Chennai News LIVE Updates: இடையூறின்றி மழைநீர் வடிகால் பணி - சென்னை மாநகராட்சி அறிவுறுத்தல்

Today Latest News Live Updates: பெட்ரோல், டீசல் விலை நிலவரம்: சர்வதேச சந்தையில் நிலவும் கச்சா எண்ணெய் விலைக்கு ஏற்ப இந்தியாவில் பெட்ரோல் டீசல் விலை மாற்றியமைக்கப்பட்டு வருகிறது. அந்த வகையில், சென்னையில் இன்று ஒரு லிட்டர் பெட்ரோல் ரூ. 100.80-க்கும், டீசல் 92.39 ரூபாய்க்கும் விற்பனை செய்யப்படுகிறது. அதேவேளை, இயற்கை எரிவாயு ஒரு கிலோ ரூ. 91.50 -க்கு விற்பனை செய்யப்படுகிறது.

Aug 23, 2025 22:28 IST
ஆட்டோ ஓட்டுநர்களுக்கு ரூ.75,000 மானியம்: இ.பி.எஸ். பேச்சு
அதிமுக ஆட்சி அமைந்த பிறகு பதிவு செய்யப்பட்ட ஆட்டோ ஓட்டுநர்களுக்கு ரூ.75 ஆயிரம் மானியமாக வழங்கப்படும். திருமண உதவி தொகை திட்டம் மீண்டும் தொடங்கப்படும் என்று அதிமுக பொதுச்செயலாளர் எடப்பாடி பழனிசாமி உறுதியளித்துள்ளார்.



Aug 23, 2025 22:05 IST
அனில் அம்பானி வீட்டில் நடைபெற்ற சிபிஐ சோதனை நிறைவு
ரிலைன்ஸ் கம்யூனிகேசன் நிறுவனம் ஸ்டேட் வங்கியில் இருந்து கடன் வாங்கி அதை தவறாக பயன்படுத்தியதாக சி.பி.ஐ. தரப்பில் கூறப்படுகிறது. வழக்கு தொடர்பாக காலை மும்பையில் உள்ள அனில் அம்பானியின் வீட்டில் சி.பி.ஐ. அதிரடி சோதனை நடத்தினர். வங்கி மோசடி வழக்கில் தொழில் அதிபர் அனில் அம்பானி வீட்டில் சி.பி.ஐ. சோதனை நடத்தி இருப்பது பரபரப்பை ஏற்படுத்தி உள்ளது. இதற்கிடையே தன் மீதான அனைத்து குற்றச்சாட்டுக்களையும் அனில் அம்பானி மறுத்துள்ளார்.



Advertisment
Advertisements
Aug 23, 2025 21:51 IST
"சித்த மருத்துவ பல்கலை. மசோதா திருப்பி அனுப்பிய ஆளுநர்"
சென்னையில் சித்த மருத்துவ பல்கலைக்கழகம் அமைக்கும், சித்த மருத்துவ பல்கலைக்கழக மசோதாவை ஆளுநர் ஆர்.என். ரவி திருப்பி அனுப்பியுள்ளார். கடந்த 2022 ஆம் ஆண்டு சட்டமன்றத்தில் தீர்மானம் நிறைவேற்றப்பட்டு அனுப்பப்பட்ட மசோதாவில் 4 திருத்தங்கள் செய்யக் கோரி ரவி திருப்பி அனுப்பியுள்ளதாக தகவல் வெளியாகியுள்ளது. இந்த மசோதா சட்ட வல்லுனர்கள் மூலம் திருத்தம் செய்யப்பட உள்ளதாக அமைச்சர் மா சுப்பிரமணியன் கூறினார்.



Aug 23, 2025 21:50 IST
"தர்மஸ்தலா விவகாரத்தில் நீதியின் பக்கம் அரசு நிற்கிறது"
தர்மஸ்தலா விவகாரத்தில் நீதியின் பக்கம் அரசு நிற்பதாக கர்நாடக துணை முதலமைச்சர் டி.கே.சிவக்குமார் கூறினார். நாங்கள் எப்போதும் மதத்தை வைத்து அரசியல் செய்பவர்கள் அல்ல. நான் முன்பே இந்த விவகாரத்தில் சதி இருப்பதாகவும், அது கூடிய விரைவில் வெளிவரும் என்றும் சொன்னேன். அது தான் தற்போது நடந்துள்ளது. தர்மஸ்தலா விவகாரத்தில் விசாரணை நடத்துவது மிகவும் சவாலாக இருந்தது. அதை மிகவும் நுட்பமாக அரசு கையாண்டது என்றார்.



