Tamilnadu news updates : '30 நேரடி தமிழக ஐபிஎஸ் அதிகாரிகளுக்கு முக்கியத்துவம் இல்லாத பொறுப்பு' - மாநகர போக்குவரத்து டிஜிபி ஜாங்கிட் கடிதம்

அதிமுக, திமுகவுடன் எப்போதும் ரஜினிகாந்த் கூட்டணி வைக்கமாட்டார்  என்று  தமிழருவி மணியன்  தெரிவித்துள்ளார். அதிமுக ஆட்சி என்று முடிவுக்கு வருகிறதோ அன்று ரஜினிகாந்த் அரசியலுக்கு வருவார் என்றும் அவர் தெரிவித்துள்ளார். 

4 தொகுதிகளில் அதிமுகவினர் பணப்பட்டுவாடா செய்வதாக தலைமை தேர்தல் அதிகாரியிடம் திமுக  சார்பில் மனு . தமிழக தலைமை தேர்தல் அதிகாரி சத்யபிரதா சாஹூவிடம் திமுக சார்பில் ஆர்.எஸ்.பாரதி புகார் மனுவை அளித்தார் 

ஓபிஎஸ் மகன் ரவீந்திரநாத் கல்வெட்டு விவகாரத்தில் முன்னாள் காவலர் வேல்முருகன் மீது வழக்குப்பதிவு செய்யப்பட்டு அவர் கைது செய்யப்பட்டுள்ளார்.  ஓபிஎஸ் மகன் ரவீந்திரநாத் புகாரின் பேரில் 3 பிரிவுகளில் சின்னமனூர் போலீசார் வழக்குப்பதிவு செய்துள்ளனர்

தேர்தல் முடிவு வெளிவராத நிலையில் எம்.பி. என கல்வெட்டில் பொறிக்கப்பட்டது தவறானது. கல்வெட்டு விவகாரத்தில் எனது பெயருக்கு களங்கம் விளைவிக்கும் வகையில் ஈடுபட்டோர் மீது சட்டப்படி நடவடிக்கை  என்று ஓபிஎஸ் மகன் ரவீந்திரநாத் குமார் தெரிவித்துள்ளார். 

டெல்லியில் உள்ள இல்லத்தில் காங்கிரஸ் தலைவர் ராகுல் காந்தியை ஆந்திர முதல்வர் சந்திரபாபு நாயுடு இன்று  சந்தித்து பேசினார். 

ஸ்ரீவில்லிபுத்தூரில் செய்தியாளர்களிடம்  பேசிய  துணை முதல்வர் ஓபிஎஸ் மக்களவை தேர்தல் மற்றும் இடைத்தேர்தலில் அதிமுக மகத்தான் வெற்றி பெறும் என்று கூறினார். 

ஆர்.எஸ்.எஸ். அமைப்பு குறித்து அவதூறு கருத்து  கூறியதாக கே.எஸ் அழகிரி மீது போலீசில் புகார். ய்தியாளர் சந்திப்பின் போது தமிழக காங்கிரஸ் தலைவர் அழகிரி ஆர்.எஸ்.எஸ். இயக்கத்தை பற்றி சில அவதூறு கருத்துக்களை கூறியதாக அவர் மீது காஞ்சிபுரம் மாவட்ட ஆர்.எஸ்.எஸ். அமைப்பினர் விஷ்ணு காஞ்சி காவல் நிலையத்தில் புகார் மனு அளித்தனர்.

இந்து என்பது ஆங்கிலேயர் வழிமொழித்த அடைமொழி.  மக்கள் நீதி மய்யம் தலைவர் கமல்ஹாசன் ட்விட்டரில் பதிவு. 

pic.twitter.com/qZCrhsgRnQ

— Kamal Haasan (@ikamalhaasan) 17 May 2019

பொன் பரப்பியில் வாக்குச் சாவடி எண் 281-ல் மறுவாக்குப் பதிவு நடத்த வலியுறுத்தி தலைமை தேர்தல் அதிகாரியிடம் திருமாவளவன் மனு அளித்தார். 

சூலூர் தொகுதி தேர்தலை ரத்து செய்யக்கோரி மக்கள் நீதி மய்யம் சார்பில் தேர்தல் ஆணையத்தில் மனு அனுப்பப்பட்டுள்ளது.  மக்கள் நீதி மய்யம் பொதுச்செயலாளர் அருணாச்சலம், தலைமை தேர்தல் ஆணையருக்கு மின்னஞ்சல் மூலம் இந்த  மனுவை அனுப்பியுள்ளார். 

அரவக்குறிச்சியில் அ.தி.மு.க மற்றும் அ.ம.மு.க. தொண்டர்கள் இடையே மோதல் ஏற்பட்டதால் பதற்றம் நிலவியது.காவல்துறையைக் கண்டித்து அ.ம.மு.க. வேட்பாளர் சாகுல் ஹமீது திடீரென சாலை மறியலில் ஈடுபட்டார். அப்போது, அ.தி.மு.க.வினர் செருப்பை தூக்கி காட்டியதால் பதற்றம் உருவானது. 

நடிகர் கமல்ஹாசன் கூட்டத்தில் காலணி, முட்டை வீச்சு என்பதை அறிந்து அதிர்ச்சியடைந்தேன் தமிழக அரசியல் அநாகரிகத்தின் களமாக மாறிவருவது கவலையளிக்கிறது என்று விசிக தலைவர் திருமாவளவன் தனது ட்விட்டரில் பதிவிட்டுள்ளார். 

நடிகர் கமலஹாசன் மீது செருப்பு, முட்டை வீச்சு என்பதை அறிந்து மிகவும் அதிர்ச்சியடைந்தேன். தமிழக அரசியல் அநாகரீகத்தின் களமாக மாறிவருவது கவலையளிக்கிறது. சங்பரிவார் கும்பலின் கொட்டத்திற்கு அதிமுக அரசே முழு பொறுப்பாகும். இப்போக்கை வன்மையாக கண்டிக்கிறேன்.@ikamalhaasan pic.twitter.com/NXxdtVWgrZ

— Thol.Thirumavalavan (@thirumaofficial) 17 May 2019

டெல்லியில் இருந்து வந்த விமானத்தில் ரூ.20 லட்சம் கொண்டு வந்ததால் சென்னை விமான நிலையத்தில் ஆரணி எம்பி செஞ்சி ஏழுமலையிடம் வருமான வரித்துறையினர் விசாரணை.