மின்வெட்டை தவிர்க்குமா தமிழகம்? 4 நாட்களுக்கு மட்டுமே நிலக்கரி கையிருப்பு

உலக அளவில் ஏற்பட்டுள்ள நெருக்கடியால் இந்தியாவில் நிலக்கரி பற்றாக்குறை ஏற்பட்டுள்ளது. அதனால், வடசென்னை, தூத்துக்குடி, மேட்டூரில் உள்ள தமிழ்நாடு மின்சார வாரியமான டான்ஜெட்கோவின் 5 அனல் மின் நிலையங்களிலும் சராசரியாக 4 நாட்களுக்கு மட்டுமே நிலக்கரி கையிருப்பு உள்ளது. இதனால், தமிழகம் மின்வெட்டை தவிர்க்குமா என்ற கேள்விகள் எழுந்துள்ளன.

இந்தியாவில் நிலக்கரி பற்றாக்குறையை ஏற்படுத்திய உலகளாவிய நெருக்கடி தமிழகத்தையும் விட்டுவைக்கவில்லை. வடசென்னை, தூத்துக்குடி, மேட்டூரில் உள்ள மாநில மின்வாரியமான டான்ஜெட்கோவின் 5 அனல் மின் நிலையங்களில் சராசரியாக 4 நாட்களுக்கு மட்டுமே நிலக்கரி கையிருப்பு உள்ளது. அதனால், எரிபொருள் விநியோகத்தை உறுதி செய்வதற்காக டான்ஜெட்கோ மத்திய மின் அமைச்சகம் மற்றும் கோல் இந்தியா நிறுவனத்துடன் (CIL) உடன் தொடர்பு கொண்டுள்ளது.

டான்ஜெட்கோ, வல்லூர் அனல் மின் நிலையம், என்டிபிஎல் தூத்துக்குடி ஆகியவை கோல் இந்தியா லிமிடெட் நிறுவனத்துடன் எரிபொருள் விநியோக ஒப்பந்தம் செய்துள்ளன. கடந்த வாரம் செப்டம்பரில் இருந்து கோல் இந்தியா நிறுவனத்தில் இருந்து பொருட்கள் வரத்து குறைந்துள்ளது. புதன்கிழமை அனைத்து நிலையங்களின் நிலக்கரி நுகர்வு 60,265 டன்னாக இருந்தபோது, நாம் 36,255 டன்களையே பெற்றோம். இந்த நாள் முடிவில் மொத்த கையிருப்பு 1.92 லட்சம் டன்னாக இருந்தது. இது சில நாட்களுக்கு மட்டுமே நீடிக்கும் என்று வட்டாரங்கள் தெரிவிக்கின்றன. மேலும், “வரவிருக்கும் நாட்களில் நிலக்கரி விநியோகத்தை எதிர்பார்க்கிறோம் என்பதால் நெருக்கடியை நிர்வகிப்பதில் நாங்கள் நம்பிக்கையுடன் இருக்கிறோம்” என்று வட்டாரங்கள் தெரிவிக்கின்றன.

தூத்துக்குடியில் நிலக்கரி கையிருப்பு 2.6 நாட்களுக்கும், மேட்டூரில் 3.4 நாட்களுக்கும், வட சென்னையில் உள்ள அனல் மின் நிலையத்தில் 2.2 நாட்களுக்கும் கையிருப்பு இருக்கும் என்று அதிகாரி ஒருவர் கூறினார். தினசரி நிலக்கரி வழங்கல் இன்னும் நடப்பதால் துண்டிக்கப்பட்டாலும் அனல்மின் நிலையங்கள் சுமார் 4 நாட்கள் இயங்கலாம். புதுப்பிக்கத்தக்க எரிசக்தி ஆதாரங்கள் மாநிலத்திற்கு பயனுள்ளதாக இருப்பதால், மாற்று மின் மேலாண்மை அமைப்பை வைத்திருக்கிறது. நீர் மின் உற்பத்தி புதன்கிழமை 12 மில்லியன் யூனிட்ஸ் வரை அதிகரித்துள்ளது.