Aug 23, 2025 21:13 IST
‘நலம் காக்கும் ஸ்டாலின்’ முகாம்களில் 1.49 லட்சம் பேர் பயன்
கடந்த 3 சனிக்கிழமைகளில் நடைபெற்ற ‘நலம் காக்கும் ஸ்டாலின்’ முகாம்களில் இதுவரை 1.49 லட்சம் பேர் பயன்பெற்றுள்ளனர் என முதலமைச்சர் மு.க.ஸ்டாலின் பெருமிதம் தெரிவித்துள்ளார். “ஆகஸ்ட் 2 தொடங்கி, சனிக்கிழமைதோறும் நடைபெற்று வரும் நலம் காக்கும் ஸ்டாலின் முகாம்களில் இதுவரை 3 வாரங்கள் நிறைவுற்றுள்ளன! முதல் வாரம் ( ஆகஸ்ட் 2) 44,795 மருத்துவப் பயனாளிகள் இரண்டாம் வாரம் (ஆகஸ்ட் 9) 48,046 மருத்துவப் பயனாளிகள், மூன்றாம் வாரம் (ஆகஸ்ட் 23) 56,245 மருத்துவப் பயனாளிகள் பயன்பெற்றுள்ளனர். மருத்துவ சேவை வழங்குவதிலும், மக்களின் உடல்நலனைக் காப்பதிலும் தமிழ்நாடுதான் 'நம்பர் 1' என உறுதிசெய்வோம்” என்று கூறியுள்ளார்.



Aug 23, 2025 20:41 IST
விநாயகர் சதுர்த்தி: 380 சிறப்பு ரயில் இயக்க ரயில்வே முடிவு
விநாயகர் சதுர்த்தி முன்னிட்டு நாடு முழுவதும் 380 சிறப்பு ரயில்களை இயக்க ரயில்வே துறை திட்டமிட்டுள்ளது. ஆகஸ்ட் 27ம் தேதி தொடங்கி செப்டம்பர் 6 வரை நாடு முழுவதும் விநாயகர் சதுர்த்தி விழா சிறப்பாக கொண்டாடப்பட உள்ளது. மத்திய ரயில்வே சார்பில் அதிகபட்சமாக, மஹாராஷ்டிரா மற்றும் கொங்கன் வட்டாரத்தில் 296 ரயில்களும் மேற்கு ரயில்வே சார்பில் 56 ரயில்களும் தெற்கு ரயில்வே சார்பில் 22 ரயில்களும் கொங்கன் ரயில்வே சார்பில் 6 ரயில் சேவைகளும் இதில் அடங்கும்.



Aug 23, 2025 20:24 IST
இடையூறின்றி மழைநீர் வடிகால் பணிகள் செய்ய அறிவுறுத்தல்
மக்களுக்கும், போக்குவரத்திற்கும் இடையூறின்றி மழைநீர் வடிகால் பணிகளை மேற்கொள்ள ஒப்பந்ததாரர்களுக்கு சென்னை மாநகராட்சி நிர்வாகம் அறிவுறுத்தல் வழங்கியுள்ளது. இது தொடர்பாக வெளியிடப்பட்டுள்ள செய்திக்குறிப்பில் மழைநீர் வடிகால் பணிகள் மேற்கொள்ளும் ஒப்பந்ததாரர்கள் பணி நடைபெறும் இடங்களில் தடுப்புகள் அமைக்காமல் பொதுமக்களுக்கு ஏதேனும் அசம்பாவிதம் ஏற்பட்டால் அப்பணியை மேற்கொள்ளும் ஒப்பந்ததாரர் மீது உரிய நடவடிக்கை மேற்கொள்ளப்படும் என்று தெரிவிக்கப்பட்டுள்ளது.



Aug 23, 2025 20:04 IST
எம்.ஜி.ஆருக்கு இணையாக யாரும் இல்லை: இ.பி.எஸ். பேச்சு
எம்.ஜி.ஆர். தனி அடையாளம், அவருக்கு இணையாக யாரும் கிடையாது. எம்.ஜி.ஆரை இணையாக வைத்து எவரையும் பேச முடியாது என்று திருச்சி மாவட்டம் திருவெறும்பூரில் பரப்புரை மேற்கொண்ட அதிமுக பொதுச்செயலாளர் எடப்பாடி பழனிசாமி கூறினார்.



Aug 23, 2025 19:59 IST
அனிருத் இசை நிகழ்ச்சி - ஈ.சி.ஆரில் போக்குவரத்து நெரிசல்
சென்னை அடுத்த கூவத்தூரில் இசையமைப்பாளர் அனிருத்தின் ஹூக்கும் இசைநிகழ்ச்சி நடைபெறுகிறது. ரசிகர்கள் குவிந்து வருவதால் ஈ.சி.ஆரில் போக்குவரத்து நெரிசல் ஏற்பட்டுள்ளது.



Aug 23, 2025 19:55 IST
அடுத்த மாதம் இந்தியா-தாய்லாந்து கூட்டு ராணுவ பயிற்சி
இந்தியா , தாய்லாந்து இடையே கூட்டு ராணுவ பயிற்சி நடைபெற உள்ளது. 14வது ஆண்டாக நடைபெறும் இந்த ராணுவ பயிற்சி அடுத்த மாதம் 1ம் தேதி தொடங்குகிறது. 14 நாட்கள் நடைபெறும் இந்த ராணுவ பயிற்சியில் இருநாட்டு ராணுவமும் பயங்கரவாத தடுப்பு உள்பட பல்வேறு பயிற்சிகளை மேற்கொள்கின்றனர்.



Aug 23, 2025 19:49 IST
மத்திய வேளாண்துறை அமைச்சருடன் ஆர்.என்.ரவி சந்திப்பு
டெல்லி சென்றுள்ள தமிழக ஆளுநர் ஆர்.என்.ரவி, மத்திய வேளாண் துறை அமைச்சர் சிவராஜ் சிங் சவுகானை சந்தித்தார். இந்த சந்திப்பின் போது தமிழக விவசாய திட்டங்கள், கோரிக்கைகள் தொடர்பாக ஆலோசனை நடத்தினார். ஆர்.என்.ரவியின் டெல்லி பயணம் முக்கியத்துவம் வாய்ந்ததாக கருதப்படுகிறது.



Aug 23, 2025 19:17 IST
இந்தியாவில் பாக்., விமானங்கள் பறக்க தடை நீட்டிப்பு
பஹல்காமில் நடந்த பயங்கரவாத தாக்குதலைத் தொடர்ந்து ஏப்ரல் 30 முதல் இந்திய வான்வெளியில் பாகிஸ்தான் விமானங்கள் பறக்க தடை விதிக்கப்பட்டது. இதன்மூலம், பாகிஸ்தான் விமான நிறுவனங்களின் விமானங்கள், ராணுவ விமானங்கள் உள்ளிட்டவை இந்திய வான்பரப்பை பயன்படுத்த தடை விதிக்கப்பட்டது. இதனையடுத்து பலமுறை இந்த தடை நீட்டிக்கப்பட்டது. இந்த நிலையில், இந்தியா மீண்டும் பாகிஸ்தான் விமானங்களுக்கான வான்வெளி மூடலை செப்டம்பர் 24 வரை நீட்டித்துள்ளது. அதேபோல, பாகிஸ்தானும் இந்திய விமானங்களுக்கான வான்வெளி மூடலை செப்டம்பர் 24 வரை நீட்டித்துள்ளது.



Aug 23, 2025 19:07 IST
இன்றிரவு வெளியாகிறது 'மதராஸி' படத்தின் 2வது பாடல்
ஏ.ஆர்.முருகதாஸ் இயக்கத்தில் சிவகார்த்திகேயன் நடிப்பில் உருவாகி வரும் ‘மதராஸி’ படத்தின் 2வது பாடலான ‘வழியிறேன்’ இன்று இரவு 7.25 மணிக்கு வெளியாகிறது. விக்னேஷ் சிவன் வரிகளில் உருவான இப்பாடலுக்கு அனிருத் இசையமைத்துள்ளார்.



Aug 23, 2025 18:46 IST
"மறக்க முடியாத தருணங்களைத் தந்த மதுரை மாநாடு"
தமிழக வெற்றிக் கழகத்தின் 2-வது மாநில மாநாடு மதுரை மாவட்டம் பாரபத்தியில் வியாழக்கிழமை நடைபெற்றது. இந்த மாநாட்டின் வெற்றிக்காக கட்சி தொண்டர்களுக்கு நன்றி தெரிவித்து த.வெ.க. தலைவர் விஜய் அறிக்கை வெளியிட்டுள்ளார்.
pic.twitter.com/WQFJ8NhqeP
— TVK Vijay (@TVKVijayHQ) August 23, 2025
நம் மீது வீசப்படும் விமர்சனங்களில் நல்லவற்றை மட்டும் நமதாக்கி உரமேற்றுவோம். அல்லவை அனைத்தையும் புறந்தள்ளிப் புன்னகைப்போம். மக்களோடு மக்களாக இணைந்து நிற்கும் மக்களரசியல் மட்டுமே, நமது நிரந்தர அரசியல் நிலைப்பாடு. மனசாட்சி உள்ள மக்களாட்சியை நிலைநாட்டுவது மட்டுமே நம் இலக்கு என்று குறிப்பிட்டுள்ளார்.



Aug 23, 2025 18:30 IST
த.வெ.க. தொண்டர்கள் உயிரிழப்பு - விஜய் இரங்கல்
தமிழக வெற்றிக் கழகத்தின் 2வது மாநில மாநாடு மதுரை மாவட்டம் பாரபத்தியில் வியாழக்கிழமை நடைபெற்றது. இந்த மாநாட்டிற்கு முன்பும், பின்பும் உயிரிழந்த த.வெ.க. தொண்டர்களின் குடும்பத்தினருக்கு அக்கட்சியின் தலைவர் விஜய் இரங்கல் தெரிவித்துள்ளார்.
pic.twitter.com/WQFJ8NhqeP
— TVK Vijay (@TVKVijayHQ) August 23, 2025



Aug 23, 2025 18:12 IST
அமெரிக்காவிற்கான தபால் சேவை நிறுத்தம் - அறிவிப்பு
ஆக.25 முதல் அமெரிக்காவுக்கு பார்சல்களை அனுப்புவதை தற்காலிகமாக நிறுத்துவதாக இந்தியா போஸ்ட் நிறுவனம் அறிவித்துள்ளது. இது தொடர்பாக வெளியிட்ட அறிக்கையில், கடிதங்கள், ஆவணங்கள் மற்றும் சுமார் ரூ.9,000 (100 டாலர்) மதிப்புள்ள பரிசுப் பொருட்களைத் தவிர்த்து, அமெரிக்காவுக்கான அனைத்து வகையான பார்சல்களும் நிறுத்திவைக்கப்படுகிறது. ஏற்கனவே பார்சல்களை அனுப்ப பதிவு செய்தவர்கள், தபால் கட்டணத்தை திரும்பப் பெறலாம். வாடிக்கையாளர்களுக்கு ஏற்பட்டுள்ள இந்த சிரமத்திற்கு தபால்துறை மிகவும் வருந்துகிறது” என்று தெரிவிக்கப்பட்டுள்ளது.



Aug 23, 2025 17:45 IST
தூய்மைப் பணியாளர் உடலுக்கு அஞ்சலி
சென்னை கண்ணகி நகரில் தூய்மைப் பணியாளர் வரலட்சுமி உடலுக்கு மேயர் பிரியா, மாநகராட்சி ஆணையர் குமரகுருபரன் அஞ்சலி செலுத்தினார்.



Aug 23, 2025 17:36 IST
நாட்டில் முதல் ஹைட்ரஜன் ரயில்!
சென்னை ஐசிஎப்-பில் உருவாக்கப்பட்ட நாட்டின் முதல் ஹைட்ரஜன் ரயில் டெல்லிக்கு புறப்பட்டது; சுற்றுச்சூழல் சூழலுக்கு பாதிப்பு ஏற்படுத்தாத வகையில் தயாரிக்கப்பட்ட ரயில்.
ஹரியானாவின் சோனிபத்தில் இருந்து - ஜிந்த் வரை இந்த ரயில் இயக்கப்பட உள்ளது



Aug 23, 2025 16:48 IST
சீமான் நேரில் ஆறுதல்!
சென்னை கண்ணகி நகரில் மின்சாரம் தாக்கி உயிரிழந்த தூய்மைப் பணியாளர் வரலட்சுமியின் உடலுக்கு நாம் தமிழர் கட்சியின் தலைமை ஒருங்கிணைப்பாளர் சீமான் அஞ்சலி செலுத்தினார். பின்னர், உயிரிழந்த வரலட்சுமியின் குடும்பத்தினருக்கு நேரில் ஆறுதல் கூறினார்.



Aug 23, 2025 16:43 IST
ஜி.கே. மணி மருத்துவமனையில் அனுமதி!
பாட்டாளி மக்கள் கட்சியின் கௌரவத் தலைவர் ஜி.கே. மணி, நெஞ்சுவலி காரணமாக சென்னை வானகரத்தில் உள்ள அப்போலோ மருத்துவமனையில் அனுமதிக்கப்பட்டுள்ளார்.



Aug 23, 2025 16:08 IST
தூய்மைப் பணியாளர் உடலுக்கு தமிழிசை அஞ்சலி
சென்னை: மின்சாரம் பாய்ந்து  உயிரிழந்த தூய்மைப் பணியாளர் வரலட்சிமியின் உடலுக்கு நேரில் சென்று அஞ்சலி செலுத்தினார் தமிழிசை சௌந்தர்ராஜன்; வரலட்சுமியின் குடும்பத்தினருக்கு 70,000 ரூபாய் நிவாரணமாக வழங்கியதுடன், கண்ணீருடன் ஆறுதலும் தெரிவித்துள்ளார்



Aug 23, 2025 16:06 IST
அதிகாரம் ஒரே இடத்தில் குவிந்தால்: மு.க.ஸ்டாலின்
அதிகாரம் ஒரே இடத்தில் குவிந்தால் வீக்கமாகுமே தவிர, அது வலிமையாகவோ வளர்ச்சியாகவோ ஆகாது. 
மத்திய - மாநில அரசுகளிடையே உறவுகள் மேம்பட பரிந்துரைகள் வழங்குவதற்காக அமைக்கப்பட்டுள்ள உயர் நிலைக்குழுவின் கருத்தரங்கில் பேசியதை மேற்கோள் காட்டி மு.க.ஸ்டாலின் பதிவு



Aug 23, 2025 16:03 IST
ஸ்டாலினுக்கு பின் உதயநிதி தான் தமிழக முதல்வர்
திமுகவின் வேர் ஆழமானது, அந்த வேரை அசைக்கவோ, கண்டறியவோ அமித்ஷாவால் முடியாது ஸ்டாலினுக்கு பின் உதயநிதி தான் தமிழக முதல்வராக பொறுப்பேற்பார். அமித்ஷாவால் அதனை தடுக்க முடியாது
- அமைச்சர் ரகுபதி



Aug 23, 2025 15:01 IST
நாட்டிலேயே முதல் முறையாக ஐசிஎப்பில் தயாரிக்கப்பட்ட, ஹைட்ரஜன் ரயில் டெல்லி புறப்பட்டது
சுற்றுச்சூழலை பாதுகாக்கும் வகையில் சென்னை ஐசிஎப்பில் தயாரிக்கப்பட்ட ஹைட்ரஜன் ரயில் டெல்லி புறப்பட்டது. விரைவில் ஹைட்ரஜன் ரயில் பயன்பாட்டுக்கு கொண்டு வரப்படும் என ரயில்வே அமைச்சர் அஸ்வினி வைஷ்ணவ் பதிவிட்டுள்ளார். நாட்டிலேயே முதல் முறையாக ஐசிஎப்பில் தயாரிக்கப்பட்ட, ஹைட்ரஜன் ரயில் இன்று புறப்பட்டு சென்றது. அரியானா மாநிலம் சோனி பட்டில் இருந்து- ஜிந்த் வரை விரைவில் ஹைட்ரஜன் ரயில் இயக்கப்பட உள்ளது.!!



