரும் பிரபல வர்ணனையாளருமான சஞ்சய் மஞ்ச்ரேக்கர் தெரிவித்துள்ளார்.

கொரோனா வைரஸை எதிர்கொள்ள அவசர நிதியை உருவாக்க பிரதமர் மோடி பரிந்துரை.

"முதற்கட்டமாக இந்தியா சார்பில் 10 மில்லியன் டாலர் நிதி வழங்க முடிவு"- பிரதமர் மோடி

கொரோனா தொடர்பாக சார்க் தலைவர்களுடன் ஆலோசனை நடத்திய மோடி அறிவிப்பு

கொரோனா வைரஸ் பாதிப்பை தகவல் தெரிவிக்க வேண்டிய தொற்றுநோயாக அறிவித்தது தமிழக அரசு

கொரோனாவால் பாதிக்கப்பட்டவர் குறித்த விவரங்களை மருத்துவமனைகள் அரசிடம் தெரிவிக்க வேண்டும் - தமிழக அரசு

சுகாதாரத்துறை அமைச்சர் விஜயபாஸ்கர், “கொரொனா வைரஸ் பாதிப்புக்கு சிகிச்சை அளிக்க தனியார் மருத்துவமனைகளில் தனி வார்டுகள் அமைக்க அறிவுறுத்தப்பட்டுள்ளது. தனி வார்டுகளை அரசு முழுமையாக ஆய்வு செய்த பின்னரே நோயாளிகள் சிகிச்சைக்கு அனுமதிக்கப்படுவார்கள்” என்று தெரிவித்துள்ளார்.

புதுச்சேரி மாநில கல்வி அமைச்சர் கமலக்கண்ணன், கொரொனா பரவலைக் கருத்தில் கொண்டு புதுச்சேரியில் எல்.கே.ஜி. முதல் 5-ம் வகுப்பு வரை நாளைமுதல் அனைத்து பள்ளிகளுக்கும் விடுமுறை அறிவித்துள்ளார்.

முதல்வர் பழனிசாமி, “தமிழகம் முழுவதும் எல்.கே.ஜி முதல் 5ஆம் வகுப்பு வரை உள்ள அனைத்து பள்ளிகளுக்கும் மார்ச் 31ஆம் தேதி வரை விடுமுறை” என்று அறிவித்துள்ளார்.

கொரோனா பாதிப்பு அதிகரித்து வருவதால் வெளிமாநிலங்களுக்கு செல்ல வேண்டாம் என்று தமிழக முதல்வர் பழனிசாமி மாநில மக்களுக்கு அறிவுறுத்தியுள்ளார்.

தமிழக பாஜக தலைவர் எல்.முருகன்: “பாஜக சாதி, மதத்திற்கு அப்பாற்பட்டது;

அனைத்து தரப்பு மக்களையும் அரவணைத்து செல்ல வேண்டும் என்பதே பாஜகவின் நோக்கம்” என்று தெரிவித்துள்ளார்.

திமுக பொதுச்செயலாளர் பேராசிரியர் க.அன்பழகன் மறைவைத் தொடர்ந்து, திமுக பொதுக்குழு கூட்டம் மார்ச் 29-ம் தேதி நடைபெறும் என திமுக தலைவர் மு.க.ஸ்டாலின் அறிவித்துள்ளார்.

மு.க.ஸ்டாலின் வெளியிட்டுள்ள அறிவிப்பில், “திமுக பொதுக்குழு கூட்டம், மார்ச் 29-ம் தேதி 10 மணிக்கு சென்னை அண்ணா அறிவாலயத்தில் கலைஞர் அரங்கில் எனது தலைமையில் நடைபெறும். அப்போது பொதுக்குழு உறுப்பினர்கள் அனைவரும் தவறாது கலந்துக்கொள்ளுமாறு கேட்டுக்கொள்கிறேன்.” என்று தெரிவித்துள்ளார்.

'கழக தலைவர் @mkstalin அவர்கள் அறிவிப்பு'

திமுக பொதுக்குழுக் கூட்டம் 29-03-2020 அன்று காலை 10 மணியளவில் சென்னை, அண்ணா அறிவாலயத்தில் எனது தலைமையில் நடைபெறும்.

