பள்ளி பேருந்தில் ஏற்பட்ட தகராறில் சிறுவன் பலி; உயிரிழப்புக்கு காரணம் என்ன? போலீசார் விசாரணை

சேலம் மாவட்டம் எடப்பாடி அருகே சக மாணவருடன் ஏற்பட்ட தகராறில் மாணவன் ஒருவன் உயிரிழந்த சம்பவம் குறித்து போலீசார் விசாரணை நடத்தி வருகின்றனர். அந்த சிறுவன் எடப்பாடியில் உள்ள ஒரு தனியார் பள்ளியில் படித்து வந்ததாக போலீசார் தெரிவித்தனர்.

ஆரம்ப அறிக்கைகளை மேற்கோள் காட்டி, வழக்கு விவரங்களை நன்கு அறிந்த ஒரு போலீஸ் அதிகாரி தி இந்தியன் எக்ஸ்பிரஸ்ஸிடம் கூறுகையில், பிப்ரவரி 10 ஆம் தேதி மாலை வீட்டிற்கு செல்லும் வழியில் உயிரிழந்த சிறுவனுக்கும் வகுப்பு தோழருக்கும் இடையே  பள்ளி பேருந்தில் இருந்தபோது வாக்குவாதம் ஏற்பட்டதாக தெரிவித்தார்.

ஆங்கிலத்தில் படிக்கவும்:

Tamil Nadu teen dies after altercation on school bus; police launch probe after ‘conflicting accounts’ of what transpired

"பேருந்து அவர்களின் கிராமமான வெள்ளண்டிவலசு அருகே வந்தபோது, வாக்குவாதம் கைகலப்பாக மாறியதாக பேருந்தில் இருந்த மற்றவர்கள் தெரிவித்தனர். இந்த சண்டையின் போது, சிறுவன் வாகனத்திற்குள் சரிந்து விழுந்ததாக கூறப்படுகிறது.

பள்ளி ஊழியர்கள் மற்றும் பேருந்தில் இருந்த பிற மாணவர்கள் அவரை அருகிலுள்ள தனியார் மருத்துவமனைக்கு கொண்டு சென்றனர், அங்கு மருத்துவர்கள் அவரது உடல்நிலை மோசமாக இருப்பதாக மதிப்பிட்டனர்.

இதையடுத்து அவர் சேலத்தில் உள்ள மருத்துவமனையில் தீவிர சிகிச்சை பிரிவில் அனுமதிக்கப்பட்டார். அவரை காப்பாற்ற எவ்வளவு முயற்சித்தும் பிப்ரவரி 11 ஆம் தேதி அதிகாலை இறந்ததாக " போலீஸ் அதிகாரி கூறினார்.

"மரணத்திற்கான சரியான காரணத்தை தீர்மானிக்க பிரேத பரிசோதனை அறிக்கைக்காக நாங்கள் காத்திருக்கிறோம்" என்று அந்த அதிகாரி கூறினார்.

"பேருந்துக்குள் என்ன நடந்தது என்பது குறித்து முரண்பட்ட தகவல்கள் உள்ளன. மாணவர்கள், ஆசிரியர்கள் மற்றும் ஓட்டுநரிடம் பேசி நிகழ்வுகளின் வரிசையை ஒன்றிணைக்கிறோம், "என்று அவர் கூறினார். "இது மிகவும் துரதிர்ஷ்டவசமான சம்பவம். மருத்துவர்கள் பரிந்துரைத்தபடி, சிறுவனுக்கு முன்பே இருக்கும் உடல்நல பிரச்சனைகளால் கூட இறந்திருக்கலாம்.  நாங்கள் மருத்துவ சான்றிதழ் மற்றும் தடயவியல் கண்டுபிடிப்புகளுக்காக காத்திருக்கிறோம், "என்று அந்த அதிகாரி கூறினார்.

இதற்கிடையில், ஒரு மாணவர் மற்றொரு மாணவரை கிண்டல் செய்ததாகக் கூறப்பட்டதைத் தொடர்ந்து வாக்குவாதம் தொடங்கியதாக கூறப்படுகிறது. மற்றவர்களும் பேருந்தில் இருக்கைக்கு சண்டையிட்டதாக கூறப்படுகிறது. 

தி இந்தியன் எக்ஸ்பிரஸ்ஸிடம் பேசிய அந்த அதிகாரி, சிறுவன் மார்பில் தாக்கப்பட்டதாகவும், இதனால் அவர் கீழே விழுந்து பேருந்தின் தரையில் மோதியதாகவும், இதன் விளைவாக தலையில் பலத்த காயம் ஏற்பட்டதாகவும் வெளியான செய்திகளை உறுதிப்படுத்த மறுத்துவிட்டார்.