உடுமலை அருகே கார் - வேன் மோதி விபத்து: ஒரே குடும்பத்தில் 4 பேர் மரணம்!

திருப்பூர் மாவட்டம் உடுமலை அருகே, கார் – வேன் நேருக்கு நேர் மோதி விபத்துக்குள்ளானதில் ஒரே குடும்பத்தை சேர்ந்த 4 பேர் சம்பவ இடத்திலேயே பரிதாபமாக உயரிழந்தனர். மேலும், 10-க்கு மேற்பட்டோர் பலத்த காயத்துடன் மருத்துவமனையில் சிகிச்சை பெற்று வருகின்றனர்.

தின்டுக்கல் மாவட்டம் பழனியில் இருந்த ஒரு குடும்பத்தினர் கோவை மாவட்டம் கிணத்துக்கடவு பகுதியில் உறவினர் வீட்டு துக்க நிகழ்வுக்காக சென்றுள்ளனர். இவர்கள் அங்கிருந்து மீண்டும் வீடு திரும்பும்போது, திருப்பூர் மாவட்டம் உடுமலை புறவழிச்சாலையில் கார் மீது வேன் மோதி பெரிய விபத்து ஏற்பட்டது. இந்த விபத்தில் கார் அப்பளம்போல் நெருங்கிய நிலையில், காரில் பயணித்த ஒரே குடும்பத்தை சேர்ந்த 4 பேர் பரிதாபமாக மரணமடைந்தனர். 

மேலும் காரில் பயணித்த 2பேர் பலத்த காயத்துடன் மருத்துவமனையில் அனுமதிக்கப்பட்டுள்ள நிலையில், வேனில் 23 பேர் பயணித்துள்ளது. இதில் 12 பேர் காயமடைந்து மருத்துவமனையில் சிகிச்சை பெற்று வருகின்றனர். அதிகாலையில் நடந்த இந்த கோர சம்பவம் அப்பகுதியில் பெரும் பரபரப்பை ஏற்படுத்தியுள்ள நிலையில், இது குறித்து உடுமலை போலீசார் விசாரணை நடத்தி வருகின்றனர்.