அண்ணாமலை நடை பயணம் தமிழ்நாட்டில் எடுபடாது: தொல். திருமாவளவன்

விடுதலை சிறுத்தைகள் கட்சியின் தலைவரும், மக்களவை உறுப்பினருமான தொல் திருமாவளவன் தூத்துக்குடியில் செய்தியாளர்களை சந்தித்தார்.
அப்போது, தமிழக பாரதிய ஜனதா கட்சியின் தலைவர் அண்ணாமலையின் நடை பயணம் தமிழ்நாட்டில் எந்த தாக்கத்தையும் ஏற்படுத்தாது என கூறினார்.

தொடர்ந்து அவர் பேசுகையில், " எதிர்க்கட்சிகளின் ஐ.என்.டி.ஐ.ஏ கூட்டணியை பார்த்து ஆர்.எஸ்.எஸ் மற்றும் பாரதிய ஜனதா கட்சிக்கு பயம் ஏற்பட்டுள்ளது. இந்த பயத்தின் காரணமாக அவர்கள் வாய்க்கு வந்ததை பிதற்றிக் கொண்டிருக்கிறார்கள்" என்றார்.

அண்ணாமலையின் நடை பயணம் தொடர்பான கேள்விக்கு பதில் அளித்த அவர், " தமிழ்நாட்டில் அண்ணாமலையின் நடை பயணம் எந்த தாக்கத்தையும் ஏற்படுத்தாது; அந்த நடை பயணம் எடுபடாது" என்று விமர்சித்தார்.

“இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“