Aug 23, 2025 14:52 IST
ஆரணி சட்டமன்றத் தொகுதிக்குட்பட்ட கட்சி நிர்வாகிகளுடன் முதலமைச்சர் மு.க.ஸ்டாலின் சந்திப்பு!
‘உடன்பிறப்பே வா' நிகழ்வில், ஆரணி சட்டமன்றத் தொகுதிக்குட்பட்ட நிர்வாகிகளை தனித்தனியே சந்தித்து பேசியயுள்ளார் முதலமைச்சர் மு.க.ஸ்டாலின்



Aug 23, 2025 14:28 IST
பாரிவேந்தருக்கு இபிஎஸ் வாழ்த்து
பாரிவேந்தரின் கடின உழைப்புதான் அவரது முன்னேற்றத்துக்குக் காரணம். 86-வது பிறந்தநாள் காணும் பாரிவேந்தர் நல்ல உடல் நலத்துடனும், நீண்ட ஆயுளுடனும் எல்லாம் வல்ல இறைவனால் பல்லாண்டு வாழ வயதில் குறைவாக இருந்தாலும் வாழ்த்துகிறேன் ஐ.ஜே.கே. நிறுவனர் பாரிவேந்தர் பிறந்த நாள் விழாவில் அதிமுக பொதுச்செயலாளர் எடப்பாடி பழனிசாமி தெரிவித்துள்ளார். 



Aug 23, 2025 14:14 IST
திமுக என்ற வேரை அசைக்கக் கூட முடியாது : ஒன்றிய அமைச்சர் அமித்ஷா பேச்சுக்கு அமைச்சர் ரகுபதி பதிலடி
திமுக என்ற வேரை அசைக்கக் கூட முடியாது என்று ஒன்றிய அமைச்சர் அமித்ஷா பேச்சுக்கு அமைச்சர் ரகுபதி பதிலடி கொடுத்துள்ளார். மேலும் பேசிய அவர், "திமுகவின் வேர் எங்கே இருக்கின்றது என்பது கூட அமித்ஷாவிற்கு தெரியாது. ஆழமாக பாய்ந்துள்ள திமுகவின் வேரை அமித்ஷாவால் தேடிக்கண்டுபிடிக்கவே முடியாது,"என்று தெரிவித்தார்.



Aug 23, 2025 14:12 IST
அரசு நிர்வாகத்தின் அலட்சியத்தால் உயிரிழப்பு - டிடிவி தினகரன்
கண்ணகி நகரில் அரசு நிர்வாகத்தின் அலட்சியத்தால் பெண் தூய்மைப் பணியாளர் உயிரிழப்பு. மின்சார வாரியத்திடம் புகாரளித்தும் மின் கம்பிகள் சீர் செய்யப்படாததே இறப்புக்கு காரணம்; மழைக்காலம் தொடங்கிய நிலையில் சேதமடைந்துள்ள மின் கம்பிகளை சரி செய்ய வேண்டும்| என்று அமமுக பொதுச்செயலாளர் டிடிவி தினகரன் கூறியுள்ளார். 



Aug 23, 2025 13:49 IST
மத்திய வேளாண் துறை அமைச்சருடன் ஆளுநர் ஆர்.என்.ரவி சந்திப்பு
டெல்லியில் மத்திய வேளாண் துறை அமைச்சர் சிவராஜ் சிங் சவுகானுடன் தமிழ்நாடு ஆளுநர் ஆர்.என்.ரவி சந்திப்பு. டெல்லி சென்றுள்ள ஆளுநர் ஆர்.என்.ரவி தமிழக விவசாய திட்டங்கள், கோரிக்கைகள் தொடர்பாக ஆலோசனை; விவசாயிகளுக்கு தொடர்ந்து ஆதரவாக செயல்பட்டு வருவதாக மத்திய அரசுக்கு ஆளுநர் ஆர்.என்.ரவி நன்றி



Aug 23, 2025 13:48 IST
தூய்மைப் பணியாளர் குடும்பத்திற்கு நிதியுதவி
கண்ணகி நகரில் தூய்மைப் பணியில் ஈடுபட்டு கொண்டிருந்த ஒப்பந்த பணியாளர் வரலட்சுமி (30) மின்சாரம் பாய்ந்து உயிரிழந்த நிலையில், அவரது குடும்பத்தை நேரில் சென்று சந்தித்த சுகாதாரத்துறை அமைச்சர் மா.சுப்பிரமணியன் ரூ.20 லட்சம் நிதியுதவி வழங்கினார்



Aug 23, 2025 13:11 IST
விஜய் மாநாட்டில் கருத்தியல் இல்லை - திருமாவளவன்
“விஜய் மாநாட்டில் கருத்தியல் இல்லை 1977இல் எம்ஜிஆர் ஆட்சியை பிடித்த காலம் வேறு; இப்போதுள்ள காலம் வேறு; 2026 தேர்தலில் திமுகவை விஜயால் வீழ்த்த முடியாது” என்று விசிக தலைவர் திருமாவளவன் கூறியுள்ளார். 



