Chennai | speed limit for vehicles | சென்னை பெருநகர போக்குவரத்து காவல் துறை அறிவிப்பு ஒன்றை வெளியிட்டு உள்ளது. அதில், சென்னையில் வாகனங்களின் வேகவரம்பு நவ.4ஆம் தேதி முதல் அமலுக்குவருகிறது எனக் கூறப்பட்டுள்ளது.
அதன்படி, “இலகுரக வாகனங்கள் 60 கிலோ மீட்டர் வேகத்தில் மட்டுமே செல்ல வேண்டும். கனரக வாகனங்கள் 50 கிலோ மீட்டர் வேகத்தில் செல்ல அனுமதிக்கப்படும்.
அதேபோல் ஆட்டோக்கள் 40 கிலோ மீட்டர் வேகத்தில் மட்டுமே பயணிக்க வேண்டும்” எனத் தெரிவிக்கப்பட்டுள்ளது.
அதிலும் குடியிருப்பு பகுதிகளில் அனைத்து வகை வாகனங்களும் 30 கிலோ மீட்டர் வேகத்தில் மட்டும் பயணிக்க வேண்டும் எனக் கூறப்பட்டுள்ளது.
இந்தப் புதிய விதிகள் நவ.4ஆம் தேதி முதல் அமலுக்குவரும் பட்சத்தில், விதிகளை மீறும் வாகனங்களுக்கு என்ன மாதிரியான நடவடிக்கைகள் எடுக்கப்படும் என்பன போன்ற தகவல்கள் வெளியாகவில்லை.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“