பா.ஜ.க-வில் அடுத்த விக்கெட்: அ.தி.மு.க-வில் ஐக்கியமான தடா பெரியசாமி

Aiadmk | Edappadi K Palaniswami | Tamilnadu Bjp: தமிழ்நாடு பா.ஜ.க மாநில பட்டியல் அணி தலைவராக இருந்தவர் தடா பெரியசாமி. எதிர்வரும் நாடாளுமன்ற மக்களவைத் தேர்தலில் போட்டியிட வாய்ப்பு கேட்டு விருப்ப மனு அளித்துள்ளார். ஆனால் அவருக்கு சீட் கிடைக்கவில்லை. 

தடா பெரியசாமி சிதம்பரம் தொகுதியில் வி.சி.க தலைவர் திருமாவளவனை எதிர்த்து போட்டியிட திட்டமிட்டிருந்த நிலையில், பா.ஜ.க சார்பில் அவருக்கு அந்தத் தொகுதி ஒதுக்கப்படும் என எதிர்பார்த்தார். ஆனால், அவருக்கு பதிலாக கார்த்திகாயினி பா.ஜ.க வேட்பாளராக அறிவிக்கப்பட்டார். இதனால், தடா பெரியசாமி கடும் அதிருப்தியில் இருந்தது தெரிய வருகிறது. 

இந்த நிலையில், தமிழ்நாடு பா.ஜ.க மாநில பட்டியல் அணி தலைவர் தடா பெரியசாமி, இன்று பா.ஜ.க-வில் இருந்து விலகி எடப்பாடி பழனிசாமி தலைமையிலான அ.தி.மு.க-வில் இணைந்துள்ளார். சென்னை கிரீன்வேஸ் சாலை இல்லத்தில் அ.தி.மு.க பொதுச்செயலாளர் எடப்பாடி பழனிசாமி முன்னிலையில் தடா பெரியசாமி அ.தி.மு.க-வில் இணைந்தார்.

ஏற்கனவே பா.ஜ.க-வின் முன்னணி தலைவர்கள் பலர் அ.தி.மு.க உள்ளிட்ட கட்சிகளுக்கு தாவி வரும் நிலையில், தற்போது தேர்தல் நேரத்தில் தடா பெரியசாமி அ.தி.மு.க-வில் இணைந்திருக்கிறார். அவரது இணைப்பு அரசியல் வட்டாரத்தில் பரபரப்பாக பேசப்பட்டு வரும் நிலையில், தடா பெரியசாமி விலகளால் அண்ணாமலை கடும் அதிருப்தியில் உள்ளார். 

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெற  https://t.me/ietamil“