நெல்லைக்கு ஆளுனர் ஆர்.என் ரவி வருகை: பொன்முடி இல்லாமல் பட்டமளிப்பு விழா

தூத்துக்குடியில் உள்ள வ.உ.சி. கலைக்கல்லூரியில் நான் முதல்வன் திட்டத்தின் கீழ் 12ஆம் வகுப்பில் தேர்ச்சி பெற்ற மாணவர்களுக்கு 'உயர்வுக்கு படி' மற்றும் கல்லூரி கனவு வழிகாட்டல் நிகழ்ச்சி நடைபெற்றது.
இந்த நிகழ்ச்சியில் திமுக துணை பொதுச்செயலாளரும், உயர்கல்வி துறை அமைச்சருமான பொன்முடி முதலில் கலந்து கொள்வதாக அறிவிக்கப்பட்டு இருந்தது.

இந்த நிலையில் அமைச்சர் பொன்முடி வீடுகளில் நேற்று (ஜூலை 17) காலை முதல் அமலாக்கத்துறை சோதனை நடைபெற்றதால் அவரது தூத்துக்குடி வருகை ரத்து செய்யப்பட்டுள்ளது.
இருப்பினும், இந்த நிகழ்ச்சி அமைச்சர் கீதாஜீவன் தலைமையில் நடைபெறும் என அறிவிக்கப்பட்டு உள்ளது.

இதேபோல் நெல்லை மனோன்மணியம் சுந்தரனார் பல்கலை கழகத்தில் மாணவ- மாணவிகளுக்கு பட்டமளிப்பு விழா இன்று (செவ்வாய்க் கிழமை) நடைபெறுகிறது.
இதில் தமிழக கவர்னர் ஆர்.என்.ரவி கலந்து கொண்டு மாணவர்களுக்கு பட்டங்களை வழங்குகிறார். இதிலும் அமைச்சர் பொன்முடி கலந்துகொள்ள மாட்டார் என்ற தகவல் வெளியாகி உள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“