டான்ஜெட்கோ அனல்மின் நிலைய அலகுகளின் மொத்த உற்பத்தி திறன் 4,320 மெகாவாட்ஸாக இருக்கும்போது, ​​நிலக்கரி தேவை ஒரு நாளைக்கு 62,000 டன் ஆகும். அனல்மின் உற்பத்தி நிலையத்தின் சுமை 100% (இது நடைமுறையில் சாத்தியமில்லை), டிஸ்காம் ஒரு நாளைக்கு 72,000 டன் நிலக்கரி தேவைப்படும். சீனாவின் மின் நெருக்கடி மற்றும் அனைத்து நிலக்கரி சந்தைகளையும் தட்டிப் பறிப்பதற்கான அதன் தீவிர முயற்சியால் நிலக்கரி இறக்குமதி இந்தியாவில் கடுமையாக குறைந்துள்ளது. சர்வதேச சந்தையில் நிலக்கரி விலை உயர்ந்துள்ளது. நீண்ட மற்றும் நடுத்தர கால மின் விற்பனை ஒப்பந்தங்களில் கையெழுத்திட்ட நிறுவனங்கள் உறுதிமொழிகளை நிறைவேற்ற முடியவில்லை. அவைகள் தேவையான நிலக்கரி விநியோகத்தில் பாதியைப் பெறுகின்றன. அதனால், மின் உற்பத்தியைக் குறைத்துள்ளன.

டான்ஜெட்கோ இப்போது ஒரு நாளைக்கு சுமார் 20 மில்லியன் யூனிட் மின்சாரத்தை ஒரு யூனிட்டுக்கு ரூ.10 முதல் ரூ.15 வரையிலான விலையில் பவர் எக்ஸ்சேஞ்சில் இருந்து வாங்குகிறது. தமிழ்நாட்டின் சராசரி தினசரி மின் நுகர்வு 290 மில்லியன் யூனிட்டுகள் ஆகும். பாதரச அளவு குறைவதால் அடுத்த 3 மாதங்களில் மின் நுகர்வு குறையக்கூடும் என்பதால், மின் மேலாளர்கள் ஜனவரி நடுப்பகுதி வரை சமாளிக்க நம்பிக்கையுடன் உள்ளனர்.

வல்லூர் அனல்மின் நிலையம், நெய்வேலி அனல்மின் நிலையம் நிறுவனம் மற்றும் டான்ஜெட்கோ, IL&FS தமிழ்நாடு மின்சார நிறுவனம் கடலூரில் உள்ள நிலக்கரி அடிப்படையிலான மின் உற்பத்தி நிலையம், தூத்துக்குடியில் உள்ள முதியாரா கடலோர எரிசக்தி ஆலை, பால்கோ, டிபி பவர் லிமிடெட், கே.எஸ்.கே மகாநதி பவர் கம்பெனி லிமிடெட் மற்றும் ஜிண்டால் பவர் லிமிடெட் அனைத்தும் நிலக்கரி பற்றாக்குறையால் பாதிக்கப்பட்டுள்ளது. “கோல் இந்தியா நிறுவனம் தொடர்ந்து கண்காணித்து வருகிறது. குறிப்பாக இந்த மாதத்தில் நிலைமை ஆபத்தானது. டான்ஜெட்கோ ஒரு நாளைக்கு 64,000 டன் நிலக்கரி வழங்க மத்திய நிறுவனத்தை வலியுறுத்துகிறது. ஆனால், ஒரு நாளைக்கு சராசரியாக 20,000 டன் பற்றாக்குறை உள்ளது” என்று அதிகாரி ஒருவர் கூறினார். மேட்டூர் அனல்மின் நிலையத்துக்கு ஆண்டுக்கு 7.17 மில்லியன் டன் நிலக்கரி தேவைப்படுகிறது. வட சென்னை அனல்மின் நிலையத்துக்கு 10 மில்லியன் டன் நிலக்கரியும் தூத்துக்குடிக்கு 3.8 மில்லியன் டன் நிலக்கரியும் தேவைப்படுகிறது.

அதனால், வடசென்னை, தூத்துக்குடி, மேட்டூரில் உள்ள தமிழ்நாடு மின்சார வாரியமான டான்ஜெட்கோவின் 5 அனல் மின் நிலையங்களிலும் சராசரியாக 4 நாட்களுக்கு மட்டுமே நிலக்கரி கையிருப்பு உள்ளது. இதனால், தமிழகம் மின்வெட்டை தவிர்க்குமா என்ற கேள்விகள் எழுந்துள்ளன.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil"