Tamil News Highlights: கோயம்பேட்டில் நள்ளிரவில் பயணிகள் போராட்டம்

மணிப்பூர் தலைநகர் இம்பாலில் வீடுகளுக்கு தீவைப்பு சம்பவத்தைத் தொடர்ந்து, மாநில அரசு ஊரடங்கு தளர்வு உத்தரவு நேரத்தை இப்போது காலை 6 மணி முதல் மதியம் 2 மணி வரை குறைத்துள்ளது. முன்னதாக, ஊரடங்கு தளர்வு உத்தரவு காலை 6 மணி முதல் மாலை 4 மணி வரை தளர்த்தப்பட்டிருந்தது.

மணிப்பூர் தலைநகர் இம்பாலில் திங்கள்கிழமை இம்பால் கிழக்கு மாவட்டத்தில் ஒரு கும்பல் வீடுகளுக்கு தீ வைத்ததை அடுத்து பதற்றம் நிலவியது. நிலைமையைக் கட்டுப்படுத்த ராணுவம் மற்றும் துணை ராணுவப் படையினர் விரைந்துள்ளனர்.

தீவைப்பு சம்பவத்தைத் தொடர்ந்து, மாநில அரசு ஊரடங்கு தளர்வு உத்தரவை இப்போது காலை 6 மணி முதல் மதியம் 2 மணி வரை என குறைத்துள்ளது. முன்னதாக, ஊரடங்கு தளர்வு உத்தரவு காலை 6 மணி முதல் மாலை 4 மணி வரை என தளர்த்தப்பட்டிருந்தது.

தொடர்ந்து வீடுகள் மற்றும் வளாகங்களுக்கு தீ வைப்பு போன்ற சம்பவங்கள் பற்றிய செய்திகளை மேற்கோள் காட்டி இணைய சேவைகளுக்கான தடையை அதிகாரிகள் மேலும் ஐந்து நாட்களுக்கு நீட்டித்தனர்.

“மணிப்பூர் மாநிலத்தில் சட்டம்-ஒழுங்கு நிலைமைக்கு கடுமையான விளைவுகளை ஏற்படுத்தக்கூடிய பொதுமக்களின் உணர்வுகளைத் தூண்டும் படங்கள், வெறுப்பு பேச்சு மற்றும் வெறுப்பு வீடியோ செய்திகளை பரப்புவதற்கு சமூக விரோதிகள் சமூக ஊடகங்களை பரவலாகப் பயன்படுத்தக்கூடும் என்ற அச்சம் உள்ளது” இணைய சேவை தடை உத்தரவில் கூறப்பட்டுள்ளது.

நடிகர் சரத்பாபு மறைவுக்கு இரங்கல் தெரிவித்து கர்நாடக துணை முதலமைச்சர் டி.கே. சிவக்குமார் ட்வீட் செய்துள்ளார். அதில், “பிரபல தென்னிந்திய நடிகர் சரத் பாபுவின் மறைவு செய்தி கேட்டு மிகுந்த வருத்தம் அடைந்தேன். அமிர்தவர்ஷினி படத்தில் அவருடைய நடிப்பு எனக்கு மிகவும் பிடித்திருந்தது. அவரது ஆன்மா சாந்தியடையட்டும். அவரது குடும்பத்தினர் மற்றும் ரசிகர்களின் வலியில் நானும் பங்கு கொள்கிறேன்” என்று தெரிவித்துள்ளார்.

நடிகர் சரத்பாபு மறைவுக்கு கமல்ஹாசன் இரங்கல் தெரிவித்து ட்வீட் செய்துள்ளார். அதில், “சிறந்த நடிகரும், அருமை நண்பருமான சரத்பாபு மறைந்துவிட்டார். அவருடன் இணைந்து நடித்த நாட்கள் என் மனதில் நிழலாடுகின்றன. தமிழில் என் குருநாதரால் அறிமுகப்படுத்தப்பட்டவர்; காலத்தால் அழியாத பல பாத்திரங்களை ஏற்று சிறப்பு செய்தவர். ஒரு நல்ல நடிகரை சினிமா இழந்திருக்கிறது; அவருக்கு என் அஞ்சலி” என்று தெரிவித்துள்ளார்.

நெல்லை, பாளையங்கோட்டை வஉசி மைதானத்தின் பார்வையாளர் அரங்கு நிழல் குடை சரிந்து விழுந்து விபத்து ஏற்பட்டது. திடீரென காற்றுடன் பெய்த கனமழையால் மைதான பார்வையாளர் நிழல் குடை சேதம் அடைந்தது. விபத்து நடந்த வ.உ.சி மைதானத்தை மூட மாநகராட்சி ஆணையர் சிவ கிருஷ்ணமூர்த்தி உத்தரவிட்டுள்ளார்.

ஓ. பன்னீர்செல்வம் அணியைச் சேர்ந்த புகழேந்தி உள்ளிட்ட நிர்வாகிகளுக்கு கொலை மிரட்டல் விடுத்ததாக இ.பி.எஸ் மீது புகார் அளிக்கப்பட்டுள்ளது. இ.பி.எஸ் முருகன் உள்ளிட்ட 30 பேர் மீது நடவடிக்கை எடுக்கக் கோரி எடப்பாடி காவல் நிலையத்தில் புகார் அளிக்கப்பட்டுள்ளது.