தேசியக் கொடி ஏற்றுவதை தடுப்பவர்கள் மீது குண்டர் சட்டம் பாயும்: ஐகோர்ட் கடும் எச்சரிக்கை

நாட்டின் 78-வது சுதந்திர தினம் ஆகஸ்ட் 15-ம் தேதி கொண்டாடப்படஉள்ளது.  இந்நிலையில், சுதந்திர தினத்தை ஒட்டி தேசிய கொடி ஏற்றுவதை தடுப்பவர்களை குண்டர் சட்டத்தில் சிறையில் அடைக்க வேண்டும் என்று ஐகோர்ட் அதிரடி உத்தரவு பிறப்பித்துள்ளது. 

சென்னை உயர்நீதிமன்ற நீதிபதி ஜெயச்சந்திரன் இன்று (ஆக.12) காலையில் தனது வழக்குகளை வழக்கம் போல் விசாரணைக்கு எடுத்துக் கொண்டிருந்தார். எப்போது நீதிமன்றத்தில் வழக்கிற்கு முன்பு, முறையீடு என்ற அடிப்படையில், அவசர வழக்குகளை விசாரிப்பது தொடர்பாக வழக்கறிஞர்கள் முறையீடு செய்வது வழக்கம். அந்த வகையில் நீதிபதி ஜெயச்சந்திரன் அமர்வில் பெண் வழக்கறிஞர் ஒருவர் முறையீடு ஒன்றை முன்வைத்தார்.

அதில் சுதந்திர தினத்தை முன்னிட்டு குடியிருப்பு நல சங்கத்தில் கொடியேற்றுவதை முன்னாள் நிர்வாகிகள் தடுப்பதை எதிர்த்து வழக்கு தொடர இருப்பதாகவும், அதை அவசரமாக விசாரிக்க வேண்டும் என்றும் கோரிக்கையை முன்வைத்தார். மேலும் தேசிய கொடி ஏற்றும்போது, போலீஸ் பாதுகாப்பு வழங்க வேண்டும் என்ற கோரிக்கையையும் விடுத்தார். 

இதனை பதிவு செய்து கொண்ட நீதிபதி கூறுகையில்,   தேசிய கொடி ஏற்றுவதை தடுப்பவர்களை குண்டர் சட்டத்தில் சிறையில் அடைக்க வேண்டும். தேசிய கொடி ஏற்றுவதை யாரும் தடுக்க முடியாது; தடுப்போர் மீது போலீஸ் நடவடிக்கை எடுக்காவிட்டால் வழக்கு தொடரலாம். மேலும் தேசியக் கொடியேற்ற பாதுகாப்பு வழங்குவது அவமானம் என்றும் அவர் கூறினார். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“