Aug 23, 2025 13:06 IST
தி.மு.க-வுக்கு போட்டியே கிடையாது - அமைச்சர் கே.என்.நேரு பேச்சு 
தி.மு.க-வுக்கு போட்டியே கிடையாது; எதிரில் யார் இருந்தாலும் நாங்கள்தான் வெற்றி பெறுவோம் என்று அமைச்சர் கே.என்.நேரு. தெரிவித்துள்ளார். எம்.ஜி.ஆரை விட தற்போது முதலமைச்சர் மு.க.ஸ்டாலினுக்கு மகளிர் ஆதரவு பெருகி வருகிறது என்றும், முதல்வரை யார் எந்த பெயரை வைத்து அழைத்தாலும் மீண்டும் அவர்தான் தமிழகத்தின் முதல்வர் என்றும் அமைச்சர் கே.என்.நேரு தெரிவித்துள்ளார்.



Aug 23, 2025 13:03 IST
கட்டுமானத் துறையில் இருந்த பல சிக்கல்களுக்கு தீர்வு : அமைச்சர் முத்துசாமி
கட்டுமானத் துறையில் இருந்த பல சிக்கல்கள் சரி செய்யப்பட்டுள்ளன என்று அமைச்சர் முத்துசாமி தெரிவித்துள்ளார். கட்டட அனுமதிக்காக சிங்கிள் விண்டோ சிஸ்டம் அறிமுகம் செய்யப்பட்டுள்ளது என்றும் நேர விரயம் தவிர்த்து வரைபடத்துடன் விரைவாக அனுமதி பெறக் கூடிய வாய்ப்பு ஏற்பட்டுள்ளது என்றும் அமைச்சர் முத்துசாமி குறிப்பிட்டுள்ளார்.



Aug 23, 2025 12:41 IST
மாணவர்களிடையே போதை பழக்கம் - கணக்கெடுப்பு
பள்ளி மாணவர்களிடையே போதை பழக்கம் உள்ளவர்கள் குறித்து மதுவிலக்கு மற்றும் கலால் துறை கணக்கெடுப்பு நடத்த பள்ளி கல்வித்துறை உத்தரவிட்டுள்ளது. மதுவிலக்கு துறை கேட்கும் கேள்விகளுக்கு செப்.10க்குள் உரிய பதில்களை அளிக்க பள்ளி தலைமை ஆசிரியர்களுக்கு உத்தரவு பிறப்பிக்கப்பட்டுள்ளது. 



Aug 23, 2025 12:26 IST
நியாயமான நிதி பங்கீட்டை தர மறுக்கும் ஒன்றிய அரசு - ஸ்டாலின் பேச்சு 
சென்னை கலைவாணர் அரங்கில் ஒன்றிய, மாநில உறவுகள் குறித்த கருத்தரங்கை தொடங்கி வைத்த முதலமைச்சர் மு.க.ஸ்டாலின் பேசுகையில், "சட்டக் குறுக்கீடுகள், நிர்வாக குறுக்கீடுகள் வழியாக பா.ஜ.க அல்லாத எதிர்க்கட்சிகள் ஆளும் மாநில அரசுகளுக்கு தொடர்ந்து தொல்லை தரும் வகையில், பல தடைகளை ஒன்றிய அரசு ஏற்படுத்தி வருகிறது. நிதி ஆணையங்கள் சுதந்திரமாக செயல்படுவதையும், மாநிலங்களுக்கு அளிக்க வேண்டிய உரிய நியாயமான நிதி பங்கீட்டையும் மறுக்கிறது" என்று அவர் தெரிவித்தார். 



Aug 23, 2025 12:19 IST
சுதாகர் ரெட்டி மறைவுக்கு ஸ்டாலின் இரங்கல் 
இந்திய கம்யூனிஸ்ட் கட்சி மூத்த தலைவர் சுதாகர் ரெட்டி மறைவுக்கு முதல்வர் மு.க.ஸ்டாலின் இரங்கல் தெரிவித்துள்ளார். இது தொடர்பான அவரது எக்ஸ் தள பதிவில், "தொழிலாளர்கள், விவசாயிகள், ஒடுக்கப்பட்ட மக்களுக்காக தமது வாழ்க்கையை அர்ப்பணித்தவர். நீதி, கண்ணியத்துக்கான போராட்டத்தை சுதாகர் ரெட்டியின் வாழ்க்கை நமக்கு தொடர்ந்து ஊக்குவிக்கும். சுதாகர் ரெட்டியை இழந்து வாடும் அவரது குடும்பத்தினர், தோழர்களுக்கு ஆழ்ந்த இரங்கல்," என்று அவர் கூறியுள்ளார். 