பொருள்: கழக பொதுச்செயலாளர் தேர்வு.#DMK #MKStalin pic.twitter.com/b6MPczljNi

— DMK (@arivalayam) March 15, 2020

பாகிஸ்தானின் பஞ்சாப் மாகாணத்தின் நரோவால் மாவட்டத்திலிருக்கும் குருத்வாரா தர்பார் சாஹிப் கோவிலுக்குப் புனிதப் பயணம் செல்லும் சீக்கியர்களுக்காக அமைக்கப்பட்ட கர்தார்பூர் சாஹிப் வழித்தடம் கொரோனா வைரஸ் காரணமாக தற்காலிகமாக நிறுத்தி வைக்கப்பட்டுள்ளது

கொரோனா  வைரஸ் தொற்று பரவுவதை தடுக்கும் நடவடிக்கையாக ஆந்திரா மாநிலத்தின் உள்ளாட்சித் தேர்தலை ஒத்திவைப்பதாக அம்மாநில தேர்தல் ஆணையம் அறிவித்துள்ளது. கொரோனா வைரஸ் தொற்றின் தாக்கத்தை மறுஆய்வு செய்தபின் உள்ளாட்சித் தேர்தல் தேதி வெளியிடப்படுகிறது.    

234 Indians stranded in #Iran have arrived in India; including 131 students and 103 pilgrims.

Thank you Ambassador @dhamugaddam and @India_in_Iran team for your efforts. Thank Iranian authorities.

— Dr. S. Jaishankar (@DrSJaishankar) March 14, 2020

கொரோனா வைரசால் அதிகம் பாதித்த நாடுகளில் ஒன்றாக இரான் விளங்குகிறது. அந்த நாட்டில் 5000க்கும் அதிகமான இந்தியர்கள் சிக்கித் தவிக்கின்றனர். இரான் நாட்டில் இருந்து மக்களை மீட்பதில் அதிக முக்கியத்துவம் கொடுத்துவருதாக சில நாட்களுக்கு முன்பு வெளியுறவுத் துறை அமைச்சர் ஜெய்சங்கர் பாராளுமன்றத்தில் தெரிவித்திருந்தார். இதுவரை 2 பேட்ச்கள் மூலமாக 102 மக்கள் இரானில் இருந்து தாயகம் திரும்பியிருந்தனர்.  

இந்நிலையில், 'ஈரானில் இருந்து 234 இந்தியர்கள் மீட்கப்பட்டு நாடு திரும்பியுள்ளதாகவும், இதில் 131 மாணவர்கள் மற்றும் 101 யாத்திரிகர்கள் அடங்குவார்கள்' என்றும்  அமைச்சர் தனது ட்விட்டரில் பதிவு செய்துள்ளார்.  

சென்னை விமான நிலையத்தில்  செய்தியாளர்களை சந்தித்த அமைச்சர் ஜெயக்குமார், தமிழகத்தில் கொரோனா வைரஸ் தொற்று பரவமால் இருக்கு அனைத்து விதமான நடவடிக்கைகளும் மேற்கொள்ளப் பட்டுவருவதாக தெரிவித்தார். 

கொரோனா வைரஸ் தொற்று காரணமாக, தெலங்கானா முதல்வர் சந்திரசேகர ராவ் நேற்று அமைச்சர்கள் மற்றும் அதிகாரிகளுடன் அவசர ஆலோசனை நடத்தினார். பின்பு செய்தியாளர்களிடம் பேசிய மாநில முதல்வர், " வரும் 31ம் தேதி வரை தெலுங்கானாவில் செயல்படும் கல்வி நிறுவனங்கள், திரையரங்குகள், மால்கள் மூடப்படும்" என்று அறிவித்தார்.  

கமல்நாத் தலைமையிலான காங்கிரஸ் அரசாங்கத்தின் தலைவிதியை தீர்மானிப்பதற்கான நம்பிக்கை வாக்கெடுப்பு  நாளை நடைபெறும் என்று மத்திய பிரதேச ஆளுநர் அலுவலகம் நேற்று இரவு அறிவித்தது. நாளை மத்திய பிரேதேச சட்டப்பேரவையில் நடைபெறும் ஆளுநர் உரைக்குப் பின் இந்த வாக்கெடுப்பு தொடரும் என்று கூறப்பட்டுள்ளது. ஆளுநர்  உரைக்கு முன் நம்பிக்கை வாக்கெடுப்பை நடத்த வேண்டும் என்ற எதிர்க்கட்சிகளின் கோரிக்கையை ஆளுநர் நிராகரித்தார்.