Aug 23, 2025 12:01 IST
இளவேனில் வாலறிவனுக்கு அண்ணாமலை வாழ்த்து
"2025 ஆசிய துப்பாக்கி சுடுதல் சாம்பியன்ஷிப்பில் பெண்கள் 10 மீட்டர் ஏர் ரைஃபிள் பிரிவில் தங்கப் பதக்கம் வென்ற இளவேனில் வாலறிவனுக்கு மனமார்ந்த வாழ்த்துக்கள்.  அவரது அற்புதமான சாதனைகள் தமிழகத்தையும் ஒட்டுமொத்த இந்தியாவையும் பெருமைப்படுத்துகின்றன. அவர் தொடர்ந்து பிரகாசமாக பிரகாசிக்கட்டும், எதிர்கால சாம்பியன்களை ஊக்குவிக்கட்டும்." என்று தமிழக பா.ஜ.க-வின் முன்னாள் தலைவர்  அண்ணாமலை தெரிவித்துள்ளார். 
Heartfelt wishes to Elavenil Valarivan on winning the gold medal in the women’s 10m air rifle at the 2025 Asian Shooting Championships.

Her stellar achievements make Tamil Nadu and all of India proud. May she continue to shine brightly and inspire generations of champions to… pic.twitter.com/qTEFs3jEDW
— K.Annamalai (@annamalai_k) August 23, 2025



Aug 23, 2025 11:39 IST
 தூய்மைப் பணியாளர் மரணம் - கணவருக்கு அரசு வேலை; கல்விச் செலவை ஏற்கும் தி.மு.க: அமைச்சர் மா.சு அறிவிப்பு 
தூய்மைப் பணியாளர் குடும்பத்தினரிடம் ரூ.20 லட்சத்துக்கான காசோலையை அமைச்சர் மா.சுப்பிரமணியன் வழங்கினார். தூய்மை பணியாளர் வரலட்சுமியின் கணவருக்கு அரசு வேலை வழங்கப்படும் என்றும் தூய்மை பணியாளர் வரலட்சுமி குழந்தைகளின் கல்விச் செலவை திமுக ஏற்கும் என்றும் அமைச்சர் மா.சுப்பிரமணியன் தெரிவித்தார். சென்னை கண்ணகி நகரில் பணிக்கு செல்லும்போது மின்சாரம் தாக்கி தூய்மைப் பணியாளர் வரலட்சுமி உயிரிழந்தார்.



Aug 23, 2025 11:33 IST
'குறுகிய எண்ணத்தோடு செயல்படும் ஒன்றிய அரசு' - ஸ்டாலின் தாக்கு 
"தமிழ்நாட்டின் பொருளாதார வளர்ச்சிக்கான பயன்கள் அனைவருக்கும் சென்று சேர்ந்துள்ளது. திராவிட மாடல் ஆட்சியின் 4.5 ஆண்டுகளில் பல்வேறு நெருக்கடிகளுக்கு மத்தியில் திட்டங்களை நிறைவேற்றி வருகிறோம். ஒன்றிய அரசு குறுகிய எண்ணத்தோடு செயல்படுகிறது. ஒன்றிய அரசுக்கு அதிக வரி வருவாயை ஈட்டித் தரும் மாநிலமாக தமிழ்நாடு உள்ளது" என்று சென்னை கலைவாணர் அரங்கில் ஒன்றிய, மாநில உறவுகள் குறித்த கருத்தரங்கை தொடங்கி வைத்த முதலமைச்சர் மு.க.ஸ்டாலின் பேசியிருக்கிறார். 



Aug 23, 2025 11:30 IST
மின்சார ரயில் மோதி இளைஞர் படுகாயம்
தாம்பரம் ரயில் நிலையத்தில் தண்டவாளத்தை கடக்க முயன்ற இளைஞர் மீது மின்சார ரயில் மோதி மதுரையைச் சேர்ந்த இளைஞர் சிவா படுகாயம் அடைந்தார். உயிருக்கு ஆபத்தான நிலையில் இளைஞருக்கு சிகிச்சை அளிக்கப்பட்டு வருகிறது. 



Aug 23, 2025 11:27 IST
ஜி.கே.மணி மருத்துவமனையில் அனுமதி
பா.ம.க கௌரவ தலைவர் ஜி.கே.மணி நெஞ்சுவலி மற்றும் முதுகு தண்டு வலி காரணமாக சென்னை வானகரம் அப்போலோ மருத்துவமனையில் அனுமதிக்கப்பட்டுள்ளார். 



Aug 23, 2025 11:25 IST
மின்சாரம் தாக்கி தூய்மை பணியாளர் பலி: ரூ.20 லட்சம் இழப்பீடு அறிவிப்பு 
மின்சாரம் தாக்கி உயிரிழந்த தூய்மை பணியாளர் குடும்பத்திற்கு ரூ.20 லட்சம் இழப்பீடு அறிவிக்கப்பட்டுள்ளது. 
சென்னை கண்ணகி நகரில் அதிகாலை தூய்மை பணியில் ஈடுபட்ட வரலட்சுமி தேங்கி நின்ற மழை நீரில் மின்சாரம் பாய்ந்து உயிரிழந்துள்ளர். மின்சாரம் தாக்கி உயிரிழந்த தூய்மை பணியாளர் வரலட்சுமி குடும்பத்திற்கு ரூ.20 லட்சம் இழப்பீடு அறிவிக்கப்பட்டுள்ளது. மின்சார வாரியம், தூய்மை பணியாளர் நிறுவனத்தின் சார்பில் தலா ரூ.10 லட்சம் வழங்கப்படும் எனவும் அறிவிக்கப்பட்டுள்ளது. 



Aug 23, 2025 10:28 IST
ராகுல் காந்தி நடத்தும் யாத்திரையில் பங்கேற்கும் மு.க.ஸ்டாலின்
பீகாரில் வாக்கு திருட்டுக்கு எதிராக மக்களவை எதிர்க்கட்சி தலைவர் ராகுல்காந்தி வரும் 27-ந் தேதி நடத்தும், பாத யாத்திரையில் தமிழ்நாடு முதல்வர் ஸ்டாலின் பங்கேற்க உள்ளதாக அறிவிக்கப்பட்டுள்ளது.  



Aug 23, 2025 10:03 IST
தாம்பரத்தில் 10,000 தெரு நாய்களுக்கு ரேபிஸ் தடுப்பூசி
தாம்பரத்தில் 10,000 க்கும் மேற்பட்ட தெரு நாய்களுக்கு ரேபிஸ் தடுப்பூசி செலுத்தப்பட்டுள்ளதாக மாநகராட்சி தகவல் தெரிவித்துள்ளது. ஆக.6 - 22 வரை நடந்த தடுப்பூசி முகாமில் 10,167 தெருநாய்களுக்கு தடுப்பூசி - மாநகராட்சி தகவல்



Aug 23, 2025 10:02 IST
ஆசிய துப்பாக்கி சுடுதல் - தங்கம் வென்ற தங்க மகள்
கஜகஸ்தானில் நடைபெற்று வரும் ஆசிய துப்பாக்கிச் சுடுதல் சாம்பியன்ஷிப் தொடரில், தமிழகத்தின் இளவேனில் வாலறிவன் 10 மீட்டர் ஏர் ரைபிள் பிரிவில் 253.6 புள்ளிகளுடன் முதலிடம் பிடித்து தங்க‌ப்பதக்கம் வென்று சாதனை படைத்துள்ளார்.



Aug 23, 2025 10:00 IST
சிறையில் இருந்து ஊழலை எப்படி எதிர்க்க முடியும்? பிரதமர் மோடி கேள்வி
சிறையில் இருந்தும் பதவியில் இருக்கும் அணுகுமுறை தொடர்ந்தால், ஊழலை எப்படி எதிர்த்து போராட முடியும்? என கேள்வி எழுப்பியுள்ள பிரதமர் மோடி, ஒரு அரசு ஊழியர் 50 மணி நேரம் சிறையில் அடைக்கப்பட்டால், தானாகவே அவர் வேலையை இழப்பார் எனவும் கூறியுள்ளர்.



Aug 23, 2025 09:18 IST
ரஷ்யாவுக்கு டிரம்ப் எச்சரிக்கை
உக்ரைன் ரஷ்யா இடையே போர் நிறுத்தம் தொடர்பாக, 2 வாரங்களில் முக்கிய முடிவு எடுக்கப்போவதாக அறிவித்த அமெரிக்க அதிபர் டிரம்ப் பேச்சுவார்த்தையில் முன்னேற்றம் ஏற்படாவிட்டால், வரி விதிப்பு, பொருளாதாரத் தடை அல்லது இரண்டுமே விதிக்கப்படும் என ரஷ்யாவுக்கு டிரம்ப் எச்சரிக்கை விடுத்துள்ளார்.



Aug 23, 2025 09:16 IST
சென்னை துரைப்பாக்கத்தில் 19.5 செமீ மழை பதிவு
சென்னையில் கடந்த 24 மணி நேரத்தில், 13 இடங்களில் மிக கனமழை பதிவாகி இருப்பதாக மாநகராட்சி தகவல் தெரிவித்துள்ளது. கடந்த 24 மணி நேரத்தில் அதிகபட்சமாக சென்னை ஒக்கியம் துரைப்பாக்கத்தில் 19.5 செமீ மழை பதிவு பள்ளிக்கரணை - 17.7 செமீ, மேடவாக்கம் -17 செமீ, பாரிமுனை -15.9 செமீ, மடிப்பாக்கம் - 15.7, ஈஞ்சம்பாக்கம் 14 செமீ மழை பதிவு ஆகியுள்ளதாகவும் தெரிவிக்கப்பட்டுள்ளது



Aug 23, 2025 09:15 IST
அமெரிக்காவில் விசாக்கள் மறுபரிசீலனை
அமெரிக்காவில் வசிக்கும் 5.5 கோடி வெளிநாட்டினரின் விசாக்கள் மறுபரிசீலனை செய்யப்படும் என்றும், இதில் விதிமீறல் கண்டுபிடிக்கப்பட்டால், அவர்கள் வெளியேற்றப்படுவார்கள் என்று டிரம்ப் அறிவித்துள்ளார்.



Aug 23, 2025 09:11 IST
உத்தரகாண்டில் சாமோலியில் மேக வெடிப்பு - வீடுகள் சேதம்
உத்தரகாண்ட், சாமோலியின் தாராலி தாலுகாவில் நேற்று இரவு ஏற்பட்ட மேக வெடிப்பு காரணமாக ஏராளமான வீடுகள் இடிபாடுகளில் சிக்கி முற்றிலுமாக சேதம்  மேக வெடிப்பு ஏற்பட்ட பகுதிக்கு மீட்பு குழு விரைந்துள்ளது - 2 பேர் காணாமல் போனதாக தகவல் வெளியாகியுள்ளது.